بۇقاراعا قۇقاي كورسەتۋ تەك ستيل ماسەلەسى عانا ەمەس
چىن گۋاڭجياڭ
2021.12.31 17:05 كەلۋ قاينارى : حالىق تورابى
«ونىڭ ۇلىن قىلمىستى ەتەتىن (قاماۋعا الدىراتىن) سان ءتۇرلى امالىم بار» — 12 – ايدىڭ 27 – كۇنى «شينجيڭ گازەتىنىڭ» حابارلاۋىنشا، جۋىردا ءبىر توراپتاس شاندۇڭ ولكەسى چيڭداۋ قالاسى پيڭدۋ قالاسى يۇنشان قالاشىعى پارتكومىنىڭ شۋجيى ۋاڭ ليدىڭ بۇقارالىق قىزمەت ىستەۋ بارىسىندا تۇرپايى ءتاسىل قولدانعانىن، الباتى سويلەگەنىن، ستيلى دورەكى بولعانىن، ناشار ىقپال تۋدىرعانىن اڭىس ەتكەن. پيڭدۋ قالالىق پارتكومنىڭ ۇگىت ءبولىمى ميكروبلوگىندا جاريالاعان حابارلاندىرۋىنا قاراعاندا، ماسەلە تۋىلعان سوڭ، پيڭدۋ قالالىق پارتكوم ايرىقشا ءمان بەرىپ، 12 – ايدىڭ 26 – كۇنى ۋاڭ ليدى قىزمەتتەن توقتاتىپ، تەكسەرۋگە العان، ونى وسى ىسكە قاتىستى ادامنان كەشىرىم سۇراۋعا بۇيىرعان. پيڭدۋ قالالىق پارتكوم تەكسەرۋ گرۋپپاسىن قۇرعان، بۇل ءىستى زاڭ – تۇزىمگە ساي ءبىرجاقتى ەتەتىن بولعان.
«پيڭدۋداعى بارلىق كۇشتى ۇيىمداستىرساق، قارۋلى كۇش جاعىنان بولسىن، ماتەريالدىق كۇش جاعىنان، ادام كۇشى جاعىنان، قازىنالىق قۋات جاعىنان، قاجىر – قايرات جاعىنان بولسىن، ونىڭ جۇمىسىن سوزباقتاتۋعا ءالىمىز جەتەدى»، «ءار دارەجەلى حالىق ۇكىمەتى، قوعام حاۋىپسىزدىگى تاراۋلارى ونىڭ ۇلىن قالاي ۇستاۋدى زەرتتەپ جاتىر»، «مەن تاۋەكەلگە بەل بۋدىم، ونىڭ ۇلىن قىلمىستى ەتەت الاتىن (قاماۋعا الدىرا الاتىن) سان ءتۇرلى امالىم بار»، «ولاردىڭ اۋلەتىندە تاعى ەكى نەمەرەسى بار، قۇرساعىندا تاعى بىرەۋى بار ...» دىبىسقا تۇسىرىلگەن بۇل سوزدەر تىڭداعان ادامنىڭ جۇرەگىن شايلىقتىرادى، بۇل سوزدەردە تورەشىلدىك، وكتەمدىك، باندىلىق، قانقۇيلىلىق تۇگەل قامتىلعان، قالاشىق پارتكومىنىڭ شۋجيى قالايشا وسىنشالىق استامدىققا باسادى؟
نەگىزگى ساتىداعى بۇل كادر ەگەر ارىز – ارمان ايتا كەلگەن بۇقاراعا قارا قولدار سياقتى قۇقاي كورسەتسە، ۇكىمەتتىڭ ابىرويى مەن بەدەلىنە زيان جەتكىزەدى، سيپاتى وتە ناشار. قاتىستى جاقتار بۇل ىسكە قاتىستى ادامدى قىزمەتتەن توقتاتىپ، تەكسەرۋگە العان ءارى ونى كەشىرىم سۇراۋعا بۇيىرعان بولسا دا، الەۋمەت اڭىسى ءالى دە كۇشتى بولۋدا.
جوعارىدا باياندالعان ىستە، اتالعان ايەل كادردىڭ ءسوزى مەن ارەكەتى تەك ستيل ماسەلەسى عانا بولماسا كەرەك. ەلىمىزدىڭ اماندىق قورعاۋعا قايشى كەلگەندەردى جازالاۋ زاڭىنداعى بەلگىلەمەلەرگە نەگىزدەلگەندە، ۇرەيلەندىرۋ حاتىن جازۋ نەمەسە باسقا تاسىلدەردى قولدانۋ ارقىلى باسقالاردىڭ جەكە باسىنا قۇقاي كورسەتكەندەر 5 كۇننەن تومەن قاماۋعا الىنادى نەمەسە 500 يۋاننان تومەن اقشالاي ايىپ سالىنادى؛ ماسەلەسى اۋىر بولسا، 5 كۇننەن جوعارى 10 كۇننەن تومەن قاماۋعا الىنادى، سونىمەن قوسا 500 يۋاننان تومەن اقشالاي ايىپ سالۋعا بولادى.
