اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسايىق
− ءتوراعا شي جينپيڭنىڭ 2022 - جىلعى جاڭا جىلدى قۇتتىقتاۋ ءسوزى تۋرالى تولعانىس ②
حالىق گازەتىنىڭ شولۋشىسى
2022.01.04 10:24 كەلۋ قاينارى : شينجياڭ گازەتى
تاريح كوشىنىڭ الماعايىپ اۋقىمىندا 100 جىلدىق كۇرەس شۇعىلالى تابىس سيلادى. 2022 - جىلعى جاڭا جىلدى قۇتتىقتاۋ سوزىندە ءتوراعا شي جينپيڭ جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن تەرەڭ سۇيىسپەنشىلىكپەن ەسكە الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى ۇلى نىسانانى كوزدەي وتىرىپ، ”ءبىز اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسقاندا عانا، تاريحتىڭ ۇمىتىنەن شىعا الامىز، ءداۋىردىڭ ۇمىتىنەن شىعا الامىز، حالىقتىڭ ۇمىتىنەن شىعا الامىز“ دەپ اتاپ كورسەتىپ، ”قاشاندا ۇزاق بولاشاقتى كوزدەۋىمىز، امانشىلىقتا جامانشىلىقتىڭ بولارىن ويلاۋىمىز، ستراتەگيالىق تاباندىلىق پەن سابىرلىلىقتى ساقتاۋىمىز، ’ۇشان - تەڭىز مول دەڭگەيگە جەتۋىمىز ءارى جىڭىشكە، نازىك تۇستارعا دا قۇلشىنۋىمىز‘ كەرەك“ دەپ باسا دارىپتەدى.
2021 - جىلى ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادىق. 100 جىلدىڭ الدىندا، جۇڭگو كوممۋنيستىك پارتياسى قۇرىلعان كەزدە نەبارى 50 نەشە پارتيا مۇشەسى عانا بار ەدى، بۇگىنگى تاڭدا 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام حالقى بار ءىرى ەلگە باسشىلىق ەتكەن، الەمدە ماڭىزدى ىقپالعا يە دۇنيە جۇزىندەگى ءبىرىنشى ءىرى بيلىك باسىنداعى پارتياعا اينالدى. شىكوۋمىننان تيان - انمىنعا، شيڭيە جولىنان فۋشيڭ جولىنا دەيىن، كىشكەنتاي قىزىل قايىقتان ءزاۋلىم الىپ كەمەگە دەيىن جۇڭگو كوممۋنيستەرى قاشاندا حالىقتى باقىتقا كەنەلتۋ، ۇلتتى گۇلدەندىرۋ سىندى اۋەلگى ماقسات پەن بورىشتان جازباي، ميلليارد حالىقتى باستاپ تالاي تاۋقىمەتتى باستان كەشىرىپ، قاجىماس قايسارلىق كورسەتىپ، قانشاما قاتەرگە جولىقسا دا مۇراتىنان جازباي، تالاي - تالاي باعىندىرۋ مۇمكىن ەمەس سياقتى كورىنگەن قيىن وتكەلدەردى باعىندىرىپ، تاريح بەتىنەن ويىپ ورىن الاتىن تالاي - تالاي ادامزات دۇنيەسى كەرەمەتتەرىن جاراتىپ، 100 جىلدىق ۇلى پارتيانىڭ ايبىندى كەلبەتىن، اسقاق بەينەسىن سومدادى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇدەرىسكە ءوتتى. اماليات مىنانى تولىق دالەلدەدى: جۇڭگو كوممۋنيستىك پارتياسى تاريح جانە حالىق تالعامىنىڭ ۇمىتىنەن شىقتى، ايتسا ايتقانداي ۇلى، داڭقتى، دۇرىس پارتيا بولدى؛ جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، جۇڭحۋا ۇلتىنىڭ ۇلى گۇلدەنۋى دە بولماق ەمەس.
