«جانتايۋعا» ۇيرەنگەن كادرلاردى ورنىنان تۇرعىزايىق
2022.04.08 16:33 كەلۋ قاينارى : حالىق تورابى
جۋىردا اقپارات قۇرالدارى كەي جەرلەردەگى ءتارتىپ تەكسەرۋ كوميتەتى مەن باقىلاۋ كوميتەتىنىڭ «جانتايۋعا» جانى قۇمار بولۋ ستيلىن تيۋ تاجىريبەسى مەن تاسىلدەرى تۋرالى حابار جاريالاپ، «جانتايعىش» كادرلارعا ەسكەرتۋ بەردى ءارى كادرلاردى تاربيەلەۋ مەن باسقارۋعا پايدالى ويلارىن ورتاعا قويدى. «جانتايعىش» كادرلار سۋايتتىققا سالىنىپ، سىلدىر سوزگە جاتىلىپ، ءىستى اقساتقانىمەن قويماي، حالىقتىڭ كوڭىلىنە قاياۋ سالادى. ولاردى ەركىنە قويا بەرسە، حالىق بۇقاراسىنىڭ ءتول مۇددەسىنە زيان جەتكىزىپ، پارتيا مەن ۇكىمەتتىڭ وبىرازىنا داق سالادى، ءسوزسىز، اۋرۋىنا قاراي ەم ىستەپ، ىشكەرىلەي جونگە سالۋ قاجەت.
يدەيالىق جاقتاعى قۇلدىراۋ — ەڭ حاۋىپتى قۇلدىراۋ سانالادى، مۇرات پەن سەنىمنىڭ بوساڭسۋى جانە تۇراقسىزدىعى — «جانتايۋدىڭ» باستى سەبەبى. «جانتايۋعا» داعدىلانعان كادرلاردى ورنىنان تۇرعىزىپ، يدەيالىق تاربيەنى كۇشەيتىپ، ءىس ىستەۋ ىقىلاسىن تاسقىنداتىپ، پارتيالى كادرلاردى دۇنيەگە دۇرىس كوزقاراس ورناتۋعا، ومىرگە دۇرىس كوزقاراس ورناتۋعا، دۇرىس قۇن كوزقاراسىن ورناتۋعا جەتەلەۋ قاجەت. پارتيالى كادرلار قىزمەت بارىسىندا وزدەرىنە ۇنەمى ەسكەرتىپ وتىرۋى، رۋحاني جاقتا كالتسي تولىقتاپ وتىرۋى، ەڭ ءبىرىنشى ورىنداعى سالاۋاتىن، ەڭ ءبىرىنشى ورىنداعى مىندەتى مەن جاۋاپكەرشىلىگىن ەستە بەرىك ساقتاپ، «جانتايۋدان» يدەيالىق جاقتا شىن كوڭىلمەن باس تارتۋى كەرەك.
«جانتايۋعا» جانى قۇمار كادرلاردى ورنىنان تۇرعىزۋ ءۇشىن، كادرلاردى باقىلاۋ – باسقارۋ جاعىندا كۇش سالۋعا تۋرا كەلەدى. باسقارۋ مەحانيزمىن كەمەلدەندىرۋ ارقىلى ءتۇزىم تورىن بەكەمدەپ، جاۋاپكەرشىلىكتى تياناقتاندىرۋعا وڭ باعىتتا شابىتتاندىرۋ، پارتيالى كادرلاردىڭ ادالدىقپەن مىندەتىن ادا ەتەتىن، ەرلىكپەن العا شىعاتىن ارەكەت سانالىلىعىن ارتتىرىپ، بەينەت شەككەندەردىڭ بەينەتىنىڭ زەينەتىن كورۋىنە، ۇزدىكتەردى الدىمەن ويلاستىرۋعا، ىسكەرلەرگە ورىن دايىنداۋعا، الىمدىلاردى العا شىعارۋعا شارت – جاعداي ازىرلەپ، ەپتەپ – سەپتەپ كۇن وتكىزۋگە بوي ۇرعاندارعا وراي بەرمەۋ، «جانتايۋعا» داعدىلانعاندارعا جانتاياتىن جەر قالدىرماۋ قاجەت. سونىمەن بىرگە، باقىلاۋ جانە جاۋاپكەرشىلىگىن قۋزاستىرۋدى كۇشەيتىپ، جاۋاپكەرشىلىك پەن جىگەردى سومداپ، ءتارتىپتى، زاڭدى قاتاڭ اتقارۋ ارقىلى پارتيالى كادرلاردى ستيلىن وزگەرتۋگە، قابىلەتىن جوعارىلاتۋعا قۋزاپ، «جانتايۋعا» جانى قۇمار كادرلاردى «كوكەيىنە جاۋاپكەرشىلىك ۇيالاعان»، «ىشتەي يمەنەتىن»، «قانداي ءىستى اتقارسا، سول ىسكە شەبەر بولاتىن» دەڭگەيگە جەتكىزىپ، ۇزدىكسىز تۇردە قىزمەتتە جاڭاشا جاعداي جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved