ۋاكىل ۋاڭ گوحى:
باسىمدىقتى تياناق ەتىپ، كومەسكى كۇشتى ىشكەرىلەي اشۋ ارقىلى اناعۇرلىم كەڭ دامۋ كەڭىستىگىن اشامىز
□ انار بۇلت \ شينجياڭ گازەتىنىڭ تىلشىلەرى ليۋ شياڭ، ياۋ تۇڭ
2022.10.31 15:24 كەلۋ قاينارى : شينجياڭ گازەتى
مەملەكەتتى قۇدىرەتتەندىرۋ، گۇلدەندىرۋ − داڭق پەن ارمانعا تولى الىس ساپار. جاڭا ساپارعا ارشىندى قادام تاستاۋ سانجى حۇيزۋ اۆتونوميالى وبلىستىق پارتكومنىڭ شۋجيى، ۋاكىل ۋاڭ گوحىنىڭ سەنىمىن تاسقىنداتتى.
”پارتيا 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى نەگىزگى جەلى ەتۋ ارقىلى سانجىنىڭ باسىمدىققا يە بايلىقتارىن، كاسىپ سالاسى باسىمدىقتارىن تياناق ەتىپ، كومەسكى كۇشتى ىشكەرىلەي اشىپ، اناعۇرلىم كەڭ دامۋ كەڭىستىگىن اشامىز“. ۋاڭ گوحى بىلاي دەدى: ”ءبىزدىڭ ءتۇرلى قىزمەتتەردى ويداعىداي ىستەۋگە سەنىمىمىز، قابىلەتىمىز، بەكىمىمىز تىپتەن بار“.
ەرەكشە ترانسفورماتور، لانشان تۇنحى حيميا ونەركاسىبى، گوتاي شينحۋا، جۇڭتاي حيمياسى فۋكاڭ ەنەرگياسى، شينجياڭ دۇڭفاڭ شي - ۋاڭ ... ءبىر - بىرلەگەن ايتۋلى كاسىپورىن ”اتتارى“ ”سانجى جاسادىنىڭ“ مىعىم ناقتى قۋاتىن ايگىلەۋدە.
”ناقتى ەكونوميكانى كۇش سالا دامىتىپ، جاڭاشا ونەركاسىپتەندىرۋدى ىلگەرىلەتۋ ءالى دە سانجى وبلىسىنىڭ ءتۇيىندى تۇردە قۇلشىنىس جاسايتىن بەتالىسى بولىپ تابىلادى“. ۋاڭ گوحى بىلاي دەدى: وسى زامانعى كومىر ەلەكتر، كومىر حيميا ونەركاسىبىن، جاڭا ەنەرگيا، جاڭا ماتەريال جانە وزىق جابدىق جاساۋ كاسىبىن جەتەكشى كاسىپ سالاسى ەتىپ، باسىمدىققا يە كاسىپ سالاسىنىڭ دامۋ ورەسىن ۇزدىكسىز جوعارىلاتىپ، سونىمەن بىرگە ەنەرگيانى تازا، تومەن كومىر قىشقىل گازدى، جوعارى ءونىمدى پايدالانۋدى ىلگەرىلەتىپ، بۇكىل شينجياڭ ەكونوميكاسىنىڭ دامۋىنا سانجى ۇلەسىن قوسامىز.
استىق مول بولسا اۋىل شارۋاشىلىعى ورنىقتى بولادى، اۋىل شارۋاشىلىعى ورنىقتى بولسا مەملەكەت حاۋىپسىز بولادى. بۇكىل شينجياڭداعى بىردەن - ءبىر مەملەكەتتىك اۋىل شارۋاشىلىعى جوعارى، جاڭا تەحنيكالىق كاسىپ سالالارىنان ۇلگى كورسەتۋ رايونى رەتىندە، تيڭجوۋدىڭ قۇنارلى دالاسىنىڭ كومەسكى كۇشى شەكسىز. ”ەڭ الدىمەن، استىق حاۋىپسىزدىگىنە شىنايى كەپىلدىك ەتۋ، استىقتاعى ءىرى وبلىستىڭ زاپاس قور ساقتاۋ فۋنكتسياسىن تولىق ساۋلەلەندىرۋ، سودان كەيىن تۇقىم شارۋاشىلىعىنىڭ دامۋى، بىرلىك ءونىم ورەسىن جوعارىلاتۋ، جوعارى ءونىمدى سۋ ۇنەمدەيتىن اۋىل شارۋاشىلىعىن دامىتۋ جانە لايىقتى تۇردە كولەمدى تيجارات جۇرگىزۋ جاقتارىنا كۇش سالۋ كەرەك“. ۋاڭ گوحى مىنالاردى ءبىلدىردى: وسى نەگىزدە 1 - ، 2 - ، 3 - كاسىپتەردىڭ توعىسپالى دامۋىن ىشكەرىلەي ىلگەرىلەتىپ، كاسىپ سالاسىن گۇلدەندىرۋ ارقىلى اۋىل - قىستاقتى گۇلدەندىرۋدى جەتەكتەپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ مولشىلىققا كەنەلىپ بايۋىن ۇزدىكسىز جەبەپ، اۋىل شارۋاشىلىعىن وسىزامانداندىرا دامىتۋ جولىمەن ويداعىداي ءجۇرۋ كەرەك.
