ەڭ جوعارى حالىق سوت مەكەمەسىنىڭ قىزمەتىنەن بايانداما
ـــــ 13-كەزەكتى مەملەكەتتىك حالىق قۇرىلتايىنىڭ 2-ماجىلىسىندە 2019-جىلى 3-ايدىڭ 12-كۇنى جاسالدى
ەڭ جوعارى حالىق سوت مەكەمەسىنىڭ باستىعى جوۋ چياڭ
2019.07.01 10:38 كەلۋ قاينارى : حالىق تورابى
ۋاكىلدەر:
مەن ەڭ جوعارى حالىق سوت مەكەمەسى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى ٴارى مەملەكەتتىك ساياسي كەڭەس مۇشەلەرىنىڭ پىكىر بەرۋىن سۇرايمىن.
2018-جىلعى باستى قىزمەتتەر
2018-جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ كۇش سالا باقىلاۋىندا، ەڭ جوعارى حالىق سوت مەكەمەسى شي جينپيڭ جاڭا ٴداۋىر جۇڭگوشا سوتسياليزم يدەياسىـن جەتەكشــى ەتىپ، پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتى ەكىنشى، ٴۇشىنشى جالپى ٴماجىلىسىنىڭ رۋحىن جاپپاي دايـەكتىلـەندىرىـپ، 13-كەزەكتى مەملەكەتتىك حالىق قۇرىلتايى 1-ٴماجىلىسىنىڭ رۋحىن مۇقيات تياناقتاندىرىپ، ” حالىق بۇقاراسىنا ٴاربىر ٴادىليالىق دەلودان ادىلدىك پەن ادىلەتتىلىكتىڭ بارلىعىن سەزىندىرۋگە قۇلشىنۋ“ نىساناسىن مىقتى وزەك ەتە وتىرىپ، جالپى جاعدايعا قىزمەت وتەۋدەن، ٴادىليانى حالىق ٴۇشىن جۇرگىزۋدەن، ٴادىليادا ٴادىل بولۋدان جازباي، نەگىزگى زاڭ مەن زاڭداردا جۇكتەلگەن مىندەتىن ادالدىقپەن وتەپ، ٴتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزدى. ەڭ جوعارى حالىق سوت مەكەمەسىنىڭ قاراۋعا قابىلداعان دەلوسى 34 مىڭ 794، قاراپ اياقتاتقانى 31 مىڭ 883 بولىپ، ۇقساس مەزگىلدەگىدەن جەكە-جەكە %22.1 جانە %23.5 جوعارىلادى، 22 نۇسقا ٴادىليالىق تۇسىندىرمە جاساپ، وسى ارقىلى بۇكىل ەلدەگى سوت مەكەمەلەرىنىڭ سوت قىزمەتىنە باقىلاۋدى، وعان جەتەكشىلىك ەتۋدى كۇشەيتتى؛ جەرگىلىكتى ٴار دارەجەلى حالىق سوت مەكەمەلەرى قاراۋعا قابىلداعان دەلو 28 ميلليون، قاراپ اياقتاتقانى جانە اتقارۋدى اياقتاتقانى 25 ميلليون 168 مىڭ نۇسقا بولىپ، دەلونى جابۋ نىسانا سوماسى 5 تريلليون 500 ميلليارد يۋان بولدى، بۇل ۇقساس مەزگىلدەگىدەن جەكە-جەكە %8.8، %10.6 جانە %7.6 جوعارىلادى. سوت جۇرگىزۋ فۋنكتسياسىنىڭ رولىن تولىق ساۋلەلەندىرۋ ارقىلى ”بەستى ٴبىرتۇلعالاندىرۋ“ سىندى جالپى تۇلعالىق ورنالاستىرۋىن ٴبىرتۇتاس ىلگەرىلەتۋ مەن ”ٴتورتتى جاپپاي ورىنداۋ“ سىندى ستراتەگيالىق ورنالاستىرۋىن سايكەستى ىلگەرىلەتۋ ٴۇشىن پارمەندى ٴادىليالىق قىزمەت وتەدى جانە قامتاماسىزداندىردى.
1. شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە ونى دايەكتىلەندىرىپ، پارتيانىڭ حالىق سوت مەكەمەلەرىنىڭ قىزمەتىنە بولعان شارت بولدىق
شي جينپيڭ جاڭا ٴداۋىر جۇڭگوشا سوتسياليزم يدەياسى مەن پارتيا 19-قۇرىلتايىنىڭ رۋحىن ۇيرەنۋدى دايەكتىلەندىرۋدى باستى ساياسي مىندەت ەتۋدەن جازباي، جاپپاي ۇيرەنۋدى، جاپپاي اقىلداسۋدى، جاپپاي باۋلۋدى ىشكەرىلەي ورىستەتىپ، بۇكىل ەل بويىنشا سوت مەكەمەلەرىنەن 350 مىڭ كادر، ساقشىنى كەزەكپەن كۋرستان وتكىزدىك. ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ باتىل ورىنداپ، ساياسي تۇرعىدا، ساياسي باعداردا، ساياسي پرينسيپتە، ساياسي جولدا
شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان-اياق وسكەلەڭ ٴبىر اۋىزدىلىقتى ساقتاپ، حالىق سوت مەكەمەلەرى قىزمەتىنىڭ دۇرىس ساياسي باعدارىنا شىنايى كەپىلدىك ەتتىك. كەلەلى ىستەر جونىنەن نۇسقاۋ سۇراۋ، مالىمەت بەرۋ ٴتۇزىمىن قاتاڭ تياناقتاندىردىق. نەگىزگى زاڭدى ىشكەرىلەي ۇيرەنىپ، دايەكتىلەندىرىپ، سوت جۇرگىزۋ ۇقىعىن زاڭ بويىنشا دەربەس، ٴادىل جۇرگىزۋدەن جازباي، جۇڭگوشا سوتسياليستىك زاڭمەن باسقارۋ جولىمەن اۋىتقىماي جۇردىك. باس شۋجي
شي جينپيڭنىڭ مەملەكەتتى جاپپاي زاڭمەن باسقارۋ جاڭا ۇستانىمىن، جاڭا يدەياسىن، جاڭا ستراتەگياسىن ىشكەرىلەي ۇيرەنىپ، دايەكتىلەندىرىپ، ورتالىق كوميتەتتىڭ شەشىمدەرىنىڭ، ورنالاستىرۋلارىنىڭ حالىق سوت مەكەمەلەرىندە بۇلجىماستان دايەكتى اتقارىلۋىنا شىنايى كەپىلدىك ەتتىك.
2. قىلمىس وتكىزگەندەردى زاڭ بويىنشا جازالاپ، حالىقتى قورعاپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعادىق
ٴار دارەجەلى سوت مەكەمەلەرى مەملەكەتتىڭ جالپى تۇلعالىق حاۋىپسىزدىك كوزقاراسىن مۇقيات تياناقتاندىرىپ، تىنىش جۇڭگو قۇرىلىسىن بەلسەندىلىكپەن ىلگەرىلەتىپ، ٴبىرىنشى سوتتىق قىلمىستىق ىستەر دەلولارىنان ٴبىر ميلليون 198 مىڭىن قاراپ اياقتاتىپ، ٴبىر ميلليون 429 مىڭ قىلمىستىعا ۇكىم شىعاردى.
مەملەكەتتىڭ حاۋىپسىزدىگىنە زالال جەتكىزۋ، زورلىقتى كۇش، لاڭكەستىك سياقتى قىلمىستاردى قاتاڭ جازالادىق. مەملەكەت بيلىگىن اۋدارۋعا جەلىكتىرۋ، مەملەكەتتى بولشەكتەۋگە جەلىكتىرۋ، تىڭشىلىق سياقتى قىلمىستاردى قاتاڭ جازالاپ، قاتىستى تاراۋلارمەن بىرگە لاڭكەستىك قيمىلدارى مەن ۇشقارى قىلمىستارعا سوققى بەرۋ پىكىرىن شىعارىپ، لاڭكەستىكتى ۇگىتتەۋ، ۇشقارىلىقتان پايدالانۋ ارقىلى زاڭنىڭ اتقارىلۋىن ٴبۇلدىرۋ سىندى قىلمىستاردى زاڭ بويىنشا جازالاپ، مەملەكەتتىڭ ساياسي حاۋىپسىزدىگىن، اسىرەسە اكىميات حاۋىپسىزدىگىن، ٴتۇزىم حاۋىپسىزدىگىن باتىل قورعادىق.
