جاڭا داۋىردەگى ارىز - ارمان قىزمەتىنىڭ نەگىزگى تياناعى
«حالىق گازەتىنىڭ» شولۋشىسى
2022.04.08 15:44 كەلۋ قاينارى : حالىق تورابى
ارىز - ارمان قىزمەتى − پارتيانىڭ بۇقارالىق قىزمەتىنىڭ ماڭىزدى قۇرامداس بولىگى، قوعام جاعدايىن، حالىق رايىن ءتۇسىنۋدىڭ ماڭىزدى تەرەزەسى. 4 - ايدىڭ 7 - كۇنى «ارىز - ارمان قىزمەتى ەرەجەسى» (تومەندە قىسقاشا «ەرەجە» دەلىنەدى) قوعامعا اشىق جاريالانادى ءارى 5 - ايدىڭ 1 - كۇنىنەن باستاپ رەسمي اتقارىلادى. «ەرەجەنى» جاساۋ ارقىلى پارتيامىزدىڭ ۇزاق ۋاقىتتان بەرگى ارىز - ارمان قىزمەتىنە باسشىلىق ەتۋ جانە ونى ورىستەتۋ تاجىريبەلەرى، اسىرەسە، پارتيانىڭ 18 - قۇرىلتايىنان بەرگى ارىز - ارمان قىزمەتى ءتۇزىمى رەفورماسىنىڭ جەتىستىكتەرى قورىتىندىلاندى، بۇل پارتيانىڭ ارىز - ارمان قىزمەتىنە جاپپاي باسشىلىعىندا تاباندى بولىپ جانە ونى كۇشەيتىپ، ارىز - ارمان قىزمەتىنىڭ ءتۇزىلىس - مەحانيزمىن رەتكە كەلتىرىپ، جاڭا داۋىردەگى ارىز - ارمان قىزمەتىن اناعۇرلىم ارناعا تۇسىرۋدە جانە كۇشەيتۋدە ماڭىزدى مانگە يە. «ەرەجە» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ حالىقتىڭ ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىردى، بۇل − جاڭا داۋىردەگى ارىز - ارمان قىزمەتىنىڭ نەگىزگى تياناعى.
پارتيانىڭ 18 - قۇرىلتايىنان بەرى باس شۋجي شي جينپيڭ حالىقتىڭ ارىز - ارمان قىزمەتىن كۇشەيتۋ جانە جاقسارتۋ جونىندە جەلىلەس ماڭىزدى نۇسقاۋلار مەن ماڭىزدى پايىمداۋلار جاساپ، ارىز - ارمان قىزمەتى دەگەن نە، ارىز - ارمان جاعدايىنا قالاي قاراۋ كەرەك، ارىز - ارمان قىزمەتىن قالاي ىستەۋ كەرەك دەگەن سياقتى كەلەلى نازاريالىق جانە امالياتتىق ماسەلەلەرگە جۇيەلى جاۋاپ بەرىپ، ماركسيزمدىك حالىق كوزقاراسىن، ديالەكتيكالىق ماتەرياليستىك مەتودولوگيانى تولىق ايگىلەپ، جاڭا داۋىردەگى ارىز - ارمان قىزمەتىن ويداعىداي ىستەۋگە ءتۇبىرلى تياناق ازىرلەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەلدەگى ارىز - ارمان جۇيەسى قىزمەتتى تىڭعىلىقتى ىستەدى، قالىڭ ارىز - ارمان كادرلارى قىرۋار جاپالى قۇلشىنىس جاساپ، بۇقارانىڭ ءتول مۇددەسىنە ساياتىن كوپتەگەن ماسەلەنىڭ شەشىلۋىن ىلگەرىلەتىپ، رەفورما، دامۋ، ورنىقتىلىق جالپى جاعدايىن قورعاۋدا ماڭىزدى رول اتقاردى.
