مەملەكەتتىك ساياسي كەڭەس توراپتا ۇكىمەت ءىسىن اقىلداسۋدىڭ الىس ارالىقتى كەڭەس ءماجىلىسىن اشتى
«جاڭا داۋىردەگى باستاۋىش، ورتا مەكتەپتەردىڭ ەڭبەك تاربيەسىن جاپپاي كۇشەيتۋدى» ارقاۋ ەتىپ ۇكىمەت ءىسىن اقىلداستى
ٴماجىلىستى ۋاڭ ياڭ باسقاردى
2021.12.14 15:52 كەلۋ قاينارى : حالىق تورابى
«حالىق گازەتى»، 12 - ايدىڭ 13 – كۇنى، بەيجيڭ (ءتىلشى: فىڭ چۇنمەي). مەملەكەتتىك ساياسي كەڭەس 12 - ايدىڭ 13 – كۇنى بەيجيڭدە «جاڭا داۋىردەگى باستاۋىش، ورتا مەكتەپتەردىڭ ەڭبەك تاربيەسىن جاپپاي كۇشەيتۋ» نەگىزگى تاقىرىبىنداعى توراپتا ۇكىمەت ءىسىن اقىلداسۋدىڭ الىس ارالىقتى كەڭەس ءماجىلىسىن اشتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى. ول مىنالاردى دارىپتەدى: ەڭبەك تاربيەسىن كۇشەيتۋ جاستار مەن ورەندەردىڭ اقاۋسىز ەسەيىپ - ەرجەتۋىنە، ەكونوميكانىڭ دامۋى مەن قوعامنىڭ العا باسۋىنا، جۇڭحۋانىڭ تاڭداۋلى ءداستۇرلى مادەنيەتىنىڭ ۇرپاقتان - ۇرپاققا جالعاسۋىنا سايادى. باس شۋجي شي جينپيڭنىڭ ەڭبەك تاربيەسى جونىندەگى ماڭىزدى پايىمداۋلارىن ىشكەرىلەي ءتۇسىنىپ، ەڭبەك تاربيەسىن وتباسىمەن، مەكتەپپەن، قوعامنىڭ ءار جاعىمەن ساباقتاستىرىپ، ءمورال تاربيەسىمەن، اقىل - وي تاربيەسىمەن، دەنە تاربيەمەن، ەستەتيكالىق تاربيەمەن ۇشتاستىرىپ، باستاۋىش، ورتا مەكتەپ وقۋشىلارىن ماركسزيزمدىك ەڭبەك كوزقاراسىن بەرىك ورناتۋعا جەتەكتەپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن جەتىلدىرۋ كەرەك.
ج ك پ ورتالىق كوميتەتىنىڭ 9 مۇشەسى مەن ۇسىنىس ەتىلگەن ۋاكىل مەملەكەتتىك ساياسي كەڭەس ورگانى جانە تيانجين، جياڭسۋ، حاينان سىندى 4 جيىن زالىندا، سونداي - اق قول تەلەفون كەسكىنىن جالعاۋ ٴتاسىلى ارقىلى ءسوز سويلەدى، 80 گە جۋىق مۇشە جىلجىمالى مىندەت وتەۋ تۇعىرىندا پىكىر ايتتى. كوپشىلىك بىلاي دەپ قارادى: تاياۋ جىلداردان بەرى ءار جاقتىڭ ەڭبەك تاربيەسى جونىندەگى تانىمى بىرتىندەپ تەرەڭدەدى، ىزدەنىسى بەلسەنە ىلگەرىلەتىلدى، شارالارى ۇزدىكسىز كەمەلدەندى، ەڭبەك تاربيەسى ەلەۋسىز قالۋ جاعدايىندا وزگەرىس تۋىلۋدا، الايدا، جالپى تۇلعالىق جاقتان قاراعاندا، ەڭبەك تاربيەسى ءالى دە ولقى ءتۇيىن سانالادى، قىزمەت بارىسىندا كوپتەگەن قيىنشىلىقتار مەن كەدەرگىلەرگە ءدوپ كەلىپ وتىرمىز، بۇل ءۇشىن ۇزدىكسىز كۇش سالۋ، ۇزاق ۋاقىت تەر توگۋ كەرەك.