قارا قوعام سيپاتتى كۇشتەردى تازالاۋ، زۇلىم كۇشتەردى الاستاۋ ارناۋلى كۇرەسىن ىشكەرىلەي ورىستەتتىك. پارتيا ورتالىق كوميتەتىنىڭ شەشىمدەرىن باتىل دايەكتىلەندىرىپ، ەڭ جوعارى حالىق پروكۋراتۋراسى، قوعام حاۋىپسىزدىك مينيسترلىگى قاتارلىلارمەن بىرگە حابارلاندىرۋ شىعارىپ، پىكىر بەلگىلەپ، قارا قوعام سيپاتتى كۇشتەرگە، زۇلىم كۇشتەرگە ساياتىن ٴتۇرلى قىلمىستاردى قاتاڭ جازالادىق. زاڭ بويىنشا قاتاڭ جازالاۋ باعىتىنان جازباي، قارا قوعام سيپاتتى كۇشتەر مەن زۇلىم كۇشتەر قىلمىس دەلولارىنان 29 مىڭ ادامعا قاتىستى 5489 نۇسقاسىن قاراپ اياقتاتىپ، مۋجيا دەلوسى، زىڭ شيانبو دەلوسى سىندى قوعامدىق ىقپالى ٴبىرشاما زور قارا قوعام سيپاتتى كۇشتەر، زۇلىم كۇشتەرگە ساياتىن دەلولاردى زاڭ بويىنشا قاراپ شىقتىق. قارا قوعام سيپاتتى كۇشتەردى تازالاۋ، زۇلىم كۇشتەردى الاستاۋ مەن شىرىكتەسۋگە قارسى كۇرەستى ۇشتاستىرۋدان جازباي، جۇرتشىلىقتى جابىرلەپ زاقىمداعان ”قىستاق زورەكەرلەرى“ مەن ”بازار زورەكەرلەرىن“ زاڭ بويىنشا قاتاڭ جازالاپ، قارا قوعام سيپاتتى كۇشتەردىڭ، زۇلىم كۇشتەردىڭ ”باسقالقالارىن“ قاتاڭ جازالاپ، قوعام تىنىشتىعىن قورعادىق.
قياناتشىلدىق، پاراقورلىق سياقتى شىرىكتەسۋ قىلمىستارىن قاتاڭ جازالادىق. سۇن جىڭساي سياقتى ٴىرى مىندەتتىك قىلمىس دەلولارىن زاڭ بويىنشا قاراپ، پارتيا ورتالىق كوميتەتىنىڭ شىرىكتەسۋگە قارسى كۇرەستەگى تۇبەگەيلى جەڭىسىن بەكەمدەۋ جانە ونى ورىستەتۋىندەگى بەرىك سەنىمىن ايگىلەدىك. ٴار دارەجەلى سوت مەكەمەلەرى قياناتشىلدىق، پاراقورلىق، قىزمەتىنە جاۋاپكەرسىزدىك ىستەۋ سىندى 33 مىڭ ادامعا ساياتىن 28 مىڭ دەلونى قاراپ اياقتاتتى، مۇنىڭ ىشىندە بـۇرىنـعى ولكـە، مـينيسترلىك دارەجـەلىـدەن جـوعارى كادرلەردەن 18 ادام، مەڭگەرمە، مەكەمە دارەجەلى 339 ادام، اۋدان، باسقارما دارەجەلى 1185 ادام. پارا بەرۋ قىلمىستارىن جازالاۋ تەبىنىن ارتتىرىپ، 2466 قىلمىستىعا ۇكىم شىعاردى. مەملەكەتتىك باقىلاۋ-تەكسەرۋ كوميتەتى سياقتىلارمەن بىرلەسىپ حابارلاندىرۋ شىعارىپ، مىندەتتىك قىلمىستىلاردىڭ شەتەلدە قاشىپ جۇرگەندەرىنە ٴوزىن-ٴوزى مالىمدەۋىنە قۋزاۋشىلىق ەتىپ، شەتەلدە قاشىپ جۇرگەندەردىڭ ىزىنە ٴتۇسۋ، ارام ولجانى قايتارىپ الۋ قىزمەتىنە ويداعىداي سايكەستىك. زاڭعا قايشى تابىسىن ٴمۇسادىرالاۋ ٴتارتىبىن زاڭ بويىنشا قولدانىپ، ”33-ٴنومىرلى قىزىل ٴتۇستى قۋعىنداۋ بۇيرىعى“ تۇسىرىلگەن حۋاڭ يانلان سياقتىلاردىڭ زاڭسىز تابىسىن ٴمۇسادىرالاۋعا كەسىم جاساپ، شىرىكتەسۋشى ەلەمەنتتەردىڭ پارمەندى تۇردە ساعىن سىندىردىق.
