كۇن ەنەرگياسىمەن ەلەكتر تاراتۋدا اۋا رايىمەن ساناسپايتىن بولدىق
شينجياڭداعى تۇڭعىش فوتوتەرمالدىق ەلەكتر ستانسياسى ورنىقتى اينالىمعا ءتۇستى
2022.01.04 10:14 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي 12 - ايدىڭ 30 - كۇنى اراتۇرىكتەن حابارلايدى. كۇن ەنەرگياسىمەن ەلەكتر تاراتۋدا ەندىگارى اۋا رايىمەن ساناسىپ جاتپايتىن بولدىق! بيىل 6 - ايدىڭ 18 - كۇنىنەن باستاپ، 24 ساعات ىركىلىسسىز ەلەكتر تاراتۋ جۇزەگە اسىرىلعاننان بەرى 12 - ايدىڭ 28 - كۇنىنە دەيىن شينجياڭداعى تۇڭعىش فوتوتەرمالدىق ەلەكتر تاراتۋ نىسانى − جۇڭگو ەلەكتر ينجەنەرياسى قۇمىل مۇناراشا رۇڭيان فوتوتەرمالدىق ەلەكتر ستانسياسى جيىنى 10 ميلليون كيلوۆات - ساعات ەلەكتر تاراتىپ، وسى نىساننىڭ ەلەكتر تاراتۋىنىڭ ورنىقتى كەزەڭگە قادام تاستاعاندىعىن كورسەتتى، سونداي - اق ەلىمىزدىڭ كۇن ەنەرگياسىن ”ساقتاۋعا“ قۋاتى جەتەتىندىگىن ءارى پايدا بولعان ەلەكتر ەنەرگياسىن مەملەكەتتىك ەلەكتر جەلىسىنە جەتكىزەتىندىگىنەن دەرەك بەرەدى.
”جۇمىس اينالىمىن ساپالىلاندىرۋ ارقىلى وسى نىسان توقتاۋسىز ۇزاق ۋاقىت جەلىگە قوسىلىپ ەلەكتر تاراتىپ، فوتوتەرمالدىق ەلەكتر ستانسياسىنىڭ جۇمىس اينالىمىن باعالاۋ كورسەتكىشىنىڭ تالابىنا ساي، جەلىنى رەتتەۋ، كيلوۆاتىن رەتتەۋ جۇمىس جۇرگىزۋ اينالىمىنا قوسىلىپ، شەشۋشى تەحنيكا كورسەتكىشتەرى بىرتىندەپ جوباداعى تالاپقا جەتىپ، نىسان قۇرىلىسى تابىستى ورىندالدى“، - دەدى جۇڭگو ەلەكتر ينجەنەرياسى قۇمىل كۇن ەنەرگياسىمەن ەلەكتر تاراتۋ شەكتى سەرىكتەستىگىنىڭ ورىنباسار باس ديرەكتورى جوۋ جىيۇڭ.
كۇن ەنەرگياسىمەن ەلەكتر تاراتۋ فوتوۆلتتىق ەلەكتر تاراتۋ جانە فوتوتەرمالدىق ەلەكتر تاراتۋ بولىپ ەكىگە بولىنەدى. فوتوۆلتتىق ەلەكتر تاراتۋدا كۇن ەنەرگياسى توتە ەلەكتر ەنەرگياسىنا اينالدىرىلادى، ونىڭ ەڭ ولقى جەرى ەنەرگيانى ساقتاۋعا كەلمەيدى، كۇن نۇرى بولماعان جاعدايدا ەلەكتر تاراتۋعا كەلمەيدى. ”فوتوتەرمالدىق ەلەكتر تاراتۋدا كۇن ەنەرگياسىن بەلگىلى ءبىر دانەكەرگە ساقتاپ الىپ، تۇندە جانە كۇن بۇلتتى كۇندەردە دە ەلەكتر تاراتا بەرەدى. بۇل نىسان كۇن ەنەرگياسىن رۇڭيانعا ساقتاپ الىپ، قاجەتكە قاراي كەز كەلگەن ۋاقىتتا ەلەكتر تاراتا الادى“، - دەدى سەرىكتەستىكتىڭ ينجەنەريا ءبولىمىنىڭ مەڭگەرۋشىسى جاڭ ياڭفي.
