وقۋ – اعارتۋدىڭ تۇپكى ماقساتى نە؟ بۇل مەكتەپ باستىعى كوپتىڭ كوڭىلىندەگى ءسوزدى ايتتى
2022.03.09 17:00 كەلۋ قاينارى : حالىق تورابى
بيىلعى مەملەكەتتىك ەكى ماجىلىستە، تاڭ جياڭپىڭ مۇشە وقۋ – اعارتۋ جايلى تاعى دا توقتالىپ، وتباسىلىق تاربيە جونىندەگى ويلارىن ءبولىستى.
وتباسىلىق ءتالىم – تاربيەدە ءتورت نەگىزگى جاۋاپكەرشىلىكتى ارقالاۋى كەرەك
مەكتەپتەگى ءتالىم – تاربيەدەن سىرت، تاڭ جياڭپىڭ مەكتەپتەگى ءتالىم – تاربيە مەن وتباسىلىق ءتالىم تاربيەنىڭ مىندەت جاۋاپكەرشىلىگىن ايقىنداپ الۋ قاجەت دەپ قارايدى: «اتا – انا — بالانىڭ العاشقى ۇستازى، وتباسىلىق ءتالىم – تاربيە — ادام ومىرىندەگى العاشقى ساباقحانا»، — دەيدى ول. ونىڭ قاراۋىنشا، وتباسىلىق ءتالىم – تاربيەدە ءتورت نەگىزگى جاۋاپكەرشىلىكتى ارقالاۋى كەرەك.
ءبىرىنشى، بالانىڭ ءوز تۇرمىستىق ىستەرىن ءوزى ىڭعايلاستىرۋدى ۇيرەنۋىنە، بالانىڭ ەڭبەككە ارالاسۋىنا شارت – جاعداي ازىرلەۋ قاجەت. بالانى ءوزىنىڭ كەرەك – جاراقتارىن ءوزى جايعاستىراتىن جاقسى ادەتكە باۋلىعان ءجون، ناقتىلاپ ايتقاندا، رەتتى دە تازا جۇرۋگە ۇيرەتكەن ءجون، ۇلكەن جاقتان ايتقاندا، ءوزىن – ءوزى باسقارۋ قابىلەتىن جەتىلدىرۋى كەرەك. ورتا مەكتەپكە بارعاندا، ءبىلىم الۋداعى جانە ءوزىن مەڭگەرۋدەگى ارەكەت داعدىلارىن ءبىر – بىرىنەن بولە قاراۋعا كەلمەيدى، ءوزىن مەڭگەرۋ قابىلەتى جاقسى بولسا، ۇيرەنۋ ونىمدىلىگىن جوعارىلاتۋعا ءتيىمدى.
ەكىنشى، وتباسىلىق جول - جوسىن ءتالىم – تاربيەسىنە ءمان بەرىپ، بالانى دۇرىس قۇن كوزقاراسىن، ومىرگە دۇرىس كوزقاراس قالىپتاستىرۋعا باۋلۋ كەرەك.
ءۇشىنشى، بۇكىل وتباسى بويىنشا اقاۋسىز تۇرمىس ءتاسىلىن قالىپتاستىرۋ كەرەك. ۋاعىندا ورنىنان تۇرۋ، ۋاعىندا دەمالۋ، بىرگە ارەكەتتەنۋ. ۇزدىك وقۋشىلاردىڭ كوبى وتباسى مۇشەلەرىمەن بىرگە كىتاپ وقيتىن ادەت قالىپتاستىرعان.
ءتورتىنشى، وتباسىنداعى ەستىگەن – كورگەندەرىنەن ادام بولۋدىڭ جولىن ۇيرەنەدى
وقۋ – اعارتۋدىڭ تۇپكى ماقساتى نە؟
بالانى ءمورالدىق جاقتان قالاي تاربيەلەۋ جونىندە، تاڭ جياڭپىڭ بىلاي دەدى: بالانىڭ بەلگىلى اۋەستىگى بولۋدى، وعان تاباندى بولۋدى ۇيرەتكەن جاقسى. وقۋ – اعارتۋدىڭ تۇپكى ماقساتى — ءاربىر ادامنىڭ جان – جاقتى جەتىلۋىنە ءارى دارالىق ەرەكشەلىگىن جەتىلدىرۋىنە مۇمكىندىك جاساۋ. ادامزات تاريحىنا كوز سالساق، ءىرى جەتىستىكتەرگە قول جەتكىزگەن ءاربىر ەگەي تالانتتىنىڭ بارلىعىندا، ءسوزسىز، ءبىر ورتاق قاسيەت بار، اتاپ ايتقاندا، ءوزى اۋەستەنگەن ىسكە قىزۋ ىنتامەن، شىن پەيىلىمەن كىرىسىپ، تاباندىىقپەن جالعاستىرۋ.
بەيجيڭ قىسقى وليمپياداسىندا اعا جۇلدەگەر بولعان گۋ ايليڭ تۋرالى تاڭ جياڭپىڭنىڭ ايتۋىنشا، ول گۋ ايليڭنىڭ 1620 گرادۋستىق قيىن ارەكەتتى ورىنداعانىنا ەمەس، قايتا ونىڭ بويىنان جىگەرلىلىكتى، تاباندىلىقتى، سونداي – اق، باسقالار جەڭىسكە جەتكەن ساتتە شىن پەيىلىمەن ماقتاي بىلەتىن قاسيەتتى كورگەنىنە ريزا بولعان.
تاڭ جياڭپىڭ مىنانى ءبىلدىردى: بالانىڭ بارلىعىنان دۇنيە جۇزىلىك چەمپيون بولۋدى تالاپ ەتۋگە، ياكي، ءوز سالاسىنداعى ۇزدىك ەگەي بولۋدى تالاپ ەتۋگە بولمايدى، الايدا، ول بەلگىلى ىسكە اۋەستەنۋى، سوعان تاباندى بولۋى، ءوزىنىڭ تۇرمىسىن ۇيلەسىمدى ورنالاستىرا الاتىن بولۋى، جەڭىس پەن ساتسىزدىكتە بىردەي ساباز مىنەز تانىتا الۋى كەرەك، بۇل ءبىز ءۇمىت ەتەتىن ەڭ تاماشا دارالىق قاسيەت سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
