جاڭا بورىشتى مىقتاپ كوزدەپ، جاڭا ىسكەرلىكتى ايگىلەيمىز

□ انار بۇلت \ شينجياڭ گازەتىنىڭ تىلشىلەرى

2022.10.31 15:23 كەلۋ قاينارى : شينجياڭ گازەتى

كوشىرۋ

باسىپ شىعارۋ

لەبىز جازۋ

　　سوڭعى كۇندەردەن بەرى، رايونىمىزدىڭ جەر - جەرى، تاراۋلارى، ورىندارى پارتيا 20 - قۇرىلتايىنىڭ رۋحىن مۇقيات جەتكىزدى، ۇيرەندى، دايەكتىلەندىردى، تياناقتاندىردى. كوپشىلىك ءبىر اۋىزدان جاڭا بورىشتان، مىندەتتەن كوز جازباي، جاڭا جورىقتاعى جاڭا داۋىردە پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى كورىكتى شينجياڭ قۇرۋدىڭ جاندى امالياتىنا اينالدىراتىندىقتارىن ءبىلدىردى.

　　ءۇرىمجى قالاسى:

　　جاڭا جورىقتا جىگەرلەنە ۇمتىلىپ، ەرلىكپەن العا باسامىز

　　پارتيا 20 - قۇرىلتايى مەن 20 - كەزەكتى ورتالىق كوميتەتتىڭ ءبىرىنشى جالپى ءماجىلىسى جەڭىسپەن جابىلعاننان كەيىن، ءۇرىمجى قالالىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن دەرەۋ ۇيىمداستىرىپ اشتى، ءماجىلىس مىنالاردى باسا دارىپتەدى: بۇكىل قالاداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جاپپاي جوعارىلاتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا 20 - قۇرىلتايىنىڭ رۋحىمەن بۇلجىماستان يدەيا مەن ارەكەتتى بىرلىككە كەلتىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، پارتيا 20 - قۇرىلتايىندا جاسالعان كەلەلى شەشىمدەردى، ورنالاستىرۋلاردى نىق قاداممەن ناقتى ارەكەتكە اينالدىرىپ، جاڭا داۋىردەگى جاڭا جورىقتا جىگەرلەنە ۇمتىلىپ، ەرلىكپەن العا باسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كورىكتى شينجياڭ قۇرۋعا كۇش - قۋاتتى ارناۋ كەرەك.

　　حوتان ايماعى:

　　پارتيا 20 - قۇرىلتايىنىڭ رۋحىن بارشا وتباسىلارعا جەتكىزەمىز

　　10 - ايدىڭ 28 - كۇنى حوتان ايماقتىق پارتكوم نازاريا ۇيرەنۋ وزەكتى گرۋپپاسى ۇيرەنۋ ءماجىلىسىن اشتى، ءماجىلىس مىنالاردى باسا دارىپتەدى: تۇتاس ايماقتاعى ءار دارەجەلى پارتيا ۇيىمدارى، قالىڭ پارتيا مۇشەلەرى، كادرلار يدەيا مەن ارەكەتتى پارتيا 20 - قۇرىلتايىنىڭ رۋحىمەن شىن مانىندە بىرلىككە كەلتىرىپ، جاپپاي ىشكەرىلەي ۇيرەنىپ، ءتۇسىنىپ، ۇگىت - تاربيەنى ويداعىداي جۇرگىزىپ، دايەكتىلەندىرۋدى، تياناقتاندىرۋدى ىلگەرىلەتىپ، كۇش - قۋاتتى پارتيا 20 - قۇرىلتايىندا بەلگىلەنگەن نىسانا - مىندەتتەردى تياناقتاندىرۋعا شوعىرلاندىرۋ كەرەك. ماڭىزدى ءتۇيىندى كورنەكتىلەندىرۋ جاعىنا كۇش سالۋ كەرەك، نازاريا ۇيرەنۋ وزەكتى گرۋپپاسى ءتۇيىندى تۇردە ۇيرەنىپ، بىرگە جەبەپ، بىرگە ۇيرەنىپ، ارەكەتتە كورسەتىپ، ونىمدىلىكتى ايگىلەۋ كەرەك، ءارقايسى نەگىزگى ساتى پارتيا ۇيىمدارى، پارتيا مۇشەلەرى، كادرلار ىرىقتىلىقپەن ۇيرەنۋ، ۇدايىلاندىرا ۇيرەنۋ كەرەك. ۇگىت، ۇگىت لەكسيا جاعىنا كۇش سالىپ، بۇقارا قۋانا تىڭداپ، شاتتانا كورەتىن تاسىلدەرمەن پارتيا 20 - قۇرىلتايىنىڭ رۋحىن نەگىزگى ساتىنىڭ ءبىرىنشى شەبىنە، ەگىن باستارىنا، زاۆود سەحتارىنا، ءار دارەجەلى مەكتەپتەرگە جەتكىزىپ، پارتيا 20 - قۇرىلتايى رۋحىنىڭ بارشا وتباسىلارعا جەتۋىن، جۇرەكتەرگە ۇيالاۋىن ىلگەرىلەتۋ كەرەك.

