ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى
شي جينپيڭ، لي كىچياڭ ماڭىزدى ءسوز سويلەدى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى
2021.12.13 16:32 كەلۋ قاينارى : حالىق تورابى
ورتالىقتىڭ ەكونوميكالىق قىزمەت ءماجىلىسى 12 - ايدىڭ 8 - كۇنىنەن 10 - كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
■ كەلەر جىلى پارتيانىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ كەرەك. كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساپ، ەسىك اشۋدى جاپپاي تەرەڭدەتىپ، جاڭالىق اشۋ ارقىلى دامۋعا دەم بەرۋدە تاباندى بولىپ، ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، «التىنى ورنىقتىرۋ»، «التىنى قامتاماسىز ەتۋ» قىزمەتىن ۇزدىكسىز ويداعىداي ىستەپ، حالىق تۇرمىسىن ۇزدىكسىز جاقسارتىپ، ماكرولىق ەكونوميكانىڭ جالپى اۋقىمىن كۇش سالا ورنىقتىرىپ، ەكونوميكالىق اينالىمدى ۇيلەسىمدى ارالىقتا ساقتاپ، قوعامدىق كەلەلى جاعدايدىڭ ورنىقتىلىعىن ساقتاپ، پارتيا 20 - قۇرىلتايىنىڭ تابىسپەن اشىلۋىن قارسى الۋ كەرەك
«حالىق گازەتى»، 12 - ايدىڭ 10 – كۇنى، بەيجيڭ. ورتالىقتىڭ ەكونوميكالىق قىزمەت ءماجىلىسى 12 - ايدىڭ 8 - كۇنىنەن 10 - كۇنىنە دەيىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.
شي جينپيڭ ماجىلىستە ماڭىزدى ءسوز سويلەپ، 2021 - جىلعى ەكونوميكالىق قىزمەتتى قورىتىندىلاپ، قازىرگى ەكونوميكالىق جاعدايعا تالداۋ جاساپ، 2022 - جىلعى ەكونوميكالىق قىزمەتتى ورنالاستىردى. لي كىچياڭ سوزىندە كەلەر جىلعى ەكونوميكالىق قىزمەت جونىندە ناقتى ورنالاستىرۋ جاسادى ءارى قورىتىندى ءسوز سويلەدى.
ءماجىلىس بىلاي دەپ قارادى: بيىلعى جىل پارتيا مەن مەملەكەت تاريحىندا بەلەستىك ماڭىز الاتىن ءبىر جىل بولدى. ءبىز جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتادىق، ءبىرىنشى 100 جىلدىق كۇرەس نىساناسىن جۇزەگە اسىرىپ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادىق، 100 جىلدىق وزگەرىس پەن عاسىرلىق ىندەتكە بايسالدىلىقپەن توتەپ بەردىك، جاڭا دامۋ ارناسىن قالىپتاستىرۋدا تىڭ قادام تاستاپ، ساپالى دامۋدا تىڭ تابىستارعا قول جەتكىزىپ، «14 – بەسجىلدىقتى» جاقسى باستادىق. ەلىمىز ەكونوميكالىق دامۋدا جانە ىندەتتەن ساقتانۋ - تىزگىندەۋدە دۇنيە جۇزىندە الدىڭعى ورىندى ساقتادى، مەملەكەتتىڭ ستراتەگيالىق عىلىم - تەحنيكا كۇشى جەدەل زورايدى، كاسىپ سالاسى تىزبەگىنىڭ سەرپىمدىلىگى جوعارىلادى، رەفورما جاساپ، ەسىك اشۋ ىشكەرىلەي ىلگەرىلەدى، حالىق تۇرمىسىن قامتاماسىز ەتۋ پارمەندى، ءونىمدى بولدى، ەكولوگيالىق وركەنيەت قۇرىلىسى ۇزدىكسىز ىلگەرىلەدى. بۇل تابىستارعا قول جەتكىزۋ − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەتپەن كۇش سالىپ، قاجىرلىلىقپەن كۇرەس جۇرگىزۋىنىڭ ناتيجەسى.
ءماجىلىس مىنالاردى اتاپ كورسەتتى: ناتيجەنى تولىق تۇراقتاندىرۋمەن بىرگە، ءسوز جوق، ەلىمىزدىڭ ەكونوميكالىق دامۋى سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىمعا ءدوپ كەلگەنىن كورە ءبىلۋ كەرەك. عاسىرلىق ىندەتتىڭ سوققىسىندا، 100 جىلدىق وزگەرىس جەدەل قۇبىلىپ، سىرتقى ورتا اناعۇرلىم كۇردەلى، قاتاڭ جانە تۇراقسىز بولۋدا. ءبىز قيىنشىلىققا تۋرا قاراۋمەن بىرگە، سەنىمدى دە بەكەمدەۋىمىز كەرەك. ەلىمىز ەكونوميكاسىنىڭ سەرپىمدىلىگى كۇشتى، ۇزاق ۋاقىت جاقسارۋ نەگىزگى جاعدايى وزگەرمەيدى. مەيلى حالىقارالىق جاعداي قالاي وزگەرسىن، ءبىز ءوز ءىسىمىزدى مىزعىماس تاباندىلىقپەن ويداعىداي ىستەپ، ەكونوميكالىق نەگىزدى ۇزدىكسىز كۇشەيتىپ، عىلىم - تەحنيكادا جاڭالىق اشۋ قابىلەتىن كۇشەيتىپ، كوپ جاقتىلىقتا تاباندى بولىپ، جوعارى ولشەمدى حالىقارالىق ەكونوميكا - ساۋدا ەرەجەسىنە ىرىقتىلىقپەن تۋرالانىپ، جوعارى دەڭگەيدە ەسىك اشۋ ارقىلى تەرەڭ قاتپارلى رەفورمانى جەبەپ، ساپالى دامۋدى ىلگەرىلەتۋىمىز كەرەك.
