اشىق، گۇلدەنگەن كوركەم بولاشاقتى بىرگە جاراتايىق
− ءتوراعا شي جينپيڭنىڭ 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ماڭىزدى ءسوزى تۋرالى
«حالىق گازەتىنىڭ» شولۋشىسى
2022.11.08 16:10 كەلۋ قاينارى : حالىق تورابى
«جول تابانىمىزدىڭ استىندا، نۇرلى بولاشاق الدىمىزدا». 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا ءتوراعا شي جينپيڭ «اشىق، گۇلدەنگەن تاماشا بولاشاقتى بىرگە جاراتايىق» دەگەن تاقىرىپتا ماڭىزدى ءسوز سويلەدى. ءتوراعا شي جينپيڭ ادامزاتتىڭ تاعدىرلاس ورتاق تۇلعاسىن قۇرۋ تۇرعىسىنان ەسىك اشۋدىڭ ماڭىزدى ءمانىن تەرەڭ ءتۇسىندىرىپ، ەسىك اشۋ ارقىلى دامۋداعى قيىنشىلىقتى شەشۋدى، ەسىك اشۋ ارقىلى سەلبەسۋ كۇشىن شوعىرلاندىرۋدى، ەسىك اشۋ ارقىلى جاڭالىق اشۋ جاعدايىن ۇيىستىرۋدى، ەسىك اشۋ ارقىلى بىرگە يگىلىكتەنۋ باقىتىن كوزدەۋدى دارىپتەپ، جۇڭگونىڭ ءار ەلدىڭ ورايدان بىرگە يگىلىكتەنۋىن ىلگەرىلەتۋدەگى ءبىرقىدىرۋ ناقتى شارالارىن اشىق جاريالاپ، دۇنيە جۇزىلىك ەكونوميكانىڭ دامۋى ءدوپ كەلگەن قيىنشىلىقتار مەن سىن - سايىستى بىرگە جەڭۋگە، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، تەپە - تەڭ، تەڭ يگىلىككە كەنەلۋ بەتالىسىنا قاراي دامۋىن ىلگەرىلەتۋگە قۇدىرەتتى وڭ ەنەرگيا ۇستەدى.
قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولماعان تاسىلمەن ورىستەتىلۋدە، دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى. عاسىر ىندەتىنىڭ بۇلتى سەيىلمەدى، ءىشىنارا قاقتىعىستار تاعى دا تۋىلدى، قىرعي قاباقتىق وي مەن توپشىلدىق ساياسيى قايتا بەلەڭ الدى، سىڭار جاقتىلىق، قورعانىمپازدىق باس كوتەردى، ەكونوميكانىڭ جاھاندانۋى كەرى اعىمعا ۇشىرادى، بەيبىتشىلىك قىزىل سيفرى، دامۋ قىزىل سيفرى، حاۋىپسىزدىك قىزىل سيفرى، جونگە سالۋ قىزىل سيفرى اۋىرلادى، دۇنيە ءجۇزى ەكونوميكاسىنىڭ قالپىنا كەلۋى قيىنعا سوقتى، دۇنيە ءجۇزىنىڭ دامۋى اۋىر ساتسىزدىككە ۇشىرادى، ادامزات قوعامى بۇرىن بولىپ كورمەگەن سايىسقا ءدوپ كەلدى. دۇنيە ءجۇزى قايدا بارادى؟ بەيبىت ءوتۋ كەرەك پە، الدە سوعىسۋ كەرەك پە؟ دامۋ كەرەك پە، الدە قۇلدىراۋ كەرەك پە؟ ەسىك اشۋ كەرەك پە، الدە تۇيىقتالۋ كەرەك پە؟ سەلبەسۋ كەرەك پە، الدە قارسىلاسۋ كەرەك پە؟ مىنە، بۇلار الدىمىزعا قويىلعان داۋىرلىك سۇراق بولىپ وتىر. تاريحتىڭ العا باسۋىنىڭ جول ايىرىعىندا تۇرعان ءبىز دۇنيە ءجۇزىنىڭ اۋقىمىن جىعا تانىپ، بولاشاق بەتالىستى ايقىنداپ، ءداۋىر تاقىرىبىنا جاۋاپ بەرۋىمىز كەرەك.
