شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدا قىزمەت تەكسەرەدى
شي جينپيڭ شياڭگاڭعا باردى
شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى قاتارلىلار جوعارى قارقىندىق تەمىر جولدىڭ باتىس جيۋلۇڭ بەكەتىنە بارىپ قارسى الدى
2022.07.01 16:03 كەلۋ قاينارى : حالىق تورابى
6 - ايدىڭ 30 - كۇنى تۇستەن كەيىن ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ارناۋلى پويەزبەن شياڭگاڭعا باردى، الدا 7 - ايدىڭ 1 - كۇنى وتكىزىلەتىن شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدا قىزمەت تەكسەرەدى. سۋرەتتە: شي جينپيڭ مەن حانىمى پىڭ لييۋان قارسى الا شىققان جۇرتشىلىققا قول بۇلعاپ قۇرمەت بىلدىرۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 6 - ايدىڭ 30 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 30 - كۇنى تۇستەن كەيىن ارناۋلى پويەزبەن شياڭگاڭعا باردى، الدا 7 - ايدىڭ 1 - كۇنى وتكىزىلەتىن شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ جينالىسىنا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىنا قاتىناسادى ءارى شياڭگاڭدا قىزمەت تەكسەرەدى.
ساعات 15 تەن 10 مينۋت وتكەندە شي جينپيڭ وتىرعان ارناۋلى پويەز شياڭگاڭ باتىس جيۋلۇڭ بەكەتىنە باياۋ كىردى. شي جينپيڭ مەن حانىمى پىڭ لييۋان ۆاگوننان شىققاندا، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى مەن كۇيەۋى لين جاۋبو قارسى الا كەلدى. قارسى الۋ سالتىندا شياڭگاڭ ساقشى وركەسترى قىزۋ قارسى الۋ مۋزىكاسىن ورىندادى، جىگەردى تاسقىنداتاتىن ارىستان ءبيى ورىندالىپ، شياڭگاڭداعى جاستار مەن ورەندەردىڭ جانە ءار سالاداعى بۇقارانىڭ جۇزدەگەن ۋاكىلى مەملەكەت تۋىن، ەرەكشە اكىمشىلىك رايوننىڭ رايون تۋىن جانە گۇل شوقتارىن بۇلعاپ، قىزۋ قارسى الاتىندارىن ءبىلدىردى. شي جينپيڭ مەن پىڭ لييۋان قارسى الا شىققان جۇرتشىلىققا قول بۇلعاپ قۇرمەت ءبىلدىردى.
شي جينپيڭنىڭ بۇل جولى شياڭگاڭعا بارۋى ەل ءىشى - سىرتىنىڭ نازارىن ايرىقشا اۋداردى، جۇڭگولىق، شەتەلدىك تىلشىلەر ناق مايداندا توسىپ تۇردى. شي جينپيڭ تىلشىلىك رايونىنا بارىپ، تىلشىلەرمەن امانداستى. ول مىنانى ءبىلدىردى: ەرتەڭ − شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ كۇنى، بۇكىل ەلدەگى ءار ۇلت حالقى شياڭگاڭدىق باۋىرلاستارمەن بىرگە وسى قۋانىشتى ءىستى قۇتتىقتايدى. مەن شياڭگاڭدىق باۋىرلاستاردى قىزۋ قۇتتىقتايمىن جانە ىزگى تىلەك بىلدىرەمىن.
