لي كىچياڭ «دۇنيە جۇزىلىك باس اتقارۋشى ديرەكتورلار كوميتەتىنىڭ» سۇحپات ماجىلىسىنە قاتىناستى
2021.12.17 16:53 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 16 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 12 - ايدىڭ 15 - كۇنى كەشتە جۇڭنانحايداعى زىگۋاڭگى سارايىندا «دۇنيە جۇزىلىك باس اتقارۋشى ديرەكتورلار كوميتەتىنىڭ» سۇحپات ماجىلىسىنە قاتىناستى. سۇحپات ءماجىلىسى ەكران تاسىلىمەن وتكىزىلدى.
سنايد ەلەكتر – گاز سەرىكتەستىگى، دوۋسيل سەرىكتەستىگى، ABB، پاناسونيك ەلەكتر جابدىقتارى، كارگيل، ريو - تينتو، ستارباكس، ۋولكسۋاگين سياقتى دۇنيە جۇزىندەگى 500 ەگەي سەرىكتەستىكتىڭ قاتارىنداعى 30 عا جۋىق سەرىكتەستىكتىڭ جاۋاپتىلارى جاڭالىق اشا دامۋ، جاسىل، تومەن كومىرتەكتى بولۋعا بۇرىلىس جاساۋ، ەل ارالىق سەرىكتەستىكتەردىڭ جۇڭگودا دامۋىنىڭ جاڭا ورايى سياقتى تاقىرىپتار توڭىرەگىندە ءسوز سويلەدى. لي كىچياڭ ەل ارالىق سەرىكتەستىكتەردىڭ جۇڭگونىڭ رەفورما جاساپ، ەسىك اشۋ جانە وسىزامانداندىرۋ ىستەرىنە قوسقان ۇلەسىن القادى ءارى ماجىلىسكە قاتىناسقان ۋاكىلدەرمەن ىشكەرىلەي پىكىر الماستىردى.
لي كىچياڭ مىنانى ءبىلدىردى: جۇڭگو − دۇنيە جۇزىندەگى ەڭ ءىرى وركەندەپ كەلە جاتقان ەل، سونىمەن بىرگە، وراسان زور كومەسكى كۇشكە يە دامۋ ۇستىندەگى بازار. ءتوراعا شي جينپيڭ جاڭالىق اشۋ سىندى ءبىرىنشى قوزعاۋشى كۇشتى كۇشەيتۋدى العا قويدى. ءبىز جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، جاڭالىق اشۋ ۇستانىمىنا ۇزدىكسىز دەم بەرىپ، جاڭالىق اشۋدىڭ ومىرشەڭدىك كۇشىن قاۋلاتامىز. ءبىز تۇزىمدىك سيپاتتى سالىقتى كەمەيتۋ، اقىنى تومەندەتۋ ورنالاستىرۋىن ۇزدىكسىز ويداعىداي اتقارامىز، جۇيەدەن زەرتتەۋ - اشۋ قاراجاتىن قوسىپ ەسەپتەپ تارتىپ قالۋ، ارتقان قۇن سالىعىن قايتارۋ سياقتىلاردى قامتىعان تۇتاس قوعامنىڭ زەرتتەۋ - اشۋ قوسىلىمىنىڭ ىشكى ءوندىرىستىڭ جالپى قۇنىنداعى سالىستىرماسىن جوعارىلاتىپ، ءادىل، جالپىعا ءتيىمدى بازارلاندىرۋ ءادىسى ارقىلى كاسىپورىنداردىڭ جاڭالىق جاراتۋىنا جانە تەحنيكالىق جاقتان قايتا قۇرۋىنا قولداۋ كورسەتەمىز. تەحنيكادا جاڭالىق اشۋ جانە سەلبەسۋ ارقىلى جاڭا ەنەرگيانى اشۋ مەن كومىردى تازا پايدالانۋدى كۇشەيتىپ، ەنەرگيامەن، ەلەكترمەن قامداۋدى قامتاماسىزداندىرۋمەن بىرگە، جاسىل، تومەن كومىرتەكتى تيپكە بۇرىلىس جاساۋدى قۇلشىنا جۇزەگە اسىرىپ، كليمات وزگەرىسىنىڭ سىن - سايىسىنا اناعۇرلىم ويداعىداي توتەپ بەرەمىز.
لي كىچياڭ بىلاي دەپ اتاپ كورسەتتى: جۇڭگونىڭ وسىزامانداندىرۋدى جۇزەگە اسىرۋىندا رەفورما جاساپ، ەسىك اشۋ − ءسوزسىز باسىپ وتەتىن جول. ءبىز ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز تەرەڭدەتىپ، بازارلاندىرىلعان، زاڭمەن جونگە سالىناتىن حالىقارالىق تيجارات - ساۋدا ورتاسىن قالىپتاستىرىپ، ءبىلىم مەنشىك ۇقىعىن قاتاڭ قورعاپ، ىشكى - سىرتقى قارجى قوسقان كاسىپورىندارعا بىردەي، ءادىل مامىلە جاساپ، شەتەل ساۋداگەرلەرىنىڭ قارجى قوسۋىن جەبەۋ جانە قىزمەت وتەۋ جۇيەسىن اقاۋسىزداندىرىپ، جۇڭگونى ۇزاق ۋاقىت بويى قۇدىرەتتى باۋراۋ قۋاتىنا يە قارجى قوسۋ نىسانالى جەرىنە اينالدىرامىز. ءار ەل كاسىپورىندارىنىڭ جۇڭگوعا قارجى قوسۋدى ۇزدىكسىز كەڭەيتىپ، ءار سالاداعى سەلبەستىكتى تەرەڭدەتىپ، بىرگە دامۋدى جۇزەگە اسىرۋىن قارسى الامىز.
