مەملەكەتتىك كەڭەس «‹جۇڭحۋا حالىق رەسپۋبليكاسىنىڭ اكىمشىلىك جازا زاڭىن› ونان ارى دايەكتى اتقارۋ جونىندەگى ۇقتىرۋدى» باسىپ تاراتتى
2021.12.09 16:37 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 8 - كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا «‹جۇڭحۋا حالىق رەسپۋبليكاسىنىڭ اكىمشىلىك جازا زاڭىن› ونان ارى دايەكتى اتقارۋ جونىندەگى ۇقتىرۋدى» (تومەندە قىسقاشا «ۇقتىرۋ» دەلىنەدى) باسىپ تاراتتى.
«ۇقتىرۋدا» بىلاي دەپ اتاپ كورسەتىلدى: اكىمشىلىك جازا زاڭى − ۇكىمەتتىڭ ارەكەتىن ارناعا تۇسىرۋدەگى ماڭىزدى زاڭ، وڭىرلەر، تاراۋلار شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، زاڭمەن باسقارىلاتىن مەملەكەت، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرۋدى جەدەلدەتۋ بيىك تۇرعىسىنان جاڭادان وزگەرىس ەنگىزىلگەن اكىمشىلىك جازا زاڭىن اتقارۋدىڭ ماڭىزدى ءمانىن جەتە تانىپ، ۇتىمدى شارالار قولدانىپ، ناقتى جايعاستىرۋ جاساپ، دايەكتىلەندىرۋ، اتقارۋ قىزمەتىن تىڭعىلىقتى ىستەۋى كەرەك.
ءبىرىنشى، ۇيرەنۋ، تاربيەلەۋ جانە ۇگىت قىزمەتىن كۇشەيتۋ كەرەك. تۇزىمدەندىرۋ، جۇيەلىلەندىرۋ، ۇدايىلاندىرۋ كۋرستارىن ۇيىمداستىرىپ، 2022 - جىلى 6 - ايدان بۇرىن قازىرگى اكىمشىلىك زاڭ اتقارۋشىلاردى تاربيەلەپ، كۋرستان وتكىزۋدى ورىنداپ بولۋ ءارى جاڭادان قىزمەتكە شىققان اكىمشىلىك زاڭ اتقارۋشىلاردى كۋرستان وتكىزۋ قىزمەتىن ۇزدىكسىز جاقسى ىستەۋ كەرەك. ۇگىت سەرپىنىن ارتتىرىپ، اكىمشىلىك جازا زاڭىن ۇگىتتەۋدى ءوز رايونىنىڭ، ءوز تاراۋىنىڭ «8 – بەسجىلدىق» زاڭ جالپىلاستىرۋ جوباسىنا ەنگىزىپ، قوعامعا كەڭ كولەمدە ۇگىت جۇرگىزىپ، جالپى حالىقتىڭ زاڭمەن باسقارۋ كوزقاراسىن كۇشەيتۋ كەرەك.
