لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن
«جەكەشە ونەركاسىپشىلەر مەن ساۋداگەرلەردىڭ دامۋىن جەبەۋ ەرەجەسى» جاريالاندى
2022.10.26 15:04 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 25 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭنىڭ تاياۋدا مەملەكەتتىك كەڭەستىڭ بۇيرىعىنا قول قويۋىمەن «جەكە ساۋدا - ونەركاسىپشىلەردىڭ دامۋىن جەبەۋ ەرەجەسى» (تومەندە قىسقاشا «ەرەجە» دەلىنەدى) جاريالاندى، 2022 - جىلى 11 - ايدىڭ 1 - كۇنىنەن باستاپ اتقارىلادى.
جەكەشە ونەركاسىپشىلەر مەن ساۋداگەرلەر − جۇڭگوشا ەرەكشەلىككە يە مولشەرى قوماقتى بازار تۇلعاسى، ەلىمىزدىڭ كاسىپ تىزبەگى مەن قامداۋ تىزبەگىنىڭ «ۇساق قان تامىرى» جانە بازاردىڭ «ۇيكە ۇشى»، بۇقارا تۇرمىسىنا ەڭ تىكە قىزمەت وتەۋشى. «ەرەجە» ەلىمىزدىڭ سوتسياليستىك نەگىزگى ەكونوميكالىق تۇزىمىندە تاباندى بولىپ جانە ونى كەمەلدەندىرىپ، «ەكىدەن استە اۋىتقىماۋدا» تاباندى بولىپ، مەملەكەتتىك كەڭەستىڭ «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسى جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ماسەلەنى نىشان ەتۋدەن جازباي، ۇكىمەت فۋنكتسياسىن ساۋلەلەندىرۋگە باسا ءمان بەرىپ، قازىر جەكە ساۋدا - ونەركاسىپشىلەر دامۋدا ءدوپ كەلگەن كورنەكتى قيىنشىلىقتارعا نازار اۋدارىپ، باعىتتامالى تۇزىمدىك ورنالاستىرۋ جاساپ، جەكە ساۋدا - ونەركاسىپشىلەردىڭ اقاۋسىز دامۋىن جەبەيدى.
«ەرەجە» جيىنى 39 تارماق، ونىڭ باستى مازمۇندارى: ءبىرىنشى، جەكەشە ونەركاسىپشىلەر مەن ساۋداگەرلەردىڭ سوتسياليستىك بازار شارۋاشىلىعىنداعى ورنى مەن رولىن ايقىنداۋ، سونداي - اق جەكەشە ونەركاسىپشىلەر مەن ساۋداگەرلەردىڭ دامۋىن جەبەۋدىڭ نەگىزگى پرينسيپتەرى. جەكەشە شارۋاشىلىق − سوتسياليستىك بازار شارۋاشىلىعىنىڭ ماڭىزدى قۇرامداس بولىگى، جەكەشە ساۋدا - ونەركاسىپشىلەر − ماڭىزدى بازار تۇلعاسى، ەكونوميكانى گۇلدەندىرۋ، جۇمىستانۋدى ارتتىرۋ، شارۋاشىلىق قۇرۋدى، جاڭالىق اشۋدى ىلگەرىلەتۋ، بۇقارانىڭ تۇرمىسىنا قولايلىلىق جاساۋ سياقتى جاقتاردا ماڭىزدى رول اتقارۋدا. مەملەكەت «ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ» رەفورماسىن ۇزدىكسىز تەرەڭدەتىپ، تيجارات - ساۋدا ورتاسىن ساپالىلاندىرىپ، بەلسەنە سۇيەمەلدەپ، جەتەكشىلىك ەتۋدى كۇشەيتىپ، زاڭ بويىنشا ارناعا ءتۇسىرىپ، جەكە ساۋدا - ونەركاسىپشىلەردىڭ اقاۋسىز دامۋىنا ءتيىمدى شارت - جاعداي ازىرلەدى. مەملەكەت جەكە ونەركاسىپشىلەر مەن ساۋداگەرلەرگە بازارعا كىرۋگە رۇقسات ەتۋ، ءادىل مامىلە جاساۋ پرينسيبىن اتقارادى. جەكە ونەركاسىپشىلەر مەن ساۋداگەرلەردىڭ مال - مۇلىك ۇقىعى، دەربەس تيجارات جۇرگىزۋ ۇقىعى سياقتى زاڭدى ۇقىق - مۇددەسى زاڭنىڭ قورعاۋىندا بولادى، ءارقانداي ورىن مەن جەكەنىڭ قول سۇعۋىنا نەمەسە زاڭسىز كيلىگۋىنە بولمايدى. ەكىنشى، جەكەشە ونەركاسىپشىلەر مەن ساۋداگەرلەردىڭ دامۋىن جەبەيتىن قىزمەت مەحانيزمىن كەمەلدەندىرۋ. مەملەكەتتىك كەڭەس جەكەشە ونەركاسىپشىلەر مەن ساۋداگەرلەردىڭ دامۋىن جەبەيتىن تاراۋلار ارا بىرىككەن ءماجىلىس ءتۇزىمىن ورناتادى. مەملەكەتتىك