ماحابباتتاسىپ جۇرگەندە بەرگەن تارتۋلاردى قايتارىپ الۋعا بولا ما؟
حۋنان ولكەسى چاڭنيڭ قالالىق حالىق سوتى: قوماقتى سوماداعى تارتۋدى شارتتى تارتۋ دەپ قاراپ، تارتۋ العان جاق ەكەۋى ۇيلەنبەگەن جاعدايدا تار تۋدى قايتارىپ بەرۋى كەرەك
2021.12.10 16:13 كەلۋ قاينارى : حالىق تورابى
حالىق سوتى مەكەمەسىنىڭ ءتىلشىسى تاۋ چىن، ەرىكتى ءتىلشى ليۋ ۋەي حابارلايدى. قىز بەن جىگىت ماحابباتتاسىپ جۇرگەن كەزدە ۇنەمى ءبىر – بىرىنە تارتۋ ۇسىنادى. ماحاببات قارىم – قاتىناسى اياقتاعان كەزدە، تارتۋ بەرگەن جاق تارتۋدى قايتارىپ بەرۋدى تالاپ ەتسە، قولداۋعا يە بولا ما، جوق پا؟ جۋىردا حۋنان ولكەسى چاڭنيڭ قالالىق حالىق سوتى تارتۋ بەرۋگە قاتىستى داۋ – شار دەلوسى جونىندە تەرگەۋ جۇرگىزدى.
تالاپكەر يۋان X مەن ايىپكەر جۋ X ەكەۋى 2020 – جىلى 1 – ايدا ماحابباتتاسقان، 2020 – جىلى 10 – ايدىڭ 23 – كۇنى ۇساق – تۇيەك ىستەرگە بولا ايرىلىسقان. ارالاسىپ جۇرگەن كەزدە، تالاپكەر YY تەكشەسى ارقىلى 52934 يۋان سيلاعان ءارى جىفۋباۋ، ۋيچات ارقىلى ايىپكەردىڭ العان زاتتارىنىڭ ەسەبىن جابۋعا 133171 يۋان جۇمساعان، جيڭدۇڭ، مەيتۋان قاتارلى توراپتار ارقىلى ايىپكەرگە قۇنى 53215 يۋان كەلەتىن زات ساتىپ الىپ بەرگەن. سونىمەن بىرگە، ايىپكەر تالاپكەرگە كۇندەلىكتى ازىن -اۋلاق اقشا جوتكەۋدەن سىرت، قوماقتى سومادا 70269 يۋاندىق تارتۋدى قايتارا سيلاعان.
سوت مەكەمەسى بىلاي دەپ قاراعان، تالاپكەر يۋان X تىكە تاراتۋ تەكشەسىندە اقشالاي تارتۋ سيلاۋعا جۇمساعان 34529 يۋاندى ايىپكەر جۋ X ءوزىنىڭ ەڭبەگى ارقىلى تاپقان تيەسىلى تابىسى دەپ قاراۋ كەرەك. تالاپكەردىڭ ايىپكەرگە كوپ رەت ۋيچات، جىفۋباۋ ارقىلى اقشا جوتكەۋ نەمەسە زات ساتىپ الىپ بەرۋ، ۇيگە جەتكىزىلەتىن تاماق بۇيىرتىپ بەرۋ قاتارلىلارعا جۇمساعان كوپ مولشەردەگى ازىن -اۋلاق قاراجاتتارىنىڭ ىشىندە سوماسى «52»، «520»، «1314» قاتارلى وزىندىك ءمان الاتىن سوماداعى قاراجاتتار قامتىلعان، بۇل قاراجاتتار ەكى جاقتىڭ ءوزارا ماحابباتىن بىلدىرۋ ءۇشىن سيلاعان تارتۋى دەپ قارالادى، بۇلار ادەتتەگى تارتۋعا جاتادى؛ تالاپكەر يۋان X ايىپكەرگە قوماقتى سومادا جوتكەپ بەرگەن اقشا مەن زات ساتىپ الۋعا جۇمساعان اقشا 54199 يۋان بولعان، بۇل قوماقتى سوماداعى جوتكەپ بەرگەن اقشا مەن زات ساتىپ العان اقشا قىز بەن جىگىتتىڭ كۇندەلىكتى ارالاسۋ بارىسىنداعى الىم – بەرىم كولەمىنەن اسىپ كەتكەن، بۇل قوماقتى سوماداعى تارتۋعا جاتادى، تۇرمىستىق جول – جوسىندارمەن جانە ۇيلەنۋ ادەتتەرىمەن ۇشتاستىرا وتىرىپ، بەلگىلى ماقساتقا ساي اتقارىلعان ازاماتتىق زاڭ كولەمىندەگى ارەكەت دەپ قاراۋ كەرەك، اتاپ ايتقاندا، بەلگىلى ماقساتقا ساي تارتۋ سيلاۋ توقتامى قالىپتاسقان دەۋگە بولادى، ەگەر تارتۋ سيلاۋ توقتامىنداعى شارت ورىندالماسا، تارتۋدى قابىلداۋشى تارتۋ سيلاۋشىعا قايتارۋى كەرەك. الايدا، ايىپكەر تالاپكەرمەن ماحابباتتاسۋ بارىسىندا، كوپ رەت ازىن - اۋلاق سومادا اقشا جوتكەپ بەرۋ جانە زات الىپ بەرۋ ارقىلى تارتۋعا قارىمجى جاساعاننان سىرت، تالاپكەرگە 70269 يۋان جوتكەپ بەرگەن، بۇل تالاپكەردىڭ بەرگەن سوماسىنان اسىپ كەتكەن، ايىپكەر تالاپكەردىڭ ماقساتتى تارتۋىن قايتارىپ بەرگەن دەپ قاراۋ كەرەك. وسى سەبەپتەن، سوت مەكەمەسى يۋان X دىڭ ارىزىن تويتارعان.
