ەگيپەتتىڭ بۇرىنعى زۇڭتۇڭى مورسي تۇڭعىش رەت سوتتا تەرگەۋگە الىندى

2013.11.05 15:50   كەلۋ قاينارى : حالىق تورابى

　　شينحۋا تورابىنىڭ 14 ـ قاراشادا كايردان حابارلايدى. ەگيپەتتىڭ بۇرىنعى زۇڭتۇڭى مورسي 4 ـ قاراشادا تۇڭعىش رەت كاير ساقشى ينستيتۋتىندا سوتقا شىعىپ، وتكەن جىلعى زۇڭتۇڭ سارايىنىڭ الدىنداعى قىر كورسەتۋدە زورلىقتى كۇش ىستەتۋگە جەلىكتىرۋ جانە قىر كورسەتۋشىلەردى ءولتىرۋ دەلوسىنا قاتىناسۋ كۇمانىمەن تەرگەلدى. تەرگەۋ ناتيجەسىز اياقتالعاندىقتان، سوت مەكەمەسى كەلەسى جىلى 8 ـ قاڭتاردا سوتتا قايتا قاراۋدى ۇيعاردى.

　　ەگيپەت ۇكىمەتتىك حابار مەكەمەسى ورتا ـ شىعىس اگەنتتىگىنىڭ حابارىنا نەگىزدەلگەندە، سول كۇنى مورسيمەن بىرگە سوتتا تەرگەلگەندەردەن تاعى مۇسىلمان باۋىرلاستار قوعامىنىڭ جوعارى دارەجەلى 7 باسشىسى بار ەكەن. قالعان جەتى ايىپكەر سوتقا كەلمەدى. ايىپكەر سوتتا تەرگەۋ بارىسىندا داۋىرىققاندىقتان سوتتى كوزگە ىلمەدى دەپ قارالىپ، سول كۇنگى سوت ءبىر ساعاتتان ارتىق ءۇزىلىس جاسادى. سوت ەڭ سوڭىندا بۇل دەلوعا سوتتى كەشىكتىرىپ اشۋدى ۇيعارىپ، تالاپكەر مەن ايىپكەر ادۆوكاتتارىنىڭ بۇل دەلونى تولىق كورىپ شىعۋىنا جانە دايىندالۋىنا تولىق ۋاقىت شىعارۋى جونىنەن قولايلىلىق جاسادى. سول كۇنگى سوت جابىلعاننان كەيىن، مورسي الەكساندر قالاسىنىڭ ءبىر ورنىنداعى تۇرمەدە جالعاستى قامالدى.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى