- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قان قارىزى قاندىقولدى قاقساتتى
قادىل نۇراقىمان ۇلى، سەرىك اسقار ۇلى
2013.11.06 14:58 كەلۋ قاينارى : حالىق تورابى
2002-جىلى 25-قاڭتار كەشتە، حىنان ولكەسىنىڭ دانچىڭ اۋدانى ۋتاي قالاشىعىندا تۇراتىن ياڭ × كورشىسى حى فاميليالى اعالى-ىنىلىمەن ەرەگەسىپ قالادى. حى فاميليالى ەكەۋى ياڭ ×تىڭ قيتىعىنا ءتيىپ: «سەنى اكە-شەشەڭ جارامسىز ەتىپ تۋعان» دەپ كەلەمەجدەيدى. باسىنان ءبىر اۋىز ءسوز اسىرىپ كورمەگەن تۇيىق مىنەزدى ياڭ × سابىر ساقتاي الماي، اعايىندى ەكەۋىمەن ارپاق-قۇرپاق الىسىپ، جۇدىرىقتاسقان بولسادا، ءبارىبىر تاياق جەۋمەن تىنادى. ول اشۋعا بۋلىعىپ، كوزىنە تۇك كورىنبەگەن بەتى جۇگىرىپ ۇيىنە كەلىپ، اس ءۇيدىڭ ۇستەلىندە تۇرعان قايراۋلى چەدەۋدى الا سالىپ، حى فاميليالىلاردىڭ ۇيىنە باسىپ كىرىپ، تاباندا ەكەۋىن شاۋىپ ولتىرەدى.
اعايىندىلاردىڭ قىزىل قانعا بويالىپ ولگەنىنە كوزى جەتكەن ياڭ × ءىستىڭ ناسىرعا شاپقانىن سەزىپ، تۇندەلەتە زىتىپ، حىنان ولكەسىنىڭ جىڭجوۋ قالاسىنا بارىپ، جالعان ازاماتتىق كۋالىك ءبىتىرىپ الادى دا، ءبىر شاعىن زاۆوتقا جالدانىپ جۇمىس ىستەپ، ون ءبىر جىلدان ارتىق ۋاقىتتى وتكىزەدى.
كوزدى اشىپ-جۇمعانشا 2003-جىلدىڭ كوكتەم مەرەكەسى دە كەلىپ جەتتى. ءبىر كۇنى ياڭ × قىزمەتىنەن ىقتيارسىز قول ءۇزىپ، ءتۇن جاستانىپ، ۇيىنە جاسىرىن كەلىپ، جۇبايى لي × پەن جۇزدەسىپ، سول كۇنى تۇندە قايتا كەتپەكشى بولادى. ءبىراق لي × جۇبايىن قيماي، بالالارىن ەرتىپ، ونىمەن بىرگە تابان جالتىراتۋعا بەكيدى. وسىلايشا ياڭ × جۇبايى مەن بالالارىن ەرتىپ، باتىس سولتۇستىككە باراتىن پويەزگە وتىرىپ، شينجياڭدى بەتكە الىپ، سانجى، كۇيتۇن، بۇراتالا، ماناس، شىحىزى سياقتى جەرلەردە جاسىرىنىپ، سەرگەلدەڭ تۇرمىسن جالعاستىرادى. باسقالاردىڭ بايقاپ قالۋىنان الاڭداعان ولار، بالا وقىتۋعادا، ۇلكەن قالادا تۇرۋعا دا باتىلدىق ەتپەي، شەتكەرى قىستاقتاردا ۇساق-تۇيەك جۇمىس ىستەۋمەن كۇنەلتەدى. مەيلى قايدا بارسادا، اتتارىن وزگەرتۋمەن ابىگەر بولىپ، بىرەۋ- مىرەۋ جاعداي ۇعىسا قالسا بولعانى، ول جەردەن بەزىپ كەتەدى.
قوعام حاۋىپسىزدىگى مەكەمەسىنىڭ قۋعىنداۋىنان ساقتانۋ ءۇشىن، ولار مەكەندەرىنە سول كەتكەننەن قايتا ورالمادى، تۋىس- تۋعاندارىمەن دە حابارلاسپاي، كۇنى بۇگىنگە دەيىن 2-ۇرپاق ازاماتتىق كۋالىگىن دە بىتىرگەن جوق. اۋەل دەسەڭىز، قول تەلەفون ىستەتۋدەن دە قورىقتى.
2011-جىلى ەلىمىزدەگى قوعام حاۋىپسىزدىگى ورگاندارى «توراپ ارقىلى الاستاۋ» قيمىلىن ءورىس الدىرعاننان كەيىن، ياڭ × ۇيىنەن اتتاپ شىعا الماي قالدى دا، وتباسىنىڭ كۇن كورىسى جۇبايىنىڭ ماردىمسىز ەڭبەك اقىسىنا عانا سۇيەندى. بيىل مامىردا ولارد جان ساۋعالاۋ ءۇشىن، ماناس اۋدانىنان سىتىلىپ شىعىپ، بيڭتۋان اۋىل شارۋاشىلىق 8-ديۆيزياسىنىڭ 142- پولكىنە قاشىپ كەلىپ تاسالانادى. شىلدەنىڭ ورتا شەنىندە، ساۋان اۋدانىنىڭ ساقشىلارى، ساۋان مەن بيڭتۋان شەگارالاسقان جەرىندە توراپتا قۋعىندالعان حىنان ولكەسىنەن كەلگەن ءبىر قاندىقولدىڭ جاسىرىنىپ جۇرگەندىگى جونىندەگى دەرەككە يە بولادى. 28-شىلدەدە ساۋان اۋداندىق قوعام حاۋىپسىزدىگى مەكەمەسىنىڭ قىلمستىق ىستەر ۇلكەن اترەتى قاتىستى دەرەكتەرگە نەگىزدەلىپ، 4 كۇنگە جالعاسقان بارلاۋ ارقىلى، ەرلى-زايىپتى قىلمىس كۇماندىلارى ياڭ ×پەن لي ×تى قىلمستىق ىستەر بويىنشا قولعا الدى. ءسۇيتىپ، 11 جىل بويى سىرتتا قاشىپ جۇرگەن ەرلى-زايىپتى سىبايلاس قاندىقولداردىڭ قاساقانا كىسى ءولتىرۋ دەلوسى شەشىم تاپتى.
قازىر ەكى قىلمىسكەر حىنان ولكەسى قوعام حاۋىپسىزدىگى مەكەمەسىنىڭ ساقشىلارىنا تاپسىرىپ بەرىلىپ، دەلو جالعاستى تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
