شي جينپيڭ 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا ارناۋ ءسوز سويلەدى
2022.11.07 16:36 كەلۋ قاينارى : شينجياڭ گازەتى
 |
11 - ايدىڭ 4 - كۇنى كەشتە، مەملەكەت ءتوراعاسى شي جينپيڭ بەينە ەكران تاسىلىندە، شاڭحايدا وتكىزىلگەن 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستى ءارى «اشىق، گۇلدەنگەن تاماشا بولاشاقتى بىرگە جاراتايىق» دەگەن تاقىرىپتا ارناۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگىنىڭ 11 - ايدىڭ 4 - كۇنى بەيجيڭنەن بەرگەن حابارى. 11 - ايدىڭ 4 - كۇنى كەشتە، مەملەكەت ءتوراعاسى شي جينپيڭ بەينە ەكران تاسىلىندە، شاڭحايدا وتكىزىلگەن 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستى ءارى «اشىق، گۇلدەنگەن تاماشا بولاشاقتى بىرگە جاراتايىق» دەگەن تاقىرىپتا ارناۋ ءسوز سويلەدى.
شي جينپيