تارتۋعا ۇسىنعان زاتتىڭ ساپاسىنان حاۋىپسىزدىككە ساياتىن ماسەلە بايقالسا، تارتۋ ۇسىنعان ادام جاۋاپكەرشىلىك ارقالاي ما؟ (دەلونى مىسالعا كەلتىرىپ زاڭدى ءتۇسىندىرۋ)
حالىق گازەتىنىڭ ءتىلشىسى جين شين
2021.12.31 17:03 كەلۋ قاينارى : حالىق تورابى
[دەلو جاعدايى] ۋاڭ مىرزا مەن جاڭ حانىم تانىسقالى ۇزاق جىل بولعان. ءبىر كۇنى ۋاڭ مىرزا ينتەرنەتتەگى سەنىمدى دۇكەننەن بەلگىلى ايگىلى ماركاداعى شايدان ساتىپ الىپ، جاڭ حانىمعا تارتۋ ەتەدى. جاڭ حانىم شايدى تاپسىرىپ الىپ، ءبىر مەزگىل ىشكەن سوڭ، دەنساۋلىعى جايسىزدانعانىن بايقايدى. سونىمەن جاڭ حانىم شايدى قاتىستى تەكسەرۋ قۇرىلىمىنا اپارىپ تەكسەرتكەندە، شايدىڭ قۇرامىندا بەلگىلەمەگە قايشى قوسپا بار ەكەنى بايقالادى. جاڭ حانىم وسى سەبەپتى ۋاڭ مىرزانىڭ ۇستىنەن سوتقا ارىزدانىپ، ۋاڭ مىرزادان قاتىستى شىعىمىنا تولەم بەرۋدى تالاپ ەتەدى. ۋاڭ مىرزا شايدى سەنىمدى دۇكەننەن ساتىپ العانىن، تارتۋدى ۇسىنۋ الدىندا شايدىڭ جارامدى ۋاقىتىن ارناۋلى تەكسەرگەنىن ايتىپ اقتالادى.
سوت مەكەمەسى دەلو قاراۋ بارىسىندا بىلاي دەپ قاراعان، تارتۋ بەرۋ توقتامىنا ساياتىن زاڭدىق قارىم – قاتىناستا، تارتۋ بەرۋشى ادام اقاۋ جوق ەكەنىنە كەپىلدىك بەرسە نەمەسە اقاۋ بار ەكەنىن بىلە تۇرا قاساقانا ايتپاسا، وسىنىڭ سالدارىنان تارتۋدى قابىلداۋشى زيانعا ۇشىراسا، تارتۋ بەرۋشى تولەم بەرۋ جاۋاپكەرشىلىگىن ارقالاۋى كەرەك. بۇل دەلودا ەكى جاقتىڭ ناقتى جاعدايدى بايانداۋىنا قاراعاندا، ۋاڭ مىرزا ەكەۋىنىڭ دوستىعى ءۇشىن، جاقسى نيەتپەن سەنىمدى جول ارقىلى شاي ساتىپ الىپ، جاڭ حانىمعا تارتۋ ەتكەن، تارتۋدى بەرگەن كەزدە شايدىڭ جارامدى ۋاقىتى وتپەگەن، ۋاڭ مىرزانىڭ شايدا ماسەلە بار ەكەنىن بىلە تۇرا جاڭ حانىمعا ايتپاعانىن ىسپاتتايتىن دالەل جوق، سوندىقتان، شايدىڭ بەلگىلى ولشەمىندە ماسەلە بار بولىپ، وسىنىڭ سالدارىنان جاڭ حانىم زياندالعان كۇندە دە، بۇل ماسەلەنى بايقاۋ ۋاڭ مىرزا سياقتى جاي ادامنىڭ ۇيلەسىمدى بولجام دەڭگەيىنەن اسىپ كەتكەن. ەڭ سوڭىندا سوت مەكەمەسى جاڭ حانىمنىڭ شاعىمىنداعى تالاپتارىن تويتارعان.