　　اۆتونوميالى رايوندىق پارتكوم بىرلىكساپ ءبولىمى:

　　جۇڭگو ارمانىن ءبىر نيەتپەن ورتاق جۇزەگە اسىرۋدىڭ قۋاتتى كۇشىن ۇيىستىرامىز

　　تاياۋ كۇندەردەن بەرى اۆتونوميالى رايوندىق پارتكوم بىرلىكساپ ءبولىمى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ءبىرىنشى جالپى ءماجىلىسىنىڭ رۋحىن كوپ ءتۇرلى فورمالارمەن جەتكىزىپ، ۇيرەنىپ، مىنالاردى تالاپ ەتتى: پارتيا 20 - قۇرىلتايدىڭ رۋحىن شينجياڭنىڭ بىرلىكساپ قىزمەتىنىڭ جوعارى ساپالى دامۋىن ىلگەرىلەتۋدىڭ ناقتى شاراسىنا اينالدىرۋ كەرەك. جاڭا بورىش، مىندەتتەردەن كوز جازباي، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، پارتيا سىرتىنداعى زيالىلاردى، جاڭا قوعامدىق جىك قايراتكەرلەرىن يدەيالىق - ساياسي جاقتان جەتەكتەۋدى كۇشەيتىپ، حالىقتىق شارۋاشىلىقتىڭ بىرلىكساپ قىزمەتىن ىلگەرىلەتىپ، چياۋمين ىستەرى قىزمەتىن كۇشەيتىپ، جاقسارتىپ، حاۋىپ - قاتەرلەردەن، كومەسكى كىناراتتاردان كۇش سالا ساقتانىپ جانە ونى جويىپ، ساياسي پارتيالار قاتىناسىنىڭ، ۇلتتار قاتىناسىنىڭ، دىندەر قاتىناسىنىڭ، جىكتەر قاتىناسىنىڭ جانە ەل ءىشى - سىرتىنداعى باۋىرلاستار قاتىناسىنىڭ جاراسىمدىلىعىن جەبەپ، جۇڭگو ارمانىن ءبىر نيەتپەن ورتاق جۇزەگە اسىرۋدىڭ قۋاتتى كۇشىن ۇيىستىرۋ كەرەك.

　　اۆتونوميالى رايوندىق قازىنا مەڭگەرمەسى:

　　قازىنالىق رەفورمانىڭ، دامۋدىڭ جاڭا تاراۋىن جازامىز

　　تاياۋ كۇندەرى اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسى پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ءبىرىنشى جالپى ءماجىلىسىنىڭ رۋحىن كوپ ءتۇرلى فورمالارمەن ءۇرتىس جەتكىزىپ، ۇيرەنىپ، قازىنا تاراۋلارىنداعى پارتيالى كادرلاردان مىنالاردى تالاپ ەتتى: پارتيا 20 - قۇرىلتايىنىڭ رۋحىن تاماشا رۋحاني بەت - بەينەمەن ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، شينجياڭنىڭ قازىنالىق رەفورماسىنىڭ، دامۋىنىڭ جاڭا تاراۋىن قۇلشىنا جازۋ كەرەك. نازاردى شينجياڭ قىزمەتى باس نىساناسىنا شوعىرلاندىرىپ، قازىنالىق كۇشتى ءبىر تۇتاس جوسپارلاۋدى، ساياساتتى ءبىر تۇتاس جوسپارلاۋدى، رەفورمانى ءبىر تۇتاس جوسپارلاۋدى كۇشەيتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن بۇلجىتپاي ىلگەرىلەتۋ كەرەك. بەلسەندى قازىنا ساياساتىن ويداعىداي تياناقتاندىرىپ، ساياساتتىڭ پايداسىن تولىق جارىققا شىعارىپ، قوعامدىق مەجەنى ورنىقتىرىپ، بازاردىڭ ومىرشەڭدىك كۇشىن قاۋلاتۋ كەرەك. جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن ويداعىداي يگەرىپ، شەشۋشى ۋاقىت تۇيىندەرىندە، قيىنشىلىعى بار ادامدار شوعىرىنا كومەكتەسۋ - سۇيەمەلدەۋگە باسا ءمان بەرىپ، نەگىزگى حالىق تۇرمىسىن ناقتىلاندىرۋ، بەكەمدەۋ كەرەك. قازىنا ءتۇزىلىس - مەحانيزمىن اقاۋسىزداندىرىپ، جۇڭگو ۇلگىسىندەگى وسىزامانداندىرۋمەن ۇيلەسەتىن وسى زامانعى قازىنا ءتۇزىمىن بەلسەنە ورناتىپ، پارتيا 20 - قۇرىلتايىنىڭ ءتۇرلى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.

　　اۆتونوميالى رايوندىق جاراتىلىستىق بايلىق مەڭگەرمەسى:

　　جاراتىلىستىق بايلىق ىستەرىنىڭ تىڭ ساتىعا كوتەرىلۋىن ىلگەرىلەتەمىز

　　10 - ايدىڭ 27 - كۇنى اۆتونوميالى رايوندىق جاراتىلىستىق بايلىق مەڭگەرمەسى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، تۇتاس جۇيەدەگى ءار دارەجەلى پارتيا ۇيىمدارى مەن قالىڭ پارتيالى كادرلاردان مىنالاردى تالاپ ەتتى: پارتيا 20 - قۇرىلتايىنىڭ رۋحىن ىشكەرىلەي ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى ماڭداي الدى ساياسي مىندەت ەتىپ، جاراتىلىستىق بايلىق قىزمەتىنىڭ ءىس جۇزىندىگىمەن تىعىز ۇشتاستىرىپ، شينجياڭنىڭ جاراتىلىستىق بايلىق ىستەرىنىڭ تىڭ ساتىعا كوتەرىلۋىن قۇلشىنا ىلگەرىلەتۋ كەرەك. ابزالدىلىقتارىمەن ءوزارا تولىقتايتىن، جوعارى ساپالى داميتىن وڭىرلىك ەكونوميكالىق ورنالاسۋ جانە مەملەكەت جەرى كەڭىستىگى جۇيەسىن بەلسەنە قۇرۋ؛ جاسىل دامۋ ۇستانىمىنا تاباندى بولىپ، ماڭىزدى ەكولوگيالىق يقۋاتتى رايوندارىندا تاۋ، سۋ، ورمان، ەگىنجاي، كول، جايلىم، قۇمدىقتى ءبىر تۇلعالاندىرىپ قورعاۋ مەن قالپىنا كەلتىرۋدى ىلگەرىلەتۋ؛ ەگىستىك جەردى قورعاۋدىڭ قىزىل سىزىعىن بەرىك ساقتاپ، ”سان، ساپا، ەكولوگيا“ سىندى ەگىستىك جەردى قورعاۋدىڭ ءۇش ءبىر تۇلعالانعان جاڭا ارناسىن قالىپتاستىرۋدى ىلگەرىلەتۋ؛ جەر فاكتورىنىڭ قامتاماسىز ەتۋ رولىن تولىق ساۋلەلەندىرىپ، ءونىمدى قارجىنىڭ، ماڭىزدى نىسانداردىڭ تياناقتانۋىن بەلسەنە جەبەۋ كەرەك.