تاريحتىڭ سالقار كوشى كەيدە تىنىش بولعانىمەن، كەيدە بۋىرقانعان تولقىندار الدان شىعادى، سولاي بولسا دا، قاشان دا جوڭكىلە العا ىلگەرىلەيدى. حالىقارالىق جاعداي اۋمالى - توكپەلى بولعانىمەن، اشىق دامۋدىڭ تاريحي اۋقىمى وزگەرمەيدى، قول ۇستاسا سەلبەسىپ، سىن - سايىسقا بىرگە توتەپ بەرۋ تىلەگى دە وزگەرمەيدى، ءار ەل حالقىنىڭ بەيبىت دامۋ تىلەگى اناعۇرلىم شىنايى، ادىلدىك پەن ادىلەتتىلىككە دەگەن ءۇنى اناعۇرلىم كۇشتى، سەلبەسىپ تەڭ يگىلىككە كەنەلۋگە دەگەن تالپىنىسى اناعۇرلىم بەكەم. سوقىر تۇماننان اتىلىپ شىعىپ نۇرلى بولاشاققا بەت الۋداعى ەڭ قۇدىرەتتى كۇش − ءبىر نيەتپەن كۇش بىرىكتىرۋ، ەڭ ءونىمدى ءتاسىل −ءبىر جاعادان باس، ءبىر جەڭنەن قول شىعارۋ. وتكەن 2 جىلدان استام ۋاقىتتان بەرى حالىقارالىق قوعام جاڭا تيپتى ايدارشا ۆيرۋس وكپە قابىنۋ ىندەتىنىڭ سىن - سايىسىنا توتەپ بەرىپ، دۇنيە ءجۇزى ەكونوميكاسىنىڭ قايتا جاندانۋىن، دامۋىن ىلگەرىلەتۋ ءۇشىن جاپالى قۇلشىنىس جاسادى. قيىنشىلىق پەن سىن بىزگە ادامزاتتىڭ بەينەت پەن زەينەتتى بىرگە وتكەرەتىن تاعدىرلاس ورتاق تۇلعا ەكەنىن ىشكەرىلەي ۇعىندىردى، ءار ەل تاريحتىڭ دامۋ زاڭدىلىعىن دۇرىس تانىپ، بەيبىتشىلىك، دامۋ، سەلبەستىك، تەڭ يگىلىككە كەنەلۋ سىندى ءداۋىر اعىمىنا سايكەسىپ، اناعۇرلىم كوپ ەسىك اشۋ ورتاق تانىمىن ۇيىستىرىپ، ەسىك اشۋدىڭ دۇنيە ءجۇزىنىڭ دامۋىنا تىڭ دا نۇرلى بولاشاق جاراتۋىنا مۇمكىندىك جاساعاندا عانا، اشىق، گۇلدەنگەن كوركەم بولاشاقتى بىرگە جاراتا الادى.
