مەدال الا الماعانىمەن، شينجياڭدىق بويجەتكەندەر جۇلدىزداي جاينادى
[انار بۇلت جەدەل شولۋى]
حوۋ حۇي
2022.02.23 15:08 كەلۋ قاينارى : حالىق تورابى
بەيجيڭ قىسقى وليمپياداسى قيماستىق ىشىندە شىمىلدىعىن جاپتى. جۇرتتىڭ كوڭىل – كۇيىن تاسقىنداتقان وسى مەزگىلدە، شينجياڭعا قاتىستى كوپتەگەن تارتىمدى كورىنىستەر شينجياڭداعى ءار ۇلت حالقىنىڭ كوڭىل تورىنەن ۇمتىلماستاي ورىن الدى، وتە – موتە، شينجياڭنىڭ اتىنان جارىسقا قاتىناسقان 4 ايەل سپورتشى جۇرتتىڭ ەسىنەن كەتپەيدى. ولار دۇنيە ءجۇزىنىڭ جەر – جەرىنەن كەلگەن ايەل سپورتشىلارمەن بىرگە وليمپياداداعى «ايەلدەردىڭ تاسقىنداعان كۇش – قۋاتىن» ايگىلەۋمەن بىرگە، دۇنيە جۇزىنە جۇڭگونىڭ شينجياڭىنىڭ وزىنە سەنىمدى، تالاپتى وبىرازىن كورسەتتى.
بەيجيڭ قىسقى وليمپياداسىنىڭ جارىس الاڭىندا، شينجياڭنان 7 سپورتشى جارىسقا قاتىناستى، ولاردىڭ تورتەۋى ايەل سپورتشى. ولار: دالا شاڭعىسى سپورتىنا قاتىناسقان دىلنيگار يىلھامجان جانە بايان جالىن قىزى، سونىمەن بىرگە، جىلدام سىرعاناۋ سپورتىنا قاتىناسقان تيان رۇينيڭ مەن اقنار اداق قىزى. ولار سيلىق ساحناسىنا كوتەرىلە الماعانىمەن، ولاردىڭ قايسارلىقپەن قۇلشىنۋ سىندى سپورتتىق رۋحى تيانشان باۋرايىنداعى «ايەلدەردىڭ قاۋلاعان كۇش – قۋاتىن» ايگىلەپ، جاڭا داۋىردەگى شينجياڭ ايەلدەرىنىڭ جارقىن وبىرازىن بەينەلەدى.
مەدال الىپ مەرەيگە بولەنبەگەنىمەن، شينجياڭدىق بويجەتكەندەر دە قىسقى سپورت ساحناسىندا جۇلدىزداي جارقىرادى. دىلنيگاردىڭ اكەسىنىڭ سەرىك بولۋىندا قۇلشىنعان حيكاياسىن توراپتاستار: «شاڭعى تەبەيىك! اكە» — دەگەن كينو تۇسىرۋگە بولادى ەكەن دەپ القادى، بۇل بويجەتكەنگە اشىلۋ سالتىندا بەيجيڭ قىسقى وليمپياداسىنىڭ باس الاۋىن «تۇتاتۋ» باقىتى بۇيىردى؛ 18 جاستا عانا شاڭعى الاڭىنا قادام تاستاعان بايان «جارىم جولدان قوسىلعانىمەن»، جاي ادامدار ويلاپ جەتە المايتىن قايسارلىقپەن «قارداعى مارافون» جارىسىنداعى جاڭا تاريحتى جازۋشى بولدى؛ تيان رۇينيڭ پيڭچاڭنان بەيجيڭگە دەيىن ۇزدىكسىز العا ىلگەرىلەدى، ساڭلاقتار جينالعان مۇز ۇستىندەگى جارىس الاڭىندا، قارامايلىدان كەلگەن بويجەتكەن شينجياڭنان ەكى رەتكى قىسقى وليمپياداعا قاتىناسقان بىردەن – ءبىر سپورتشى بولدى؛ كەزىندە دوڭگەلەكتى كونكي العاندا قۋانعانىنان جىلاعان اقنار، سول كەزدە كوزگە تۇسپەگەن اۋىلداعى بۇلدىرشىننەن توراپتاستاردىڭ كوڭىلىندەگى «وليمپيادا ارۋىنا» اينالدى. شينجياڭدىق بويجەتكەندەر وزدەرىن شىڭداپ، ارمانعا باتىلدىقپەن قانات قاققان كۇش – قۋات سۇلۋلىعىن ايگىلەپ، دۇنيە جۇزىنە شينجياڭدىق ايەلدەردىڭ ىڭكارلىققا جەتەلەيتىن سۇلۋلىقتارىن ايگىلەدى.
