ەڭ جوعارى حالىق پروكۋراتۋراسى: 2018 – جىلدان بەرى 70 مىڭنان استام ادامعا قىزمەتتىك قىلمىس سەبەبىنەن الەۋمەتتىك ايىپتاما بەرىلدى
2021.12.10 15:56 كەلۋ قاينارى : حالىق تورابى
حالىق تورابىنىڭ 12 - ايدىڭ 9 - كۇنى بەيجيڭنەن بەرگەن حابارى. بۇگىن تۇستەن بۇرىن ەڭ جوعارى حالىق پروكۋراتۋراسى اقپار جاريالاۋ ءماجىلىسىن اشىپ، بۇكىل ەلدەگى پروكۋراتۋرا ورگاندارىنىڭ زاڭعا قايشى تابىستى ءمۇسادىرالاۋ ەرەكشە ءتارتىبى بويىنشا قىزمەتتىك قىلمىس دەلولارىن ءبىتىرۋ جاعدايىن حابارلاندىردى، 32 – توپتاعى جەتەكشىلىك سيپاتتى دەلو مىسالدارىن جاريالادى ٵرى تىلشىلەردىڭ سۇراۋىنا جاۋاپ بەردى.
حالىق پروكۋراتۋراسى مەملەكەتتىڭ زاڭدىق باقىلاۋ ورگانى. ەڭ جوعارى حالىق پروكۋراتۋراسى پروكۋرورلار القاسىنىڭ مۇشەسى، 3 ـ پروكۋراتۋرا مەڭگەرمەسىنىڭ باستىعى شى ۋيجۇڭ تىلشىگە بىلاي دەدى: 2018 ـ جىلى مەملەكەتتىڭ باقىلاۋ ـ تەكسەرۋ ءتۇزىلىسى رەفورماسى جاپپاي ورىستەتىلگەننەن كەيىن، پروكۋراتۋرا ورگاندارىنىڭ شىرىكتەسۋدى قىلمىسىن جازالاۋداعى فۋنكتسياسى نەگىزىنەن مىناداي ەكى جاقتان بەينەلەنەدى:
ءبىرىنشى، باقىلاۋ كوميتەتىنىڭ تەكسەرۋىندەگى مىندەتكە بايلانىستى قىلمىس كۇمانى تاعىلعان دەلوعا زاڭ بويىنشا كۇنى بۇرىن ارالاسىپ، قىلمىس كۇماندىسىنا قاماۋعا الۋ، قولعا الۋ سياقتى ماجبۇرلەۋ شارالارىن قولدانۋ شەشىمىن جاساپ، ايىپتاۋعا وتكىزىپ بەرۋگە جولدانعان قاتىستى دەلولاردى تەكسەرۋگە قايتارۋىنا، تولىقتاپ بارلاۋىنا بولادى، سونداي – اق دەلو فاكتىنە، دالەل – سىپاتىنا جانە زاڭعا نەگىزدەلىپ، ارىز – شاعىم بەرۋ – بەرمەۋدى ۇيعارۋىنا بولادى. مۇنىڭ ىشىندە الەۋمەتتىك ايىپتاۋ جۇرگىزۋدى ۇيعارعان دەلولار جونىندە سوت الەۋمەتتىك ايىپتاۋدى قولدايدى ءارى حالىق سوت مەكەمەسىنىڭ ۇكىم - كەسىمدەرىنە جانە سوت جۇرگىزۋ قيمىلدارىنا زاڭدىق باقىلاۋ جۇرگىزەدى.
ەكىنشى، ارىز - شاعىم قيمىلىندا زاڭدىق باقىلاۋ جۇرگىزۋ بارىسىندا ءادىليا قىزمەتكەرلەرىنىڭ قىزمەت ۇقىعىنان پايدالانىپ زاڭسىز قاماپ قويۋ، قيناپ تەرگەپ، زورلاپ مويىنداتۋ، زاڭسىز ءتىنتۋ سياقتى ازاماتتاردىڭ ۇقىعىنا قول سۇعاتىن، ءادىليانىڭ ادىلدىگىنە زيان جەتكىزەتىن 14 ءتۇرلى قىلمىسقا دەلو اشىپ بارلاۋ جۇرگىزۋىنە بولادى.
شى ۋيجۇڭ تانىستىرىپ بىلاي دەدى: 2018 – جىلى 1 - ايدان 2021 – جىلى 11 - ايعا دەيىن بۇكىل ەلدەگى پروكۋراتۋرا ورگاندارى ءتۇرلى قىزمەتتىك قىلمىس دەلولارىنان 89 مىڭ 650 ادامعا ساياتىن 74 مىڭ 869ىن قابىلداعان، 58 مىڭ 122 دەلوعا قاتىستى 73488 ادامعا الەۋمەتتىك ايىپتاۋ تۇسىرگەن، مۇنىڭ ىشىندە بۇرىنعى ولكە، مينيستر دارەجەلى 82 كادرعا الەۋمەتتىك ايىپتاۋ تۇسىرگەن. شەتەلگە قاشىپ كەتكەن جانە ولگەن قياناتشىلدىق، پاراقورلىق قىلمىس كۇماندىلارىنان 48 ادامعا زاڭسىز تابىسىن ءمۇسادىرالاۋ ءوتىنىشىن بەرگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
