ەڭ جوعارى حالىق سوت مەكەمەسىنىڭ قىزمەتىنەن بايانداما(4)
ـــــ 13-كەزەكتى مەملەكەتتىك حالىق قۇرىلتايىنىڭ 2-ماجىلىسىندە 2019-جىلى 3-ايدىڭ 12-كۇنى جاسالدى
ەڭ جوعارى حالىق سوت مەكەمەسىنىڭ باستىعى جوۋ چياڭ
2019.07.01 10:38 كەلۋ قاينارى : حالىق تورابى
ۋاكىلدەر، حالىق سوت مەكەمەسى قىزمەتىنىڭ دامىپ العا باسۋىنىڭ نەگىزى ـ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ؛ شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلىمي جەتەكشىلىگىنىڭ؛ باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى سىندى كوشباسشى بولۋىنىڭ ناتيجەسى. حالىق سوت مەكەمەسى قىزمەتىندە قول جەتكىزگەن تابىستار مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ پارمـەندى باقـىلاۋىنـىڭ، مـەمـلەكـەتتىـك كـەڭـەستـىڭ بارىنشا قـولداۋ كورسەتۋىنىڭ، مەملەكەتتىك ساياسي كەڭەستىڭ دەموكراتيالىق باقىلاۋىنىڭ، مەملەكەتتىك باقىلاۋ-تەكسەرۋ كوميتەتىنىڭ، ەڭ جوعارى حالىق پروكۋراتۋراسىنىڭ بارىنشا قولداۋىنىڭ، ٴارقايسى دەموكراتيالىق پارتيا-توپتاردىڭ، ونەركاسىپشىلەر مەن ساۋداگەرلەر بىرلەستىگىنىڭ، حالىقتىق توپتاردىڭ، پارتيادا، توپتاردا جوق قايراتكەرلەردىڭ دەموكراتيالىق باقىلاۋىنىڭ، جەرگىلىكتى ٴار دارەجەلى پارتيا، ۇكىمەت ورگاندارىنىڭ، قوعامنىڭ ٴار سالاسىنداعىلاردىڭ، مەملەكەتتىك حالىق قۇرىلتايى ۋاكىلدەرىنىڭ، مەملەكەتتىك ساياسي كەڭەس مۇشەلەرىنىڭ جانە قالىڭ حالىق بۇقاراسىنىڭ ٴمان بەرۋىنىڭ، قولداۋ كورسەتۋىنىڭ، كومەكتەسۋىنىڭ ناتيجەسى. وسى ورايدا مەن ەڭ جوعارى حالىق سوت مەكەمەسى اتىنان شىن جۇرەكتەن العىس ايتامىن!
ٴبىز حالىق سوت مەكەمەسىنىڭ قىزمەتىندە ٴالى دە كوپتەگەن ماسەلەلەر مەن قيىنشىلىقتار ساقتالىپ وتىرعاندىعىن سەرگەكتىكپەن تاني ٴبىلۋىمىز كەرەك: ٴبىرىنشى، ٴىشىنارا سۋديالاردىڭ ساياسي ساپاسىن، ٴادىليالىق ۇستانىمىن، ٴادىليالىق قابىلەتىن جاڭا ٴداۋىر تالابىمەن جانە حالىق بۇقاراسىنىڭ ٴادىليالىق قاجەتىمەن سالىستىرعاندا، ٴالى دە كوپتەگەن پارىقتار ساقتالۋدا. ەكىنشى، ٴادىليا ساپاسى، ونىمدىلىگى جانە الەۋمەتتىك سەنىمدىلىگى ونان ارى جاقسارتۋدى قاجەت ەتۋدە. ٴۇشىنشى، جەر-جەردىڭ ٴادىليا ٴتۇزىلىس رەفورماسىن جۇرگىزۋىندە پارىقتار ساقتالىپ، جان-جاقتى كەمەلدەندىرۋ رەفورما شارالارىن جەدەل تياناقتاندىرۋ قاجەت بولىپ وتىر، اقىل-پاراساتتىق سوت مەكەمەلەرىن قۇرۋ دەڭگەيى مەن قولدانىلمالى قابىلەتىن جوعارىلاتۋعا تۋرا كەلىپ وتىر. ٴتورتىنشى، نەگىزگى ساتىداعى نەگىزگى قۇرىلعىلاردا ٴالى دە ولقىلىقتار ساقتالىپ، جوعارى دارەجەلى سوت مەكەمەلەرىنىڭ تومەنگە باقىلاۋ، جەتەكشىلىك ەتۋ رولىنىڭ ساۋلەلەنۋى