سۋديانىڭ پىكىرى
ازاماتتىق زاڭنامانىڭ 657 – تارماعىندا بىلاي بەلگىلەنگەن: تارتۋ سيلاۋ توقتامى دەگەنىمىز تارتۋ سيلاۋشىنىڭ ءوزىنىڭ مال – مۇلكىن تارتۋ قابىلداۋشىعا تەگىن بەرۋى، تارتۋ قابىلداۋشىنىڭ تارتۋدى قابىلداعانىن ءبىلدىرۋى سىندى توقتامدى كورسەتەدى. 661 – تارماقتا تارتۋ سيلاۋ بارىسىندا قوسىمشا شارت قويۋىنا بولادى دەپ بەلگىلەنگەن.
ماحابباتتاسقان نەمەسە ۇيلەنۋگە ۋاعدالاسىپ جۇرگەن كەزدە، قىز بەن جىگىتتىڭ ءوزارا سيلاعان سيلاۋى ۇيلەسىمدى كولەمنەن اسىپ كەتپەسە، بۇل جاي تارتۋ دەپ قارالادى، مۇنداي تارتۋ قارسى جاققا بەرىلگەن سوڭ، تارتۋ سيلاۋ توقتامى قالىپتاسقان ءارى كۇشىنە يە بولعان ەسەپتەلەدى، زاڭدا بەلگىلەنگەن جاعدايلاردان سىرت، تارتۋ سيلاۋشىنىڭ تارتۋ سيلاۋدى كۇشىنەن قالدىرۋىنا نەمەسە تارتۋدى قابىلداۋشىدان تارتۋدى قايتارىپ بەرۋدى تالاپ ەتۋىنە بولمايدى؛ تارتۋدىڭ سوماسى ءبىرشاما قوماقتى بولىپ، ەكى جاق ارالاسقان مەزگىلدەگى قالىپتى شىعىم كولەمىنەن اسىپ كەتكەن بولسا، مۇنداي جاعداي جاي تارتۋمەن ۇقسامايدى، ەكى جاق اراسىندا تارتۋ سيلاۋ توقتامى قالىپتاسقان كەزدە ايقىن ايتىلماعانىمەن، ەكى جاق تا قوماقتى سومادا تارتۋ سيلاۋ ارەكەتىنىڭ ەكى جاقتىڭ بولاشاقتا ۇيلەنۋى نەمەسە بىرگە تۇرمىس كەشىرۋى سىندى تاماشا تىلەككە قۇرىلعانىن تۇسىنەدى. بۇل تىلەك — ەكى جاقتىڭ تارتۋ سيلاۋعا قاتىستى زاڭدىق قارىم – قاتىناستى قالىپتاستىرۋىنىڭ ماقساتى، ەكى جاقتىڭ ۇيلەنۋى نەمەسە بىرگە تۇرمىس كەشىرۋى — بولاشاقتا بولاتىن تۇراقتانباعان فاكت، اتاپ ايتقاندا، ەكى جاقتىڭ تارتۋ سيلاۋ توقتامىندا، ءىس جۇزىندە، توقتامنىڭ كۇشىن جويۋ شارتى قامتىلعان، بۇل شارت قالىپتاسقان كەزدە (ەكى جاق ۇيلەنبەگەن نەمەسە بىرگە تۇرمىس كەشىرمەگەن جاعدايدا) تارتۋ سيلاۋ توقتامى كۇشىن جويادى، تارتۋدى قابىلداۋشى جاق تارتۋدى سيلاۋشى جاققا تارتۋعا العان مال – مۇلىكتى قايتارىپ بەرۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
