شي جينپيڭ چاۋشياننىڭ مەملەكەت مەرەكەسىنىڭ 74 جىلدىعى بايلانىسىمەن چاۋشياننىڭ ەڭ جوعارى باسشىسى جين جىڭىنعا قۇتتىقتاۋ تەلەگرامماسىن جولدادى
2022.09.13 16:27 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 9 - كۇنى، بەيجيڭ. 9 - ايدىڭ 9 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشياننىڭ مەملەكەت مەرەكەسىنىڭ 74 جىلدىعى بايلانىسىمەن چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىنعا قۇتتىقتاۋ تەلەگرامماسىن جولدادى.
شي جينپيڭ بىلاي دەپ اتاپ كورسەتتى: 74 جىلدان بەرى چاۋشيان حالقى چاۋشيان ەڭبەك پارتياسىنىڭ توڭىرەگىنە تىعىز ىنتىماقتاسىپ، قايراتتانا العا ىلگەرىلەپ، سوتسياليزم قۇرىلىسى ىستەرىن ىلگەرىلەتۋدە كەلەلى تابىستارعا قول جەتكىزدى. تاياۋ جىلداردان بەرى چاۋشيان ەڭبەك پارتياسىنىڭ 8 - قۇرىلتايىندا تۇراقتاندىرىلعان باعىت - ساياساتتىڭ جەتەكشىلىگىندە، چاۋشيان حالقى ەكونوميكانى دامىتۋ، حالىق تۇرمىسىن جاقسارتۋ جاقتارىندا جاڭا تابىستارعا ۇزدىكسىز قول جەتكىزدى، سونداي - اق جاڭا تيپتى ايدارشا ۆيرۋس وكپە قابىنۋ ىندەتىنە ءساتتى توتەپ بەردى. جاقسى جولداس، تاتۋ كورشى، ابزال دوس رەتىندە ءبىز بۇعان شىن جۇرەكتەن قۋانامىز. باس شۋجي جولداستىڭ جانە چاۋشيان ەڭبەك پارتياسىنىڭ باسشىلىعىندا، باۋىرلاس چاۋشيان حالقىنىڭ چاۋشياننىڭ سوتسياليزم ىستەرىن ىلگەرىلەتۋدە، ءسوز جوق، جاڭا دامۋدى جۇزەگە اسىرىپ، جاڭا بەلەسكە قادام تاستايتىنىنا سەنەمىن.
شي جينپيڭ بىلاي دەپ اتاپ كورسەتتى: جۇڭگو مەن چاۋشيان ەكى ەلدىڭ تاۋ - سۋى جالعاسقان، ءداستۇرلى دوستىعى ۋاقىت وتكەن سايىن بەكەمدەلىپ كەلەدى. باس شۋجي جولداس ەكەۋىمىز ەكى پارتيا، ەكى ەل قاتىناسىن دامىتۋ جوسپارىن جاساۋ، جۇڭگو مەن چاۋشيان دوستىعىنىڭ داۋىرلىك ءمانىن بايىتۋ جاعىندا ءبىرقىدىرۋ ماڭىزدى ورتاق تانىمعا كەلدىك. جۇڭگو - چاۋشيان دوستىعى جۇرت جۇرەگىنە ءتىپتى دە تەرەڭ ۇيالادى، ەكى ەلدىڭ اۋىس - كۇيىسى، سەلبەستىگى ۇزدىكسىز ىلگەرىلەدى، ەكى جاق وزدەرى نازار اۋدارىپ وتىرعان كەلەلى ماسەلەلەردە ءبىر - بىرىنە قولداۋ كورسەتىپ، جۇڭگو مەن چاۋشياننىڭ ءداستۇرلى دوستىعىنىڭ جالىندى ومىرشەڭدىك كۇشىن ايگىلەدى.
شي جينپيڭ بىلاي دەپ دارىپتەدى: 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى. جۇڭگو جاق چاۋشيان جاقپەن ستراتەگيالىق بايلانىستى ساقتاپ، سايكەسۋدى، سەلبەستىك جاساۋدى كۇشەيتىپ، جۇڭگو - چاۋشيان قاتىناسىن بىرگە ويداعىداي قورعاپ، ويداعىداي بەكەمدەپ، ويداعىداي دامىتىپ، ەكى ەلدى جانە ەكى ەل حالىقتارىن اناعۇرلىم تاماشا باقىتقا كەنەلتىپ، ءوڭىردىڭ، اۋەلى، دۇنيە ءجۇزىنىڭ بەيبىتشىلىگى، ورنىقتىلىعى جانە كوركەيىپ - گۇلدەنۋى ءۇشىن ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