جەتەرسىز بولىپ وتىر. بەسىنشى، سوت مەكەمەلەرىندە ىشكى باقىلاۋ، قوسىن باسقارۋ جاقتارىندا ٴالسىز بۋىندار بەلەڭ بەرىپ، ”شامنىڭ ٴتۇبى قاراڭعى“ بولۋ ماسەلەسى ساقتالىپ، ٴادىليا ستيلى بۇرىس بولۋ، زاڭعا، ەرەجەگە قايشىلىق جاساۋ جايتتەرى ٴالى دە تۋىلۋدا، باقىلاۋ مەحانيزمىن كەمەلدەندىرە تۇسۋگە تۋرا كەلەدى. التىنشى، ٴىشىنارا سوت مەكەمەلەرىنىڭ دەلونى ٴبىرجاقتىلى ەتۋ اۋىرتپالىعى توتەنشە اۋىر، ٴىشىنارا سۋديالار ۇزاق جىلدار بويى شامادان تىس جۇمىس ىستەۋدە، ٴىشىنارا سوت مەكەمەلەرىندە دارىندىلاردىڭ كەتىپ قالۋ ٴجايتى ٴبىرشاما اۋىر، مىندەت وتەۋدى قامتاماسىزداندىرۋدى كۇشەيتۋگە تۋرا كەلەدى. ٴبىز بۇل ماسەلەلەر مەن قيىنشىلىقتاردى پارتيانىڭ باسشىلىعىنا تىعىز سۇيەنە وتىرىپ، حالىق قۇرىلتايىنىڭ باقىلاۋى مەن ٴار قايسى جاقتاردىڭ قولداۋ كورسەتۋىندە اناعۇرلىم كۇش سالا شەشۋىمىز كەرەك.
2019-جىلعى قىزمەت ورنالاستىرۋى
2019-جىل جاڭا جۇڭگو قۇرىلعاندىعىنىڭ 70 جىلدىعى، دوڭگەلەك داۋلەتتى قوعامدى جاپپاي ورناتۋداعى، ٴبىرىنشى ٴجۇز جىلدىق كۇرەس نىساناسىن جۇزەگە اسىرۋداعى شەشۋشى جىل. حالىق سوت مەكەمەسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ 19-قـۇرىـلتـايـى مـەن 19-كـەزەكـتـى ورتـالىـق كـوميـتەتـىنىڭ ەكىنشى، ٴۇشىنشى جالپى ماجىلىستەرىنىڭ، سونداي-اق ورتالىق كوميـتەتتـىڭ سـايـاسـي-زاڭ قىزمەتى ٴماجىلىسىنىڭ رۋحىن جان-جاقتى دايەكتىلەندىرىپ، قىزمەتتى ورنىقتىلىق بارىسىندا ىلگەرىلەتۋ اۋەنىنەن جازباي، وسى رەتكى ٴماجىلىستىڭ قاۋلىسىن مۇقيات تيـانـاقـتانـدىرىپ، نـەگىـزگى زاڭـدا، زاڭـداردا جـۇكـتەلگەن مىندەت-بورىشتارىن ادالدىقپەن وتەپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەمەن قارسى الادى.
بىرىنشىدەن، شي جينپيڭ جاڭا ٴداۋىر جۇڭگوشا سوتسياليزم يدەياسى ارقىلى وي-سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە باستان-اقىر تاباندى بولۋ. ”ٴتورت تانىمدى“ كۇشەيتىپ، ”ٴتورت سەنىمدى“بەكەمدەپ، ”ەكىنى قورعاۋدى“ باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان-اقىر وسكەلەڭ ٴبىر اۋىزدىلىقتى ساقتايمىز. ”جۇڭگو كوممۋنيستىك پارتياسىنىڭ ساياسي-زاڭ قىزمەت ەرەجەسىن“ مۇقيات دايەكتىلەندىرىپ، پارتيانىڭ حالىق سوت مەكەمەلەرىنىڭ قىزمەتىنە بولعان شارتسىز باسشىلىعىنا تاباندى بولىپ، جۇڭگوشا سوتسياليستىك زاڭمەن باسقارۋ جولىمەن اۋىتقىماستان جۇرەمىز. جاڭا ٴداۋىردىڭ جاڭا تالابىن دۇرىس يگەرىپ، سوت مەكەمەسى قىزمەتىنىڭ ٴىس جۇزىندىگىمەن تىعىز بايلانىستىرىپ، پارتيا ورتالىق كوميتەتىنىڭ باعىت-ساياساتتارى مەن قىزمەت ورنالاستىرۋلارىن جاسامپازدىقپەن دايەكتى تياناقتاندىرامىز.