　　اۆتونوميالى رايوندىق سالىق ىستەرى مەكەمەسى:

　　پارتيا 20 - قۇرىلتايىنىڭ رۋحىن ناقتى تياناقتاندىرامىز

　　تاياۋدا اۆتونوميالى رايوندىق سالىق ىستەرى مەكەمەسى پارتكومنىڭ (كەڭەيتىلگەن) ءماجىلىسىن اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ءبىرىنشى جالپى ءماجىلىسىنىڭ رۋحىن ۇيرەنىپ، جەتكىزىپ، تۇتاس رايونداعى سالىق ىستەرى جۇيەسىنىڭ قۇرىلتايدىڭ رۋحىن ۇيرەنۋى، ۇگىتتەۋى، دايەكتىلەندىرۋى، تياناقتاندىرۋى جونىندە ورنالاستىرۋ جاساپ، مىنالاردى تالاپ ەتتى: تۇتاس رايونداعى سالىق ىستەرى جۇيەسى پارتيا 20 - قۇرىلتايىنىڭ رۋحىن ەكونوميكالىق، قوعامدىق دامۋعا قىزمەت وتەۋدىڭ قۋاتتى قوزعاۋشى كۇشى مەن جاندى امالياتىنا سانالى تۇردە اينالدىرۋ كەرەك. تۇتاس رايونداعى سالىق ىستەرى كادرلارى پارتيا 20 - قۇرىلتايىنىڭ جەڭىسپەن اشىلۋىنىڭ كەلەلى ءمانىن تولىق تانىپ، ۇيرەنۋدىڭ، دايەكتىلەندىرۋدىڭ ساياسي سانالىلىعىن، يدەيالىق سانالىلىعىن جانە ارەكەت سانالىلىعىن كۇشەيتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ءبىر جاعىنان ۇيرەنۋگە، ءبىر جاعىنان ويلانۋعا، ءبىر جاعىنان اماليا ايگىلەۋگە، ءبىر جاعىنان قورىتىندىلاۋعا تاباندى بولىپ، پارتيا 20 - قۇرىلتايىنىڭ رۋحىن شىن مانىندە قىزمەت بارىسىندا تياناقتاندىرۋ، ونىمدىلىك جاعىندا ايگىلەۋ كەرەك.

　　جۇڭگو عىلىم اكادەمياسىنىڭ شينجياڭ بولىمشەسى:

　　كورىكتى شينجياڭ قۇرۋعا جاڭالىق اشۋ ۇلەسىن قوسامىز

　　تاياۋدا جۇڭگو عىلىم اكادەمياسىنىڭ شينجياڭ بولىمشەسى نازاريا ۇيرەنۋ وزەكتى گرۋپپاسىنىڭ (كەڭەيتىلگەن) ءماجىلىسىن اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ءبىرىنشى جالپى ءماجىلىسىنىڭ رۋحىن جەتكىزىپ، ۇيرەنىپ، دايەكتىلەندىرۋ، تياناقتاندىرۋ شاراسىن اقىلداسىپ، مىنالاردى تالاپ ەتتى: پارتيا 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى پارتيا مۇشەلەرىنىڭ، كادرلاردىڭ، بۇقارانىڭ جاڭا داۋىردە ەكپىندەي ىلگەرىلەيتىن، جاڭا داۋىرگە ەسە قوساتىن قۋاتتى قوزعاۋشى كۇشىنە اينالدىرىپ، مەملەكەتتىڭ ستراتەگيالىق قاجەتىن باعدار ەتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قىزمەتتەردىڭ تياناقتانۋىن مىقتاپ يگەرىپ، ستراتەگيالىق سيپاتقا، جالپى جاعدايلىق سيپاتقا، بولجامپازدىق سيپاتقا يە ءبىر توپ مەملەكەتتىڭ كەلەلى عىلىم - تەحنيكا نىساندارىن جەدەل اتقارۋ كەرەك. پارتيا 20 - قۇرىلتايىنىڭ بايانداماسىندا العا قويىلعان ”وقۋ - اعارتۋ، عىلىم - تەحنيكا، دارىندىلاردىڭ“ ديالەكتيكالىق قاتىناسىن دالمە - ءدال يگەرىپ، وقۋ - اعارتۋ، عىلىم - تەحنيكا، دارىندىلار قىزمەتى سايكەستى داميتىن، ءوزارا جەبەيتىن تاماشا ارنا قالىپتاستىرىپ، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىراتىن جاۋاپكەرشىلىك سەزىمدى، بورىشتىلىق سەزىمدى كۇشەيتىپ، كورىكتى شينجياڭ قۇرۋعا جاڭالىق اشۋ ۇلەسىن قوسۋ كەرەك.

