جۇڭگو مەن رەسەي ەكى ەلدىڭ مەملەكەت باسشىلارى جاڭا جىلدى قۇتتىقتاپ ءوزارا تەلەگرامما جولدادى
جۇڭگو مەن رەسەي ەكى ەل زۇڭليلەرى جاڭا جىلدى قۇتتىقتاپ ءوزارا تەلەگرامما جولدادى
2022.01.04 16:20 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 31 - كۇنى، بەيجيڭ. 2021 - جىلى 12 - ايدىڭ 31 - كۇنى مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين جاڭا جىلدى قۇتتىقتاپ ءوزارا تەلەگرامما جولدادى.
شي جينپيڭ جۇڭگو ۇكىمەتى مەن جۇڭگو حالقى اتىنان پۋتين زۇڭتۇڭعا جانە رەسەي حالقىنا شىن ىقىلاسپەن قۇتتى بولسىن ايتتى جانە ىزگى تىلەك تىلەدى. شي جينپيڭ بىلاي دەپ اتاپ كورسەتتى: 2021 – جىل − «جۇڭگو - رەسەي تاتۋ كورشىلىك، دوستىق سەلبەستىك شارتىنا» قول قويىلعانىنىڭ 20 جىلدىعى. پۋتين زۇڭتۇڭ ەكەۋىمىز «شارت» مەرزىمىن ۇزارتۋدى بىرگە جاريالاپ، «ۇرپاقتار بويى دوس بولۋ، سەلبەسىپ تەڭ يگىلىككە كەنەلۋ» ۇستانىمى نەگىزىندە ەكى جاقتى قاتىناستىڭ قارىشتاپ دامۋىنا جەتەكشىلىك ەتتىك. ەكى جاق «تورتتە ءوزارا تاباندى قولداۋ كورسەتۋ» ورتاق تانىمىندا تاباندى بولىپ، ساياسي ءوزارا سەنىمدىلىكتى ونان ارى تەرەڭدەتتى. ەكى جاق ىندەت ىقپالىن كۇش سالا جەڭىپ، جان - جاقتى، ناقتى سەلبەستىكتە سۇبەلى تابىستارعا قول جەتكىزۋدى ىلگەرىلەتتى. جۇڭگو مەن رەسەيدىڭ عىلىم - تەحنيكادا جاڭالىق اشۋ جىلى تولىق تابىسپەن اياقتالىپ، ەكى جاقتى ساۋدا سوماسى تاعى دا تىڭ بيىككە كوتەرىلدى، ەنەرگيا، اۆياتسيا - عارىش، ۇلاستىرۋ - تۇتاستىرۋ سياقتى سالالارداعى ستراتەگيالىق ءىرى نىساندار جەدەل ىلگەرىلەتىلدى. ەكى جاق حالىقارالىق جانە وڭىرلىك ىستەردە تىعىز سەلبەسىپ، ناعىز كوپ جاقتىلىقتى امالياتتا ايگىلەپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتاردان جازباي، شىتىرمان، كۇردەلى حالىقارالىق جاعدايعا قاستەرلى ورنىقتىلىق جانە وڭ ەنەرگيا ۇستەدى. مەن ەكى جاقتى قاتىناستىڭ جەتىستىكتەرىنە ءدان ريزامىن.
شي جينپيڭ بىلاي دەپ دارىپتەدى: 2022 - جىلى ەكى جاق جۇڭگو - رەسەي دەنەتاربيە اۋىس - كۇيىس جىلىن باستاپ، ەكى ەلدىڭ ۇرپاقتان - ۇرپاققا جالعاسقان دوستىعىنىڭ تىڭ تاراۋىن جازادى. پۋتين زۇڭتۇڭ جۇڭگودا ساپاردا بولادى ءارى بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسادى، مەن ءتۇرلى تاسىلدەر ارقىلى پۋتين زۇڭتۇڭمەن تىعىز بايلانىستى جالعاستىرىپ، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىنىڭ نىق قاداممەن الىسقا جەتۋىنە بىرگە جەتەكشىلىك ەتىپ، ەكى جاقتىڭ ءار سالاداعى سەلبەستىگىنىڭ ساپاسىن كوتەرۋدى، دارەجەسىن جوعارىلاتۋدى ىلگەرىلەتىپ، ەكى ەلدىڭ ءوز - ءوزىنىڭ دامۋىنا، گۇلدەنۋىنە اناعۇرلىم ويداعىداي دەم بەرىپ، جاڭاشا حالىقارالىق قاتىناس ورناتۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى ايرىقشا ءۇمىت ەتەمىن.