ەكىنشىدەن، سوت جۇرگىزۋ قىزمەتىنىڭ فۋنكتسيالىق رولىن تولىق ساۋلەلەندىرىپ، ەكونوميكانىڭ ٴۇرتىس، اقاۋسىز دامۋى مەن قوعام جالپى جاعدايىنىڭ ورنىقتىلىعىنا قىزمەت وتەۋ جانە ونى قامتاماسىزداندىرۋ. پارتيا مەن مەملەكەت قىزمەتىنىڭ جالپى جاعدايىن نەگىز ەتىپ، مىندەت-جاۋاپكەرشىلىگىن وتەۋگە نازار اۋدارىپ، تومەنگى شەك بويىنشا ويلاۋعا تاباندى بولىپ، ساقتىق تانىمدى نىعايتىپ، شايقاس رۋحىن ساۋلەلەندىرىپ، ٴسوزسىز جەڭىسكە جەتۋ سەنىمىن بەكەمدەپ، سوت جۇرگىزۋ فۋنكتسياسىن تياناق ەتىپ، ٴىرى حاۋىپ-قاتەرلەردەن ساقتانىپ جانە ونى جويىپ، قوعامدىق باسقارۋدى وسىزامانداندىرۋدى جەبەيمىز. مەملەكەتتىڭ حاۋىپسىزدىگىنە زالال جەتكىزەتىن قىلمىستاردى قاتاڭ جازالاپ، وكىمەت حاۋىپسىزدىگىن، ٴتۇزىم حاۋىپسىزدىگىن وزەك ەتكەن مەملەكەتتىڭ ساياسي حاۋىپسىزدىگىن باتىل قورعايمىز. قارا قوعام سيپاتتى كۇشتەر مەن زۇلىم كۇشتەر قىلمىستارىن قاتاڭ جازالاپ، قارا قوعام سيپاتتى كۇشتەردى تازالاپ، زۇلىم كۇشتەردى الاستاۋ ارناۋلى كۇرەسىن جان-جاقتى جۇرگىزۋدى ىلگەرىلەتەمىز. مىندەتتىك قىلمىستاردى زاڭ بويىنشا جازالاپ، بۇقارانىڭ ماڭىنداعى شىرىكتەسۋ قىلمىسىن قاتاڭ جازالايمىز. زاڭسىز قارجى جيناۋ سياقتى كوپكە ساياتىن ەكونوميكاعا، جاسىرىن بانكەگە، باجىعا ساياتىن قىلمىستارعا جانە توراپتىق قىلمىستارعا قاتاڭ سوققى بەرەمىز. فينانس، كەدەيلىكتەن قۇتىلدىرۋدان قامال الۋ، ورتا بايلىعى قاتارلىلارعا ساياتىن دەلولاردى قاراۋ تەبىنىن ارتتىرىپ، ٴۇش ۇلكەن قامال الۋ شايقاسىنا قىزمەت وتەيمىز. بەيجيڭ-تيانجين-حىبەيدىڭ سايكەستى دامۋى، چاڭياڭ اتىراۋىنداعى وڭىرلەردىڭ ٴبىرتۇلعالانىپ دامۋى، گۋاڭدۇڭ-شياڭگاڭ-اۋمىن ۇلكەن شىعاناق رايونى قۇرىلىسى قاتارلى مەملەكەتتىك ٴىرى ستراتەگيانى اتقارۋعا زاڭ بويىنشا قىزمەت وتەيمىز. ٴبىلىم مەنشىك ۇقىعىن ٴادىليالىق جاقتان قورعاۋدى كۇشەيتىپ، كونە، جاڭا ەنەرگيا قوزعاۋشى كۇشتەرىنىڭ اۋىسۋىن جەبەپ، ەكونوميكانىڭ جوعارى ساپالى دامۋىنا قىزمەت وتەيمىز. دەربەس جاڭالىق اشۋدى قورعاپ، جاڭالىق اشۋ ارقىلى دامۋدى جەبەۋگە قىزمەت وتەيمىز. شياڭگاڭ، اۋمىن، تايۋاندارعا، چياۋميندەرگە ساياتىن دەلولارعا سوت جۇرگىزۋدى كۇشەيتىپ، ٴادىليالىق سايكەسۋ، ٴوزارا كومەكتەسۋ ارقىلى دەلونى بەلسەنە ٴبىرجاقتىلى ەتەمىز. شەتەلدەرگە ساياتىن ساۋدا ىستەرى، تەڭىز ىستەرى دەلوسىنا سوت جۇرگىزۋدى كۇشەيتىپ، ”ٴبىر بەلدەۋ، ٴبىر جول“ حالىقارالىق ساۋدا ىستەرى داۋ-شارىن شەشۋ مەحانيزمىن اقاۋسىزداندىرامىز. مال-مۇلىك ۇقىعىن ٴادىليالىق جاقتان قورعاۋ تەبىنىن ارتتىرىپ، مەملەكەت مەنشىگىندەگى، حالىق باسقارۋىنداعى، ورتا، شاعىن، تابىسى ماردىمسىز كاسىپورىن قاتارلى ٴتۇرلى بازار سۋبيەكتىلەرىنىڭ زاڭدى ۇقىق-مۇددەسىن زاڭ بويىنشا تەڭ قورعايمىز. ورنىقتى، ٴادىل، جاريا، مەجەلەۋگە بولاتىن زاڭمەن باسقارىلاتىن تيجارات-ساۋدا ورتاسىن كۇش سالا قۇرامىز.
