بازار تۇلعالارىنىڭ ومىرشەڭدىك كۇشىن اناعۇرلىم تاسقىنداتتى
وتكەن جىلى سالىقتى ازايتۋ، اقىنى تومەندەتۋ شاماسى مەجەمەن تىڭنان تريلليون يۋاننان استى (جاڭا ساندى مالىمەت، جاڭا ءتۇيىن)
«حالىق گازەتىنىڭ» ءتىلشىسى ۋاڭ گۋان
2022.01.10 15:02 كەلۋ قاينارى : حالىق تورابى
حىبەي ولكەسىنىڭ جاڭجياكوۋ قالاسىنداعى چۇڭلي قار شاڭعى الاڭىندا حىگاڭ توبى زەرتتەپ جاساعان قار تاپتاۋ ماشيناسى ەرەكشە نازار اۋدارادى، حىگاڭ باس بۇعالتىرى حۋ جىگاڭ بىلاي دەدى: سالىقتى ازايتىپ، اقىنى تومەندەتۋدەگى ءبىرقىدىرۋ ساياسات ءبىزدىڭ كۇش - قۋاتىمىزدى تاسقىنداتىپ، قىسقى وليمپيادا سپورت جارىسىنىڭ ءتۇيىندى ينجەنەريالىق قۇرىلىستارىنا دەم بەردى. زەرتتەۋ - اشۋ قاراجاتىن قوسىپ ەسەپتەپ تارتىپ قالۋ، جوعارى، جاڭا تەحنيكا كاسىپورىندارى ءتيىمدى سالىق مولشەرىنەن يگىلىكتەنۋ سياقتى ساياساتتاردىڭ ارقاسىندا، حىگاڭ توبى 2021 - جىلى يگىلىكتەنگەن ءتۇرلى سالىق تيىمدىلىگى 392 ميلليون يۋانعا جەتتى.
«2021 - جىلى سالىق تاراۋلارى سالىقتى ازايتىپ، اقىنى تومەندەتۋ مەن ۇيىمدىق كىرىستى ازايتۋدى ءبىر تۇتاس جوسپارلاپ ىلگەرىلەتىپ، مەجە ەسەپتە بەلگىلەنگەن كىرىس مىندەتىن تولىق ورىنداپ، بازار تۇلعالارىنىڭ ومىرشەڭدىك كۇشىن اناعۇرلىم ارتتىرىپ، مەملەكەتتىڭ قازىنا قۋاتىن قامتاماسىز ەتىپ، تۇتاس جىلدا سالىقتى ازايتۋ، اقىنى تومەندەتۋ شاماسى مەجەمەن تىڭنان تريلليون يۋاننان استى». مەملەكەتتىك سالىق باس مەكەمەسىندەگى نەگىزگى جاۋاپتى جولداس تاياۋدا اشىلعان مەملەكەتتىك سالىق قىزمەتى ماجىلىسىندە مىنانى ءبىلدىردى: 2016 – جىلدان 2021 – جىلعا دەيىن سالىقتى ازايتۋ، اقىنى تومەندەتۋ جالپى سوماسى 8 تريلليون 600 ميلليارد يۋاننان استى، ماكرولىق سالىق اۋىرتپالىعى 2012 – جىلعى %18.7 تەن مەجەمەن 2021 – جىلى %15.2 اينالاسىنا تومەندەتىلدى. 2021 – جىلدان بەرى سالىقتى ازايتۋ، اقىنى تومەندەتۋ ساياساتى ءۇرتىس تەبىندى اتقارىلىپ، كاسىپورىنداردىڭ اۋىرتپالىعىن جەڭىلدەتىپ، قيىنشىلىعىن شەشۋدە بەلسەندى ونىمدىلىككە قول جەتكىزىلدى.
− سالىقتى ازايتىپ، اقىنى تومەندەتۋدە بازار تۇلعالارىنىڭ جاڭالىق جاراتۋ ومىرشەڭدىك كۇشىن تاسقىنداتۋعا اناعۇرلىم ءمان بەرىلىپ، 2 دارەجەلى «دارەجەسىن جوعارىلاتۋ» زەرتتەۋ - اشۋ قاراجاتىن قوسىپ ەسەپتەپ تارتىپ قالۋ ساياساتى بويىنشا كاسىپورىندار 333 ميلليارد 300 ميلليون يۋان سالىقتى ازايتۋدان كۇنى بۇرىن يگىلىكتەندى.
2021 - جىلى جاساۋ كاسىبى كاسىپورىندارى ارت - ارتىنان ساياساتتىق «قىزىل تۇيىنشەكتى» تاپسىرىپ الدى، الدىڭعى 3 توقسانداعى زەرتتەۋ - اشۋ قاراجاتىن قوسىپ ەسەپتەپ تارتىپ قالۋ ساياساتىنان الدىن الا يگىلىكتەنۋمەن بىرگە، قوسىپ ەسەپتەپ تارتىپ قالۋ سالىستىرماسى %100 كە جوعارىلاتىلدى. «2021 - جىلدىڭ 4 - توقساندا ءبىز زەرتتەۋ - اشۋ قاراجاتىنا الدىن الا ءبىر ميلليون 90 مىڭ يۋان قوسىپ ەسەپتەپ، تارتىپ قالۋ تيىمدىلىگىنەن يگىلىكتەندىك، بۇل ءبىزدىڭ الدىمەن زەرتتەۋ – اشۋمەن شۇعىلدانىپ، ونان سوڭ وندىرىسپەن شۇعىلدانۋ سەنىمىمىزدى نىعايتتى» دەدى شىنجىن قالاسى حۇيسۇڭ عىلىم - تەحنيكانى دامىتۋ شەكتى سەرىكتەستىگىنىڭ قازىنا جاۋاپتىسى شيە جيڭ.
