شينجياڭ ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
امەريكانىڭ سايقالدىعى مەن قۋلىق − سۇمدىعى استە ىسكە اسپايدى
2022.01.04 10:16 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 12 - ايدىڭ 31 - كۇنى ۇرىمجىدەن حابارلايدى. 2021 - جىلى 12 - ايدىڭ 31 - كۇنى شينجياڭ 14 - مايدان ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى، شينجياڭنىڭ زاڭ سالاسىنان جانە جوعارى مەكتەپتەردەن 8 قايراتكەر - وقىتۋشى ايتىلمىس شينجياڭ ”زورلىقپەن ەڭبەككە سالدى“ دەگەننىڭ امەريكاداعى، باتىستاعى جۇڭگوعا قارسى كۇشتەردىڭ بۇكىلدەي ويدان قۇراستىرعان وسەك - اياڭى ەكەندىگىن، امەريكانىڭ ايتىلمىس ”ۇيعۇرلاردى زورلىقپەن ەڭبەككە سالۋدىڭ الدىن الۋ زاڭ جوباسىنا“ قول قويۋى تەك ساياسي ويىن ەكەندىگىن فاكت پەن شىندىق ارقىلى دالەلدەدى.
”امەريكانىڭ سايقالدىعى مەن قۋلىق - سۇمدىعى استە ىسكە اسپايدى“. اۆتونوميالى رايوندىق ادۆوكاتتار قوعامىنىڭ ورىنباسار باستىعى الىمجان ءامات مىنالاردى ءبىلدىردى: شينجياڭنىڭ ەڭبەكپەن جۇمىستاندىرۋدى قامتاماسىز ەتۋ ساياساتى جانە ونىڭ امالياتى جۇڭگونىڭ نەگىزگى زاڭىنا، زاڭدارىنا ۇيلەسەدى، حالىقارالىق ەڭبەكشىلەر جانە ادامدىق ۇقىق ولشەمىنە ۇيلەسەدى. شينجياڭ ەڭبەك قاتىناسىن ورناتۋدى، جۇرگىزۋدى، باقىلاۋدى، كەلىستىرۋدى باستان - اياق زاڭمەن باسقارۋ ارناسىنا ەنگىزىپ، زورلىقتى كۇشتى، قوقان - لوقىنى نەمەسە باس بوستاندىقتى زاڭسىز شەكتەۋدى ءتاسىل ەتكەن زورلىقپەن ەڭبەككە سالۋعا قاتاڭ تيىم سالدى. ەڭبەك بارىسىندا ءار ۇلت بۇقاراسى ەڭبەكشىلدىگىمەن بايۋ كوزقاراسىن جاپپاي ورناتتى، ەڭبەك ىنتاسى تاسقىنداپ، ەڭبەك شەبەرلىگى زور مولشەردە جوعارىلاپ، ەڭبەك جەتىستىگى تولىق ايگىلەندى.
شينجياڭ داشۋەسى زاڭ شۋەيۋانىنىڭ دوتسەنتى اركىن سامساق بىلاي دەدى: وڭتۇستىك، سولتۇستىك شينجياڭعا بارىپ ءىلمي تەكسەرۋ - زەرتتەۋ ورىستەتكەن كەزىمدە، ءار ۇلت بۇقاراسىنىڭ تۇرمىسىندا تۋىلعان زور وزگەرىستەردى كوزىممەن كوردىم، كوپ ساندى شارۋالار وزدەرىنىڭ ەگىستىك جەرلەرىنەن كىرىس كىرگىزىپ قانا قويماي، ەگىس ارەدىگىندە تاعى سىرتقا شىعىپ جۇمىس ىستەپ اقشا تاۋىپ، تۇرمىس ساپاسىن بارعان سايىن جوعارىلاتتى.