ۇشىنشىدەن، ٴادىليانى حالىق ٴۇشىن جۇرگىزۋگە تاباندى بولىپ، حالىق جۇرتشىلىعىنىڭ تابىس سەزىمىن، باقىت سەزىمىن جانە حاۋىپسىزدىك سەنىمىن كۇشەيتۋ. وقۋ-اعارتۋ، جۇمىستانۋ، قارتتاردى كۇتىمدەۋ، ەمدەۋ، تۇتىنۋ، ۇيلەنۋ، وتباسى قاتارلىلارعا ساياتىن دەلولاردى زاڭ بويىنشا قاراپ، حالىق تۇرمىسى سالاسىنداعى كورنەكتى ماسەلەلەردى شەشۋدى ىلگەرىلەتەمىز. اكىمشىلىك سوت جۇرگىزۋدى كۇشەيتىپ، اكىمشىلىك ورگانداردىڭ اكىمشىلىكتى زاڭ بويىنشا جۇرگىزۋىن باقـىلاپ جـانـە قـولـداپ، اكىـمشىلىك ارىپتەستىڭ زاڭدى ۇقىق-مۇددەسىن قورعاۋدى قامتاماسىزداندىرامىز. مەملەكەتتىك تولەم بەرۋ جانە ٴادىليالىق كومەك بەرۋ قىزمەتىن كۇشەيتەمىز. ارمياعا ساياتىن دەلولارعا سوت جۇرگىزۋدى كۇشەيتىپ، قورعانىستىق مۇددەنى جانە اسكەرلەر مەن ولاردىڭ سەمياسىنداعىلاردىڭ زاڭدى ۇقىق-مۇددەسىن شىنايى قورعايمىز. مەملەكەت قورعانىسى قۇرىلىسى مەن ارميا رەفورماسىنا قىزمەت وتەيمىز. ارىز-شاعىم بەرۋ مەن جاراستىرۋدى ۇشتاستىرۋ مەحانيزمىن اناعۇرلىم كەمەلدەندىرىپ، بەي ارىز-شاعىم داۋ-شارلارىن شەشۋ مەحانيزمىن ماڭداي الدى ورىنعا قويۋدى كۇش سالا ىلگەرىلەتىپ، دەلونى كۇردەلى-وڭايىنا، اۋىر-جەڭىلدىگىنە، تەز-اقىرىنىنا قاراي ٴبولۋدى ىلگەرىلەتىپ، كەسىم-ۇكىم شىعارۋدان ۇلگى كورسەتۋ رولىن ساۋلەلەندىرىپ، زاڭمەن باسقارۋ ۇگىتىن كۇشەيتىپ، سوتسياليستىك وزەكتى قۇن كوزقاراسىن كۇش سالا اسقاقتاتىپ، زاڭمەن باسقارۋ جانە مورالمەن باسقارۋدىڭ تىعىز بىرلىگىن ىلگەرىلەتىپ، ٴوزارا سايكەسۋىن جەبەيمىز. ورىندى قورعانۋعا قاتىستى ٴادىليالىق ٴتۇسىندىرمەنى كەمەلدەندىرىپ، ادىلەت جولىندا ايانباۋعا شابىتتاندىرىپ، قوعامدىق تۋراشىلدىقتى ساۋلەلەندىرەمىز. قىزمەتتى اتقارۋدىڭ قيىن بولۋ جاعدايىن جان-جاقتىلى وڭاۋدى ىلگەرىلەتىپ جانە كەمەلدەندىرىپ، زاڭ شىعارۋ ورگاندارىنا سايكەسىپ، ماجبۇرلەپ اتقارتۋ زاڭى جونىندەگى زاڭ شىعارۋ قىزمەتىن ىلگەرىلەتىپ، اتقارۋ قىزمەتىنىڭ بەس جىلدىق دامۋ باعدارلاماسىن جاساپ جانە اتقارىپ، باياندى مەحانيزمدى اقاۋسىزداندىرىپ، اتقارتۋ قىزمەتىنىڭ دەڭـگەيىن ۇزدىـكسىـز جـوعـارىلاتىـپ، ارىز-شاعىـمدا جەڭگەن داۋگەردىڭ ۇقىق-مۇددەسىن دەركەزىندە جۇزەگە اسىرۋدى قامتاماسىزداندىرىپ، قوعامدىق سەنىمدىلىك قۇرىلىسىن اناعۇرلىم ىلگەرىلەتەمىز.
