«مەن پارتيا مۇشەسىمىن»
حالىق گازەتىنىڭ ءتىلشىسى جاڭ تيانپەي
2022.01.05 13:09 كەلۋ قاينارى : حالىق تورابى
 |
ابدۇجاپپار (سولدان ءبىرىنشى) حالىق ساقشىلارىمەن بىرگە شارلاۋعا شىقتى. ماتەريالدىق سۋرەت
|
جۋىردا شينجياڭ ۇيعۇر اۆتونوميالى رايونىنداعى ءبىر مالشىنىڭ ساياحاتشىلارعا كومەكتەسىپ، ولاردىڭ اۆتوكولىگىن يتەرىسكەن سوڭ، ساياحاتشىلاردىڭ راقىمەت ايتۋ ماقساتىندا بەرگەن اقشاسىن الماستان، ولارعا كەۋدەسىندەگى پارتيا زناگىن كورسەتكەن بەينەجازبا حالىق گازەتىنىڭ ۋيچات تەكشسى، حالىق تورابى قاتارلى تەكشەلەردە جاريالانعان سوڭ، توراپتاستار بۇل ءىستى قىزۋ تالقىلادى.
بەينەجازباداعى باس كەيىپكەر ابدۇجاپپار مۇڭدى كەزىندە شينجياڭنىڭ شەكارادان كىرىپ – شىعۋدى تەكسەرۋ باس پۋنكتى قىزىلسۋ قىرعىز اۆتونوميالى وبلىسى شەكارالىق باسقارۋ بولىمشە اترەتى مۇجى شەكارالىق بولىمشەسىندە شەكارا قورعاۋشى مىندەتىن اتقارعان، تەڭىز دەڭگەيىنەن ورتا ەسەپپەن 4000 مەتر بيىكتىكتەگى شەكارا وڭىردە 12 جىل بويى قىزمەت ىستەگەن.
مال شارۋاشىلىعى وڭىرىندە ەرجەتكەن ول جەر جاعدايىنا قانىق بولعاندىقتان، ءار جولى شارلاۋ جۇرگىزگەندە قوسىننىڭ الدىڭعى جاعىندا ءجۇرىپ، جەتەكشى مىندەتىن اتقارادى. باسقا شەكارا قورعاۋ قىزمەتكەرلەرى مەرزىم سايىن كەزەكتەسىپ تاۋعا بارىپ مىندەت وتەيدى، ول جىل بويى شەكارا وڭىردە تۇرۋدى ىرىقتىلىقپەن تالاپ ەتكەن. 156 كيلومەترلىك شەكارا سىزىعىنىڭ ءار تۇسىنىڭ جەر بەدەرى مەن اماندىق قورعاۋ جاعدايىنا بەس ساۋساعىنداي قانىق. جۋىرداعى جىلداردان بەرى، سىرقاتتانىپ قالعاندىقتان، ءوزى قىزۋ سۇيەتىن قىزمەت ورنىنا امالسىزدان قوش ايتقان.
شەكارا قورعاۋشىلار قوسىنىنداعى مىندەتىنەن شەگىنىپ شىققانىمەن، ول جانىنداعىلارعا جاقسىلىق ىستەۋدى توقتاتقان جوق. 2021 – جىلى 7 – ايدىڭ ءبىر كۇنى بىرنەشە ساياحاتشىنىڭ اۆتوكولىگى باتپاققا باتىپ، العا جىلجۋعا شاراسىز قالعان. ولار قاتتى ابىرجىپ تۇرعان ساتتە، ابدۇجاپپار مەن تاعى ءبىر مالشى موتوتسيكلدەرىمەن جەتىپ كەلىپ، باتپاقتى قولدارىمەن قازىپ، ەكەۋى كۇش قوسا وتىرىپ، اۆتوكولىكتى باتپاقتان يتەرىپ شىعارعان. اتتانار ساتتە، ساياحاتشىلار ابدۇجاپپارعا ءبىراز اقشا بەرمەك بولسا دا، ول بۇل اقشانى قابىلداۋدان باس تارتقان. وسىلاي «امال تاپپاي» تۇرعان ساتتە، ول سىرتقى شاپانىنىڭ ءوڭىرىن اشىپ، كەۋدەسىندەگى پارتيا زناگىن ماقتانىشپەن كورسەتكەن.
ابدۇجاپپار سۇحباتتى قابىلداعان كەزدە: «مەن پارتيا مۇشەسىمىن، جاقسى ۇلگى كورسەتۋ مەنىڭ مىندەتىم ءارى بورىشىم، العىسقا تولى جۇرەكپەن قوعامعا بورىشىمدى وتەۋىم تىپتەن قاجەت»، — دەدى.
كەلۋ قاينارى: حالىق تورابى
 |
ابدۇجاپپار ساياحاتشىلارعا ءوزىنىڭ پارتيا ىزناگىن كورسەتتى. بەينەجازبادان قيىپ الىنعان سۋرەت
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