شي جينپيڭ بىلاي دەپ اتاپ كورسەتتى: مەن شياڭگاڭعا باستان - اياق نازار اۋدارىپ كەلەمىن، شياڭگاڭدى كوكەيدەن شىعارماي كەلەمىن، مەنىڭ تىلەگىم جانە ورتالىق ۇكىمەتتىڭ تىلەگى باستان - اياق شياڭگاڭدىق باۋىرلاستارمەن بىردەي بولىپ كەلەدى. وتكەن ءبىر مەزگىلدە شياڭگاڭ تالاي رەتكى قاتاڭ سىنداردان ءوتىپ، حاۋىپ - قاتەر مەن سىن - سايىستى جەڭىپ، بوران - شاشىندى باستان كەشىرگەننەن كەيىن، شياڭگاڭ قايتا جاندانىپ، جالىندى ومىرشەڭدىك كۇشىن ايگىلەدى. اماليات «ءبىر ەل، ەكى ءتۇزىمنىڭ» قۇدىرەتتى ومىرشەڭدىك كۇشكە يە ەكەنىن، شياڭگاڭنىڭ ۇزاق ۋاقىت گۇلدەنىپ - كوركەيۋىنە، ورنىقتىلىعىنا كەپىلدىك ەتەتىن، شياڭگاڭدىق باۋىرلاستاردىڭ ىرىس - قۇتىن قورعايتىن تاماشا ءتۇزىم ەكەنىن دالەلدەدى.
شي جينپيڭ بىلاي دەپ دارىپتەدى: بوگەلمەي شەرۋ تارتقاندا، بولاشاققا جەتۋگە بولادى. «ءبىر ەل، ەكى تۇزىمدە» بۇلجىماي تاباندى بولساق، شياڭگاڭنىڭ بولاشاعى، ءسوز جوق، اناعۇرلىم كوركەم بولادى، شياڭگاڭ، ءسوز جوق، جۇڭحۋا ۇلتىنىڭ ۇلى گۇلدەنۋىنە تىڭ دا اناعۇرلىم زور ۇلەس قوسا الادى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى شۇي چيلياڭ، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۋەيۋە، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك كەڭەس شياڭگاڭ، اۋمىن ىستەرى كەڭسەسىنىڭ مەڭگەرۋشىسى شيا باۋلۇڭ قاتارلىلار بىرگە باردى.
مەملەكەتتىك ساياسي كەڭەستىڭ ءتوراعاسىنىڭ ورىنباسارى لياڭ جىنيىڭ، شياڭگاڭ ەرەكشە اكىمشىلىك رايونىنىڭ جاڭادان سايلانعان اكىمى لي جياچاۋ، شياڭگاڭ ەرەكشە اكىمشىلىك رايونى سوڭعى ۇكىم سوت مەكەمەسىنىڭ باس سۋدياسى جاڭ جۇينىڭ، قازىنا مەكەمەسىنىڭ باستىعى چىن ماۋبو، زاڭ ىستەرى مەكەمەسىنىڭ باستىعى جىڭ روحۋا، زاڭ شىعارۋ كەڭەسىنىڭ ءتوراعاسى لياڭ جۇنيان، كىمشىلىك كەڭەستىڭ ۇكىمەت قۇرامىنداعىلاردان تىسقارى مۇشەلەرىن ۇيىمداستىرۋشى چىن جى - سى قاتارلىلار پويەز بەكەتىنە بارىپ قارسى الدى.
ورتالىق ۇكىمەتتىڭ شياڭگاڭدا تۇراتىن بايلانىس كەڭسەسىنىڭ مەڭگەرۋشىسى لو حۇينيڭ، ورتالىق ۇكىمەتتىڭ شياڭگاڭدا تۇراتىن مەملەكەت حاۋىپسىزدىگىن قورعاۋ مەكەمەسىنىڭ باستىعى جىڭ يانشيۇڭ، سىرتقى ىستەر مينيسترلىگىنىڭ شياڭگاڭدا تۇراتىن ەرەكشە قىزمەتكەرلەر مەكەمەسىنىڭ ارناۋلى ۋاكىلى ليۋ گۋاڭيۋان، جۇڭگو حالىق ازاتتىق ارمياسىنىڭ شياڭگاڭدا تۇراتىن اسكەري ءبولىمىنىڭ سىليڭيۋانى پىڭ جيڭتاڭ، كوميسسارى لاي رۋشين قاتارلىلار دا پويەز بەكەتىنە بارىپ قارسى الدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
