شينجياڭدا ەكولوگيالىق ورتانى بۇلدىرۋگە قاتىستى تولەم بەرۋدى ءادىليالىق جاقتان تۇراقتاندىرۋ دەلوسىنا تۇڭعىش رەت تەكتەۋ جۇرگىزۋ اياقتادى
قۇمىل ورتا دارەجەلى سوتى اتالعان قالاداعى ەكولوگيالىق ورتا مەكەمەسى مەن بەلگىلى سەرىكتەستىك كەلىسىمگە كەلگەن ورتانى جونگە سالۋ جاۋاپكەرشىلىگى شارتىنىڭ كۇشكە يە بولعانىن تۇراقتاندىردى
2022.01.07 15:24 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى ۋاڭ يۇي حابارلايدى. جۋىردا شينجياڭدا ەكولوگيالىق ورتانى بۇلدىرۋگە قاتىستى تولەم بەرۋدى ءادىليالىق جاقتان تۇراقتاندىرۋعا ساياتىن تۇڭعىش دەلوعا شينجياڭ ۇيعۇر اۆتونوميالى رايونى قۇمىل قالالىق ورتا دارەجەلى حالىق سوتى تەكتەۋدى اياقتاتتى. ءادىليا ورگانى «ەكولوگيالىق ورتانى بۇلدىرۋگە قاتىستى تولەم بەرۋ كەلىسىمشارتى» كۇشكە يە بولعانىن تۇراقتاندىردى، بۇل دەلودا ءبىرىنشى مەرزىم بويىنشا تابيعي كەرى كەتۋدىڭ قالپىنا كەلۋىن باقىلاۋ ىسكە قوسىلدى.
2019 – جىلى 12 – ايدىڭ 11 – كۇنى ساعات 23 تە، قۇمىل قالالىق ەكولوگيالىق ورتا مەكەمەسى اراتۇرىك اۋداندىق بولىمشە مەكەمەسىنىڭ قىزمەتكەرى كۇبىلى اۆتوموبيلدىڭ ونەركاسىپتىك لاس سۋدى اراتۇرىك اۋدانى ناۋماۋحۋ قالاشىعىنداعى قۇبا تۇزگە توگىپ جاتقانىن بايقايدى، ناۋماۋحۋ قالاشىقتىق ساقشى بولىمشەسىمەن بىرگە تەكسەرۋ جۇرگىزۋ ارقىلى، سول كۇنى بەلگىلى سەرىكتەستىكتىڭ قۇبا تۇزگە 360 توننادان استام ونەركاسىپتىك لاس سۋدى توككەنىن انىقتايدى. تەكسەرىپ تۇراقتاندىرۋعا قاراعاندا، لاس سۋدىڭ قۇرامىندا ارسەن مەن سىناپ توپىراقتى جانە جەر استى سۋىن لاستايدى ەكەن.
قۇمىل قالالىق ورتا دارەجەلى سوت، قۇمىل قالالىق حالىق پروكۋراتۋراسى بىرگە سايكەسە ىلگەرىلەتۋ ارقىلى 2021 – جىلى 7 – ايدىڭ 28 – كۇنى قۇمىل قالالىق ەكولوگيالىق ورتا مەكەمەسى مەن اتالعان سەرىكتەستىك «ەكولوگيالىق ورتانى بۇلدىرۋگە قاتىستى تولەم بەرۋ كەلىسىمشارتىنا» قول قويىپ، تولەم بەرۋ بورىشىن اتقاراتىن جاق ەكولوگيالىق ورتانى قالپىنا كەلتىرۋ جاۋاپكەرشىلىگىن ارقالايدى، قالپىنا كەلتىرۋ ۋاقىتى 2021 – جىلى 7 – ايدىڭ 28 – كۇنىنەن 2027 – جىلى 7 – ايدىڭ 28 – كۇنىنە دەيىن دەپ شارت جاسايدى. قالپىنا كەلتىرۋ مىندەتى اياقتاعان سوڭ، تولەم بەرۋ بورىشىن ارقالاعان جاق قالپىنا كەلتىرۋدىڭ ناتيجەسىن ءۇشىنشى جاقتىڭ ساراپتاۋىنا تاپسىرادى، ەگەر قالپىنا كەلتىرۋ تالابىنا تولماسا، تولەم بەرۋ بورىشىن ارقالايتىن جاق ۇزدىكسىز قالپىنا كەلتىرەدى. تولەم بەرۋ بورىشىن ارقالاۋشى جاق ەگەر كەلىسىمدەگى شارتتارعا قايشى كەلىپ، بەلگىلەنگەن مەرزىم ىشىندە ىرىقتىلىقپەن قالپىنا كەلتىرۋدى ورىنداماسا نەمەسە قالپىنا كەلتىرۋ ونىمدىلىگى مەجەدەگى نىساناعا جەتپەسە، تولەم الۋ ۇقىعىنا يە جاق بەلگىلەگەن تاراۋلار ماقۇلداعان سوڭ، باسقا تۇلعانى الماستىرىپ قالپىنا كەلتىرۋدى باستايدى، وسىدان تۋىندايتىن قالپىنا كەلتىرۋ اقىسىن تولەم بەرۋ بورىشىن اتقاراتىن جاق ارقالايدى. تولەم بەرۋ بورىشىن ارقالاعان جاق بۇل مىندەتتى اتقارۋدان باس تارتسا، تولەم الۋعا ۇقىقتى جاق بەلگىلەگەن تاراۋدىڭ زاڭ بويىنشا حالىق سوتىنان ءماجبۇرلى اتقارۋدى ءوتىنىش ەتۋىنە بولادى.
وسىدان سوڭ، قۇمىل قالالىق ەكولوگيالىق ورتا مەكەمەسى بەلگىلى سەرىكتەستىكپەن جاساعان كەلىسمشارت مازمۇنىنا ساي، سوت مەكەمەسىنە ءادىليالىق تۇراقتاندىرۋ ءوتىنىشىن تاپسىردى. قۇمىل قالالىق ورتا دارەجەلى سوت مەكەمەسى بۇل دەلونى قابىلداعان سوڭ، حالىق سوتىنىڭ ۇقتىرۋ شىعاراتىن تورابىندا «ەكولوگيالىق ورتانى بۇلدىرۋگە قاتىستى تولەم بەرۋ كەلىسىمشارتىنىڭ» مازمۇنىن قوعامعا ۇقتىرعان، ۇقتىرۋ جاريالاۋ مەزگىلىندە باسقاشا پىكىر بولماعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