پۋتين ءتوراعا شي جينپيڭدى شىن جۇرەكتەن قۇتتىقتادى، دوس جۇڭگو حالقىنىڭ باقىتتى، ساۋ - سالامات بولۋىن تىلەدى. پۋتين مىنالاردى ءبىلدىردى: وتكەن ءبىر جىل − «رەسەي - جۇڭگو تاتۋ كورشىلىك، دوستىق سەلبەستىك شارتىنا» قول قويىلعانىنىڭ 20 جىلدىعى. بۇل شارت ەكى ەل قاتىناسىنىڭ دامۋىنا بەرىك نەگىز قالادى. 2021 - جىلى رەسەي - جۇڭگو سەلبەستىگى مول ناتيجە بەرىپ، ەكى جاقتىڭ ءار جىگى ساياسي تىلدەسۋدى بەلسەنە ورىستەتىپ، ەكى جاقتى ساۋدا سوماسى تاعى دا تىڭ بيىككە كوتەرىلدى، عىلىم - تەحنيكادا جاڭالىق اشۋ جىلىندا سۇبەلى جەتىستىككە قول جەتىپ، ەكى جاق ەلەۋلى حالىقارالىق جانە وڭىرلىك ماسەلەلەردى شەشۋ جونىندە تىعىز، ءونىمدى سەلبەستىكتى جالعاستىردى. ءبىزدىڭ بىرگە قۇلشىنۋىمىزدىڭ ارقاسىندا، رەسەي مەن جۇڭگونىڭ ءار سالاداعى سەلبەستىگىنىڭ، ءسوز جوق، ونان ارى داميتىنىنا سەنەمىن. رەسەي - جۇڭگو دەنەتاربيە اۋىس - كۇيىس جىلىنىڭ ءساتتى وتكىزىلۋىن ءۇمىت ەتەمىن. مەن جۇڭگو جاقتاعى دوستاردىڭ بەيجيڭ قىسقى وليمپيادا سپورت جارىسىن، ءسوز جوق، ءساتتى وتكىزەتىنىنە كامىل سەنەمىن، ءتوراعا شي جينپيڭمەن وسى دەنەتاربيە سالتاناتتى جينالىسىنىڭ اشىلۋ ساتىندە ديدارلاسۋعا ايرىقشا اسىعىپ وتىرمىن.
وسى كۇنى مەملەكەتتىك كەڭەستىڭ زۇڭليى لي كىچياڭ مەن رەسەيدىڭ زۇڭليى ميشۋستين جاڭا جىلدى قۇتتىقتاپ ءوزارا تەلەگرامما جولدادى. لي كىچياڭ مىنالاردى ءبىلدىردى: تاياۋدا ەكى جاق ەكى ەل زۇڭليلەرىنىڭ 26 - رەتكى مەرزىمدى ديدارلاسۋىن ءساتتى وتكىزىپ، كوپتەگەن ماڭىزدى ورتاق تانىمعا كەلدى. مەن ميشۋستين زۇڭليمەن تىعىز قىزمەت بايلانىسىن ۇزدىكسىز جالعاستىرىپ، ەكى ەلدىڭ ناقتى سەلبەستىگىندە جاڭا جاعداي اشۋدى، جاڭا بەت - بەينە ايگىلەۋدى، جاڭا تابىستارعا قول جەتكىزۋدى بىرگە ىلگەرىلەتۋگە پەيىلمىن. ميشۋستين مىنالاردى ءبىلدىردى: ەكى جاق رەسەي - جۇڭگو زۇڭليلەرىنىڭ 26 - رەتكى مەرزىمدى ديدارلاسۋى ارقىلى ەكى ەلدىڭ ناقتى سەلبەستىگىن ونان ارى كەڭەيتۋ جونىندە جاڭا ورنالاستىرۋ جاسادى، ەكى جاقتىڭ بىرگە كوڭىل ءبولىپ وتىرعان ماسەلەلەر جونىندە سىندارلى تىلدەسۋدى ۇزدىكسىز جالعاستىرۋىن ءۇمىت ەتەمىن، جۇڭگو جاقتىڭ بەيجيڭ 2022 - جىلعى قىسقى وليمپيادا سپورت جارىسىن جانە مۇگەدەكتەر قىسقى وليمپيادا سپورت جارىسىن ءساتتى وتكىزۋىن تىلەيمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
