لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن
«مەملەكەتتىك كەڭەستىڭ ءبىر ءبولىم اكىمشىلىك زاڭ - ەرەجەگە وزگەرىس ەنگىزۋ جانە ءبىر ءبولىم اكىمشىلىك زاڭ - ەرەجەنى كۇشىنەن قالدىرۋ جونىندەگى قارارى» جاريالاندى
2022.04.08 15:45 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 7 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭنىڭ تاياۋدا مەملەكەتتىك كەڭەستىڭ بۇيرىعىنا قول قويۋىمەن «مەملەكەتتىك كەڭەستىڭ ءبىر ءبولىم اكىمشىلىك زاڭ - ەرەجەگە وزگەرىس ەنگىزۋ جانە ءبىر ءبولىم اكىمشىلىك زاڭ - ەرەجەنى كۇشىنەن قالدىرۋ جونىندەگى قارارى» جاريالاندى، 2022 - جىلى 5 - ايدىڭ 1 - كۇنىنەن باستاپ اتقارىلادى.
«رۇقسات كۋالىگى مەن تيجارات كۋالىگىن ايىرۋ» رەفورماسىن تەرەڭدەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ونان ارى ىلگەرىلەتىپ، بازار تۇلعالارىنىڭ دامۋ ومىرشەڭدىك كۇشىن تاسقىنداتىپ، مەملەكەت زاڭ - ءتۇزىمىنىڭ تۇتاستىعىن، ابىرويىن، بەدەلىن قورعاۋ ءۇشىن، مەملەكەتتىك كەڭەس «رۇقسات كۋالىگى مەن تيجارات كۋالىگىن ايىرۋ» رەفورماسىنا ساياتىن اكىمشىلىك زاڭ - ەرەجەلەردى، سونداي - اق ازاماتتىق ىستەر زاڭناماسىنداعى بەلگىلەمەلەرمەن، پرينسيپتەرمەن بىردەي بولماعان اكىمشىلىك زاڭ - ەرەجەلەردى اداقتادى. سونىمەن بىرگە، «ارىز - ارمان قىزمەتى ەرەجەسىنىڭ» جاريالانۋىمەن ويداعىداي ۇشتاستىرۋ كەرەك. سوندىقتان مەملەكەتتىك كەڭەس 14 اكىمشىلىك زاڭ - ەرەجەنىڭ ءىشىنارا تارماقتارىنا وزگەرىس ەنگىزۋدى ۇيعارىپ، 6 اكىمشىلىك زاڭ - ەرەجەنى كۇشىنەن قالدىردى.
تەكسەرىپ بەكىتۋدى تىكەلەي كۇشىنەن قالدىرۋ جاعىندا. «شەتەل ساۋداگەرلەرى قارجى قوسقان تەلەگراف كاسىپورىندارىن باسقارۋ بەلگىلەمەسى» قاتارلى 3 اكىمشىلىك ەرەجەگە وزگەرىس ەنگىزىپ، شەتەل ساۋداگەرلەرى قارجى قوسقان تەلەگراف كاسىبىن تەكسەرىپ بەكىتۋ پىكىرىن تەكسەرىپ تاراتۋدى كۇشىنەن قالدىردى؛ ءىشىنارا ەمدەۋ قۇرىلىمدارىن قۇرۋدى تەكسەرىپ بەكىتۋدى كۇشىنەن قالدىردى؛ يمپورت - ەكسپورت تاۋارلارىن تەكسەرۋ - ساراپتاۋ قۇرىلىمدارىنىڭ تەكسەرۋ رۇقساتىن كۇشىنەن قالدىردى. سونىمەن بىرگە، قاتىستى باقىلاۋ - باسقارۋ شارالارى مەن زاڭدىق جاۋاپكەرلىك تارماقتارىنا وزگەرىس ەنگىزىپ كەمەلدەندىردى.