دۇنيە ءجۇزى ەكونوميكاسىنىڭ دامۋى ءدوپ كەلىپ وتىرعان قيىن ماسەلەلەردى ءارقانداي ەل دەربەس شەشە المايدى. ءتوراعا شي جينپيڭ بىلاي دەپ اتاپ كورسەتتى: «ەسىك اشۋ − ادامزات وركەنيەتىنىڭ العا باسۋىنداعى ماڭىزدى قوزعاۋشى كۇش، دۇنيە ءجۇزىنىڭ گۇلدەنىپ، دامۋىندا، ءسوزسىز، باسىپ وتەتىن جول». اناعۇرلىم دارقان كوڭىل كۇيمەن جانە شارامەن بۇكىل جەر شارى بازارىنىڭ بالكۇلشەسىن ۇلكەيتىپ، بۇكىل جەر شارى ورتاق يگىلىكتەنەتىن مەحانيزمدى ناقتىلاندىرىپ، بۇكىل جەر شارى سەلبەستىگىنىڭ ءتاسىلىن جانداندىرىپ، ەكونوميكانىڭ جاھاندانۋىنىڭ قوزعاۋشى كۇشىن نەعۇرلىم زورايتىپ، كەدەرگىنى نەعۇرلىم كىشىرەيتىپ، سولعۇرلىم جاقسى ىستەپ، اشىق سەلبەسەتىن، اشىق جاڭالىق اشاتىن، اشىق بىرگە يگىلىكتەنەتىن دۇنيە ءجۇزى ەكونوميكاسىن بىرگە قۇرعاندا عانا دۇنيە ءجۇزى ەكونوميكاسىنىڭ داعدارىستان ەرتەرەك قۇتىلۋىن ىلگەرىلەتۋگە بولادى. دامۋ − ادامزات قوعامىنىڭ ماڭگىلىك تاقىرىبى، تەك دامۋدى جەبەيتىن حالىقارالىق ورتاق تانىمدى بىرگە ۇيىستىرىپ، دامۋعا ءتيىمدى حالىقارالىق ورتانى بىرگە قالىپتاستىرىپ، عالامدىق دامۋدىڭ جاڭا قوزعاۋشى قۋاتىن بىرگە جەتىلدىرىپ، عالامدىق دامۋدىڭ سەرىكتەستىك قاتىناسىن بىرگە ورناتىپ، جالپىعا بىردەي، تەپە - تەڭ، سايكەستى، سيىسىمدى، سەلبەسىپ تەڭ يگىلىكتەنەتىن، بىرگە گۇلدەنىپ - كوركەيەتىن دامۋ ارناسىن بىرگە اشىپ، گۇلدەنىپ، دامۋدىڭ جاڭا ءداۋىرىن بىرگە اشقاندا عانا دامۋ جەتىستىكتەرىنەن ءار ەل حالقىن اناعۇرلىم كوپ، ءادىل يگىلىكتەندىرۋگە بولادى. ادامزاتتىڭ تاعدىرلاس ورتاق تۇلعاسىن قۇرۋ − دۇنيە جۇزىندەگى ءار ەل حالقى بولاشاعىنىڭ تياناعى، دۇنيە جۇزىندەگى داڭعىل جولدى بىرگە سالىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرىپ، وركەنيەتتەردىڭ اۋىس - كۇيىسى ارقىلى وركەنيەتتەردىڭ كىربەڭدىگىنەن، وركەنيەتتەردىڭ ءوزارا ۇلگى الۋى ارقىلى وركەنيەتتەردىڭ قاقتىعىسىنان، وركەنيەتتەردىڭ قاتار ءومىر ءسۇرۋى ارقىلى وركەنيەتتەردىڭ ۇستەمدىگىنەن اسىپ ءتۇسىپ، ءتۇرلى دۇنيە جۇزىلىك سىن - سايىسقا بىرگە توتەپ بەرگەندە عانا ءار ەل تاتۋ - ءتاتتى ءوتىپ، سەلبەسىپ تەڭ يگىلىككە كەنەلەدى، اناعۇرلىم گۇلدەنگەن، كوركەم دۇنيە ءجۇزىن قۇرۋعا بولادى.