ءماجىلىس بىلاي دەپ قارادى: حاۋىپ - قاتەر مەن سىن - سايىسقا توتەپ بەرۋ امالياتى بارىسىندا، ءبىز ەكونوميكالىق قىزمەتتى ويداعىداي ىستەۋدەگى زاڭدىلىق سيپاتتى تانىمدى ونان ارى توپتادىق. ءسوز جوق، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، ەلەۋلى سىن - سايىسقا بايسالدىلىقپەن توتەپ بەرىپ، بىركەلكى قاداممەن العا ىلگەرىلەۋ كەرەك. ساپالى دامۋدا، ءسوز جوق، تاباندى بولۋ، ەكونوميكالىق قۇرىلىستى وزەك ەتۋدە تاباندى بولۋ − پارتيانىڭ نەگىزگى لۋشيانىنىڭ تالابى، بۇكىل پارتيا زەيىن - زەردەنى شوعىرلاندىرا وتىرىپ دايەكتىلەندىرىپ، اتقارىپ، ەكونوميكانىڭ ساپا جاعىنان ورنىقتى قاداممەن جوعارىلاۋىن جانە سان جاعىنان ۇيلەسىمدى ارتۋىن ىلگەرىلەتۋ كەرەك. ءسوز جوق، ورنىقتىلىق بارىسىندا ىلگەرىلەۋدە تاباندى بولىپ، ساياساتتى رەتتەۋدىڭ جانە رەفورمانى ىلگەرىلەتۋدىڭ ۋاقىتىن، شەگىن، ونىمدىلىگىن ويداعىداي يگەرىپ، الدىمەن ورناتۋدا، سوڭىنان تالقانداۋدا، تىڭعىلىقتى، بايىپتى ىستەۋدە تاباندى بولۋ كەرەك. ءسوز جوق، ءبىر تۇتاس جوسپارلاۋدى، سايكەستىرۋدى كۇشەيتىپ، جۇيە كوزقاراسىندا تاباندى بولۋ كەرەك.
ءماجىلىس مىنالاردى دارىپتەدى: كەلەر جىلى پارتيانىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋ كەرەك. كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىندا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساپ، ەسىك اشۋدى جاپپاي تەرەڭدەتىپ، جاڭالىق اشۋ ارقىلى دامۋعا دەم بەرۋدە تاباندى بولىپ، ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، «التىنى ورنىقتىرۋ»، «التىنى قامتاماسىز ەتۋ» قىزمەتىن ۇزدىكسىز ويداعىداي ىستەپ، حالىق تۇرمىسىن ۇزدىكسىز جاقسارتىپ، ماكرولىق ەكونوميكانىڭ جالپى اۋقىمىن كۇش سالا ورنىقتىرىپ، ەكونوميكالىق اينالىمدى ۇيلەسىمدى ارالىقتا ساقتاپ، قوعامدىق كەلەلى جاعدايدىڭ ورنىقتىلىعىن ساقتاپ، پارتيا 20 - قۇرىلتايىنىڭ تابىسپەن اشىلۋىن قارسى الۋ كەرەك.
ءماجىلىس مىنانى تالاپ ەتتى: كەلەر جىلعى ەكونوميكالىق قىزمەتتە ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ كەرەك، جەر - جەر، تاراۋلار ماكرولىق ەكونوميكانى ورنىقتىرۋ جاۋاپكەرلىگىن ارقالاۋى، ءارقايسى جاقتا ەكونوميكانىڭ ورنىقتىلىعىنا ءتيىمدى ساياساتتاردى بەلسەنە العا قويۋى، ساياساتتىق كۇش سالۋدى لايىقتى تۇردە الدىعا قويۋى كەرەك.
ءبىرىنشى، ماكرولىق ساياسات ورنىقتى، اقاۋسىز، ءونىمدى بولۋ كەرەك. بەلسەندى قازىنا ساياساتى مەن ورنىقتى، اقاۋسىز اقشا ساياساتىن ۇزدىكسىز اتقارۋ كەرەك. بەلسەندى قازىنا ساياساتىندا ونىمدىلىكتى جوعارىلاتىپ، دالمە - ءدال، باياندى بولۋعا اناعۇرلىم باسا ءمان بەرۋ كەرەك. قازىنالىق شىعىستىڭ كۇشەمەلىلىگىنە كەپىلدىك ەتىپ، شىعىستىڭ قارقىنىن تەزدەتۋ كەرەك. سالىقتى ازايتۋدىڭ، اقىنى تومەندەتۋدىڭ جاڭا ساياساتىن اتقارىپ، ورتا، شاعىن، ۇساق كاسىپورىندار، جەكە ساۋدا - ونەركاسىپشىلەر، جاساۋ كاسىبى، حاۋىپ - قاتەردى شەشۋ سياقتىلاردى قولداۋ سەرپىنىن كۇشەيتىپ، نەگىزدىك قۇرىلعىلارعا قارجى قوسۋدى لايىقتى تۇردە الدىمەن ورىستەتۋ كەرەك. پارتيا، ۇكىمەت ورگاندارى ۇنەمشىلدىك ىستەۋدە تاباندى بولۋ كەرەك. قازىنا - ەكونوميكا ءتارتىبىن قاتايتۋ كەرەك. جەرگىلىكتى ۇكىمەتتەردىڭ كومەسكى قارىزدارىنىڭ جاڭادان ارتۋىن باتىل تەجەۋ كەرەك. ورنىقتى، اقاۋسىز اقشا ساياساتى يكەمدى، ۇيلەسىمدى بولۋ، اينالىمنىڭ لايىقتى جەتكىلىكتى بولۋىن ساقتاۋ كەرەك. فينانس قۇرىلىمدارىن ناقتى ەكونوميكاعا، اسىرەسە، شاعىن، ۇساق كاسىپورىندارعا، عىلىم - تەحنيكادا جاڭالىق اشۋعا، جاسىل دامۋعا قولداۋ كورسەتۋ سەرپىنىن ارتتىرۋعا جەتەكتەۋ كەرەك. قازىنا ساياساتى مەن اقشا ساياساتى سايكەسۋ، بىرلەسە قيمىلداۋ، پەريوت اتتاعان ماكرولىق رەتتەۋ - تىزگىندەۋ ساياساتى مەن كەرى پەريوتتىق ماكرولىق رەتتەۋ - تىزگىندەۋ ساياساتى ورگانيكالى ۇشتاسۋ كەرەك. ىشكى سۇرانىستى ۇلعايتۋ ستراتەگياسىن ويداعىداي اتقارىپ، دامۋدىڭ ىشكى قوزعاۋشى كۇشىن ارتتىرۋ كەرەك.