تەك قىسقى وليمپيادانىڭ جارىس الاڭىندا عانا ەمەس، شينجياڭدىق ايەلدەردىڭ سۇلۋلىعى كوپتەگەن سالالاردا نۇرىن شاشۋدا. وڭتۇستىك شينجياڭدىق بويجەتكەن پاشاگۇل كەرىم تاۋ قويناۋىنان تۇلەپ ۇشىپ، مەملەكەتتىك «ەڭ سۇيىكتى جۇمىسشى – قىزمەتكەردى» باعالاۋدىڭ سيلىق ساحناسىنا كوتەرىلدى. 2021 – جىلعى پارتيا قۇرىلعاندىعىنىڭ ءجۇز جىلدىعىنا ارنالعان «ەگەيلەر سۇراپىل داۋىلدا سىنالادى» اتتى ۇزدىك فيلىم شينجياڭدىق ايەل رەجيسسەر جانار ساعات قىزىنىڭ قولىنان شىققان. ادەتتەگى تۇرمىستا شينجياڭدىق بويجەتكەندەر دە بارعان سايىن سۇلۋلانۋدا، بۇل تالاسسىز اقيقات، شينجياڭعا ساياحاتتاي كەلگەن دوستاردىڭ كوبى: «ەكى قادام جۇرسەڭ گۇلنازعا، ءۇش قادام جۇرسەڭ ءدىلراباعا كەزدەسەدى ەكەنسىڭ»، — دەپ ماقتايدى.
شينجياڭدىق بويجەتكەندەر نەلىكتەن بارعان سايىن سۇلۋلانادى؟ جۋىرداعى جىلداردان بەرى، شينجياڭ ورنىقتى دا ىنتىماقتى بولىپ، حالىق باقىتتى دا باياشات تۇرمىسقا كەنەلدى، كەزىندە ءدىني ۇشقارى يدەيانىڭ ىقپالىنا ۇشىراپ، ايداي جۇزدەرىن كورسەتە المايتىن، تەك وت باسى وشاق قاسىنان اسپايتىن اۋىل – قىستاقتاعى ايەلدەر ءوزىنىڭ وبىرازىن جاساۋدى دا، اقىل – ويىن كەمەلدەندىرۋدى دە بىلەتىن، ءداۋىردىڭ قادامىمەن بىرگە العا باسقان وسىزامانعى ايەلدەر بولىپ وزگەردى. وتە – موتە، كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسكە جەتۋىمەن، شينجياڭداعى ءار ۇلت حالقى بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، شينجياڭداعى بويجەتكەندەردىڭ وزىنە دەگەن سەنىمى تاماشا تۇرمىسقا تالپىنعان ساپاردا بارعان سايىن ارتىپ، بارعان سايىن بەكەمدەلدى، ولاردىڭ اراسىندا كەيبىرەۋى كەدەيلىكتەن ارىلىپ، اۋقاتتانۋدىڭ باستاماشىسى بولدى، كەيبىرەۋى دەربەس كاسىپ كوزىن اشۋدىڭ ساڭلاعىنا اينالدى، كەيبىرەۋى دىلنىگار سياقتى دۇنيە جۇزىلىك ساحنادا گۇلدەي جاينادى.
دۇنيە ءجۇزى كوز تىككەن قىسقى وليمپيادانىڭ جارىس الاڭىنان تارتىپ، شينجياڭنىڭ بايتاق دالاسىنداعى قالالار مەن اۋىل – قىستاقتارعا دەيىن، شينجياڭدىق بويجەتكەندەردىڭ جالىندى، سەنىمدى بەينەلەرىن كورۋگە بولادى، شينجياڭدىق بويجەتكەندەردىڭ تاماشا تۇرمىسقا تالپىنعان، ارمانعا قۇلشىنا قانات قاققان ارىندى بەينەلەرىن بارلىق جەردەن بايقاۋعا بولادى. شينجياڭنىڭ دامۋ اياق الىسىنىڭ ۇزدىكسىز جەدەلدەۋىنە بايلانىستى، ءوز قۇنىن ساۋلەلەندىرەتىن ساحنانى تاۋىپ، تالاپتى دا سەنىمدى تۇردە قۇلشىنا العا باسقان ساپاردا وزدەرىنىڭ ەڭ سۇلۋ ساتتەرىن تاباتىن شينجياڭدىق بويجەتكەندەردىڭ قاتارى بولاشاقتا بارعان سايىن كوبەيە تۇسەتىنىنە سەنىمىمىز كامىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
