جاڭا داۋىردەگى جاڭا جورىقتىڭ ساياسي جارناماسى جانە ارەكەت تۇعىرناماسى
2022.11.03 15:52 كەلۋ قاينارى : شينجياڭ گازەتى
رەداكتوردان
پارتيا 20 - قۇرىلتايىنىڭ رۋحىن جاپپاي ىشكەرىلەي ۇيرەنۋ، ۇگىتتەۋ، دايەكتىلەندىرۋ ءۇشىن، انار بۇلت \ شينجياڭ گازەتى رايونىمىزدىڭ قوعامدىق عىلىمدار سالاسىنداعى مامان، وقىمىستىلاردى ۇسىنىس ەتىپ، پارتيا 20 - قۇرىلتايىنىڭ رۋحىن ىشكەرىلەي ءتۇسىندىرىپ، بۇكىل رايونىمىزداعى قالىڭ كادرلاردىڭ، بۇقارانىڭ پارتيا 20 - قۇرىلتايى بايانداماسىندا العا قويىلعان جاڭا يدەيانى، جاڭا تۇجىرىمدى، جاسالعان جاڭا ورنالاستىرۋدى، جاڭا تالاپتى تەرەڭ ءتۇسىنىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن شىن مانىندە بىرلىككە كەلتىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن بۇلجىماستان جاڭا جورىققا جەتەكشىلىك ەتىپ، كورىكتى شينجياڭ قۇرۋ جولىندا جىگەرلەنە ۇمتىلىپ، ەرلىكپەن العا باسۋىنا كومەكتەسەدى.
□ اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋان) ۇنەمىلىك ىستەرگە جاۋاپتى ورىنباسار مەكتەپ (شۋەيۋان) باستىعى ليۋ چۋانشان
پارتيا 20 - قۇرىلتايىنىڭ بايانداماسى جۇڭگوشا سوتسياليزم ۇلى تۋىن بيىك ۇستاپ، ستراتەگيالىق جالپى جاعداي تۇرعىسىنان جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرىن تەرەڭ بايىمداپ، بولاشاقتاعى ءبىر مەزگىلدەگى پارتيا مەن مەملەكەت ىستەرىنىڭ دامۋىنداعى نىسانا - مىندەتتەر مەن كەلەلى باعىت - ساياساتتاردى عىلمي جوبالاپ بەردى، ول پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردەگى جاڭا جورىقتا جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ساياسي جارناماسى جانە ارەكەت تۇعىرناماسى.
ءبىرىنشى، جۇڭگوشالانعان، زامانالانعان ماركسيزممەن جۇڭحۋا ۇلتىنىڭ ۇلى گۇلدەنۋىنە جەتەكشىلىك ەتۋدى ايگىلەدى
ماركسيزم − ءبىزدىڭ پارتيا قۇرۋداعى، مەملەكەت قۇرۋداعى، پارتيانى گۇلدەندىرۋدەگى، مەملەكەتتى گۇلدەندىرۋدەگى ءتۇبىرلى جەتەكشى يدەيامىز. پارتيا 18 - قۇرىلتايىنان بەرى، جۇڭگوشا سوتسياليزم جاڭا داۋىرگە ءوتتى، پارتيامىز نازاريالىق ىزدەنىس جاساۋعا جانە وندا جاڭالىق اشۋعا باتىل بولىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋعا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمىن شىت جاڭا كوز ايامەن تەرەڭدەتىپ، كەلەلى نازاريالىق جاڭا جەتىستىكتەرگە قول جەتكىزىپ، ونى شي جينپيڭ جاڭا ءداۋىر جۇڭگوشا سوتسياليزم يدەياسىندا شوعىرلى بەينەلەدى.
10 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى، جۇڭگوشا سوتسياليزم اناعۇرلىم پارمەندى، اناعۇرلىم يلاندىرۋ قۋاتىنا يە اقيقات كۇشىن ايگىلەدى. جاڭا ءداۋىردىڭ 10 جىلىنداعى ۇلى وزگەرىس پارتيا تاريحىندا، جاڭا جۇڭگو تاريحىندا، رەفورمالاۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. اماليات بىزگە جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نەلىكتەن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا ەكەندىگىن ۇعىندىردى. شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىردى، جاڭا داۋىردەگى پارتيا مەن مەملەكەت ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدى.