ەكىنشى، ميكرولىق ساياساتتا بازار تۇلعالارىنىڭ ومىرشەڭدىك كۇشىن ۇزدىكسىز تاسقىنداتۋ كەرەك. بازار تۇلعالارىنىڭ سەنىمىن سەرپىلتىپ، ءادىل باسەكە ساياساتىنىڭ اتقارىلۋىن ىشكەرىلەي ىلگەرىلەتىپ، مونوپوليالاۋعا قارسى تۇرۋدى جانە ورىنسىز باسەكەگە قارسى تۇرۋدى كۇشەيتىپ، ءادىل باقىلاۋ - باسقارۋ ارقىلى ءادىل باسەكەنى قامتاماسىز ەتۋ كەرەك. ءبىلىم مەنشىك ۇقىعىن قورعاۋدى كۇشەيتىپ، ءتۇرلى مەنشىكتەگى كاسىپورىنداردىڭ باسەكەلەسە دامۋىنا تاماشا ورتا قالىپتاستىرۋ كەرەك. كەلىسىم - شارت رۋحىن كۇشەيتىپ، اقشانى جات نيەتپەن كەشەۋىلدەتۋ جانە قارىزدان قاشقالاقتاۋ، قارىزدى اياقسىز قالدىرۋ ارەكەتتەرىن ءونىمدى جونگە سالۋ كەرەك.
ءۇشىنشى، قۇرىلىمدىق ساياساتتا حالىق شارۋاشىلىعىنىڭ اينالىمىن كۇش سالا ىركىلىسسىزدەندىرۋ كەرەك. قامداۋ جاعىنداعى قۇرىلىمدىق رەفورمانى تەرەڭدەتۋدە ەل ىشىندەگى ۇلكەن اينالىمدى ىركىلىسسىزدەندىرۋدى ءتۇيىن ەتۋ، قامداۋدى تەجەپ وتىرعان بوگەتتەردى تالقانداۋدى ءتۇيىن ەتۋ، ءوندىرىس، ءبولىس، اينالىم، تۇتىنۋ بۋىندارىن اشۋدى ءتۇيىن ەتۋ كەرەك. جاساۋ كاسىبىنىڭ وزەكتى باسەكەلىك قۋاتىن جوعارىلاتىپ، كاسىپ سالاسى نەگىزىن قايتا تۇلعالاۋدىڭ ءبىر توپ ينجەنەريا نىسانىن ىسكە قوسىپ، «ارنايى، كەمەلدى، ەرەكشە، جاڭا» كاسىپورىنداردان ءبىر توبىن قاۋلاتا جارىققا شىعارۋ كەرەك. ءىش پەن سىرت ۇلاسقان، حاۋىپسىز، جوعارى ءونىمدى زات اينالىمى تورىن جەدەل قالىپتاستىرۋ كەرەك. سيفرلاندىرىپ وزگەرتۋدى جەدەلدەتىپ، ءداستۇرلى كاسىپ سالالارىنىڭ دارەجەسىن جوعارىلاتۋدى جەبەۋ كەرەك. ءۇي ساۋدالاۋعا ەمەس، قونىسقا ارنالعان دەگەندە تاباندى بولىپ، مەجەگە جەتەكشىلىك ەتۋدى كۇشەيتىپ، جاڭا دامۋ ۇلگىسىن قاراستىرىپ، جالعا بەرۋ مەن ساتىپ الۋدى قاتار جۇرگىزۋدە تاباندى بولىپ، ۇزاق ۋاقىت جالعا بەرىلەتىن ءۇي بازارىن جەدەل دامىتىپ، قامتاماسىزداندىرۋ سيپاتتى تۇرعىن ءۇي قۇرىلىسىن ىلگەرىلەتىپ، تاۋار ءۇي بازارىنىڭ ءۇي ساتىپ الۋشىلاردىڭ ۇيلەسىمدى تۇرعىن ءۇي قاجەتىن اناعۇرلىم ويداعىداي قاناعاتتاندىرۋىنا قولداۋ كورسەتىپ، قالا جاعدايىنا قاراي شارا قولدانىپ، قورا - جاي كاسىبىنىڭ ۇتىمدى اينالىمى مەن اقاۋسىز دامۋىن جەبەۋ كەرەك.