　　شينجياڭ ءورت ءوشىرۋ - ورتتەن ساقتانۋ، قۇتقارۋ - كومەكتەسۋ باس اترەتى:

　　قۇتقارۋ - كومەكتەسۋ ىستەرى دامۋىنىڭ جاڭا جاعدايىن اشامىز

　　تاياۋدا شينجياڭ ءورت ءوشىرۋ - ورتتەن ساقتانۋ، قۇتقارۋ - كومەكتەسۋ باس اترەتى پارتكومنىڭ (كەڭەيتىلگەن) ءماجىلىسىن اشىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەتى ءبىرىنشى جالپى ءماجىلىسىنىڭ رۋحىن جەتكىزىپ، ۇيرەنىپ، دايەكتىلەندىرىپ، مىنالاردى تالاپ ەتتى: جاۋاپكەرشىلىك ارقالاۋدى كۇشەيتىپ، دايەكتىلەندىرۋدى، تياناقتاندىرۋدى ويداعىداي يگەرىپ، پارتيا 20 - قۇرىلتايىنىڭ رۋحىنىڭ تياناقتانىپ، ونىمدىلىك كورسەتۋىن ىلگەرىلەتۋ كەرەك. جاۋاپكەرشىلىك ارقالاۋدى كۇشەيتىپ، جاڭا ىسكەرلىكتى ايگىلەپ، ۇيرەنۋ تابىسىن ورتتەن ساقتانۋ - تىزگىندەۋ، شۇعىل جاعدايعا توتەپ بەرۋ، قۇتقارۋ - كومەكتەسۋ قابىلەتىن جوعارىلاتۋ جاعىندا ايگىلەپ، ەلەۋلى ءورت ءوشىرۋ - ورتتەن ساقتانۋ حاۋىپسىزدىك حاۋىپ - قاتەرىنەن ساقتانۋ جانە ونى جويۋ قابىلەتىن، دەڭگەيىن ۇزدىكسىز جوعارىلاتۋ كەرەك. تەرەڭ تولعانىپ، جوسپارلاپ، جاڭا جاعداي اشىپ، ساپالى، جوعارى ءونىمدى قوعامدىق ءورت ءوشىرۋ - ورتتەن ساقتانۋدى باسقارۋ جۇيەسىن جەدەل ورناتۋ جاعىنا كۇش سالىپ، ءىس جۇزىندىكپەن ۇشتاستىرىپ دايەكتىلەندىرۋدىڭ، تياناقتاندىرۋدىڭ جاڭا شاراسىن، كوركەيتۋ، دامىتۋ جاڭا وي جەلىسىن دەن قويا جوسپارلاپ، ىستەردىڭ دامۋى بارىسىنداعى وسال تۇستاردى، قيىن ماسەلەلەردى قۇلشىنا شەشىپ، شينجياڭنىڭ قۇتقارۋ - كومەكتەسۋ ىستەرى مەن قوسىن قۇرىلىسى دامۋىنىڭ جاڭا جاعدايىن ۇزدىكسىز اشۋ كەرەك.

　　(ءتىلشى جاڭ يۇنمەي، قاتىناسقان تىلشىلەر گو چيان، ءپاريزات ابدۇل، ميھىرگۇل وبۇل، ران حۋ، ۋاڭ يايۇن، ميھىرگۇل ناسىر، شيە حۇيبيان، گو ليڭ، ەرىكتى تىلشىلەر جاۋ بو، شۇي پان)

جاۋاپتى رەداكتورى : نۇرعيسا قۇرمانجان ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved