قارجى قوسۋ، قارجى قۇراۋ اتاعىمەن، ءىس جۇزىندە، قول استىنا ادام جيناپ، جالعامالى ساتۋمەن شۇعىلدانعان
لي شۋانفۋ
2021.12.13 15:58 كەلۋ قاينارى : حالىق تورابى
پروكۋراتۋرا گازەتىنىڭ ءتىلشىسى لي شۋانفۋ حابارلايدى. ينتەرنەتتە تىركەلۋ ءارى قارجى قوسۋ ارقىلى «جينفىڭحۋاڭ ەرەكشە دارەجەلى قارجى قۇراۋ تەكشەسى» اتىنداعى ينتەرنەتتىك جالعامالى ساتۋ ۇيىمىنىڭ مۇشەسى بولعان فۋ X جالعامالى ساتۋ قيمىلىن ۇيىمداستىرىپ، قول استىنا جيناعان مۇشە سانى مەن ولاردىڭ قوسقان قارجىسىنىڭ سوماسىن قايتا قارىمجى بەرۋدىڭ نەگىزى ەتىپ، باسقالاردى قارجى قۇراۋ تەكشەسىنە مۇشە بولۋعا شىرعالاپ، ولاردىڭ مال – مۇلكىن الداپ العان. جۋىردا حاينان ولكەسى بايشا اۋداندىق حالىق پروكۋراتۋراسى الەۋمەتتىك ايىپتاما كوتەرىپ، سوت مەكەمەسى بۇل دەلوعا اشىق سوت اشتى، اتالعان اۋداندىق ءتارتىپ تەكسەرۋ كوميتەتى مەن باقىلاۋ كوميتەتى، ساياسي – زاڭ كوميتەتى، قوعام حاۋىپسىزدىگى مەكەمەسى قاتارلى ورىنداردىڭ 30 نەشە جاۋاپتىسى سوت تەرگەۋىن سىرتتاي تىڭدادى.
2017 – جىلدىڭ باسىندا، بايشا اۋداندىق باجى مەكەمەسىندە مەملەكەت قىزمەتكەرى بولىپ ىستەيتىن فۋ X لين X دىڭ تانىستىرۋى بويىنشا، ينتەرنەتتە تىركەلۋ ءارى 3000 ا ق ش دوللارى قارجى قوسۋ ارقىلى «جينفىڭحۋاڭ ەرەكشە دارەجەلى قارجى قۇراۋ تەكشەسى» اتىنداعى جالعامالى ساتۋ ۇيىمىنا مۇشە بولعان. كەيىن فۋ X جينفىڭحۋاڭ قارجى قۇراۋ مۇشەلىك توبىنا قاتىناسىپ، توپ باستىعى بولعان ءارى توپ مۇشەلەرىنىڭ قىزمەتىن باسقارۋ، سايكەستىرۋ ىستەرىنە جاۋاپتى بولعان. فۋ X لين X مەن سايكەسىپ، «جينفىڭحۋاڭ ەرەكشە دارەجەلى قارجى قۇراۋ تەكشەسىنىڭ» نىسانعا قارجى قوسۋدان تاپقان پايداسىن اسىرە ۇگىتتەپ، مۇشەلەردى قارجى قوسۋعا ءارى باسقالاردى ۇيىمعا تارتۋعا جەلىكتىرگەن. پايداعا كەنەلۋدى كوزدەگەن فۋ X قول استىنا مۇشە توپتاۋعا بەلسەندى بولىپ، ۇيىمعا مۇشە بولعانداردى جاڭا مۇشە تارتۋعا جەلىكتىرگەن، دەلو انىقتالعانعا دەيىن، فۋ X دىڭ اتالعان تەكشەدەگى ۋاكىلدىك دارەجەسى 3 – دارەجەلى ۋاكىل دەڭگەيىنە جەتىپ، مۇشەلىككە تارتقان ادام سانى 57 ادام بولعان، 5 جىككە جەتكەن، دەلوعا قاتىستى سوما ءبىر ميلليون 750 مىڭ يۋاننان استام بولعان.
بۇل دەلو بايشا اۋداندىق پروكۋراتۋرا مەكەمەسىنىڭ تەكتەۋ، ايىپتاما كوتەرۋىنە جوتكەلگەن سوڭ، دەلونى بىتىرۋگە مىندەتتى پروكۋرور فۋ X دىڭ بايانداعاندارىن ءبىر – بىرلەپ، جىنتىكتەي تەكسەرىپ، اتالعان ۇيىمنىڭ مۇشەلەرىنىڭ ۇيىمعا مۇشە بولعان ۋاقىتى، مۇشە تارتۋ جاعدايى جانە قاراجاتتى ءبولۋ جاعدايى قاتارلىلاردى دالمە – ءدال تۇراقتاندىرىپ، فۋ X دىڭ جالعامالى ساتۋ ارەكەتىن ۇيىمداستىرعان، وعان باسشىلىق ەتكەن قىلمىس فاكتتەرىن تۇراقتاندىرعان. پروكۋراتۋرا ورگانى بىلاي دەپ قاراعان: فۋ X قارجى قوسۋ، قارجى قۇراۋ دەگەن اتپەن، ۇيمعا قوسىلعانداردان قاراجات تاپسىرۋ ارقىلى مۇشە بولۋ تولىمدىلىعىنا يە بولۋدى تالاپ ەتكەن ءارى بەلگىلى ءتارتىپ بويىنشا ساتىعا بولگەن، تىكەلەي نەمەسە جانامالاي ۇيىمعا تارتقان مۇشە سانى مەن ولاردىڭ قوسقان قارجى سوماسىن مۇشە تارتۋشىعا قارىمجى بەرۋدىڭ نەگىزى ەتكەن، ۇيىمعا قاتىناسقانداردى باسقالاردى ۇيىمعا تارتۋعا جەلىكتىرىپ، باسقالاردىڭ مال – مۇلكىن الداپ العان، دارەجە جىگى 3 تەن اسىپ، قول استىنا جيناعان مۇشە سانى 30 ادامنان اسقان، جالعامالى ساتۋ ارەكەتىن ۇيىمداستىرۋ ءارى وعان باسشىلىق ەتۋ قىلمىسى بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ قاجەت.
جۋىردا، سوت مەكەمەسى بۇل دەلوعا اشىق سوت اشىپ، تەرگەۋ جۇرگىزگەن. دەلو جاعدايى كۇردەلى بولعاندىقتان، سوت كەڭەسى اتالعان دەلوعا قولايلى ۋاقىتتا ۇكىم جاريالاۋدى ماقۇلدادى. سوت تەرگەۋى اياقتاعان سوڭ، دەلونى بىتىرۋگە جاۋاپتى پروكۋرور مەن سۋديا سوت ۇستىندە سىرتتاي تىڭداعان مەملەكەت قىزمەتكەرلەرىنە ەسكەرتۋ بەرىپ، تاربيە جۇرگىزىپ، فۋ X دىڭ ىسىنەن ساباق الىپ، زاڭ – تۇزىمگە بويسۇنۋدا باستاماشى بولۋدى ءناسيحاتتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