ءتورتىنشى، عىلىم - تەحنيكا ساياساتىن تىڭعىلىقتى تياناقتاندىرۋ كەرەك. عىلىم - تەحنيكا ءتۇزىلىسى رەفورماسىنىڭ 3 جىلدىق ارەكەت جوباسىن اتقارىپ، نەگىزدىك زەرتتەۋدىڭ 10 جىلدىق جوباسىن جاساۋ، اتقارۋ كەرەك. مەملەكەتتىڭ ستراتەگيالىق عىلىم - تەحنيكا كۇشىن نىعايتىپ، مەملەكەتتىك تاجىريبەحانانىڭ رولىن ويداعىداي ساۋلەلەندىرىپ، مەملەكەتتىك ءتۇيىندى تاجىريبەحانالاردى قايتا قۇرىپ، عىلمي زەرتتەۋ مەكەمە - ورىندارى رەفورماسىن ىلگەرىلەتۋ كەرەك. كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، ءوندىرىستىڭ، وقىتۋدىڭ، زەرتتەۋدىڭ ۇشتاسۋىن تەرەڭدەتۋ كەرەك. عىلىم - تەحنيكادا جاڭالىق اشۋ ەكولوگياسىن كەمەلدەندىرىپ، ساپالىلاندىرىپ، تىڭعىلىقتى عىلمي زەرتتەۋ ستيلىن قالىپتاستىرۋ كەرەك. حالىقارالىق عىلىم - تەحنيكا سەلبەستىگىن ۇزدىكسىز ورىستەتۋ كەرەك.
بەسىنشى، رەفورما جاساپ، ەسىك اشۋ ساياساتىندا دامۋدىڭ قوزعاۋشى كۇشىن قاۋلاتۋ كەرەك. فاكتورلاردى بازارلاندىرىپ سەپتەۋدىڭ كەشەندى رەفورماسىن تۇيىندە سىناق ەتۋدى ويداعىداي يگەرىپ، جارنا بەلەتىن تاراتۋدى تىركەۋ ءتۇزىمىن جاپپاي اتقارىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت مىندەتىن ورىنداپ، ەلەكتر تورى، تەمىر جول سياقتى تابيعي مونوپوليالىق سالالاردىڭ رەفورماسىن ورنىقتى قاداممەن ىلگەرىلەتۋ كەرەك. جەرگىلىكتى ورىنداردىڭ رەفورما بەلسەندىلىگىن جۇمىلدىرىپ، جەر - جەردى جەرگىلىكتى جاعدايعا قاراي ىستەۋگە، ىرىقتىلىقپەن رەفورما جاساۋعا ىنتالاندىرۋ كەرەك. جوعارى دەڭگەيدە سىرتقا ەسىك اشۋدى كەڭەيتىپ، تۇزىمدىك ەسىك اشۋدى ىلگەرىلەتىپ، شەتەل قارجىسىمەن قۇرىلعان كاسىپورىنداردىڭ ازاماتتىق مامىلەسىن ويداعىداي تياناقتاندىرىپ، مەملەكەت اتتاعان اناعۇرلىم كوپ سەرىكتەستىكتەردى قارجى قوسۋعا باۋراپ، شەتەل قارجىلاندىرعان ەلەۋلى نىسانداردىڭ جەدەل تياناقتانۋىن ىلگەرىلەتۋ كەرەك. «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋىن ىلگەرىلەتۋ كەرەك.
التىنشى، وڭىرلىك ساياساتتا دامۋدىڭ بىركەلكىلىگىن، سايكەسىمدىلىگىن كۇشەيتۋ كەرەك. وڭىرلىك كەلەلى ستراتەگيالار مەن وڭىرلەردىڭ سايكەسە دامۋ ستراتەگياسىن ىشكەرىلەي اتقارىپ، شىعىس، ورتا، باتىس جانە شىعىس سولتۇستىك وڭىرلەردىڭ سايكەسە دامۋىن جەبەۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، جاڭاشا قالا - قالاشىقتاندىرۋ قۇرىلىسىنىڭ ساپاسىن جوعارىلاتۋ كەرەك.
جەتىنشى، قوعامدىق ساياساتتا حالىق تۇرمىسىنىڭ تومەنگى شەگىن مىقتى يگەرۋ، بەكەمدەۋ كەرەك. ەكونوميكانى دامىتۋ مەن حالىق تۇرمىسىن قامتاماسىزداندىرۋدى ءبىر تۇتاس جوسپارلاپ ىلگەرىلەتىپ، تۇرعىلىقتى جەرلەردە نەگىزگى الەۋمەتتىك قىزمەت وتەۋ مەن قامداۋ ءتۇزىمىن اقاۋسىزداندىرۋ كەرەك. جوعارى مەكتەپتەن وقۋ بىتىرگەن وقۋشىلار سياقتى جاستاردىڭ جۇمىستانۋ ماسەلەسىن ويداعىداي شەشىپ، يكەمدى جۇمىستاندىرۋ، ەڭبەككۇش ىستەتۋ جانە قوعامدىق قامتاماسىزداندىرۋ ساياساتىن اقاۋسىزداندىرۋ كەرەك. نەگىزگى زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ىلگەرىلەتۋ كەرەك. جاڭاشا تۋىت ساياساتىنىڭ تياناقتانۋىن، ناتيجە بەرۋىن ىلگەرىلەتىپ، حالىق سانىنىڭ قارتتانۋىنا بەلسەنە توتەپ بەرۋ كەرەك.
ءماجىلىس بىلاي دەپ قارادى: جاڭا دامۋ كەزەڭىنە وتكەندە، ەلىمىز دامۋىنىڭ ىشكى - سىرتقى ورتاسىندا تەرەڭ وزگەرىستەر تۋىلىپ، كوپتەگەن جاڭا، كەلەلى نازاريالىق جانە امالياتتىق ماسەلەگە ءدوپ كەلىپ وتىر، ونى دۇرىس تانۋ جانە يگەرۋ قاجەت.