سانجى − جىبەك جولى ەكونوميكالىق بەلدەۋى وزەكتى رايونىنىڭ ماڭىزدى قۇرامداس بولىگى، قايتكەندە وزىندىك بايلىق باسىمدىعىنان ويداعىداي پايدالانىپ، وزەكتى رايون قۇرىلىسىنا ونان ارى توعىسۋعا بولاتىندىعى جونىنەن ۋاڭ گوحىنىڭ وي جەلىسى ايقىن.
”جىبەك جولى ەكونوميكالىق بەلدەۋى وزەكتى رايونى قۇرىلىسىن ءبىر تۇتاس باسشىلىققا الىپ، ونان ارى رەفورمانى تەرەڭدەتىپ، ەسىك اشۋدى كەڭەيتىپ، اناعۇرلىم جوعارى ءونىمدى شارۋاشىلىق - ساۋدا ورتاسىن قالىپتاستىرىپ، جالپى اۋماقتىق ساياحاتتى بار كۇشپەن دامىتىپ، وسى زامانعى ساۋدا مەن كۇتىمدەلۋ كاسىپ سالاسىنىڭ دامۋىن ىلگەرىلەتىپ، ءۇرىمجى قالا شوعىرى قۇرىلىسىندا ىسكەرلىكتى ايگىلەۋ كەرەك“، - دەدى ۋاڭ گوحى.
بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە باستان - اياق تاباندى بولۋ كەرەك. حالىقتى بارىنەن جوعارى قويۋ، باستان - اياق حالىقتىڭ مۇددەسىنە ۋاكىلدىك ەتۋ سىندى ءتۇبىرلى تۇرعى جۇڭگو ۇلگىسىندەگى وسىزامانداندىرۋ جولىنىڭ تيەسىلى ءمانى بولىپ تابىلادى.
”دامۋ بارىسىندا حالىق تۇرمىسىن قامتاماسىز ەتۋدە جانە جاقسارتۋدا سانجى ناقتى ەكونوميكانىڭ دامۋى ارقىلى جۇمىستاندىرۋدى بەلسەندى تۇردە ورنىقتىرىپ جانە جەبەپ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى جاقتارداعى ۇسىنىلىمدى ۇزدىكسىز ارتتىرىپ، ادامدار كوڭىل بولگەن، نازار اۋدارعان قولامتالى، قيىن ماسەلەلەردى دەر كەزىندە ءونىمدى شەشىپ، ءار ۇلت بۇقاراسىنىڭ تابىس سەزىمىن اناعۇرلىم تاتىمدى، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتۋ ءۇشىن قۇلشىنادى“، - دەدى ۋاڭ گوحى.
بولاشاققا بەت الىپ، قات - قابات قيىندىقتاردى جەڭىپ، جەڭىستەن - جەڭىسكە جەتە بەرۋ ءۇشىن پارتيانى جاپپاي قاتاڭ باسقارۋدىڭ ”تەبىنىن“ باسەيتپەۋ، ”اۋقىمىن“ وزگەرتپەۋ كەرەك.
”جوعارى ساپالى پارتيا قۇرىلىسى بولعاندا عانا ءتۇرلى ىستەردى ورنىقتى قاداممەن الىسقا جەتۋگە باستاۋعا، قامتاماسىزداندىرۋعا بولادى“. ۋاڭ گوحى بىلاي دەدى: ءبىز كادرلاردىڭ ستيلىن ونان ارى بەكەمدەپ، تىنباي ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، پاكتىكتى دارىپتەۋدى نولدىك توزىمدىلىك پوزيتسياسىمەن ىلگەرىلەتىپ، ستيلى پاك، سالتى دۇرىس ساياسي ەكولوگيا قالىپتاستىرۋىمىز كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