تاريحتىڭ جالپى اۋقىمى بويىنشا العا ۇمتىلىپ، دۇنيە ءجۇزىنىڭ دۇرىس جولىمەن ءجۇرىپ، الىسقا اتتانايىق. جۇڭگو سىرتقا ەسىك اشۋ سىندى نەگىزگى مەملەكەت ساياساتىندا تاباندى بولىپ، ءوزارا تيىمدىلىك جەتكىزىپ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، جۇڭگونىڭ جاڭا دامۋى ارقىلى دۇنيە جۇزىنە تىڭ وراي جاراتىپ بەرەدى. جۇڭگو ەسىك اشۋدا، توماعا – تۇيىقتىققا سالىنباۋدا تاباندى بولىپ، ءوزارا پايدا جەتكىزىپ، تەڭ يگىلىككە كەنەلۋدە، نولدىك جيىنتىق ويىنىنا سالىنباۋدا تاباندى بولىپ، ادىلدىكتى جاقتاۋدا تاباندى بولىپ، تاريحتىڭ دۇرىس جاعىندا، ادامزات وركەنيەتىنىڭ العا باسۋى جاعىندا تۇرىپ، بەيبىت دامۋ جولىمەن جۇرۋدە باستان - اياق تاباندى بولىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولدى. جۇڭگو العا قويعان دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسى بۇگىنگى دۇنيە ءجۇزى ءدوپ كەلىپ وتىرعان حاۋىپ - قاتەر مەن سىن - سايىستى شەشۋدە ماڭىزدى ستراتەگيالىق مانگە يە، جۇڭگو حالىقارالىق قوعاممەن بىرگە قۇلشىنا تياناقتاندىرۋدى قالايدى. جۇڭگو تىلدەسۋدە، كەڭەسۋدە تاباندى بولىپ، باياندى، بەيبىت دۇنيە ءجۇزىن قۇرۋدى ىلگەرىلەتەدى؛ بىرگە قۇرۋدا، بىرگە يگىلىكتەنۋدە تاباندى بولىپ، جاپپاي حاۋىپسىز دۇنيە قۇرۋدى ىلگەرىلەتەدى؛ سەلبەسىپ، تەڭ يگىلىكتەنۋدە تاباندى بولىپ، بىرگە گۇلدەنىپ - كوركەيگەن دۇنيە ءجۇزىن قۇرۋدى جەبەيدى؛ اۋىس - كۇيىستە، ءوزارا ۇلگى الۋدا تاباندى بولىپ، اشىق، سيىسىمدى دۇنيە ءجۇزىن قۇرۋدى جەبەيدى؛ جاسىل، تومەن كومىرتەكتى بولۋدا تاباندى بولىپ، تازا، كورىكتى دۇنيە ءجۇزىن ورناتۋدى ىلگەرىلەتەدى.
ءبىز سىن - سايىسقا تولى داۋىردە ءارى ۇمىتكە تولى داۋىردە جاساپ وتىرمىز. دۇنيە جۇزىندەگى ءار ەل قول ۇستاسا ءبىر نيەت، ءبىر تىلەكتە بولىپ، ءبىر جاعادان باس، ءبىر جەڭنەن قول شىعارىپ، ءوزارا پايدا جەتكىزىپ، تەڭ يگىلىككە كەنەلۋ جەلكەنىن اسقاقتاتىپ، ىنتىماقتاسا سەلبەسۋ تىزگىنىن مىقتى يگەرىپ، ەسىك اشۋ بارىسىندا وراي جاراتىپ، سەلبەستىك بارىسىندا قيىن ماسەلەلەردى شەشىپ، ادامزاتتىڭ تاعدىرلاس ورتاق تۇلعاسىن قۇرۋدىڭ دۇرىس بەتالىسىنا قاراي ەرلىكپەن العا باسسا، ءسوز جوق، سەلبەسىپ تەڭ يگىلىككە كەنەلۋدىڭ ايبىندى كۇشىن ۇيىستىرىپ، العا باسۋ جولىنداعى ءتۇرلى سىن - سايىستى جەڭىپ، ادامزاتتىڭ اناعۇرلىم كوركەم بولاشاعىن قارسى الاتىن بولادى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