بىرگە بايۋدى جۇزەگە اسىرۋدىڭ ستراتەگيالىق نىساناسى مەن امالياتتىق جولىن دۇرىس تانۋ جانە يگەرۋ كەرەك. ەلىمىزدىڭ سوتسياليستىك ءتۇزىمى جاعدايىندا، قوعامدىق وندىرگىش كۇشتەردى ۇزدىكسىز ازات ەتىپ جانە دامىتىپ، قوعامدىق بايلىقتى ۇزدىكسىز جاراتۋمەن جانە توپتاۋمەن بىرگە، ەكى ۇيەككە جىكتەلۋدەن دە ساقتانۋ كەرەك. بىرگە بايۋ نىساناسىن جۇزەگە اسىرۋ ءۇشىن، ەڭ اۋەلى، بۇكىل ەل حالقىنىڭ ورتاق كۇرەسى ارقىلى «بالكۇلشەنى» ۇلكەيتۋ، جاقسارتۋ، ونان سوڭ، ۇيلەسىمدى تۇزىمدىك ورنالاستىرۋ ارقىلى «بالكۇلشەنى» ويداعىداي ءبولۋ كەرەك. بۇل − ۇزاق ۋاقىتتىق تاريحي بارىس، وسى نىساناعا قاراي نىق قادام تاستاۋ كەرەك. ساپالى دامۋدى ىلگەرىلەتۋ بارىسىندا جۇمىستانۋدى الدىمەن ويلاستىرۋدى باعدار ەتۋدى كۇشەيتىپ، ەكونوميكالىق ارتۋدىڭ جۇمىستانۋدى جەتەكتەۋ قۋاتىن جوعارىلاتۋ كەرەك. ءبولىستىڭ فۋنكتسياسى مەن رولىن ساۋلەلەندىرىپ، ەڭبەگىنە قاراي ءبولۋدى نەگىزگى تۇلعا ەتۋدە تاباندى بولىپ، فاكتور بويىنشا ءبولىس جۇرگىزۋ ساياساتىن كەمەلدەندىرىپ، سالىق، قوعامدىق قامسىزداندىرۋ، اۋدارىپ تولەۋ سياقتىلاردىڭ رەتتەۋ سەرپىنىن ارتتىرۋ كەرەك. ىنتالى، قابىلەتتى كاسىپورىندار مەن قوعامدىق توپتاردىڭ الەۋمەتتىك يگىلىك قايىرىمدىلىق ىستەرىنە بەلسەنە ات سالىسۋىن قولداۋ كەرەك. بار كۇشتى سالۋدا، شاماعا قاراي ىستەۋدە تاباندى بولىپ، الەۋمەتتىك قىزمەت وتەۋدىڭ ساياسات - ءتۇزىم جۇيەسىن كەمەلدەندىرىپ، وقۋ - اعارتۋ، ەمدەۋ، زەينەتكەرلىك، تۇرعىن ءۇي سياقتى حالىق بۇقاراسى ەڭ كوڭىل ءبولىپ وتىرعان سالالاردا نەگىزگى الەۋمەتتىك قىزمەت وتەۋمەن دالمە - ءدال قامداۋ كەرەك.
كاپيتالدىڭ ەرەكشەلىگى مەن ارەكەت زاڭدىلىعىن دۇرىس تانۋ جانە يگەرۋ كەرەك. سوتسياليستىك بازار شارۋاشىلىعى − ۇلى جاسامپازدىق، سوتسياليستىك بازار شارۋاشىلىعىندا ءتۇرلى فورماداعى كاپيتالداردىڭ بولۋى ءسوزسىز، كاپيتالدىڭ ءوندىرىس فاكتورى رەتىندەگى بەلسەندى رولىن ساۋلەلەندىرۋ، سونىمەن بىرگە، ونىڭ كەرەناۋ رولىن ۇتىمدى تىزگىندەۋ كەرەك. كاپيتالعا «باعدار شام» ورناتىپ، كاپيتالدى ءونىمدى باقىلاۋ - باسقارۋدى زاڭ بويىنشا كۇشەيتىپ، كاپيتالدىڭ ورەسكەل ارتۋىنان ساقتانۋ كەرەك. كاپيتالدىڭ جۇيەلى، اقاۋسىز دامۋىن قولداپ جانە وعان جەتەكشىلىك ەتىپ، سوتسياليستىك نەگىزگى ەكونوميكالىق تۇزىمدە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي دە مىزعىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە مىزعىماستان دەم بەرۋ، قولداۋ كورسەتۋ، جەتەكشىلىك ەتۋ كەرەك.