تورتىنشىدەن، جاڭا داۋىردەگى رەفورمالاۋ، ەسىك اشۋ تۋىن بيىك ۇستاپ، ٴادىليا ٴتۇزىلىسى رەفورماسىن جاپپاي تەرەڭدەتۋ. حالىق سوت مەكەمەسىنىڭ 5-بەسجىلدىق رەفورما باعدارلاماسىن اتقارۋدى ىلگەرىلەتىپ، ٴادىليا ٴتۇزىلىسىن جان-جاقتىلى كەمەلدەندىرۋ رەفورماسىن تەرەڭدەتىپ، ٴادىليالىق جاۋاپكەرشىلىك ٴتۇزىمىن جاپپاي تياناقتاندىرامىز. زاڭدى ٴبىرتۇتاس قولدانۋ مەحانيزمىن كەمەلدەندىرىپ، سوت جۇرگىزۋ ۇقىعى اينالىمىن باقىلاۋ جانە باسقارۋدى كۇشەيتەمىز. سوت جۇرگىزۋدى وزەك ەتكەن ارىز-شاعىم ٴتۇزىمى رەفورماسىن ىشكەرىلەي ىلگەرىلەتىپ، جۇمىس ٴبولىسى بويىنشا جاۋاپتى بولۋ، ٴوزارا سەلبەسۋ، ٴوزارا تەجەۋ پرينسيبىن دايەكتىلەندىرىپ، ادۆوكاتتىڭ زاڭ بويىنشا مىندەت وتەۋىن تولىق قامتاماسىزداندىرىپ، سوتتا قاراۋدىڭ شەشۋشى رولىن ساۋلـەلـەنـدىرەمىـز. ٴادىـليـا رەفــورماسـى مـەن وسىزامـانعـى عىلىم-تەحنيكانىڭ ىشكەرىلەي توعىسۋىن ىلگەرىلەتىپ، ٴادىليانىڭ جاريالىلىعىن تەرەڭدەتىپ، اشىق، جاريا ٴادىليانى جەبەپ، حالىق بۇقاراسىنىڭ حاباردار بولۋ ۇقىعىنا كەپىلدىك ەتەمىز. رەفورمانى تەرەڭدەتۋ ارقىلى، رەفورما بارىسىنداعى قىزمەتىنە سەلقوس قاراۋ ماسەلەسىن شەشىپ، باقىلاپ-تەكسەرۋدەگى ونىمدىلىكتى قۋزاستىرۋدى كۇشەيتىپ، ٴادىليا رەفورماسى ونىمدىلىگىن سوت جۇرگىزۋدىڭ ساپاسى مەن ونىمدىلىگىندە ايگىلەپ، قوعامنىڭ ٴادىل، ادىلەتتىلىگىن اناعۇرلىم ويداعىداي قورعايمىز.
