13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 37 - رەتكى ءماجىلىسى بەيجيڭدە وتكىزىلدى
پارتيا 20 – قۇرىلتايىنىڭ رۋحىن ۇيرەنىپ، دايەكتىلەندىردى، لي جانشۋ ءماجىلىستى باسقاردى ءارى ءسوز سويلەدى
2022.10.27 16:15 كەلۋ قاينارى : حالىق تورابى
«حالىق گازەتى»، 10 – ايدىڭ 26 – كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 37 - ءماجىلىسى 3 - ايدىڭ 26 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى ءماجىلىسىن وتكىزدى. كوميتەت باستىعى لي جانشۋ ءماجىلىستى باسقاردى ءارى ءسوز سويلەدى.
تۇراقتى كوميتەتتىڭ قۇرامىنداعىلاردان 134 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءبىرىنشى جالپى ءماجىلىستىڭ كۇن ءتارتىبى − پارتيا 20 - قۇرىلتايىنىڭ رۋحىن ۇيرەنۋ، دايەكتەندىرۋ. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي پىسىقتاۋ بايانداماسىن جاسادى.
لي جانشۋ سوزىندە مىنالاردى اتاپ كورسەتتى: پارتيانىڭ 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي. قۇرىلتاي تولىق تابىسقا جەتتى ءارى تۋدى بيىك ۇستاپ، كۇشتى ۇيىستىرىپ، ىنتىماقتاسا العا ۇمتىلعان قۇرىلتاي بولىپ، بۇكىل پارتيانى، بۇكىل ەلدەگى ءار ۇلت حالقىن جۇڭگوشا سوتسياليزمدە تاباندى بولۋعا جانە ونى دامىتۋعا، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە ىنتالاندىرۋدا جانە جۇمىلدىرۋدا كەلەلى دە تەرەڭ مانگە يە.
لي جانشۋ بىلاي دەدى: پارتيا 20 - قۇرىلتايىنىڭ رۋحىن ۇيرەنىپ، دايەكتەندىرۋدە ءتۇپ نۇسقانىڭ يدەياسىن تولىق ۇعىنىپ، رۋحاني ءمانىن سەزىنىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك. قۇرىلتايدا قول جەتكەن كەلەلى ساياسي جەتىستىكتەردى جەتە تانۋ كەرەك، شي جينپيڭ جولداستىڭ ورتالىق كوميتەتتىڭ باس شۋجيى جانە ورتالىق اسكەري ىستەر كوميتەتىنىڭ ءتوراعاسى مىندەتىن ۇزدىكسىز وتەۋى 96 ميلليوننان استام پارتيا مۇشەسىنىڭ باس شۋجي شي جينپيڭگە دەگەن شىنايى قۇرمەتى مەن باتىل قولداۋىن ايگىلەدى، ميلليارد حالىقتىڭ ۇلى گۇلدەنۋگە تىعىز ىلەسىپ، اناعۇرلىم كوركەم بولاشاق قۇرۋ بەرىك سەنىمىن بەينەلەدى. جاڭا ءداۋىر، جاڭا جورىقتا قانداي تۋ ۇستاۋ، قانداي جولمەن ءجۇرۋ، قانداي رۋحاني كۇيدە بولۋ، قانداي كەلەلى شارا قولدانۋ، قانداي نىساناعا قاراي ۇزدىكسىز العا باسۋ سياقتى كەلەلى ساياساتتىق ماسەلەلەردى تەرەڭ ءتۇسىنىپ، جاڭا ءداۋىر، جاڭا جورىقتاعى جۇڭگو كوممۋنيستىك پارتياسىنىڭ وزەكتى مىندەتىن تەرەڭ ءتۇسىنىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدىڭ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدىڭ ستراتەگيالىق جوباسى مەن كەلەلى ورنالاستىرۋىن تەرەڭ ءتۇسىنىپ، 20 - قۇرىلتاي رۋحىنىڭ جاپپاي دايەكتى تياناقتانۋىنا كەپىلدىك ەتۋ كەرەك. پارتيا ورتالىق كوميتەتىنىڭ قازىرگى جانە بۇدان بىلايعى ءبىر مەزگىلدەگى كەلەلى ورنالاستىرۋلارىن تىعىز توڭىرەكتەپ، حالىق قۇرىلتايى قىزمەتىن زاڭ بويىنشا ىلگەرىلەتىپ، مەملەكەتتى جاپپاي زاڭمەن باسقارۋدا تاباندى بولىپ، جالپى بارىستىق حالىق دەموكراتياسىن دامىتىپ، زاڭ شىعارۋ، باقىلاۋ، ۋاكىلدەر، سىرتقى ىستەر قىزمەتىن جانە وزىندىك قۇرىلىستى مۇقيات ويداعىداي ىستەپ، جاپپاي سوتسياليستىك وسىزاماندانعان مەملەكەت قۇرۋدى زاڭمەن باسقارۋ جاعىنان قامتاماسىز ەتىپ، حالىق قۇرىلتايى ءتۇزىمىنىڭ مەملەكەتتى باسقارۋ جۇيەسىندەگى ماڭىزدى رولىن اناعۇرلىم ويداعىداي ساۋلەلەندىرۋ كەرەك.
لي شۋلەي پىسىقتاۋ بايانداماسىندا پارتيا 20 – قۇرىلتايىنىڭ تاريحي ورنى، «ەكىنى تۇراقتاندىرۋدىڭ» شەشۋشى ءمانى، جاڭا داۋىردەگى 10 جىلدىق ۇلى وزگەرىس، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ، جۇڭگو ۇلگىسىندەگى وسىزامانداندىرۋ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋ، ىنتىماقتاسا كۇرەس جۇرگىزۋدە تاباندى بولۋ، ت ب جونىندە تۇسىنىك جاسادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
سول كۇنى تۇستەن كەيىن تۇراقتى كوميتەت گرۋپپالارعا ءبولىنىپ ۇيرەنۋ، تالقى وتكىزدى. تۇراقتى كوميتەت قۇرامىنداعىلار ءبىر اۋىزدان مىنانى ءبىلدىردى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، قۇرىلتاي جاساعان جاڭا ورنالاستىرۋلاردى، جاڭا تالاپتاردى حالىق قۇرىلتايى قىزمەتىندە تياناقتاندىرۋ كەرەك.
مەملەكەتتىك كەڭەستىڭ مۇشەسى جاۋ كىجى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ءىشىنارا ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، مەملەكەتتىك حالىق قۇرىلتايىنىڭ ءىشىنارا ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