باستاپقى ونىمدەرمەن قامداۋدى قامتاماسىز ەتۋدى دۇرىس تانۋ جانە يگەرۋ كەرەك. ۇنەمشىلدىكتى الدىڭعى ورىنعا قويۋدا تاباندى بولىپ، جاپپاي ۇنەمدەۋ ستراتەگياسىن اتقارۋ كەرەك. ءوندىرىس سالاسىندا بايلىقتى جاپپاي ۇنەمدەۋدى، شوعىرلاندىرۋدى، اينالمالى پايدالانۋدى ىلگەرىلەتۋ كەرەك. تۇتىنۋ سالاسىندا جالپى حالىقتىڭ ۇنەمشىلدىك تانىمىن كۇشەيتىپ، قاراپايىم دا ۇيلەسىمدى، جاسىل، تومەن كومىر قىشقىل گازدى تۇرمىس ءتاسىلىن دارىپتەۋ كەرەك. ەل ءىشى بايلىق ءوندىرىسى قامتاماسىزدىق قۋاتىن كۇشەيتىپ، مۇناي، گاز سياقتى بايلىقتاردىڭ وزىق اشۋ تەحنيكاسىن دامىتۋىن، پايدالانۋىن جەدەلدەتىپ، جاراقسىز زاتتاردى اينالمالى پايدالانۋ جۇيەسىن جەدەل ورناتۋ كەرەك. اۋىل شارۋاشىلىعىنىڭ كەشەندى ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، جوعارى ولشەمدى ەگىنجاي قۇرىلىسىن ۇزدىكسىز ىلگەرىلەتىپ، تۇقىم شارۋاشىلىعىن كوركەيتۋ ارەكەتىن ىشكەرىلەي اتقارىپ، اۋىل شارۋاشىلىق ماشينالارىمەن جابدىقتالۋ دەڭگەيىن جوعارىلاتىپ، استىق ەگەتىن شارۋالاردىڭ ۇيلەسىمدى كىرىسىن قامتاماسىز ەتۋ ءتيىس، جۇڭگولىقتار ءوز كەسەسىن قاي - قاشان دا ءوز قولىندا مىقتى ۇستاۋ كەرەك.
ەلەۋلى حاۋىپ - قاتەردەن ساقتانۋ - جويۋدى دۇرىس تانۋ جانە يگەرۋ كەرەك. ۇزدىكسىز تۇردە كەلەلى جاعدايدى ورنىقتىرۋ، ءبىر تۇتاس جوسپارلاپ سايكەستىرۋ، تۇرگە ءبولىپ شارا قولدانۋ، دالمە - ءدال الاستاۋ باعىتى بويىنشا، حاۋىپ - قاتەردى ءبىر جاقتى ەتۋ قىزمەتىن ويداعىداي يگەرىپ، فينانستى زاڭمەن باسقارۋ قۇرىلىسىن كۇشەيتىپ، جەرگىلىكتى ورىنداردىڭ، فينانس باقىلاۋ - باسقارۋ سالالارىنىڭ، سالالىق باسقارۋ ورىندارىنىڭ، ت. ب جاۋاپكەرلىگىن ناقتىلاندىرۋ، كاسىپورىنداردىڭ ءوزىن قۇتقارۋداعى تۇلعالىق جاۋاپكەرلىگىن ناقتىلاندىرۋ كەرەك. قابىلەت قۇرىلىسىن كۇشەيتىپ، فينانس باقىلاۋ - باسقارۋ كادرلار قوسىنى قۇرىلىسىن كۇشەيتۋ كەرەك. حاۋىپ - قاتەردى جويۋدا جەتكىلىكتى بايلىق بولۋ كەرەك، حاۋىپ - قاتەردى جويۋ ساياساتىن زەرتتەپ جاساپ، كەڭ كولەمدە سايكەستىرىپ، فينانستىق حاۋىپ - قاتەردى ءبىر جاقتى ەتۋ مەحانيزمىن كەمەلدەندىرۋ كەرەك.
كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى دۇرىس تانۋ جانە يگەرۋ كەرەك. كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى جۇزەگە اسىرۋ − ساپالى دامۋدى ىلگەرىلەتۋدىڭ ىشكى تالابى، تاباندىلىقپەن ىلگەرىلەتۋ كەرەك، دەسە دە، مۇنى ءبىر جولدا ءبىتىرۋ مۇمكىن ەمەس. بۇكىل ەل بويىنشا ءبىر تۇتاس جوسپارلاۋ، ۇنەمشىلدىكتى الدىڭعى ورىنعا قويۋ، قوس تەگەرشىكپەن جەبەۋ، ءىش پەن سىرت ىركىلسسىز بولۋ، حاۋىپ - قاتەردەن ساقتانۋ پرينسيبىندە تاباندى بولۋ كەرەك. ءداستۇرلى ەنەرگيانى بىرتىندەپ قاتاردان شەگەرۋ ورنىن باساتىن حاۋىپسىز، سەنىمدى جاڭا ەنەرگيا نەگىزىندە جۇرگىزىلۋى كەرەك. كومىر نەگىز ەتىلگەن نەگىزگى مەملەكەت جاعدايىن تياناق ەتىپ، كومىردەن تازا، جوعارى ءونىمدى پايدالانۋدى ويداعىداي يگەرىپ، جاڭا ەنەرگيانى قابىلداۋ قابىلەتىن ارتتىرىپ، كومىر مەن جاڭا ەنەرگيانى ساپالى بىرلەستىرۋدى ىلگەرىلەتۋ كەرەك. جاسىل، تومەن كومىر قىشقىل گاز تەحنيكاسىنان قامال الۋدى مىقتاپ يگەرۋ كەرەك. عىلمي باعالاۋ جۇرگىزىپ، قايتا تۋىندايتىن ەنەرگيا مەن شيكىزاتتىڭ جاڭادان ارتقان ەنەرگيا پايدالانىمىن ەنەرگيا تۇتىنۋ جالپى مولشەرىن تىزگىندەۋگە كىرگىزبەۋ، ەنەرگيا سارىپ ەتۋدى «قوس تىزگىندەۋدەن» كومىر قىشقىل گازىن شىعارۋدىڭ جالپى مولشەرى مەن كۇشەمەلىلىگىن «قوس تىزگىندەۋگە» قاراي بۇرىلىس جاساۋدى شارت - جاعداي جاراتىپ ەرتەرەك جۇزەگە اسىرىپ، لاستاۋشى زاتتاردى شىعارۋدى ازايتۋعا، كومىر قىشقىل گازىنىڭ شىعارىلۋىن تومەندەتۋگە ىنتالاندىرۋ - تەجەۋ مەحانيزمىن جەدەل ورناتىپ، جاي عانا ساتى سايىن جىكتەۋدەن ساقتانۋ كەرەك. ەنەرگيامەن قامداۋعا شىنايى كەپىلدىك ەتۋ كەرەك، ءىرى كاسىپورىندار، اسىرەسە، مەملەكەت مەنشىگىندەگى كاسىپورىندار باستاماشىلدىقپەن قامداۋعا كەپىلدىك ەتۋ كەرەك، باعانى ورنىقتىرۋ كەرەك. ەنەرگيا توڭكەرىسىن ىشكەرىلەي ىلگەرىلەتىپ، ەنەرگيادا قۋاتتى ەل قۇرۋدى جەدەلدەتۋ كەرەك.