بۇقارانىڭ ٴومىرى مەن مال-مۇلكىنىڭ حاۋىپسىزدىگىنە اۋىر زالال جەتكىزۋ قىلمىستارىن قاتاڭ جازالادىق. ادام ٴولتىرۋ، توناۋ، بارىمتالاۋ سياقتى اۋىر زورلىقتى كۇش قىلمىستارىن قاتاڭ جازالاپ، قارۋ-جاراققا، قوپارىلىس جاسايتىن زاتتارعا قاتىستى قىلمىستارعا قاتاڭ سوققى بەرىپ، قاتىستى دەلولاردىڭ 41 مىڭىن قاراپ اياقتاتتىق، 51 مىڭ قىلمىستىعا ۇكىم شىعاردىق. اۋىر جاۋاپكەرشىلىك وقيعالارى، كولىكتى قاتەرلى جۇرگىزۋ سياقتى الەۋمەتتىك حاۋىپسىزدىككە زالال جەتكىزەتىن قىلمىستاردى قاتاڭ جازالاپ، قاتىستى دەلولاردان 342 مىڭىن قاراپ اياقتاتتىق. قوعام حاۋىپسىزدىگى مينيسترلىگى قاتارلى تاراۋلارمەن بىرگە پىكىر شىعارىپ، حاۋىپسىز كولىك جۇرگىزۋگە زالال جەتكىزۋ قىلمىستارىن قاتاڭ جازالاپ، الەۋمەتتىك قاتىناس حاۋىپسىزدىگىن قورعادىق. ەسىرتكىگە تيىم سالۋ كۇرەسىنە بەلسەنە اتسالىسىپ، ەسىرتكى قىلمىسىنا سايعان 100 مىڭ دەلونى قاراپ اياقتاتتىق. زورلىقتى كۇشپەن شيپاگەرلەردى زاقىمداۋ قىلمىستارىن قاتاڭ جازالاپ، قالىپتى ەمدەۋ ٴتارتىبىن قورعادىق. زاڭسىز قارجى توپتاۋ قىلمىسىن قاتاڭ جازالاۋ تۋرالى پىكىر شىعاردىق. شىرعالى قارىز اقشا الدامكوستىگىنە قاتاڭ سوققى بەرىپ، ”قارىزدى جالعاننان ارتتىرۋ“، ”جات نيەتپەن توقتام بۇزۋ“ تاسىلدەرىمەن مال-مۇلىكتى زاڭسىز يەمدەنىپ الۋ قىلمىستارىن، وقۋشىلارعا جوعارى ٴوسىمدى قارىز اقشا بەرۋ قىلمىستارىن قاتاڭ جازالادىق. ازىق-تۇلىك، ٴدارى-دارمەك حاۋىپسىزدىگىنە زالال جەتكىزۋ قىلمىسى بويىنشا 7092 دەلونى قاراپ اياقتاتىپ، حالىق بۇقاراسىنىڭ ازىق-تۇلىك حاۋىپسىزدىگىنە شىنايى كەپىلدىك ەتتىك. ۋاكسيناعا قاتىستى قىلمىستاردى جازالاۋ تەبىنىن ارتتىرىپ، حالىق بۇقاراسىنىڭ ٴومىرى مەن دەنساۋلىق حاۋىپسىزدىگىنە شىنايى كەپىلدىك ەتتىك.