وسى ەلەكتر ستانسياسى 2016 - جىلى مەملەكەت بەكىتكەن تۇڭعىش توپتاعى 20 فوتوتەرمالدىق ۇلگى كورسەتۋ نىسانىنىڭ ءبىرى، سونداي - اق شينجياڭدا سالىنعان بىردەن - ءبىر نىسان. وسى نىسان رەسمي ىسكە قوسىلعاننان كەيىن تۇتاس جىلدا 198 ميلليون كيلوۆات - ساعات ەلەكتر تاراتادى. ”ەلىمىزدىڭ فوتوتەرمالدىق نىساندارىن ساۋدالاندىرۋ ءالى دە باستاپقى كەزەڭدە تۇر، بۇكىل ەلدە تۇڭعىش توپتاعى فوتوتەرمالدىق ۇلگى كورسەتۋ نىساندارىنىڭ مەرزىمدى ۋاقىتتا سالىنىپ بىتكەندەرى كوپ ەمەس. بۇل نىسان قاجىرلىلىقپەن كۇرەس جۇرگىزۋدىڭ ارقاسىندا دەر كەزىندە قۇرىلىس نىساناسىن جۇزەگە اسىردى، ءتۇرلى كورسەتكىشتەرى سايكەس مەزگىلدەگى نىسانداردىڭ الدىندا تۇرادى“، - دەدى جوۋ جىيۇڭ.
اراتۇرىك اۋدانى نوم قالاشىعىنداعى قۇبا تۇزدە كەستە سەكىلدى قاتار تىزىلگەن 10 مىڭنان استام بەس قىرلى كۇن ايناسى جالت - جۇلت ەتىپ كوز تارتا جايناپ تۇر. وسى اينالار كۇن نۇرىنىڭ جىلجۋىنا ىلەسە بۇرىشتىق گرادۋسىن رەتتەپ، ۇقساماعان تۇرعىدا كۇن ەنەرگياسىن 180 مەتر بيىكتىكتەگى رۇڭيان مۇناراسىنىڭ باسىنداعى جىلۋ جيۋ اسپابىنا شوعىرلاندىرىپ بەرەدى.
جاڭ ياڭفي تانىستىرىپ بىلاي دەدى: كۇن ايناسىنان سىنىپ شاشىراپ شىققان ساۋلەلەر جىلۋ جيۋ اسپابىندا توقتاۋسىز اينالىپ تۇرعان رۇڭياندى 300 سەلتسي گرادۋستان 560 سەلتسي گرادۋسقا دەيىن قىزدىرادى، جىلۋعا اينالدىرۋ جۇيەسى جوعارى تەمپەراتۋراداعى رۇڭيان مەن سۋ اراسىندا جىلۋدى تولىق اۋىستىرعاننان كەيىن، پايدا بولعان جوعارى تەمپەراتۋرالى، جوعارى قىسىمدى بۋ بۋ ترۋبينالدى گەنەراتور اگراگاتتارىن قوزعالتىپ، ەلەكتر شىعارادى.
”وسى نىساننىڭ اتقارىلۋى ەلىمىزدىڭ فوتوتەرمالدىق ەلەكتر تاراتۋ نىسانىنا تاجىريبە توپتادى، بۇل ەلىمىزدىڭ وت ەلەكتر ستانسياسىنا شەكتەن تىس يەك سۇيەۋىن ازايتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋ جونىنەن بەلسەندى ىزدەنىس بولدى“، - دەدى جوۋ جىيۇڭ.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