ءماجىلىس مىنالاردى اتاپ كورسەتتى: «التىنى ورنىقتىرۋ»، «التىنى قامتاماسىز ەتۋ» قىزمەتىن، اسىرەسە، جۇمىستاندىرۋدى قامتاماسىز ەتۋدى، حالىق تۇرمىسىن قامتاماسىز ەتۋدى، بازار تۇلعالارىن قامتاماسىز ەتۋدى ۇزدىكسىز جاقسى ىستەپ، ەكونوميكانىڭ ۇيلەسىمدى ارالىقتا اينالىم جاساۋىن ساقتاۋدى ارقاۋ ەتىپ، ماكرولىق رەتتەۋ - تىزگىندەۋدى كۇشەيتىپ جانە جاقسارتىپ، ماكرولىق ساياساتتىڭ پەريود اتتاپ رەتتەۋ سەرپىنىن ارتتىرىپ، ماكرولىق تىزگىندەۋدىڭ بولجامپازدىعىن، باعىتتامالىلىعىن جوعارىلاتۋ كەرەك. بازار تۇلعالارى نەشە ءجۇز ميلليون ادامنىڭ جۇمىستانۋىنا، يگىلىك جاراتۋىنا تىرەك بولىپ وتىر. ۇزدىكسىز تۇردە بازار تۇلعالارىن بەتكە الىپ سالىقتى تىڭنان ازايتىپ، اقىنى تومەندەتىپ، ولاردىڭ، اسىرەسە، ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ اۋىرتپالىعىن جەڭىلدەتىپ، قيىنشىلىعىن شەشۋىنە، دامۋدى قالپىنا كەلتىرۋىنە كومەكتەسۋ كەرەك. ناقتى ەكونوميكانىڭ قارجى قۇراۋىنا قولداۋ كورسەتۋ تەبىنىن ارتتىرىپ، ورتا، شاعىن، ۇساق كاسىپورىنداردىڭ قارجى قۇراۋ مولشەرىن ارتتىرۋىن، اياسىن كەڭەيتۋىن، نارقىن تومەندەتۋىن جەبەۋ كەرەك. ءتۇيىندى قاۋىمدى جۇمىستاندىرۋدى ويداعىداي يگەرىپ، جۇمىستاندىرۋدى ورنىقتىرۋ شارالارىن ناقتى، ەگجەي - تەگجەيلى تياناقتاندىرۋ كەرەك. قازىنالىق كۇشتى تومەنگە بەيىمدەۋدى ىلگەرىلەتىپ، نەگىزگى ساتى ۇكىمەتىنىڭ كاسىپورىنداردىڭ قيىنشىلىعىن شەشۋىنە كومەكتەسۋ ساياساتىن تياناقتاندىرۋىنا جانە نەگىزگى حالىق تۇرمىسىن قامتاماسىز ەتۋىنە، ەڭبەكاقىنى قامتاماسىز ەتۋىنە، اينالىمدى قامتاماسىز ەتۋىنە اناعۇرلىم ويداعىداي قولداۋ كورسەتۋ كەرەك. كومىر، ەلەكتر، مۇناي، گاز، تاسىمال سياقتىلاردى رەتتەۋدى كۇشەيتىپ، ەلەكتر قۋاتىمەن جەتكىلىكتى قامداۋدى جەبەۋ كەرەك. ءتۇيىندى سالالارداعى رەفورمانى تەرەڭدەتىپ، بازاردىڭ ومىرشەڭدىك قۋاتى مەن دامۋدىڭ ىشكى قوزعاۋشى قۋاتىن اناعۇرلىم زور دارەجەدە قاۋلاتىپ، كاسىپورىنداردى جاڭالىق اشۋعا ۇسىنىلىم قوسۋعا بازارلانعان مەحانيزممەن ىنتالاندىرۋ كەرەك. كوپ ءتۇرلى مەنشىك تۇزىمىندەگى شارۋاشىلىقتاردىڭ بىرگە دامۋىن جەبەپ، حالىق باسقارۋىنداعى شارۋاشىلىقتىڭ دامۋ ورتاسىن ساپالىلاندىرىپ، ءتۇرلى بازار تۇلعالارىنىڭ مال - مۇلىك ۇقىعى مەن زاڭدى ۇقىق - مۇددەسىن زاڭ بويىنشا قورعاۋ، ساياساتتا بارىنە بىردەي قاراۋ، تەڭ مامىلە جاساۋ كەرەك. جوعارى دەڭگەيلى ەسىك اشۋدى كەڭەيتىپ، سىرتقى ساۋدانى الۋان ءتۇرلى شارالارمەن ورنىقتىرىپ، كاسىپ تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتىپ، شەتەل قارجىسىن باۋراۋ تەبىنىن ارتتىرۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكومدار مەن ۇكىمەتتەر، ءار دارەجەلى باسشى كادرلار سانالى تۇردە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتۋ كەرەك، سونىمەن بىرگە، ءسوز جوق، تاريح بىلىمدەرىن ۇيرەنىپ، مادەنيەت ءبىلىمىن مولايتىپ، ەكولوگيا كوزقاراسىن كۇشەيتىپ، ارەكەتتەرىندە تياناقتاندىرۋ، پارتيانىڭ لۋشيان، باعىت - ساياساتتارىن دايەكتىلەندىرۋ، تياناقتاندىرۋ ءىس جۇزىندىك ارەكەتىندە ايگىلەۋ، ساپالى دامۋدى ىلگەرىلەتۋ ءىس جۇزىندىك ارەكەتىندە ايگىلەۋ، پارتيانىڭ قامىن ويلاۋ، وتان ءۇشىن جاۋاپكەرلىكتى ادا ەتۋ، حالىق ءۇشىن ءوزىن ارناۋ ءىس جۇزىندىك ارەكەتىندە ايگىلەۋ كەرەك.