ەكىنشى، اكىمشىلىك جازانى زاڭ بويىنشا ارناعا ءتۇسىرۋ كەرەك. زاڭ شىعارۋ، زاڭدى ءتۇسىندىرۋ قىزمەتىن كۇشەيتىپ، زاڭ، بەلگىلەمە، ەرەجە جوباسىن ازىرلەگەن كەزدە باسقا اكىمشىلىك باسقارۋ شارالارى دەگەن اتپەن ءتۇسىن وزگەرتىپ بەلگىلەۋگە، اكىمشىلىك جازادا بەلگىلەنگەن تالاپتاردان جالتارۋعا بولمايدى. ايىپ اقشا سوماسىن زاڭ بويىنشا ۇيلەسىمدى بەلگىلەپ، قاتەلىك پەن ايىپتىڭ قارايلاس بولۋىندا تاباندى بولىپ، زاڭ، اكىمشىلىك زاڭ - ەرەجەلەر ءالى جاسالماعان جاعدايدا اكىمشىلىك باسقارۋدىڭ شۇعىل قاجەتى ءۇشىن الدىمەن تاراۋلاردىڭ ەرەجە - تارتىپتەرىمەن اقشالاي ايىپ سالۋ قاجەت بولسا، بەلگىلەنگەن ايىپ اقشا سوماسى ەڭ جوعارى بولعاندا 100 مىڭ يۋاننان اسپاۋى، ونىڭ ۇستىنە زاڭداردىڭ، اكىمشىلىك زاڭ - ەرەجەلەردىڭ سايكەستى زاڭعا قايشى ارەكەتتەرگە اقشالاي ايىپ سالۋ سوماسىنان اسىپ كەتپەۋى، ازاماتتاردىڭ باس اماندىعىنا، فينانس حاۋىپسىزدىگىنە ساياتىن ءارى زالالدى زارداپقا ساياتىن بولسا، بەلگىلەنگەن ايىپ اقشا سوماسى ەڭ جوعارى بولعاندا 200 مىڭ يۋاننان اسپاۋى كەرەك؛ جوعارىداعى شەكتى سومادان اسىپ كەتسە، مەملەكەتتىك كەڭەسكە جولداپ بەكىتتىرۋ كەرەك. اكىمشىلىك جازانى مەرزىم بويىنشا باعالاۋ ءتۇزىمىن مۇقيات تياناقتاندىرىپ، زاڭ شىعارۋ جوسپارىمەن ۇشتاستىرىپ ءار 5 جىلدا ءبىر رەت تۇرگە ايىرىپ، توپقا ءبولىپ باعالاۋدى ۇيىمداستىرۋ؛ اكىمشىلىك ولشەمدى قۇجاتتاردىڭ زاڭعا سايكەسىمدى كەلۋىن تەكسەرۋدى كۇشەيتۋ كەرەك، اكىمشىلىك ولشەمدى قۇجاتتاردا اكىمشىلىك جازا بەلگىلەۋگە بولمايدى.
ءۇشىنشى، اكىمشىلىك جازانىڭ اتقارىلۋىن ونان ارى ارناعا ءتۇسىرۋ كەرەك. اكىمشىلىك جازا فۋنكتسياسىن زاڭ بويىنشا جاپپاي، دۇرىس اتقارىپ، حالىق ءۇشىن زاڭ اتقارۋدا تاباندى بولۋ كەرەك، اكىمشىلىك جازانى زاڭعا قايشى اتقارۋعا، جازالاۋ ءۇشىن جازالاۋعا، پايدا ءتۇسىرۋ ءۇشىن زاڭ اتقارۋعا باتىل تيىم سالۋ، ايىپ سالۋ كورسەتكىشىن تۇسىرۋگە قاتاڭ تيىم سالۋ كەرەك. قاراستىلىق، دەلو اشۋ، دالەل تىڭداۋ، اتقارۋ سياقتى ءتارتىپ - تۇزىمدەردى اشالاپ، جەتكىزىلەتىن مەكەن - جاي انىقتاماسىنىڭ پايدالانىلۋ شاماسىن بىرتىندەپ جوعارىلاتىپ، ايىپ اقشانى ەلەكتروندىق تولەۋ جۇيەسى ارقىلى تاپسىرۋدى ىلگەرىلەتۋ كەرەك. ەلەكتروندىق تەحنيكامەن باقىلاۋ - مەڭگەرۋ جابدىقتارىن ورناتۋدى جانە پايدالانۋدى ارناعا ءتۇسىرۋ كەرەك. كەڭشىلىك ەتۋ مەن قاتاڭ بولۋدى ۇشتاستىرۋدا تاباندى بولۋ كەرەك، زاڭعا قايشى فاكتىلەردى انىقتاماعان جاعدايدا، ءوندىرىستى، كاسىپتى توقتاتۋعا بۇيىرۋ، جابۋعا بۇيىرۋ سياقتى اكىمشىلىك جازالاردى «ءبىر شىبىقپەن ايداعانداي» اتقارۋعا بولمايدى. زاڭدىق جاۋاپكەرلىكپەن ۇشتاستىرۋ مەحانيزمىن اقاۋسىزداندىرىپ، زاڭسىز تابىسىن قايتارۋعا بۇيىرۋ ءتۇزىمىن اشالاندىرۋ كەرەك.