توراپقا ساياتىن قىلمىستاردى زاڭ بويىنشا جازالادىق. تەلەگراف-توراپ الدامكوستىگى، جەكەلەر ينفورماتسياسىنا سۇعاناقتىق جاساۋ، توراپتان پايدالانىپ ساۋدا قۇپيالىعىن ۇرلاۋ، توراپ ارقىلى ٴوربىتىپ ساتۋ قاتارلى قىلمىستارعا قاتاڭ سوققى بەرىپ، وعان قاتىستى 8907 دەلونى قاراپ اياقتاتتىق،
جاڭ كايمين قاتارلى 85 ادامنىڭ شەكارا اتتاعان ەرەكشە اۋىر تەلەگراف الدامكوستىگى دەلوسىن زاڭ بويىنشا قارادىق. كومپيۋتەر ينفورماتسيا جۇيەسىن ٴبۇلدىرۋ، توراپتان پايدالانىپ قۇمارحانا اشۋ سياقتى جاڭا تيپتەگى قىلمىستاردى قاتاڭ جازالاپ، اقاۋسىز، پاك توراپ كەڭىستىگىن قالىپتاستىرۋدى جەبەدىك.
ايەلدەر مەن بالالاردىڭ ۇقىق-مۇددەسىنە قول سۇعۋ قىـلمىستـارىـن قـاتـاڭ جـازالادىـق. ايـەلـدەر مـەن بـالالارعا زورلىق-زومبىلىق ىستەۋ، ولاردى جابىرلەۋ، الداپ ساتۋ، جىنىستىق ٴزابىر جـەتكىزۋ سياقتـى قىـلمىـستـاردى قاتاڭ جازالاپ، وعان قاتىستى 27 مىڭ دەلونى قاراپ اياقتاتتىق. ”لانسى چيانجياڭ شاعىن اۋماعىندا كۇتۋشىنىڭ ٴورت قويۋ دەلوسى“ قاتارلى سيپاتى ناشار دەلولاردى زاڭ بويىنشا قاراپ، كامەلەتكە تولماعانداردى ولتىرگەن، زاقىمداعان ٴبىر توپ قىلمىستىعا زاڭ بويىنشا ۇكىم شىعاردىق ٴارى ٴولىم جازاسىن اتقاردىق. جاسوسپىرىمدەرگە سوت جۇرگىزۋ قىزمەتىن كۇشەيتىپ، ”دوڭگەلەك ۇستەلدىك سوت جۇرگىزۋ“ ٴتاسىلىن كەمەلدەندىرىپ، جازا باسقان كامەلەتكە تولماعانداردى قۇتقاردىق. زاڭدى مەكتەپكە جەتكىزۋ قيمىلىن ىشكەرىلەي ورىستەتىپ، مەكتەپتە جابىرلەنۋدەن ساقتانۋعا جانە ٴبىرجاقتىلى ەتۋگە بەلسەنە اتسالىسىپ، تىنىش مەكتەپ اۋلاسى قۇرىلىسىن جەبەدىك.
ادامدىق ۇقىقتى ٴادىليالىق جاقتان قامتاماسىزداندىرۋدى كۇشەيتتىك. زاڭ الدىندا تۇگەلدەي تەپە-تەڭ بولۋعا تاباندى بولىپ، فاكتتى نەگىز، زاڭدى ولشەم ەتۋدەن جازباي، كەڭشىلىك ىستەۋ مەن قاتاڭ جازالاۋدى ۇشتاستىرۋ سىندى قىلمىستىق ىستەر ساياساتىن تياناقتاندىرىپ، تارتىپتىك ادىلدىك پەن تۇلعالىق ادىلدىكتىڭ ٴوزارا بىرلىگىنە، ٴادىليانى قاتاڭ، ٴادىل اتقارۋعا تاباندى بولدىق. ٴولىم جازاسىنا قاتىستى دەلولاردىڭ ساپا وتكەلىن مىقتى مەڭگەرىپ، ٴولىم جازاسىن قىلمىسى توتەنشە اۋىر بولعان تىم از ساندى قىلمىستىلارعا عانا قولدانۋعا كەپىلدىك ەتتىك. ناقاق، جالعان دەلولاردان تەرەڭ ساباق الدىق. ناقاق، جالعان دەلودان ساقتانۋ جانە تۇزەتۋ مەحانيزمىن كەمەلدەندىرىپ، زاڭسىز دالەل-سىپاتتى تەرىسكە شىعارۋ ەرەجەسىن قاتاڭ اتقاردىق، ٴار