ارىز - ارمان قىزمەتىنىڭ ماڭداي الدى مىندەتى ءوزىن قاي - قاشان دا حالىقتىڭ ءبىر مۇشەسى دەپ قاراپ، حالىقپەن ەتەنە ارالاسۋ بولىپ تابىلادى. باس شۋجي شي جينپيڭ بىلاي دەپ دارىپتەگەن بولاتىن: « ارىز - ارمان − الدىمىزعا كەلگەن بۇقارالىق قىزمەت، ارىز - ارمان ارناسى ارقىلى بۇقارانىڭ ءۇمىت - تىلەگى مەن ارمان - تالابىن ناقتاپ ۇعىسىپ، قىزمەتتەگى پارىقتار مەن ولقىلىقتاردى تاۋىپ، ءبىرى ارقىلى وزگەسىن تۇسپالداپ، ىشكەرىلەي جاقسارتىپ، بۇقاراعا اناعۇرلىم ويداعىداي قىزمەت وتەۋ كەرەك». ارىز - ارمان قىزمەتىنىڭ پارتيا مەن ۇكىمەتتىڭ حالىقتىڭ جاعدايىن تۇسىنۋدەگى، حالىقتىڭ اقىل - پاراساتىن شوعىرلاندىرۋداعى، حالىقتىڭ مۇددەسىن قورعاۋداعى، حالىقتىڭ تىلەگىن ۇيىستىرۋداعى ماڭىزدى قىزمەت ەكەنىن، ءار دارەجەلى ورگانداردىڭ، ورىنداردىڭ جانە ولاردىڭ باسشى كادرلارىنىڭ، قىزمەتكەرلەرىنىڭ بۇقارانىڭ باقىلاۋىن قابىلداۋداعى، قىزمەت ستيلىن جاقسارتۋداعى ماڭىزدى جول ەكەنىن، ءسوز جوق، جەتە تانۋىمىز كەرەك. ءار دارەجەلى پارتكومدار مەن ۇكىمەتتەر، ءار دارەجەلى باسشى كادرلار، ءسوز جوق، تۇپكى ماقسات تانىمىن ونان ارى كۇشەيتىپ، ءتۇرلى ءادىس - امالدارمەن بۇقارانىڭ مۇڭ - مۇقتاجىن شەشىپ، بۇقارانىڭ زاڭدى ارىز - ارمانىن ويداعىداي شەشىپ، جاڭا داۋىردەگى «فىڭچياۋ تاجىريبەسىندە» تاباندى بولىپ جانە ونى دامىتىپ، قايشىلىقتاردى ەرتە شەشۋگە، كىشكەنەدەن شەشۋگە، نەگىزگى ساتىدا شەشۋگە قۇلشىنىپ، حالىق بۇقاراسىنىڭ ۇقىق - مۇددەسىنە ءادىل مامىلە جاساۋعا، مۇددەسىن ءونىمدى قورعاۋعا قۇلشىنىپ، ارىز - ارمان قىزمەتىن شىن مانىندە بۇقارانىڭ جۇرەگىنە ۇيالاتىپ، پارتيانىڭ بيلىك جۇرگىزۋدەگى بۇقارالىق نەگىزىن ۇزدىكسىز بەكەمدەۋ كەرەك.
ورنالاستىرۋدىڭ ماڭىزى ءبىر ۇلەس دەسەك، تياناقتاندىرۋدىڭ ماڭىزى توعىز ۇلەس. جەر - جەر، تاراۋلار جاڭا داۋىردەگى ارىز - ارمان قىزمەتى پرينسيبى مەن تالابىن يگەرىپ، پارتيانىڭ جاپپاي باسشىلىعىندا تاباندى بولىپ، حالىقتى وزەك ەتۋدە تاباندى بولىپ، ارىز - ارمان قىزمەتى جاۋاپكەرلىگىن تياناقتاندىرۋدا تاباندى بولىپ، ماسەلەنى زاڭ بويىنشا، ساياسات بويىنشا شەشۋدە تاباندى بولىپ، قايشىلىقتاردى تۋ باستان جونگە سالۋدا تاباندى بولىپ، ارىز - ارمان قىزمەتى جاۋاپكەرلىك جۇيەسىن كەمەلدەندىرىپ، پارتيا ورتالىق كوميتەتىنىڭ ارىز - ارمان قىزمەتى جونىندەگى باعىت - ساياساتتارى مەن شەشىمدەرىن، ورنالاستىرۋلارىن ناقتى تياناقتاندىرۋى كەرەك. «ەرەجە» بويىنشا اتقارىپ، بۇقارانىڭ ورىندى تالاپتارىن زاڭ بويىنشا، دەر كەزىندە، سول جەردىڭ وزىندە شەشىپ، تۋ باستان ساقتانۋعا ءمان بەرىپ، نەگىزگى ساتىنىڭ نەگىزىن بەكەمدەپ، زاڭمەن جونگە سالۋ قۇرىلىسىن كۇشەيتىپ، شەشۋ مەحانيزمىن اقاۋسىزداندىرىپ، قىزمەتتىڭ بولجامپازدىعىن، جۇيەلىلىگىن، باعىتتامالىلىعىن ۇزدىكسىز كۇشەيتىپ، ارىز - ارمان ماسەلەسىن شەشۋ بارىسىن پارتيانىڭ بۇقارالىق لۋشيانىن امالياتتا ايگىلەۋدىڭ، بۇقارالىق قىزمەتتى ويداعىداي ىستەۋدىڭ بارىسى ەتۋ كەرەك.
جاڭا ساپارعا قادام تاستادىق، جاڭا داۋىردەگى ارىز - ارمان قىزمەتىن جاقسى ىستەۋدىڭ جاۋاپكەرلىگى اۋىر. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، حالىقتىڭ قيىنشىلىعىن شەشۋ، پارتيانىڭ قامىن جەۋ سىندى ساياسي جاۋاپكەرلىكتى ەستە بەرىك ساقتاپ، حالىققا دەگەن سۇيىسپەنشىلىكتەن جازباي، تومەنگى شەكتە ويلاۋدا، زاڭمەن باسقارۋ وي جەلىسىندە تاباندى بولىپ، پارتيا مەن مەملەكەت قىزمەتىنىڭ جالپى جاعدايىنا قىزمەت وتەپ، بۇقارانىڭ زاڭدى ۇقىق - مۇددەسىن قورعاپ، ارىز - ارمان قىزمەتىندەگى كورنەكتى ماسەلەلەردى شەشىپ، قوعامنىڭ جاراسىمدىلىعى مەن ورنىقتىلىعىن ىلگەرىلەتىپ، ارىز - ارمان قىزمەتىن تىڭعىلىقتى ىستەسەك، ءبىز، ءسوز جوق، جاڭا داۋىردەگى ارىز - ارمان قىزمەتىندە ۇزدىكسىز جاڭا جاعداي جاراتىپ، ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى كۇش - قۋات توپتاي الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