ءماجىلىس مىنالاردى اتاپ كورسەتتى: ەكونوميكالىق قىزمەتكە باسشىلىق ەتۋدە، ءسوز جوق، وبيەكتيۆ امالياتپەن بۇقارانىڭ قاجەتىنە قۇرمەت ەتۋ، ءسوز جوق، جۇيەلى ويلاۋ، عىلمي جوسپارلاۋ كەرەك. باسشى كادرلار ەكونوميكالىق قىزمەتكە باسشىلىق ەتۋدەگى ماماندىق قابىلەتىن جوعارىلاتۋ كەرەك، ەكونوميكالىق، قوعامدىق دامۋ − جۇيەلى ينجەنەريا، ءسوز جوق، ساياسي مەن ەكونوميكا، رەالدىق پەن تاريح، زات پەن مادەنيەت، دامۋ مەن حالىق تۇرمىسى، بايلىق پەن ەكولوگيا، ەل ءىشى مەن حالىقارا سياقتى كوپ جاقتاعى فاكتورلاردى جالپىلىق ويلاستىرۋ كەرەك. باسشى كادرلار ەكونوميا بىلىمدەرىن، عىلىم - تەحنيكا بىلىمدەرىن ۇيرەنۋدى كۇشەيتۋ، اسىرەسە، حالىقتى وزەك ەتكەن دامۋ يدەياسىن جەتە ءتۇسىنىپ، دۇرىس ساياسي ناتيجە كوزقاراسىندا تاباندى بولىپ، تاريحتى قاستەرلەپ، مادەنيەتتى قاستەرلەپ، ەكولوگيانى قاستەرلەپ، شەشىمدى سالماقتىلىقپەن جاساۋ، ۇقىقتى سالماقتىلىقپەن ىستەتۋ كەرەك. تەكسەرۋ - زەرتتەۋ جۇرگىزۋدى كۇشەيتىپ، «ۇشتە قاتاڭ، ۇشتە شىنايى بولۋدا» تاباندى بولىپ، قاراپايىمداستىرۋدان، بەتالدى ىستەۋدەن باتىل ساقتانۋ، جاۋاپكەرلىك ارقالاماۋعا، ىسكەرلىك كورسەتپەۋگە باتىل قارسى تۇرۋ كەرەك.
ءماجىلىس مىنالاردى دارىپتەدى: «سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا» تاباندى بولىپ، ىندەتتەن ساقتانۋ - تىزگىندەۋ قىزمەتىن عىلمي، دالمە - ءدال جاقسى ىستەۋ كەرەك. كومىرمەن، ەلەكترمەن، مۇنايمەن، گازبەن، تاسىمالمەن قامداۋدى قامتاماسىز ەتۋدى ءبىر تۇتاس جوسپارلاپ جاقسى ورنالاستىرۋ كەرەك. استىق، ماي، ەت، جۇمىرتقا، ءسۇت، جەمىس - جيدەك، كوكونىس سياقتىلارمەن قامداۋدى قامتاماسىز ەتۋدى، باعاسىن ورنىقتىرۋدى جاقسى ىستەۋ كەرەك. شارۋا جۇمىسكەرلەردىڭ ەڭبەكاقىسىن تاراتۋدى قامتاماسىز ەتىپ، ءوندىرىس حاۋىپسىزدىگى مەن الەۋمەتتىك حاۋىپسىزدىكتى كۇشەيتۋ كەرەك. قىسقى وليمپيادانىڭ، قىسقى مۇگەدەكتەر وليمپياداسىنىڭ قىزمەت وتەۋ، قامتاماسىزدىق قىزمەتتەرىن بار كۇشپەن جاقسى ىستەپ، ۇنەمشىل، حاۋىپسىز، تارتىمدى وليمپيادا سالتاناتتى جينالىسىن وتكىزۋگە شىنايى كەپىلدىك ەتۋ كەرەك.
ءماجىلىس بۇكىل پارتياداعى جولداستاردى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا تاريحىن ۇيرەنۋ تاربيەسىنىڭ جەتىستىكتەرىنەن ويداعىداي پايدالانىپ، ءىس جۇزىندىك ارەكەتتەرىمەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرىپ، پارتيانىڭ 20 - قۇرىلتايىنىڭ تابىسپەن اشىلۋىن قارسى الۋعا ۇندەدى.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.
ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن ءىشىنارا فينانس قۇرىلىمدارى مەن كاسىپورىندارداعى، ورتالىق اسكەري ىستەر كوميتەتى ورگانىنىڭ ءارقايسى تاراۋىنداعى نەگىزگى جاۋاپتى جولداستار قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