[زاڭ جونىندە تۇسىنىك] سۋديا بىلاي دەپ قارادى: ازاماتتىق زاڭنىڭ بەلگىلەمەسىنە نەگىزدەلگەندە، تارتۋعا ۇسىنعان زاتتىڭ اقاۋى بار بولسا، تارتۋ ۇسىنعان ادام جاۋاپكەرشىلىك ارقالامايدى. تارتۋ ۇسىنعان ادام اقاۋ بار ەكەنىن قاساقانا ايتپاسا نەمەسە اقاۋ جوق ەكەنىنە كەپىلدىك بەرسە، وسىنىڭ سالدارىنان تارتۋدى قابىلداۋشى زيانعا ۇشىراسا، تارتۋ بەرۋشى تولەم بەرۋ جاۋاپكەرشىلىگىن ارقالاۋى كەرەك. سوندىقتان، بۇل دەلودا تارتۋ بەرۋشى جاۋاپكەرشىلىك ارقالاۋى كەرەك پە، جوق پا دەگەن ماسەلەنىڭ ءتۇيىنى، ۋاڭ مىرزا تارتۋدىڭ اقاۋى بار ەكەنىن بىلە تۇرا قاساقانا ايتپاي قويعان با، جوق پا دەگەندى تۇراقتاندىرۋ بولىپ تابىلادى.
سۋديا بىلاي دەپ قارادى: قوعامداعى ادامدار ارا قارىم – قاتىناس بارىسىندا، دوستاردىڭ ءبىر – بىرىنە دوستىق قارىم – قاتىناس تۇرعىسىنان تارتۋ ۇسىنۋى سىندى ارەكەت ادەتتە تەگىن بولۋ، وزگەنىڭ قامىن جەۋ سىندى ەرەكشەلىككە يە بولادى. سوندىقتان، سوت مەكەمەسىنىڭ تارتۋ بەرگەن جاقتىڭ قاتەلىك وتكىزگەن – وتكىزبەگەنىن پارىقتاۋدا جاي ادامداردىڭ ۇيلەسىمدى دەڭگەيدەگى اباي بولۋ بورىشى سياقتىلارعا نەگىزدەلە وتىرىپ تۇراقتاندىرۋى كەرەك. ەگەر تارتۋدىڭ ساپاسىندا ساقتالعان ماسەلە تارتۋ ۇسىنعان ادامنىڭ ۇيلەسىمدى دەڭگەيدە بولجام جاساۋ قابىلەتىنەن اسىپ كەتسە، زاڭدا ايتىلعان باسقا جاعدايلار بولماعان كەزدە، تارتۋ ۇسىنعان ادام تولەم بەرۋ جاۋاپكەرشىلىگىن ارقالامايدى. بۇل دەلودا تارتۋ ۇسىنعان ۋاڭ مىرزا تارتۋدى سەنىمدى دۇكەننەن العان ءارى ونىڭ جارامدى ۋاقىتىن تەكسەرىپ كورگەن، ۇيلەسىمدى دەڭگەيدەگى اباي بولۋ بورىشىن وتەگەن، وسىدان سوڭ تارتۋدا تاعى دا اقاۋ بايقالسا، بۇل ونىڭ ۇيلەسىمدى بولجام جاساۋ قابىلەتىنەن اسىپ كەتكەن ەسەپتەلەدى. سوندىقتان، بۇل دەلودا تارتۋ ۇسىنۋشى جاق جاۋاپكەرشىلىك ارقالامايدى.
مۇنان سىرت، سۋديا مىنانى ەسكەرتتى: تارتۋ ۇسىنۋشى جاق جاۋاپكەرشىلىك ارقالاماعانىمەن، ەگەر تارتۋعا ۇسىنعان زاتتىڭ ساپاسىندا شىنىمەن دە ماسەلە بولىپ، تارتۋ قابىلداۋشىنى زيانداعان بولسا، تارتۋدى قابىلداۋشى زاتتى ساتۋشى جاقتان نەمەسە زاتتى ءوندىرۋشى جاقتان تولەم الۋدى تالاپ ەتۋگە ۇقىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