− سالىقتى ازايتىپ، اقىنى تومەندەتۋ مەن سالىقتى، اقىنى كەشەۋىلدەتۋ جاعىنان «كەشەندى شارا» قولدانىلىپ، بازار تۇلعالارىنىڭ جىل سوڭىنداعى قارجى قىسىمى باسەيتىلدى، قازىر جاساۋ كاسىبىندەگى ورتا، شاعىن، ۇساق كاسىپورىنداردىڭ 200 ميلليارد يۋان سالىعىن (اقىسىن) كەشەۋىلدەتۋگە بولاتىنى مەجەلەنۋدە.
شىجياجۋاڭ حۋاجيە اعاش كاسىبى شەكتى سەرىكتەستىگى − قالىڭ تاقتاي ماتەريالدارىن زەرتتەپ جاسايتىن «ارنايىلاندىرىلعان، سارالانعان، ەرەكشە، جاڭا» كاسىپورىن، تاياۋدا شيكىزات باعاسىنىڭ جوعارىلاۋى سياقتى فاكتورلاردىڭ ىقپالىنان سەرىكتەستىكتىڭ اينالمالى قارجىسى ءبىر مەزەت قيىن ماسەلەلەرگە تاپ بولدى. حۋاجيە اعاش كاسىبى شەكتى سەرىكتەستىگىنىڭ قازىنا مەڭگەرۋشىسى ياڭ يۇي: «كەشىكتىرىپ تاپسىرۋ ساياساتى ءبىزدىڭ تىنىسىمىزدى كەڭەيتتى، كەشىكتىرىپ تاپسىرعان 250 مىڭ يۋان سالىق سوماسى قارجى تاپشىلىعىنان قۇتىلىپ، جاڭا جىلدا جاڭا دامۋدى جۇزەگە اسىرۋىمىزعا سەپتىگىن تيگىزدى» دەدى.
− تاماشا سالىق، ساۋدا ورتاسى جاڭادان قۇرىلعان كاسىپورىنداردى ايرىقشا مەيىرگە بولەدى، 2021 - جىلى جاڭادان قۇرىلعان سالىققا ساياتىن بازار تۇلعالارى شامامەن 13 ميلليون بولىپ، سايكەس مەزگىلدەگىدەن %13.6 ارتىپ، 2012 - جىلداعىنىڭ 2.4 ەسەسىنە تۋرا كەلەدى.
ۋحان چۇنشى - يۇنجيان مادەنيەت تاراتۋ شەكتى سەرىكتەستىگىنىڭ جاۋاپتىسى ۋىن يۋانجى: «جاڭادان قۇرىلعان كاسىپورىندار ۋحان قالاسى جياڭحان رايونىنىڭ اكىمشىلىك قىزمەت وتەۋ تورابىنا شىعىپ، كاسىپورىن اشۋ ءوتىنىشىن تاڭداپ، تالاپ بويىنشا ينفورماتسيا تولتىرادى، ارلى – بەرلى سابىلماي جۇمىس باستاۋعا مۇمكىندىك بار، توراپتاعى جۇمىس تيجارات كۋالىگى، سەرىكتىكتىڭ تاڭباسى قاتارلىلاردى قامتيدى، كاسىپ باستاۋ ءوتىنىشىن ءبىتىرۋ وتە قولايلى» دەدى.
مەملەكەتتىك سالىق باس مەكەمەسىندەگى نەگىزگى جاۋاپتى جولداس مىنانى ءبلىدىردى: بيىل سالىقتى ازايتىپ، اقىنى تومەندەتۋ ساياساتىن زور كولەمدە، كەزەڭ بويىنشا كۇش بىرىكتىرە وتىرىپ مۇقيات تياناقتاندىرۋ كەرەك، اسىرەسە، شاعىن، ۇساق كاسىپورىندار، جەكەشە ونەركاسىپشىلەر مەن ساۋداگەرلەر، جاساۋ كاسىبى سياقتى كاسىپورىن كاسىپتەرىن قولداۋ تەبىنىن ارتتىرۋ؛ ساياساتتىڭ اينالىم احۋالىنا قاداعالاي تالداۋ جاساۋ قىزمەتىن جاقسى ىستەۋ، ءارى سالىق تاپسىرۋشىنىڭ، اقى تاپسىرۋشىنىڭ پايدا ەسەبىن انىق ەسەپتەۋمەن بىرگە، سالىقتى ازايتۋ، اقىنى تومەندەتۋدىڭ پايدا ەسەبىن تۇيىندە سىناق ەتۋدى ۇزدىكسىز كەڭەيتۋ جانە بىرتىندەپ اتقارۋ، ءارى سالىقتى ازايتۋ، اقىنى تومەندەتۋ ساياساتىنىڭ اتقارىلۋ اسەرىن ويداعىداي مەجەلەپ، سالىق تاپسىرۋشىلاردىڭ، اقى تاپسىرۋشىلاردىڭ سالىقتى ازايتۋ، اقىنى تومەندەتۋ جاعىنداعى تابىس سەزىمىن ونان ارى جوعارىلاتۋ، سالىقتى ازايتىپ، اقىنى تومەندەتۋدىڭ جالپىلىق اسەرىن كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