لي كىچياڭ جۇڭگونىڭ ەكونوميكالىق جاعدايىن تانىستىرىپ، مىنانى ءبىلدىردى: ءبىز ەكونوميكالىق قۇرىلىستى وزەك ەتۋدە تاباندى بولىپ، جاڭا قۇلدىراۋ قىسىمى الدىندا، ورنىقتى ارتۋدى اناعۇرلىم كورنەكتى ورىنعا قويىپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى جەبەۋدى ءبىر تۇتاس جوسپارلاپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، نەگىزگى جاعدايدى ۇزاق ۋاقىت جاقسارتامىز. جۇڭگودا 150 ميلليون بازار تۇلعاسى بار، ول جۇمىستانۋ مەن ەكونوميكانى ارتتىرۋدىڭ ماڭىزدى تىرەگىن قالىپتاستىردى. ءبىز ءتۇرلى ءادىس - امالدارمەن كاسىپورىنداردىڭ قيىنشىلىعىن شەشىپ، بازار تۇلعالارىنىڭ ومىرشەڭدىك كۇشى مەن دامۋدىڭ ىشكى قوزعاۋشى كۇشىن تاسقىنداتىپ، ەكونوميكانى ورنىقتىرۋدىڭ، جۇمىستاندىرۋدى ورنىقتىرۋدىڭ نەگىزىن بەكەمدەيمىز. كوپ بولىپ يگىلىك جاراتىپ، جالپى قاۋىم جاڭالىق اشۋدى كەڭىنەن ورىستەتىپ، كوپتىڭ اقىل - پاراساتىن، كۇش - قۋاتىن شوعىرلاندىرۋ ارقىلى جۇمىستانۋ كەڭىستىگىن كەڭەيتەمىز جانە قوعامنىڭ جاسامپازدىق قۋاتىن ارتتىرامىز. بازار تۇلعالارىنىڭ سۇرانىسىن ۇزدىكسىز ارقاۋ ەتىپ، ماكرولىق ساياسات بەلگىلەپ جانە اتقارىپ، قازىنا - فينانس ساياساتىن قولداۋ سەرپىنىن ارتتىرىپ، بىرىكتىرمەلى سالىقتى ازايتۋ، اقىنى تومەندەتۋ، قارجى قۇراۋدىڭ وزىندىك قۇنىن تومەندەتۋ سياقتىلار ارقىلى ولاردىڭ اۋىرتپالىعىن جەڭىلدەتۋىنە كومەكتەسىپ، ءتىپتى دە كوپ بازار تۇلعالارىنىڭ دامۋىنا، زورايۋىنا مۇمكىندىك جاسايمىز.
ماجىلىسكە قاتىناسقان كاسىپورىنشىلار جۇڭگو ۇكىمەتىنىڭ ىندەت كەزىندە جۇڭگوداعى شەتەل كاپيتالىمەن قۇرىلعان كاسىپورىنداردىڭ قالىپتى جۇمىس جۇرگىزۋىنە قاستەرلى قولداۋ كورسەتكەنىنە العىس ايتتى، جۇڭگونىڭ كليمات وزگەرىسىنە توتەپ بەرۋ ءۇشىن جاساعان بەلسەندى قۇلشىنىسىن القادى، جۇڭگو ەكونوميكاسىنىڭ دامۋ بولاشاعىنا قىزىعاتىندارىن، جۇڭگونىڭ وسىزاماندانۋ اياق الىسىنا بەلسەنە ات سالىسۋدى جانە دەم بەرۋدى قالايتىندارىن ءبىلدىردى. جاڭالىق اشۋ، سيفرلى ەكونوميكا، دەنساۋلىق ساقتاۋ، سالاماتتىق، استىق حاۋىپسىزدىگى، جاسىل، تومەن كومىرتەكتى بولۋعا بۇرىلىس جاساۋ، باياندى دامۋ سياقتى سالالارداعى سەلبەستىكتى ۇزدىكسىز كۇشەيتىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتىلىعىن قورعاپ، دۇنيە جۇزىنە قول ۇستاسا سەلبەسىپ، ەكونوميكانىڭ قالپىنا كەلۋىن بىرگە جەبەۋدىڭ بەلسەندى سيگنالىن تاراتۋعا نيەت ءبىلدىردى.
ۋاڭ ي، حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