پارتيا 20 - قۇرىلتايىنىڭ بايانداماسى جاڭا جورىقتا پارتيامىز قانداي تۋدى كوتەرەدى، قانداي جولمەن جۇرەدى، قانداي رۋحاني كۇيمەن، قانداي نىساناعا قاراي ۇزدىكسىز العا تارتادى دەگەن سياقتى كەلەلى ماسەلەلەردى جاريالادى جانە ايقىن ءتۇسىندىرىپ بەردى. جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، ءسوز جوق، جۇڭگوشالانعان، زامانالانعان ماركسيزممەن امالياتقا جەتەكشىلىك ەتۋىمىز، ءسوز جوق، ”ەكىنى تۇراقتاندىرۋدى“ باتىل قورعاۋىمىز، ”ەكىنى قورعاۋدى“ باتىل ورىنداۋىمىز، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرۋىمىز، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولۋىمىز جانە ودان ويداعىداي پايدالانۋىمىز، التى ”ءسوز جوق، تاباندى بولۋدى“ ورىنداپ، پارتيا قۇرۋ ۇلى رۋحىن اسقاقتاتىپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، جىگەرلەنە ۇمتىلىپ، ەرلىكپەن العا باسۋىمىز كەرەك.
ەكىنشى، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ بورىشىن، مىندەتىن ايقىندادى
جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ − پارتيا 20 - قۇرىلتايى بايانداماسىنىڭ ماڭىزدى مازمۇنى، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشى مەن مىندەتى. جۇڭگو ۇلگىسىندەگى وسىزامانداندىرۋ − جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ، وندا ءار ەلدىڭ وسىزاماندانۋىنداعى ورتاق ەرەكشەلىك بولۋمەن قاتار، ءوز مەملەكەتىمىزدىڭ جاعدايىن نەگىز ەتكەن جۇڭگوشا ەرەكشەلىك بار. بايانداما جۇڭگو ۇلگىسىندەگى وسىزامانداندىرۋدىڭ بەس جاقتاعى ”جۇڭگوشا ەرەكشەلىگىنە“ ءتۇيىندى تۇردە تالداۋ جاساپ، توعىز جاقتاعى ”ماندىك تالابىن“ تۇڭعىش رەت العا قويىپ، ”ەكى ساتىداعى“ ستراتەگيالىق ورنالاستىرۋدى قايتالاي دارىپتەپ، بەس جاقتاعى ”كەلەلى پرينسيپتى“ تۇڭعىش رەت ايقىنداپ، جۇڭگو ۇلگىسىندەگى وسىزامانداندىرۋ جونىندە جۇيەلى بايىمداۋ قالىپتاستىرىپ، ”ءۇش ۇلكەن زاڭدىلىق“ جونىندە تانىمنىڭ تىڭ سەكىرۋىن جۇزەگە اسىردى.
پارتيا 20 - قۇرىلتايىنىڭ بايانداماسى جاپپاي سوتسياليستىك وسىزاماندانعان مەملەكەت قۇرۋ جونىندە جۇيەلى جوبا جانە ستراتەگيالىق ورنالاستىرۋ جاساپ قانا قالماستان، جۇڭگو ۇلگىسىندەگى وسىزامانداندىرۋدىڭ باي مازمۇنىن دا بەينەلەدى. مۇندا جوعارى ساپالى دامۋ − ماڭداي الدى مىندەت؛ وقۋ - اعارتۋ، عىلىم - تەحنيكا، دارىندىلار − نەگىزدىك ستراتەگيالىق تىرەك؛ جالپى بارىستىق حالىق دەموكراتياسى − تيەسىلى ءمانى؛ مەملەكەتتى جاپپاي زاڭمەن باسقارۋ − اينالىم ارناسى؛ جۇڭگوشا سوتسياليستىك مادەنيەت − رۋحاني كۇش؛ حالىق تۇرمىسىنىڭ قۇت - ىرىسىن ارتتىرۋ − ماندىك تالاپ؛ تابيعاتقا قۇرمەت ەتۋ، تابيعاتقا بەيىمدەلۋ، تابيعاتتى قورعاۋ − ىشكى تالاپ؛ مەملەكەت حاۋىپسىزدىگى مەن قوعام ورنىقتىلىعى − نەگىز، العى شارت؛ حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋ − ستراتەگيالىق تالاپ؛ پارتيانىڭ پارمەندى باسشىلىعى − ءتۇبىرلى كەپىل.