اۋەلگى ماقساتتى ۇمىتپاعاندا عانا، ءىستىڭ سوڭى باياندى بولادى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلاپ، پارتيانىڭ ءۇشىنشى تاريحي قارارىن قاراپ ماقۇلدادى، بۇل جاڭا داۋىردەگى جۇڭگو كوممۋنيستىك پارتياسىنىڭ اۋەلگى ماقسات پەن بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. بۇگىنگى تاڭدا ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي تۇستىك، بۇل نىسانانى جۇزەگە اسىرۋعا تاريحتاعى ءارقانداي كەزدەگىدەن دە سەنىمىمىز كامىل جانە قابىلەتىمىز قاپتال جەتەدى، سونىمەن بىرگە، مىنانى دا سەرگەكتىكپەن تاني ءبىلۋىمىز كەرەك: جۇڭحۋا ۇلتىنىڭ ۇلى گۇلدەنۋى استە جەڭىل - جەلپى، قۇر ايعاي - سۇرەنمەن جۇزەگە اسا سالاتىن ءىس ەمەس، وعان ءارقاشان كۇدىر - بوگەتسىز، قىسقا ۋاقىتتا قول جەتكىزە سالۋ دا استە مۇمكىن ەمەس. ءبىز جۇڭگو كوممۋنيستىك پارتياسى دەگەن نە، نە ىستەۋ كەرەك دەيتىن ءتۇبىرلى ماسەلەنى ەستە بەرىك ساقتاپ، ”قايدان كەلدىك، قايدا بارامىز“ دەيتىن وسى نەگىزگى تاقىرىپقا ويداعىداي جاۋاپ بەرىپ، تاريح دامۋىنىڭ زور اعىمىن يگەرىپ، مۇرات - سەنىمدى بەكەمدەپ، باستان - اياق كىشى پەيىل، بايسالدى بولىپ، داندايسىماي، ۇشقالاقتىققا سالىنباي، قاجىرلىلىقپەن كۇرەس جۇرگىزىپ، العان بەتتەن قايتپايتىن تاباندىلىقپەن بەلگىلەنگەن نىسانانى قايراتتانا جۇزەگە اسىرىپ، 100 شاقىرىم جولدىڭ 90 شاقىرىمىن باسساڭ دا جارىم جولدا ءجۇرمىن دەپ ءبىل دەيتىن سەرگەكتىكپەن جۇڭحۋا ۇلتىنىڭ ۇلى گۇلدەنۋىن قاجىماي - تالماي ىلگەرىلەتۋىمىز كەرەك.
تەمىر سوقساڭ قۇرىش بول. ءتوراعا شي جينپيڭ بىلاي دەپ اتاپ كورسەتتى: ”مەن كەزىندە ماۋ جۋشي مەن حۋاڭ يانپەي مىرزانىڭ ’جەر تولەدەگى اڭگىمەسىن‘ اۋىزعا العان ەدىم، ءبىز تەك وزىمىزگە ءوزىمىز توڭكەرىس جاساۋعا باتىل بولعاندا عانا، تاريحي ىرىقتىلىققا قول جەتكىزە الامىز“. پارتيانىڭ 100 جىلدىق كۇرەس تاريحى ۇلى ماركسيزمدىك ساياسي پارتيانىڭ تۋمىسىنان وسىلاي بولا سالماعاندىعىن، قايتا ۇزاق ۋاقىتتىق قوعامدىق اماليات بارىسىندا شىڭدالىپ شىققاندىعىن، وزىنە - ءوزى ۇزدىكسىز توڭكەرىس جاساۋ بارىسىندا شىنىعىپ شىڭدالعاندىعىن كورسەتتى. پارتيانىڭ ۇلىلىعى قاتەلىك وتكىزبەۋدە ەمەس، قايتا اۋرۋىن جاسىرماي، ۋاعىندا ەمدەلىپ، سىن جانە ءوز - وزىنە سىن ايتۋدى بەلسەنە ورىستەتىپ، ماسەلەگە بەتپە - بەت كەلۋگە باتىل بولۋىندا، وزىنە - ءوزى توڭكەرىس جاساۋعا باتىل بولۋىندا. پارتيا 100 جىلدىق سان وزگەرىستى باستان كەشىرسە دە باياعىداي ارىنى اسقاق بولدى، مۇنىڭ سىرى ءوزىن - ءوزى كىرشىكسىزدەندىرىپ، ءوزىن - ءوزى كەمەلدەندىرەتىن، ءوزىن - ءوزى جاڭارتاتىن، ءوزىن - ءوزى جوعارىلاتاتىن قۋاتتى قابىلەتىنىڭ بولۋىندا.