مۇشەلەر مىناداي ۇسىنىس قويدى: ورەلى جوبالاۋ مەن جەرگىلىكتى جاعدايعا قاراي ىستەۋدى ۇشتاستىرۋدا تاباندى بولىپ، ەڭبەك تاربيەسىنىڭ نەگىزگى مازمۇنىن يگەرىپ، ەڭبەك تاربيەسى ساباعىن عىلمي ورنالاستىرىپ، قاتىستى وقۋلىق، وقىتۋشى سياقتى ولشەمدەردى ورناتىپ جانە كەمەلدەندىرىپ، «ەڭبەك ىستەتكەنمەن، تاربيەلەمەۋ»، «تاربيەلەگەنمەن، ەڭبەك ىستەتپەۋ» سياقتى ماسەلەلەردى جەڭۋ كەرەك. احىلاق، اقىل - وي، دەنە، ەستەتيكا، ەڭبەك سىندى «5 جاقتاعى تاربيەنى» ساباقتاستىرىپ، ءارقايسى ءپاننىڭ ەڭبەك تاربيەسىمەن ءونىمدى توعىسۋىنىڭ كىرىسۋ ءتۇيىنى مەن كۇش سالۋ ءتۇيىنىن قاراستىرۋ كەرەك. ەڭبەك تاربيەسىن اشىق جۇرگىزۋ تانىمىن ورناتىپ، قاتىستى جوعارى مەكتەپتەر، كاسىپتىك مەكتەپتەر، كاسىپورىندار، ءىسورىندار زاۆود - كەن، ەگىس الاڭى، ورمان الاڭى سياقتى ەڭبەك امالياتى ورىندارىن اشىق ۇستاۋ، ورتاق يگىلىكتەنۋ مەحانيزمىن ورناتۋ جونىندە ىزدەنىس جاساپ، باستاۋىش، ورتا مەكتەپتەردىڭ ەڭبەك وقىتۋ ورىندارى تاپشى بولۋ قيىنشىلىعىن شەشۋ كەرەك. شارت - جاعدايى بار پەداگوگيكالىق مەكتەپتەردىڭ ەڭبەك تاربيەسىنە قاتىستى كاسىپتەردى اشۋىنا دەم بەرىپ، ەڭبەك تاربيەسى ساباعىن ۇستىنە العان باستاۋىش، ورتا مەكتەپ وقىتۋشىلارىن ارناۋلى كۋرستان وتكىزىپ، ارناۋلى جانە قوسىمشا مىندەت وتەۋ ۇشتاستىرىلعان وقىتۋشىلار قوسىنىن قۇرىپ، ەڭبەك تاربيەسىن ۇيرەتەتىن ادام بولۋىن جانە ۇيرەتۋدىڭ جاقسى بولۋىن قامتاماسىزداندىرۋ كەرەك. وتباسىنىڭ ەڭبەك تاربيەسىندەگى نەگىزدىك رولىنا اناعۇرلىم ءمان بەرىپ، وتباسى تاربيەسىن جەبەۋ زاڭىن كەڭ كولەمدە ۇگىتتەپ، اتا - انالاردىڭ دۇرىس وتباسى تاربيەسى كوزقاراسىن جانە ەڭبەكتى ارداقتايتىن، ەڭبەكتى قاستەرلەيتىن تاماشا وتباسى سالتىن ورناتۋىنا كومەكتەسىپ، وتباسىلار مەن مەكتەپتەردىڭ ەڭبەك مىندەتى ءتىزىمىن بىرگە جاساۋىنا شابىت بەرىپ، ەڭبەك تاربيەسىنىڭ باستاۋىش، ورتا مەكتەپ وقۋشىلارىنىڭ كۇندەلىكتى تۇرمىسىمەن تىعىز ۇشتاسۋىن ىلگەرىلەتۋ كەرەك. باعالاۋ، قۋزاۋ، تەكسەرۋدى كۇشەيتىپ، ەڭبەك تاربيەسىن قامتاماسىز ەتۋ جاعدايىن جەرگىلىكتى ۇكىمەتتىڭ وقۋ - اعارتۋ قىزمەت جاۋاپكەرلىگىن اتقارۋىن باعالاۋ مازمۇنىنا ەنگىزىپ، ەڭبەك تاربيەسىنىڭ ورىستەتىلۋ جاعدايىن مەكتەپتىڭ وقىتۋ ساپاسىن باعالاۋ مازمۇنىنا ەنگىزىپ، ەڭبەك امالياتى جاعدايىن وقۋشىلاردىڭ جالپىلىق ساپاسىن باعالاۋ مازمۇنىنا ەنگىزۋ كەرەك. ەڭبەك داڭقتى، جاسامپازدىق ۇلى دەيتىن نەگىزگى اۋەندى زور كۇشپەن اسقاقتاتىپ، ەڭبەكسىز قول جەتكىزۋ، راقاتقا بوي ۇرۋ سىندى قاتە كوزقاراستارعا تۋدى ايقىن ۇستاي وتىرىپ قارسى تۇرىپ، تۇتاس قوعام ەڭبەك تاربيەسىنە كوڭىل بولەتىن، قولداۋ كورسەتەتىن تاماشا اۋقىم قالىپتاستىرۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، لۋ جانگۇڭ، لي بين، ليۋ شينچىڭ ماجىلىسكە قاتىناستى. ساياسي كەڭەستىڭ مۇشەلەرى جاڭ جىڭۋىن، دۋان حۇڭ، تاڭ جياڭپىڭ، ما جيڭلين، جيا چۋاڭشيۇڭ، پان چۇنلەي، شى ي - يۇن جانە ۇسىنىس ەتىلگەن ۋاكىلدەر ميڭ جيانپيڭ، لي ۋەي ءسوز سويلەدى. ورتالىق كوميتەت ۇگىت ءبولىمىنىڭ، وقۋ - اعارتۋ مينيسترلىگىنىڭ، مەملەكەتتىك باس جۇمىسشى ۇيىمىنىڭ، مەملەكەتتىك ايەلدەر بىرلەستىگىنىڭ جاۋاپتىلارى ءماجىلىس الاڭىندا كەڭەس وتكىزىپ، پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
