ارميا قۇرۋدىڭ 100 جىلدىعى كۇرەس نىساناسىن قۇلشىنا جۇزەگە اسىرىپ، ارميانى قۇدىرەتتەندىرۋ ىستەرى دامۋىنىڭ جاڭا جاعدايىن اشايىق
− ءتوراعا شي جينپيڭنىڭ ارميانىڭ باسشى كادرلار ماجىلىسىنە قاتىناسقاندا سويلەگەن ماڭىزدى ءسوزى بۇكىل ارمياداعى اسكەري بولىمدەردە كۇشتى اڭىس قوزعادى
2022.10.26 15:01 كەلۋ قاينارى : حالىق تورابى
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 24 - كۇنى تۇستەن كەيىن ارميانىڭ باسشى كادرلار ماجىلىسىنە قاتىناسقاندا سويلەگەن ماڭىزدى ءسوزى ازاتتىق ارميادا جانە قارۋلى ساقشى بولىمدەرىندە كۇشتى اڭىس قوزعادى. قالىڭ كوماندير - جاۋىنگەرلەر ارت - ارتىنان مىنالاردى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، يدەيالىق جەتەكشىلىكتى كۇشەيتىپ، جاۋاپكەرلىك ارقالاۋدى، ىسكەرلىك كورسەتۋدى نىعايتىپ، قىزمەتتەردى تياناقتاندىرۋدى كۇشەيتىپ، ارميا قۇرۋدىڭ 100 جىلدىعى كۇرەس نىساناسىن قۇلشىنا جۇزەگە اسىرىپ، ارميانى قۇدىرەتتەندىرۋ ىستەرى دامۋىنىڭ جاڭا جاعدايىن اشامىز.
اسكەري ىستەر كوميتەتى ورگانىنان نەگىزگى ساتى اسكەري بولىمدەرىنە دەيىن، بۇكىل ارميا ءتوراعا شي جينپيڭنىڭ ماڭىزدى ءسوزىن ۇيرەنۋگە دەر كەزىندە ۇيىمداستىردى. كوپشىلىك ءبىر اۋىزدان بىلاي دەپ قارادى: ءتوراعا شي جينپيڭنىڭ ماڭىزدى ءسوزى جۇرتتى جىگەرلەندىرىپ، العا باسۋعا جەبەپ، العا باسۋ بەتالىسىن كورسەتىپ، العا باسۋ قوزعاۋشى كۇشىن ۇستەدى. كوپشىلىك ارت - ارتىنان مىنالاردى ءبىلدىردى: ءسوز جوق، «ەكىنى تۇراقتاندىرۋدىڭ» شەشۋشى ماڭىزىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ جانە ءتوراعا شي جينپيڭنىڭ قولباسشىلىعىنا باتىل بويسۇنامىز.
ءتوراعا شي جينپيڭ سوزىندە مىنالاردى دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسى جونىندەگى تۇسىنىكتى، تانىمدى تەرەڭدەتىپ، شىن مانىندە جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ارميانى قۇدىرەتتەندىرۋ ءىسىن ىلگەرىلەتۋدەگى مىعىم كۇشكە اينالدىرۋ كەرەك.
ءبىر كۇندىك جاتتىعۋ مىندەتىن ورىنداعان سوڭ، وڭتۇستىك بولىك سوعىس رايونى قۇرلىق ارمياسى 74 - جيتۋانجۇنىنىڭ بەلگىلى بىرىككەن لۇيى «وزەننەن ەندەي ءوتۋ ليانىنىڭ» كوماندير - جاۋىنگەرلەرى ليان - دۇي پارتيا ياچەيكاسىنىڭ ۇيىمداستىرۋىمەن ءتوراعا شي جينپيڭنىڭ ماڭىزدى ءسوزىن مۇقيات ۇيرەندى. وسى لياننىڭ ساياسي جەتەكشىسى چي باۋچياڭ بىلاي دەدى: «قىزىل ارميا ليان - دۇيىنىڭ مۇراگەرى رەتىندە، ءبىز، ءسوز جوق، شي جينپيڭ ارميانى قۇدىرەتتەندىرۋ يدەياسىمەن قارۋلانۋدى تەرەڭدەتىپ، يدەيالىق جەتەكشىلىكتى كۇشەيتىپ، كوماندير - جاۋىنگەرلەردى قىزىل گەندى جالعاستىرۋ بارىسىندا جاڭا داۋىرگە ۇلەس قوسىپ، جاۋىنگەرلىك قۋات دەڭگەيىن ۇزدىكسىز جوعارىلاتۋعا تاربيەلەيمىز».
شىعىس بولىك سوعىس رايونى تەڭىز ارمياسىنىڭ بەلگىلى قورعاۋشى كەمە تارماق اترەتى كوماندير - جاۋىنگەرلەردى ءتوراعا شي جينپيڭنىڭ ماڭىزدى ءسوزىن ۇيرەنۋگە جەدەل ۇيىمداستىردى، كوپشىلىك ارت - ارتىنان مىنالاردى ءبىلدىردى: «تەڭىزدەگى اۆانگارد كەمە»، «تەڭىزدەگى جويقىن جولبارىس كەمەسى» سىندى ەكى سوعىس تۋىن، ءسوز جوق، ويداعىداي ارقالاپ، شي جينپيڭ ارميانى قۇدىرەتتەندىرۋ يدەياسى جونىندەگى تۇسىنىكتى، تانىمدى تەرەڭدەتىپ، ۇيرەنۋ جەتىستىگىن قۋاتتى قىزمەت قوزعاۋشى كۇشىنە اينالدىرىپ، جاۋىنگەرلىك قابىلەتتى كۇشەيتىپ، مىعىم شايقاس ستيلىنە جاتتىعىپ، جاڭا باستامادا تىڭ ىسكەرلىك كورسەتەمىز.
2012 – جىلى رەتتەپ قۇرىلعان اۋە ارمياسىنىڭ حاربين ۇشقىشتار شۋەيۋانى شي جينپيڭ ارميانى قۇدىرەتتەندىرۋ يدەياسىنىڭ جەتەكشىلىگىندە ۇزدىكسىز دامىدى. ءتوراعا شي جينپيڭنىڭ ماڭىزدى ءسوزىن مۇقيات ۇيرەنگەننەن كەيىن ۇشقىشتار جەتەكشىسى جاڭ شىجۇن تەرەڭ اسەرمەن بىلاي دەدى: «شي جينپيڭ ارميانى قۇدىرەتتەندىرۋ يدەياسىنىڭ جەتەكشىلىگىندە ءبىز وسىنداي زور جەتىستىكتەرگە قول جەتكىزدىك. ءبىز پارتيا 20 - قۇرىلتايىنىڭ رۋحىن وقىتۋ، عىلمي زەرتتەۋ قىزمەتتەرىندە دايەكتىلەندىرىپ، جاڭا اسكەري بۇرىلىستىڭ الدىڭعى لەگىن كوزدەپ، العا ىلگەرىلەۋ تانىمىن كۇشەيتىپ، ماسەلەنى باعدار ەتۋدەن جازباي، باتىلدىقپەن وزگەرىس جاساۋ، قيىندىقتان قامال الۋ بارىسىندا ءورىس اشا العا ىلگەرىلەپ، جاڭا داۋىردە جەڭىسكە جەتە الاتىن اناعۇرلىم كوپ ۇشقىش دارىندىلاردى قۇلشىنا جەتىلدىرەمىز».
قازىر جانە بۇدان بىلايعى ءبىر مەزگىلدە پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ بۇكىل پارتيانىڭ، بۇكىل ەلدىڭ، بۇكىل ارميانىڭ ماڭداي الدى ساياسي مىندەتى بولىپ تابىلادى. قالىڭ كوماندير - جاۋىنگەرلەر مىنانى ءبىلدىردى: پارتيا 20 - قۇرىلتايىنىڭ رۋحىن مۇقيات ۇيرەنىپ، ۇگىتتەپ، دايەكتىلەندىرىپ، پارتيا 20 - قۇرىلتايىنىڭ رۋحى ارقىلى يدەيا مەن ارەكەتتى سانالى تۇردە بىرلىككە كەلتىرىپ، پارتيانىڭ 20 - قۇرىلتايىندا جاسالعان كەلەلى شەشىمدەر مەن ورنالاستىرۋلاردى جۇزەگە اسىرۋعا قۇلشىنامىز.
ورتا بولىك سوعىس رايونى اۋە ارمياسىنىڭ «جەر بەتىنەن اۋەگە باسقارىلمالى بومبى اتۋداعى ۇلگىلى يىڭى» كوماندير - جاۋىنگەرلەردى ءتوراعا شي جينپيڭنىڭ ماڭىزدى ءسوزىن ۇيرەنۋگە بەلسەنە ۇيىمداستىرىپ، «قاراۋىل ساباقحاناسىن» اشىپ، ۇيرەنۋ اسەرلەرىن ورتاقتاستى؛ جاتتىعۋ مىندەتىن اتقارىپ جاتقان راكەتا ارمياسى بەلگىلى ءبولىمى «باسقارىلمالى بومبى ۇشىرۋشى اتويشىلار ليانى» جاتتىعۋ ارەدىگىندە پارتيا گرۋپپالارىنىڭ جيىنىن اشىپ، ءتوراعا شي جينپيڭنىڭ ماڭىزدى ءسوزىن مۇقيات ۇيرەندى؛ قارۋلى ساقشى حۋبەي باس اترەتى شياڭياڭ تارماق اترەتى كوماندير - جاۋىنگەرلەردى ءسوزدى ۇيرەنۋگە، ماڭىزدى تۇيىندەردى كوشىرىپ جازۋعا، اسەرلەرىن ايتۋعا ۇيىمداستىردى... كوپشىلىك مىنالاردى ءبىلدىردى: ءسوز جوق، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدىڭ ساياسي ىنتاسىن نازاردى نەگىزگى جاۋاپكەرلىككە، نەگىزگى كاسىپكە شوعىرلاندىرۋدىڭ، جەڭىسكە جەتۋ قابىلەتىن جوعارىلاتۋدىڭ ءىس جۇزىندىك ارەكەتىنە اينالدىرىپ، شىنايى يگەرىپ، ناقتى ىستەپ، شوگەلدىكپەن ىستەپ، پارتيا مەن حالىق جۇكتەگەن جاڭا داۋىردەگى بورىش پەن مىندەتتى تابىسپەن ورىندايمىز.
بىرلەسكەن ارتقى شەپ قامتاماسىزداندىرۋ اسكەري ءبولىمىنىڭ بەلگىلى مۇناي قۇبىرى تۋانى پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى جىلدىق جاتتىعۋ مىندەتىن ورىنداۋمەن ۇشتاستىرۋدا تاباندى بولىپ، ءتوراعا شي جينپيڭنىڭ ماڭىزدى ءسوزىنىڭ رۋحىمەن كوماندير - جاۋىنگەرلەردىڭ وي - ساناسىن قارۋلاندىرىپ، قىزۋ ىنتانى تاسقىنداتىپ، كوپ ءتۇرلى شارانى قاتار قولدانىپ، مۇناي تاسىمالداۋدى قامتاماسىزداندىرۋ قابىلەتىن جەدەل جوعارىلاتتى. «جايشىلىقتا شىڭدالىپ وتىرعاندا عانا، سوعىس كەزىندە جەڭىسكە جەتۋگە بولادى، بۇكىل تۋانداعى كوماندير - جاۋىنگەرلەر بولاشاقتاعى سوعىستا جەڭىسكە جەتۋدى قامتاماسىز ەتۋدى كوزدەپ، ۇزدىكسىز العا ىلگەرىلەپ، قيىن ماسەلەلەردى شەشىپ، شايقاستا جەڭىپ شىعۋ قابىلەتىن جەتىلدىرىپ، پارتيا مەن حالىق قاجەت ەتكەن كەزدە العان بەتىنەن قايتپاي، بورىشتى ادا ەتەدى» دەدى وسى تۋاننىڭ باستىعى جياڭ شۋانحۇڭ.
ءتوراعا شي جينپيڭ سوزىندە بىلاي دەپ دارىپتەدى: ارميامىز پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدە نازاردى شوعىرلاندىرۋ ءتۇيىنى مەن كۇش سالۋ ءتۇيىنىن ارميا قۇرىلعانىنىڭ 100 جىلدىعى كۇرەس نىساناسىن جۇزەگە اسىرۋعا قويۋى كەرەك، بۇل − الداعى 5 جىلداعى ارميامىز قۇرىلىسىنىڭ وزەكتى مىندەتى، ءسوز جوق، بار كۇشپەن ات سالىسىپ، مىندەتتى ۋاعىندا ورىنداۋ كەرەك.