تەكسەرىپ بەكىتۋدى ەستەلىككە الۋعا وزگەرتۋ جاعىندا. «ەمدەۋ قۇرىلىمدارىن باسقارۋ ەرەجەسى» قاتارلى 7 اكىمشىلىك زاڭ - ەرەجەگە وزگەرىس ەنگىزىپ، ەمدەۋ ورنىنىڭ كاسىپ جۇرگىزۋىن تىزىمگە الۋدى تەكسەرىپ بەكىتۋدەن ەستەلىككە الۋعا وزگەرتتى؛ اماندىق ساقتاۋ تاربيەلەۋ رۇقسات كۋالىگىن تەكسەرىپ بەكىتۋدى كۇشىنەن قالدىرىپ، ەستەلىككە الىپ باسقارۋعا وزگەرتتى؛ حالىقارالىق تاس جول زات تاسىمالى، جول زات تاسىمال پۋنكتى (الاڭ) جانە موتورلى كولىك شوفەرلەرىن تاربيەلەۋ رۇقساتىن كۇشىنەن قالدىرىپ، ەستەلىككە الىپ باسقارۋعا وزگەرتتى؛ جاڭا ەگىس دارىلەرىن تىزىمدەۋ سىناعىن تەكسەرىپ بەكىتۋدى كۇشىنەن قالدىرىپ، ەستەلىككە الىپ باسقارۋعا وزگەرتتى؛ كەدەنگە مالىمدەۋشى كاسىپورىنداردى تىزىمگە الۋدى تەكسەرىپ بەكىتۋدەن ەستەلىككە الۋعا وزگەرتتى، ت. ب. سونىمەن بىرگە، قاتىستى پايىمداۋلارعا وزگەرىس ەنگىزىلىپ، ەستەلىككە الۋ ءتارتىبى مەن زاڭدىق جاۋاپكەرلىگى سايكەستى بەلگىلەندى ءارى قاتىستى باقىلاۋ - باسقارۋ شارالارى قوسىلدى.
ۇقتىرىپ قويۋ، ۋادە بەرۋ ءتۇزىمىن اتقارۋ جاعىندا. «ينتەرنەتتە توراپقا شىعۋعا قىزمەت وتەيتىن تيجارات ورىندارىن باسقارۋ ەرەجەسى» قاتارلى 3 اكىمشىلىك زاڭ - ەرەجەگە وزگەرىس ەنگىزىپ، ينتەرنەتتە توراپقا شىعۋعا قىزمەت وتەيتىن تيجارات ورىندارىنىڭ ينفورماتسيا حاۋىپسىزدىگىن تەكسەرۋ جونىندە ۇقتىرىپ قويۋ، ۋادە بەرۋ ءتۇزىمى اتقارىلاتىن بولدى؛ قوناقجاي كاسىبىنىڭ رۇقساتىن تەكسەرىپ تاراتۋ جونىندە ۇقتىرىپ قويۋ، ۋادە بەرۋ ءتۇزىمى اتقارىلاتىن بولدى؛ تەكسەرۋ - ولشەۋ قۇرىلىمدارىنىڭ تولىمدىلىعىن تانۋ جونىندە ۇقتىرىپ قويۋ، ۋادە بەرۋ ءتۇزىمى اتقارىلاتىن بولدى. سونىمەن بىرگە، ۇقتىرىپ قويۋعا، ۋادە بەرۋگە قاتىستى تارتىپتەر ايقىندالدى ءارى قاتىستى باقىلاۋ - باسقارۋ شارالارى قوسىلدى.
تەكسەرىپ بەكىتۋ قىزمەت وتەۋىن ساپالىلاندىرۋ جاعىندا. «جۇڭحۋا حالىق رەسپۋبليكاسىنىڭ تاس جول تاسىمال ەرەجەسى» قاتارلى 3 اكىمشىلىك زاڭ - ەرەجەگە وزگەرىس ەنگىزىپ، سايكەستى رۇقسات دارەجەسىن رەتتەپ، قاتىستى تەكسەرىپ بەكىتۋ ۇقىق شەگىن تومەنگە ءتۇسىردى.
«مەملەكەتتىك كەڭەستىڭ جالپىلىق اۆياتسيانى باسقارۋ جونىندەگى ۋاقىتتىق بەلگىلەمەسى» قاتارلى 6 اكىمشىلىك زاڭ - ەرەجەنى كۇشىنەن قالدىردى. وسى 6 اكىمشىلىك زاڭ - ەرەجەنىڭ جاسالۋ ۋاقىتى ءبىرشاما ۇزاق بولىپ، قاتىستى زاڭ - ەرەجەلەرمەن قاقتىعىسىپ قالاتىن مازمۇندار بايقالعان؛ كەيبىرەۋلەرى جوعارى زاڭمەن كۇشىنەن قالدىرىلعان نەمەسە جوعارى زاڭعا ساي كۇشىنەن قالدىرىلعان؛ كەيبىرەۋلەرىنىڭ ورنىن باسقا زاڭ - ەرەجەلەر باسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