جاڭا ەمتيحان تاپسىرۋ جولىندا، ءسوز جوق، ۋايىم مەن تارشىلىق ادامدى ءومىر سۇرۋگە جەتەلەيتىندىگىن، جايلى، راقات تىرشىلىك زاۋالعا قاراي يتەرمەلەيتىندىگىن ەستە بەرىك ساقتاپ، قاشاندا ۇزاق بولاشاقتى كوزدەپ، امانشىلىقتا جامانشىلىقتىڭ بولارىن ويلاپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، قانشالىق جاپالى، قيىن بولعان سايىن سونشالىق العا ىلگەرىلەيتىن قاھارماندىق ەرىك - جىگەردى ساقتاپ، قيىندىققا مويىمايتىن، قىسىمنان جاسقانبايتىن بولىپ، پارتيامىزدىڭ قاسيەتىن ساقتاۋعا، ءتۇسىن وزگەرتپەۋگە، سيپاتىن ساقتاۋعا شىنايى كەپىلدىك ەتۋىمىز كەرەك. ءبىز تەك پارتيانىڭ العاباسارلىعى مەن كىرشىكسىزدىگىنە داق تۇسىرەتىن بارلىق فاكتورلاردى ۇزدىكسىز الاستاپ، پارتيانىڭ اقاۋسىز تۇلعاسىنا زالال جەتكىزەتىن ۆيرۋس اتاۋلىنى ۇزدىكسىز تازالاپ، اقيقاتقا باستان - اياق تاباندى بولىپ، قاتەلىكتى تۇزەتىپ وتىرساق بولعانى، پارتيامىز العاباسارلىعى مەن كىرشىكسىزدىگىن ماڭگى ساقتاپ، ماڭگى جەڭىلمەس تۇرعىدا تۇرىپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ تاريحي ۇدەرىسىندە قاشاندا پارمەندى باسشىلىق ۇيتقى بولۋىنا شىنايى كەپىلدىك ەتە الامىز.
ءبىر عاسىر بوران - شاشىندا ۇدەرە العا تارتتى، 90 مىڭ شاقىرىمدىق اسپاندا سامۇرىق سامعاپ بارادى. ءداۋىر − ەمتيحان سۇراۋىن شىعارۋشى، ءبىز − ەمتيحان تاپسىرۋشى، حالىق − ەمتيحان جاۋابىن تەكسەرۋشى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ”ءتورت تانىمدى“ كۇشەيىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تاريحي ىرىقتىلىق رۋحىن ۇزدىكسىز اسقاقتاتىپ، اسقاق جىگەرمەن قايراتتانا ۇمتىلىپ، مويىماس تاباندىلىقپەن العا باسىپ، قولايلى جاعدايدان ۇتىمدى پايدالانىپ، ۇزدىكسىز كۇرەس جۇرگىزسەك بولعانى، ءبىز، ءسوز جوق، پارتيانىڭ ۇمىتىنەن شىعاتىن، حالىقتىڭ ۇمىتىنەن شىعاتىن، ءداۋىردىڭ ۇمىتىنەن شىعاتىن جاڭا ناتيجە جاراتىپ، جاڭا داۋىردەگى جاڭا جورىقتا جاڭا ارىن، جاڭا ىسكەرلىك كورسەتىپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا باسا الامىز!
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