مەملەكەت قىزمەتكەرى تارتىپكە، زاڭعا بويسۇنۋدا ۇلگى بولۋى، بۇقاراعا ونەگە كورسەتۋى، زاڭدى بۇقاراعا قۇقاي كورسەتۋدىڭ قۇرالى ەتپەۋى كەرەك، قيت ەتسە «پالەندى اكىمشىلىك ءىس بويىنشا قاماۋعا الامىز، قىلمىستىق ءىس بويىنشا قاماۋعا الامىز» دەگەندى اۋىزدان تاستامايتىنداردى زاڭعا قايشىلىق جاساۋدىڭ شەگىنە تاياعاندار دەۋگە بولادى.
اشىنارلىعى، اقپارات قۇرالدارى قۇقايعا ۇشىراعان شيە X كە تەلەفون جالعاپ، ول اڭىس ەتكەن بەلگىلى ءىس ورىننىڭ باجى جاسىرۋ، باجىدان جالتارۋ ماسەلەسىنىڭ ءالى كۇنگە سوڭىنا شىقپاعانىن ايتقان.
بۇل ىستە وسىعان قاتىستى كادردىڭ تارتىپكە، زاڭعا قايشى جاۋاپكەرشىلىگىن قاتاڭ قۋزاستىرۋدان سىرت، ءىستىڭ ارتىندا جاسىرىنعان ماسەلەلەرگە ىشكەرىلەي زەرتتەۋ جۇرگىزۋ قاجەت. امالياتتا بۇقارا اڭىس ەتەتىن ماسەلەلەر وتە كۇردەلى بولمايدى، تەك قاتىستى تاراۋلار سوزباقتاتا بەرگەن سوڭ، بۇل ءىس ۇلكەن ماسەلەگە اينالادى، ەگەر قاتىستى قىزمەتكەرلەر بۇل ءىستى ورىندى ىستەپ، جاۋاپ قايتارسا، ءىس مۇنشالىق ۋشىقپاۋى مۇمكىن ەدى.
ماسەلەنى شەشۋدىڭ جولى، قاشان دا، قيىنشىلىقتان گورى كوپ بولادى. نەگىزگى ساتىنى جونگە سالۋ وڭاي جۇمىس ەمەس، الايدا، قىزمەت قانشا قيىن بولسا دا، قورقىتۋعا، قۇقاي كورسەتۋگە بولمايدى. «ونىڭ ۇلىن قىلمىستى ەتۋگە (قاماتۋعا) سان ءتۇرلى امالى بار» ادام نەگە سول زەيىنى مەن قابىلەتىن ماسەلەنى شەشۋدىڭ «سان ءتۇرلى» جولىن تابۋعا جۇمسامايدى؟
جۋىردا نەگىزگى ساتىداعى تاعى ءبىر كادردىڭ «ماسەلەنى اڭىس ەتكەن بۇقاراعا توتەپ بەرەتىن سان ءتۇرلى امالىم بار» دەگەنى حابارعا شىققان بولاتىن، ول دا وسى ىسپەن ۇقساپ كەتەدى. ماسەلەنى شەشۋدىڭ ورنىنا، ماسەلەنى اڭىس ەتكەن ادامدى ءبىرجاقتى ەتۋ نەگىزگى ساتىداعى ءىشىنارا كادرلاردىڭ ورتاق دەرتىنە اينالىپ كەتكەن جوق پا؟ مەيلى، كادرلار قوسىنىنىڭ وبىرازى بولسىن، نەگىزگى ساتىنى جونگە سالۋ ونىمدىلىگى بولسىن، الدە، ۇكىمەت ورىندارىنىڭ بەدەلى بولسىن، ەشقايسى دا مۇنداي ءجيى سوققىعا جانە بۇلدىرۋگە توزە المايدى. ماسەلەگە قاتىستى كادردىڭ ءبىرجاقتى ەتىلەتىنى داۋسىز، الايدا، مۇنان دا ماڭىزدىسى، بارلىق كادرلار قوسىنىنىڭ قىزمەتكە، بۇقاراعا دۇرىس پوزيتسيا ۇستانۋىنا كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
