ەڭ جوعارى حالىق سوت مەكەمەسى مەن ەڭ جوعارى حالىق پروكۋراتۋراسى قۇجات تاراتتى! جازانى جەڭىلدەتۋدى، شارتتى بوساتۋدى اناعۇرلىم ارناعا ءتۇسىردى
2021.12.09 16:05 كەلۋ قاينارى : حالىق تورابى
كەشە، ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىك مينيسترلىگى، ءادىليا مينيسترلىگى بىرلەسىپ «جازانى جەڭىلدەتۋ، شارتتى بوساتۋ دەلولارىن ماندىك جاقتان قاراۋدى كۇشەيتۋ جونىندەگى پىكىردى» جاريالادى. جازانى جەڭىلدەتۋدىڭ، شارتتى بوساتۋدىڭ ءتۇبىرلى ماقساتى قىلمىسكەرلەردى بەلسەنە وزگەرتۋگە شابىتتاندىرۋ، جازاسىن جەڭىلدەتۋ، شارتتى بوساتۋدىڭ شىنىندا رايىنان قايتۋ بەينەسى بار قىلمىستىلارعا عانا ۇيلەسۋىنە كەپىلدىك ەتۋدى انىق بەلگىلەدى.
قىلمىسكەردىڭ شىنىندا رايىنان قايتۋ بەينەسى بار ما، جوق پا؟ ەڭ جوعارى حالىق سوت مەكەمەسى تەرگەۋ – تەكسەرۋ سوتىنىڭ ورىنباسار باستىعى لو جىيۇڭ بىلاي دەپ تانىستىردى: ونىڭ وزەگى قىلمىسكەردىڭ وبيەكتيۆ وزگەرۋ بەينەسىن تەكسەرىپ قانا قويماي، قىلمىسكەردىڭ سۋبيەكتيۆ جاقتا شىن نيەتىمەن رايىنان قايتقان - قايتپاعاندىعىن ، ءوزىنىڭ قىلمىستىق ارەكەتىنەن تۋىلعان اۋىر قوعامدىق زياندى شىنايى تانىعان - تانىماعاندىعىن تەكسەرىپ تۇجىرىمداۋعا باسا ءمان بەرۋ. قىلمىسكەرلەردىڭ بۇرىنعى ۇكىم شىعارىلعان قىلمىسى، سۋبيەكتيۆ قاتەرى، جازا وتەپ وزگەرۋ جاعدايى سياقتى فاكتورلاردى جان - جاقتى تەكسەرۋ ارقىلى تۇرلىشە قىلمىسكەرلەردىڭ جازاسىن جەڭىلدەتىپ، شارتتى بوساتقاندا جاعدايعا قاراي پارىقتى مامىلە جاساپ، كەڭشىلىك ەتۋ مەن قاتاڭ جازالاۋ ۇشتاستىرىلعان قىلمىستىق ىستەر ساياساتىن اناعۇرلىم ويداعىداي دايەكتى تياناقتاندىرۋ كەرەك.
«پىكىردە» مىنالار ايقىن بەلگىلەندى: قىلمىسكەرلەردى ءنومىر بويىنشا باعالاۋ ماتەريالىندا باعالاۋ ءنومىرىنىڭ كەلۋ قاينارى مەن ۇيلەسىمدىلىگىن مۇقيات تەكسەرىپ، كۇماندى بولسا، قىلمىستىق ىستەر جازاسىن اتقارۋ ورگانىنان بەلگىلەنگەن مەرزىم ىشىندە تۇسىنىك بەرۋدى نەمەسە تولىقتاۋدى تالاپ ەتۋ كەرەك.
قىلمىسكەرلەردىڭ ەڭبەك ءسىڭىرۋى، ەلەۋلى ەڭبەك ءسىڭىرۋى جونىندە تەكسەرۋدە ءمان بەرۋگە ءتيىستى ىستەردى ايقىنداۋدان تىس، ەڭبەك ءسىڭىرۋ، ەلەۋلى ەڭبەك ءسىڭىرۋ بارىسىنداعى «ءبىرشاما زور ۇلەس»، «زور ۇلەس » دەگەندى تۇراقتاندىرۋ دەگەنىمىز مەملەكەتكە، قوعامعا بەلسەندى ىقپال جاساۋ ەكەندىگى، ءىشىنارا ادامدارعا، ورىندارعا عانا ۇلەس قوسۋ، كومەك كورسەتۋ ەمەس ەكەندىگىن باسا دارىپتەدى.
بۇدان سىرت، «پىكىردە» شارتتى بوساتۋعا جولداعان قىلمىسكەردىڭ قايتالاي قىلمىس وتكىزۋ حاۋپى بار - جوقتىعىن تەكسەرۋ، قىلمىسكەر جازاسىن جەڭىلدەتكەننەن كەيىن ناقتى جازا وتەۋ مەرزىمىن قالاي قاتاڭ يگەرۋ سياقتى ماسەلەلەر جونىندە بەلگىلەمە جاسالدى.
جازانى جەڭىلدەتۋ، شارتتى بوساتۋ دەلولارىن قاراۋدىڭ فورماشىلدىققا وڭاي اينالۋى سياقتى ماسەلەلەرگە قاراتا، «پىكىردە» سوت تەرگەۋ فۋنكتسياسىن تولىق ساۋلەلەندىرۋ، كۋاشىنىڭ سوتقا كەلىپ كۋا بولۋ ءتۇزىمىن اقاۋسىزداندىرۋ، سوت سىرتىندا تەكسەرۋ، ناقتى تەكسەرۋ ۇقىعىن ءونىمدى جۇرگىزۋ، سوتتاۋ ۇيىمىنىڭ فۋنكتسيالىق رولىن كۇشەيتۋ سياقتى جاقتاردان ايقىن، ناقتى بەلگىلەمەلەر جاسادى.
«پىكىردە» شەكتەۋ، باقىلاۋ جاعىنداعى ءتۇزىم، مەحانيزم قۇرىلىسىنا ايرىقشا ءمان بەرىلىپ، جازانى جەڭىلدەتۋ، شارتتى بوساتۋ دەلولارىن ءبىر جاقتى ەتۋ بارىسىنداعى ۇقىق اينالىمىنا قاراتا ىشكى باقىلاۋ، سىرتقى باقىلاۋ ورگانيكالى توعىسقان جان – جاقتى تەجەۋ، باقىلاۋ جۇيەسى كۇش سالا ورناتىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