كەڭەستىڭ بازار باقىلاۋ - باسقارۋ تاراۋى قاتىستى تاراۋلارمەن بىرگە جەكەشە ونەركاسىپشىلەر مەن ساۋداگەرلەردىڭ دامۋىن جەبەۋ قىزمەتىنە ماكرولىق جەتەكشىلىكتى، جان - جاقتى سايكەستىرۋدى جانە باقىلاۋ - تەكسەرۋدى كۇشەيتەدى. مەملەكەتتىك كەڭەستىڭ قاتىستى تاراۋلارى ءوز مىندەتى كولەمىندە قاتىستى ساياساتتىق شارالاردى اقىلداسىپ بەلگىلەيدى. اۋدان دارەجەلىدەن جوعارى جەرگىلىكتى حالىق ۇكىمەتتەرى ءوز اكىمشىلىك رايوندارىنداعى جەكەشە ونەركاسىپشىلەر مەن ساۋداگەرلەردىڭ دامۋ احۋالىنا ۇشتاستىرا وتىرىپ ناقتى شارالار بەلگىلەيدى جانە ونى اتقارۋعا ۇيىمداستىرادى. ءۇشىنشى، ۇكىمەت پەن ونىڭ قاتىستى تاراۋلارىنىڭ جەكەشە ونەركاسىپشىلەر مەن ساۋداگەرلەردىڭ دامۋىن جەبەۋ جاعىنداعى مىندەتى مەن تالابىن ايقىنداۋ. مەملەكەت جەكە ونەركاسىپشىلەر مەن ساۋداگەرلەردىڭ الەۋمەتتىك قىزمەت وتەۋ تۇعىرى جۇيەسى قۇرىلىسىن كۇشەيتەدى. ۇكىمەت جانە ونىڭ قاتىستى تاراۋلارى بازار تۇلعالارىن تىزىمدەۋ، جىلدىق مالىمەت بەرۋ قىزمەت وتەۋى، تيجارات ورنىمەن قامداۋ، قارجى، قازىنا - سالىق، فينانس، قوعامدىق قامتاماسىزداندىرۋ، شارۋاشىلىق قۇرۋ، جۇمىسقا ورنالاستىرۋ، الەۋمەتتىك اۋماقتىڭ حالىققا قولايلى قىزمەت وتەۋى، سيفرلاندىرىپ دامىتۋ، ءبىلىم مەنشىك ۇقىعىن قورعاۋ، قيىنشىلىعى بارلارعا كومەكتەسۋ - سۇيەمەلدەۋ سياقتى جاقتاردا جەكە ساۋدا - ونەركاسىپشىلەرگە قولداۋ كورسەتەدى. ءتورتىنشى، ۇكىمەتتىڭ جانە ونىڭ قاتىستى تاراۋلارىنىڭ مىندەت وتەۋ تەجەمىن كۇشەيتىپ، جەكە ونەركاسىپشىلەر مەن ساۋداگەرلەردىڭ زاڭدى ۇقىق - مۇددەسىن قورعاۋ تەبىنىن ارتتىرۋ. ۇكىمەت جانە ونىڭ قاتىستى تاراۋلارى قاتىستى ساياساتتىق شارالاردى بەلگىلەگەندە جەكە ونەركاسىپشىلەر مەن ساۋداگەرلەردىڭ جانە قاتىستى كاسىپتىك ۇيىمداردىڭ پىكىرىن تولىق تىڭداۋى كەرەك، بەلگىلەمەگە قايشىلىق جاساپ، تولىمدىلىق رۇقساتى، نىسانداردى مالىمدەۋ، ۇكىمەتتىك ساتىپ الۋ، مەردىگەر شاقىرۋ، مەردىگەرلىككە مالىمدەلۋ سياقتى جاقتاردا جەكە ونەركاسىپشىلەر مەن ساۋداگەرلەرگە كەمسىتۋ سيپاتتى ساياساتتىق شارالار بەلگىلەۋىنە نەمەسە اتقارۋىنا بولمايدى. ءارقانداي ورىن مەن جەكەنىڭ زاڭدارعا، زاڭ - ەرەجەلەرگە جانە مەملەكەتتىڭ قاتىستى بەلگىلەمەلەرىنە قايشىلىق جاساپ، جەكەشە ونەركاسىپشىلەر مەن ساۋداگەرلەردەن اقى الۋىنا نەمەسە ءتۇسىن وزگەرتىپ اقى الۋىنا بولمايدى، اقى الۋ كولەمىن ءوز بەتىمەن كەڭەيتۋىنە نەمەسە اقى الۋ ولشەمىن جوعارىلاتۋىنا بولمايدى، جەكەشە ونەركاسىپشىلەر مەن ساۋداگەرلەردەن قارجى جيناۋىنا، سالىق الۋىنا بولمايدى، جەكەشە ونەركاسىپ - ساۋداگەرلەردەن كومەك بەرۋدى نەمەسە اقىلى قىزمەت وتەۋدى قابىلداۋدى زورلىقپەن تالاپ ەتۋىنە بولمايدى. ۇكىمەتتىڭ جانە ونىڭ قاتىستى تاراۋلارىنىڭ قىزمەتكەرلەرى جەكەشە ونەركاسىپشىلەر مەن ساۋداگەرلەردىڭ دامۋىن جەبەۋ قىزمەتىندە مىندەتىن وتەمەي نەمەسە دۇرىس وتەمەي، جەكەشە ونەركاسىپشىلەر مەن ساۋداگەرلەردىڭ زاڭدى ۇقىق - مۇددەسىنە زيان جەتكىزىپ، اۋىر زارداپ تۋدىرسا، زاڭ بويىنشا شارا كورىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