شينجياڭ قازىنا - ەكونوميكا داشۋەسى زاڭ شۋەيۋانىنىڭ لەكتورى ءامينا ابليميت ءوزىنىڭ وقۋشىسى مارھاباگۇل ابدۇۋاقىنىڭ حيكاياسىن باياندادى. مارھاباگۇلدىڭ ءۇيى قاراقاش اۋدانى قاراساي قالاشىعى تەرىم قىستاعىندا، اكە - شەشەسى ەگىنشى، وتباسىنىڭ كىرىسى وتە تومەن. وتباسىنداعىلار شەبەرلىككە باۋلۋ كۋرسىنا قاتىناسىپ، جۇمىستانۋ ونەرىن يگەرگەننەن كەيىن، ءوسىمى ۇكىمەت قازىناسىنان تولەنەتىن قارىز اقشامەن قالاشىقتان مۋزيكالى تاعامجاي اشىپ، جەرگىلىكتى ورىنداعى كەدەي حالىقتى جۇمىسقا قابىلدادى، كوپشىلىك ءبىر جاعادان باس، ءبىر جەڭنەن قول شىعارا وتىرىپ، باردام تۇرمىسقا كەنەلدى. ”امەريكاداعى، باتىستاعى جۇڭگوعا قارسى كۇشتەردىڭ شينجياڭعا جالا جابۋىنا مەن دە، وقۋشىلار دا جول بەرمەيمىز، شينجياڭداعى ءار ۇلت بۇقاراسى دا جول بەرمەيدى“، - دەدى امينا.
ءۇرىمجى قالالىق ادۆوكاتتار قوعامىنىڭ ورىنباسار باستىعى رەيىمجان بارات ماڭىنداعى ادامداردىڭ حيكاياسىمەن ءبولىستى. ونىڭ دوسى ابيبۇلا مامۇت بۇرىن كەدەي شارۋا بولاتىن، ەلەكتر جابدىقتارى سەرىكتەستىگىنە قابىلدانىپ قىزمەتكە تۇرعاننان كەيىن، ەڭبەك توقتامىن جاساستى، كاسىپورىن وعان ”بەس قامسىزداندىرۋ مەن تۇرعىن ءۇي الەۋمەتتىك قورىن“ تاپسىردى. قىزمەت بارىسىندا ول دانەكەرلەۋ تەحنيكاسىن جاتىق يگەردى، ايلىق ەڭبەكاقىسى 5000 يۋانعا ءوستى. رەيىمجان: وسىنداي مىسالدار تيانشان الابىندا تولىپ جاتىر، الدەكىمنىڭ ”زورلىقپەن ەڭبەككە سالىنعاندىعىن“ ەجەلدەن كورگەم دە، ەستگەم دە جوق، - دەدى.
”زورلىقپەن ەڭبەككە سالۋدىڭ“ دالەل - ىسپاتى قايدا؟ ”الدىن الۋ زاڭ جوباسى“ نەنىڭ الدىن الادى؟ شينجياڭ شىفان داشۋەسى ساياسي - زاڭ شۋەيۋانىنىڭ پروفەسسورى چىن تۇڭنىڭ زاڭ وقىتۋىمەن، زەرتتەۋىمەن شۇعىلدانعاندىعىنا 20 جىلدان استى، نەشە ون رەت قاتىستى تەكسەرۋ - زەرتتەۋگە قاتىناستى. چىن تۇڭ بىلاي دەدى: سانسىز ناقتى مىسالدار امەريكا جاقتىڭ ايتىلمىس شينجياڭ ”زورلىقپەن ەڭبەككە سالدى“ دەگەن ساندىراعىنىڭ مۇلدە فاكت نەگىزى جوق ەكەندىگىن، زاڭ قاعيداسى تىرەگىنەن تىپتەن اۋىز اشۋعا بولمايتىندىعىن، امەريكاداعى، باتىستاعى جۇڭگوعا قارسى كۇشتەردىڭ ساياسي سايقالدىعىنا سايكەسكەن ويىن عانا ەكەندىگىن دالەلدەدى.
چىن تۇڭ مىنالاردى ءبىلدىردى: ايتىلمىس ”الدىن الۋ زاڭ جوباسىنىڭ“ شىن مانىندە ”الدىن الاتىنى“ زورلىقپەن ەڭبەككە سالۋ ەمەس، قايتا شينجياڭداعى ءار ۇلت بۇقاراسىنىڭ باقىتتى تۇرمىسى، جۇڭگونىڭ كوركەيۋى. ايتسە دە تاريح ءارقانداي پاسىق ءتاسىلدىڭ شينجياڭداعى ءار ۇلت حالقىنىڭ تاماشا تۇرمىسقا تالپىنعان نىق قادامىنا بوگەت بولا المايتىندىعىن، جۇڭگونىڭ دامۋىنا، نىعايۋىنا ءتىپتى دە بوگەت بولا المايتىندىعىن تاعى ءبىر رەت دالەلدەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