ءتورتىنشى، اكىمشىلىك جازا ءتۇزىلىس، مەحانيزمىنە ۇزدىكسىز رەفورما جاساۋ كەرەك. جالپىلىق اكىمشىلىك زاڭ اتقارۋ ءتۇزىلىسى رەفورماسىن ىشكەرىلەي ىلگەرىلەتىپ، اۋىل - قالاشىق، مالىلەرگە اكىمشىلىك جازانى اتقارۋ ۇقىعىن بەلسەندى، ورنىقتى تۇردە بەرۋ، اكىمشىلىك جازا بەرۋ ۇقىعىن عىلمي، ۇيلەسىمدى تۇردە تومەنگە ءتۇسىرۋ، ءبىر توبىن كەمەلدەندىرىپ، ءبىر توبىن تومەنگە بەرىپ، ويداعىداي يگەرۋگە، قابىلداۋعا، باسقارۋعا، باقىلاۋعا كەپىلدىك ەتۋ كەرەك. مىندەتتەلگەن اكىمشىلىك جازانى ارناعا ءتۇسىرىپ، زاڭ بويىنشا جازباشا مىندەتتەۋ فورماسىن قاتاڭ قولدانۋ كەرەك. اكىمشىلىك زاڭ اتقارۋدىڭ بىرىككەن كۇشىن جوعارىلاتىپ، بىرلەسىپ زاڭ اتقارۋ مەحانيزمىن بىرتىندەپ كەمەلدەندىرىپ، «ءبىر رەت جان - جاقتى تەكسەرۋ» تاجىريبەسىن كوشىرىپ جالپىلاستىرىپ، اكىمشىلىك جازا بويىنشا سەلبەسۋ ءتۇزىمىن اقاۋسىزداندىرىپ، ءوڭىر اتتاعان زاڭ اتقارۋدى ءبىر تۇلعالاندىرۋداعى سەلبەستىك ءتۇزىم مەحانيزمىن بەلسەنە قاراستىرۋ كەرەك.
بەسىنشى، اكىمشىلىك جازانىڭ اتقارىلۋىن باقىلاۋدى كۇشەيتۋ كەرەك. اكىمشىلىك زاڭ اتقارۋدى باقىلاۋدى كۇشەيتىپ، ولكە، قالا، اۋدان، اۋىل 4 دارەجەنى جاپپاي قامتىعان اكىمشىلىك زاڭ اتقارۋدى سايكەستىرۋ، باقىلاۋ قىزمەتى جۇيەسىن جەدەل قۇرىپ، باقىلاۋ تاسىلىندە جاڭالىق اشىپ، جان - جاقتى، جالپى بەتتىك باقىلاۋدى كۇشەيتىپ، اكىمشىلىك زاڭ اتقارۋ ساپاسىن جوعارىلاتۋ كەرەك.
«ۇقتىرۋدا» مىنالار دارىپتەلدى: جەر - جەر، تاراۋلار جاڭادان وزگەرىس ەنگىزىلگەن اكىمشىلىك جازا زاڭىن دايەكتى اتقارۋدى قازىرگى جانە بۇدان بىلايعى ءبىر مەزگىلدەگى زاڭمەن باسقارىلاتىن ۇكىمەت قۇرۋدى جەدەلدەتۋدىڭ ماڭىزدى تۇتقاسى ەتىپ، قاتىستى اكىمشىلىك زاڭ شىعارۋدى شىنايى كۇشەيتىپ جانە جاقسارتىپ، اكىمشىلىك زاڭ اتقارۋدى ارناعا ءتۇسىرىپ، اكىمشىلىك زاڭ اتقارۋدى باقىلاۋدى كۇشەيتىپ، اكىمشىلىكتى زاڭ بويىنشا جۇرگىزۋ قابىلەتى مەن ورەسىن ۇزدىكسىز جوعارىلاتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