بەسىنشىدەن، قوسىننىڭ توڭكەرىسشىل، جۇيەلى، ماماندانعان، كاسىبي قۇرىلىسىن جەدەل ىلگەرىلەتىپ، پارتيا ورتالىق كوميتەتى الاڭسىز، حالىق جۇرتشىلىعى رازى بولاتىن جوعارى ساپالى حالىق سوت مەكەمەسى قوسىنىن قۇرۋ. پارتيانىڭ ساياسي قۇرىلىسىن جەتەكشىلىك ەتىپ، قالىڭ كادرلار مەن ساقشىلاردىڭ ساياسي ساناسى مەن ساياسي قابىلەتىن شىنايى كۇشەيتەمىز. تاربيەلەۋ، كۋرستان وتكىزۋدىڭ باعىتتامالىعى مەن ونىمدىلىگىن جوعارىلاتىپ، قوسىننىڭ جالپى تۇلعالىق ساپاسى مەن ٴادىليالىق قۋاتىن كۇشەيتەمىز. سۋديالاردىڭ كاسىپتىك ٴمورال قۇرىلىسىن جانە سوت مەكەمەسىنىڭ مادەنيەت قۇرىلىسىن كۇشەيتىپ، سۋديالاردى ٴادىليالىق ۇجداندى قاتاڭ ساقتاۋعا تاربيەلەۋ ارقىلى جەتەكتەيمىز. نەگىزگى ساتىلاردىڭ نەگىزدىك قۇرىلىسىن كۇشەيتىپ، نەگىزگى ساتى قىزمەت شارت-جاعدايىن جاقسارتىپ، توڭكەرىستىك بايىرعى رايوندار، ۇلتتىق رايوندار، شەكارا رايوندار، كەدەي رايوندارداعى سوت مەكەمەلەرى قۇرىلىسىنا قولداۋ كورسەتۋ تەبىنىن ارتتىرامىز. مىندەتىن وتەۋىن قامتاماسىزداندىرۋدى كۇشەيتىپ، جازالاپ، ساقتاندىرۋ مەحانيزمىن كەمەلدەندىرىپ، سوت جۇرگىزۋ جاۋاپكەرشىلىگىن قۋزاستىرۋ ٴتۇزىمىن قاتاڭ تياناقتاندىرىپ، سۋديالاردى باتىلدىقپەن مىندەت ارقالاۋعا، دەلونى ٴادىل اتقارۋعا، قايشىلىقتان تايساماۋعا، قيىنشىلىقتان قــورىـقپـاۋعـا شابىتتاندىرىپ، سوت جۇرگىزۋ ورگـانـدارىنىڭ تالاس-تارتىستى توقتاتىپ، قىلمىستاردى قاتاڭ جازالاپ، حالىقتى قورعاۋ رولىن تولىق ساۋلەلەندىرىپ، قوعامنىڭ ادىلدىگىن، ادىلەتتىلىگىن جاقتاۋداعى ەڭ سوڭعى بەكىنىسىن باتىل قورعايمىز. حالىق قۇرىلتايىنىڭ باقىلاۋىن، دەموكراتيالىق باقىلاۋىن جانە ٴار جاقتىڭ باقىلاۋىن سانالىلىقپەن قابىلدايمىز. پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى ىشكەرىلەي ىلگەرىلەتىپ، سوت مەكەمەسى قوسىنىن قاتاڭ باسقارۋ، باقىلاۋ جۇيەسىن اقاۋسىزداندىرىپ ٴارى ونى مىقتى يگەرە وتىرىپ تياناقتاندىرىپ، ماسەلەنى شەشۋدى باعدار ەتۋدەن جازباي، ”ٴتورت ٴتۇرلى بۇرىس ستيلدى“ تاباندىلىقپەن تۇزەتىپ، تارتىپكە، زاڭعا قايشى ارەكەتتەردى قاتاڭ تەكسەرىپ، ٴبىرجاقتى ەتىپ، ”شامنىڭ ٴتۇبى قاراڭعى“ بولۋدان شىنايى ساقتانىپ، ٴادىليانىڭ ٴادىل، پاك بولۋىنا كەپىلدىك ەتەمىز.
ۋاكىلدەر، جاڭا داۋىردەگى حالىق سوت مەكەمەسىنىڭ قىزمەتىن ويـداعىـداي ىـستــەۋدىـڭ بـورىشـى داڭىـقتـى، مىندەتى اۋىر. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، اۋەلگى ماقساتتى ۇمىتپاي، بورىشىمىزدى ەستە بەرىك ساقتاپ، حالىق سوت مەكەمەسىنىڭ سوت جۇرگىزۋ فۋنكتسيالىق رولىن اناعۇرلىم ويداعىداي ساۋلەلەندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەستەر قوسايىق!
جۇڭگو ۇلتتار ءتىل - جازۋ اۋدارما مەكەمەسى اۋدارعان، مەملەكەتتىك ۇلتتىق ىستەر كوميتەتى بەرگەن
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