نىسانا باعداردى ايگىلەيدى، بورىش كۇش - قۋاتتى تۋىنداتادى. قالىڭ كوماندير - جاۋىنگەرلەر ۇيرەنۋ، تالقىلاۋ بارىسىندا مىنالاردى ءبىلدىردى: الداعى 5 جىلدا وسى وزەكتى مىندەتتى ارقاۋ ەتىپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ارقىلى ۋاقىتپەن جارىسۋ، ۋاقىت كۇتىپ تۇرمايدى دەيتىن رۋحاني كۇيمەن قايراتتانا العا ۇمتىلىپ، ادالدىقپەن ىستەپ، بوساڭسىماي، ورتالىققا ۇيىسىپ، شايقاسقا كۇش سالىپ، قيىندىقتاردان قامال الىپ، جاڭا داۋىردە ارميانى قۇدىرەتتەندىرۋ كۇرەسىنىڭ ۇدەۋ قارقىنىن تەزدەتەمىز.
قۇرلىق ارمياسى 81 - جيتۋانجۇنىنىڭ بەلگىلى لۇيى بۇكىل لۇيدىڭ كادرلار ءماجىلىسىن اشىپ، ءتوراعا شي جينپيڭنىڭ ماڭىزدى ءسوزىن ۇيرەنۋدى مۇقيات ۇيىمداستىرىپ، وتكەن 5 جىلدا اسكەري بولىمدەردىڭ تيبىن وزگەرتىپ دامۋىن ەسكە الىپ، الداعى 5 جىلداعى سوعىس، قۇرىلىس، دايىندىق قىزمەتتەرىن جوسپارلادى. «جاۋھارىن ۇيرەنگەندە عانا ارەكەتكە جەتەكشىلىك ەتۋگە بولادى، ءسوز جوق، پارتيانىڭ 20 - قۇرىلتايىنىڭ رۋحىن بۇلجىتپاي ۇيرەنۋ، دايەكتىلەندىرۋ كەرەك». وسى لۇيدىڭ پارتكومى ءبىر اۋىزدان بىلاي دەپ قارادى: الداعى 5 جىلدا جاڭالىق اشۋدى يگەرۋ، بۇرىلىس جاساۋدى جەبەۋ ارىنىن ءبىر ءسات تە بوساڭسىتۋعا بولمايدى، سوعىس ارقىلى جاتتىعۋعا جەتەكشىلىك ەتۋدى، ءتالىم ارقىلى سوعىستى جەبەۋدى باستان - اياق كورنەكتىلەندىرىپ، ارقالاعان مىندەتتەردى قاز - قالپىندا تياناقتاندىرىپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋ جولىندا قۇلشىنا كۇرەس جۇرگىزۋ كەرەك.
اسكەري ىستەر عىلىم اكادەمياسىنىڭ، مەملەكەت قورعانىسى داشۋەسىنىڭ، مەملەكەت قورعانىسى عىلىم - تەحنيكا داشۋەسىنىڭ كوماندير - جاۋىنگەرلەرى ۇيرەنۋ، تالقى بارىسىندا مىنانى ءبىلدىردى: ەندى عانا جابىلعان پارتيانىڭ 20 - قۇرىلتايى ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرىپ، ارميامىزدى دۇنيە جۇزىندەگى بىرەگەي ارميا ەتىپ قۇرىپ شىعۋ جونىنەن توتەنشە كەلەلى ماڭىز الادى. قازىر جانە بۇدان كەيىنگى ءبىر مەزگىلىدە پارتيا 20 - قۇرىلتايىنىڭ نەگىزى تاقىرىبىن تىعىز توڭىرەكتەپ، پارتيا 20 - قۇرىلتايىنىڭ بايانداماسىن جانە پارتيا ۋستاۆى قاتارلى ماڭىزدى قۇجاتتاردى ىشكەرىلەي ۇيرەنىپ، ونداعى ماڭىزدى يدەيا، ماڭىزدى كوزقاراس، ماڭىزدى ستراتەگيا جانە ماڭىزدى شارالاردى تەرەڭ ۇعىنىپ، ەرلىكپەن العا ۇمتىلىپ، شىنايى يگەرىپ، ناقتى ىستەپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن قۇلشىنا جاراتىپ، جاپپاي سوتسياليستىك وسىزاماندانعان قۇدىرەتتى ەل قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا ۇلەس قوسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەۋ كەرەك.
(شينحۋا اگەنتتىگى، 10 - ايدىڭ 25 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