جۇڭگو ۇلگىسىندەگى وسىزامانداندىرۋ پارتيا 18 - قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ نازاريالىق جانە امالياتتىق جاقتاعى جاڭالىق اشۋى، تابىسقا جەتۋى سانالادى، وندا شي جينپيڭ جاڭا ءداۋىر جۇڭگوشا سوتسياليزم يدەياسىنىڭ تۇرعىسى، كوزقاراسى، ءادىسى قامتىلعان، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەتىن ارەكەت باعدارناماسى.
ءۇشىنشى، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا ەكەندىگىن باسا دارىپتەدى
جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. جۇڭگو ۇلگىسىندەگى وسىزامانداندىرۋ جۇڭگو كوممۋنيستىك پارتياسى باسشىلىق ەتكەن سوتسياليستىك وسىزامانداندىرۋ ەكەندىگىن، ءسوز جوق، تەرەڭ تانۋ، پارتيانىڭ جاپپاي باسشىلىعىنا، ءسوز جوق، باستان - اياق تاباندى بولۋ جانە ونى كۇشەيتۋ كەرەك.
پارتيا 18 - قۇرىلتايىنان بەرى، پارتيانى جاپپاي قاتاڭ باسقارۋ ارقىلى پارتيا ىشىندەگى كوپتەگەن كورنەكتى ماسەلەلەردى شەشتىك، پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريحتىڭ قايتالانۋىنان قۇتىلۋدىڭ وزىنە - ءوزى توڭكەرىس جاساۋ سىندى ەكىنشى جاۋابىن تاۋىپ شىقتى، ايتسەدە پارتيا ءدوپ كەلگەن ”ءتورت ۇلكەن سىناق“ پەن ”ءتورت ۇلكەن حاۋىپ“ ۇزاق ۋاقىت ءومىر سۇرەدى.
بۇكىل پارتيا، ءسوز جوق، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋى كەرەك. پارتيانى جاپپاي قاتاڭ باسقارۋدان اۋىتقىماۋ، ناقتاپ ايتقاندا، مىنا جەتى جاقتان ايگىلەنەدى، ياعني، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ جانە ونى كۇشەيتۋ، شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرت تىلەگىن ۇيىستىرىپ، رۋحتى سومداۋعا تاباندى بولۋ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ، ۇلتتىڭ گۇلدەنۋى سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرۋ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ، ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋگە تاباندى بولۋ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ.
وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ ماڭىزدى ستراتەگيالىق جانە جالپى جاعداي رولىنا يە، ول كۇشتى ماسەلە باعدارىن كورنەكتىلەندىرىپ، پارتيانىڭ باسشىلىعىنا تاباندى بولۋ جانە ونى كۇشەيتۋ كەلەلى پرينسيبىن بەينەلەپ، كوممۋنيستىك پارتيانىڭ بيلىك جۇرگىزۋ زاڭدىلىعىنا بولعان تانىمدى تەرەڭدەتتى. جاڭا داۋىردەگى جاڭا جورىقتا وزىنە - ءوزى ۇلى توڭكەرىس جاساۋ ارقىلى ۇلى قوعامدىق توڭكەرىسكە جەتەكشىلىك ەتۋ ماڭىزدى تالابىن مىقتاپ يگەرىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتكەندە عانا، پارتيا، ءسوز جوق، ميلليارد حالىقتى باستاپ، تىڭ دا ۇلى كۇرەس جۇرگىزۋ ارقىلى تىڭ دا ۇلى ىستەردى جاراتا الادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