دارەجەلى سوت مەكەمەلەرى سوت جۇرگىزۋدى باقىلاۋ ٴتارتىبى بويىنشا قايتادان تەكسەرىپ ۇكىمىن وزگەرتكەن قىلمىستىق ىستەر دەلوسى 1821 نۇسقا، مۇنىڭ ىشىندە ”جوۋ فاميلليالى بەس ادامنىڭ دەلوسى“ قاتارلى 10 ٴىرى ناقاق، قاتە دەلونى زاڭ بويىنشا تۇزەتتىك. مەملەكەت تولەم بەرەتىن دەلودان 15 مىڭىن قاراپ اياقتاتتىق. تۇرمىسىندا قيىنشىلىعى بار داۋگەرلەرگە ٴبىر ميلليارد 80 ميلليون يۋان ٴادىليالىق كومەك قاراجات تاراتىپ، 260 ميلليون يۋان ارىز-شاعىم تولەمىن ازايتتىق جانە كەشىرىم ەتتىك. ٴادىليا تاراۋلارىمەن بىرگە ادۆوكاتتاردىڭ كاسىپتىك ۇقىعىن قامتاماسىزداندىرۋدى كۇشەيتىپ، قىلمىستىق ىستەر دەلولارىن ادۆوكاتتاردىڭ اقتاۋىنىڭ تەگىس قامتۋىن بەلسەنە ىلگەرىلەتتىك. قىلمىس جازاسىن زاڭ بويىنشا بەلگىلەۋ، قىلمىسىنىڭ باسى اشىلماعان بولسا قىلمىسسىز دەپ تۇراقتاندىرۋ پرينسيبىن تياناقتاندىرىپ، الەۋمەتتىك ايىپتاۋ دەلولارىنداعى 517 جاۋاپكەردىڭ، جەكەلىك شاعىم دەلولارىنداعى 302 جاۋاپكەردىڭ قىلمىسسىز ەكەندىگىن زاڭ بويىنشا جاريالادىق.
3. جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىنا قىزمەت وتەدىك جانە ونى قامتاماسىزداندىردىق
ٴۇش ۇلكەن قامال الۋ شايقاسىنا زاڭ بويىنشا قىزمەت وتەدىك. حالىق اراسىنداعى قارىز اقشا دەلولارىنان 2 ميلليون 236 مىڭ دەلونى قاراپ اياقتاتىپ، توراپ ارقىلى قارىز اقشـا الــۋ، فينـانستـىق كەسىرلـى الاشاق ۇقىـعىن وتكـەرمەلـەۋ داۋ-شـارلارىــن ۇيلەسـىمدى ٴبىـرجـايـلى ەتـىـپ، فينانـس حاۋىپ-قاتەرىنەن ساقتانۋدى جانە ونى جويۋدى جەبەدىك. ەڭ جوعارى حالىق پروكۋراتۋراسىمەن بىرگە ٴادىليالىق تۇسىنىك شىعارىپ، جاسىرىن بانكەگە ساياتىن قىلمىستاردى زاڭ بويىنشا قاتاڭ جازالاپ، فينانس بازارىنىڭ ٴتارتىبىن قورعادىق. فينانستىق قارىز اقشا الۋ، قامسىزداندىرۋ، باعالى قاعاز سياقتىلارعا قاتىستى دەلولاردان 839 مىڭىن قاراپ اياقتاتتىق. باعالى قاعاز، كەسىكتى بۇيىم سياقتىلارعا قاتىستى فينانستىق داۋ-شارلاردى كوپ نەگىزدى تاسىلمەن شەشۋ مەحانيزمى قۇرىلىسىن ىلگەرىلەتىپ، ورتا، شاعىن قارجـى قوسۋشىلاردىــڭ زاڭـدى ۇقىـق مۇددەسىـن قورعـادىـق. اۋىل-قىستاقتاردى كوركەيتۋ ستراتەگياسى ٴۇشىن قىزمەت وتەۋ جونىندە 45 پىكىر شىعاردىق. اۋىل شارۋاشىلىعىنا ساياتىن داۋ-شار دەلولارىن زاڭ بويىنشا قاراپ، اۋىل شارۋاشىلىعى، اۋىل-قىستاق، ديقاندار قىزمەتىنىڭ دامۋىنا قىزمەت وتەدىك. ىشكى موڭعۇل، سىچۋان، گۇيجوۋ، يۇننان، نيڭشيا قاتارلى جەرلەردەگى سوت مەكەمەلەرى كەدەي وڭىرلەردەگى جۇرتشىلىقتىڭ ٴادىليالىق قاجەتىنە دالمە-ٴدال سايكەسىپ، كەدەيلىكتەن قۇتىلدىرۋدان قامال الۋ شايقاسى ٴۇشىن بەلسەنە قىزمەت وتەدى. ورتانى لاستاۋ قىلمىستارىن قاتاڭ جازالاپ، وعان قاتىستى 2204 دەلونى قاراپ اياقتاتتىق. جاڭا داۋىردەگى ەكولوگيالىق ورتانى قورعاۋ ٴۇشىن قىزمەت وتەۋ پىكىرىن بەلگىلەپ، ورتا بايلىعىنا قاتىستى 251 مىڭ دەلونى قاراپ اياقتاتتىق. ەكولوگيالىق ورتانى بۇلدىرگەندەرگە تولەم تولەتۋ ٴتارتىبى ەرەجەسىن كەمەلدەندىرىپ، جامىلعىلاردى، جاسىل شۇراتتاردى قالپىنا كەلتىرۋ، سۋ جانۋارلارىن ٴوربىتىپ، سۋعا قويا بەرۋ قاتارلى ورتانى قالپىنا كەلتىرۋدىڭ ٴادىليالىق شارالارىن قاراستىردىق. حۋبەي، چۇڭچيڭ، چيڭحاي سياقتى جەرلەردەگى سوت مەكەمەلەرى ورتا بايلىعى تۋرالى سوت جۇرگىزۋ سەلبەستىك مەحانيزمىن ورناتىپ، چاڭجياڭ الابى ەكولوگيالىق ورتاسىن قورعاۋدى، قالپىنا كەلتىرۋدى جەبەپ، ٴمولدىر وزەن، جاسىل تاۋلاردى بىرلىكتە قورعادى.
ۇسىنىم جاعىنداعى قۇرىلىمدىق رەفورماعا زاڭ بويىنشا قىزمەت وتەدىك. ٴبىرىنشى سوتتىق ساۋدا ىستەرى دەلوسىنان 3 ميلليون 418 مىڭىن قاراپ اياقتاتتىق. كاسىپورىنداردىڭ كۇيرەۋ جونىنەن سوت جۇرگىزۋ قىزمەتىن كۇشەيتىپ، سەرىكتەستىكتەردىڭ ەسەبىن اداقتاۋ، كاسىپورىنداردىڭ كۇيرەۋى جاقتارىنداعى 16 مىڭ دەلونى قاراپ اياقتاتىپ، چيڭداۋ كەمە زاۆودى قاتارلى مال-مۇلىك كولەمى زور، جۇمىسشى-قىزمەتكەرى كوپ بولعان كۇيرەگەن كاسىپورىنداردىڭ قايتادان رەتتەلۋى جونىندەگى ٴبىر توپ دەلونى ۇيلەسىمدى قارادىق، بەيجيڭ، شاڭحاي، شىنجىن قالالارىنان كاسىپورىندارعا ساياتىن كۇيرەۋ سوتىن قۇردىق. جاڭا ساۋدا، جاڭا ۇلگى، جاڭا قالىپقا ساياتىن دەلولاردى زاڭ بويىنشا قاراپ، جاڭا، كونە ەنەرگيا قوزعاۋشى كۇشتەرىنىڭ اۋىسۋىنا قىزمەت وتەدىك. ساتىپ الۋ-ساتىپ بەرۋ توقتامىنا قاتىستى 995 مىڭ دەلونى قاراپ اياقتاتىپ، بازار ايىرباسى ٴىس-ارەكەتىن قالىپقا تۇسىردىك. ٴۇي-جاي ساۋداسى داۋ-شارلارىنان 608 مىڭ دەلونى قاراپ اياقتاتىپ، تاماشا ساۋدا ٴتارتىبىن قورعاپ، ٴۇي-جاي بازارىنىڭ جۇيەلى، ٴتارتىپتى دامۋىن جەبەدىك. ۇتىمدى شارا قولدانىپ، ”توقتامدى اتقارۋ“ قاتارلىلاردىڭ ٴادىليالىق كورسەتكىشىنىڭ، حالىقارالىق باعالاۋدىڭ ونىمدىلىگىن جوعارىلاتىپ، زاڭمەن باسقارىلاتىن تيجارات-ساۋدا ورتاسىن قالىپتاستىردىق.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
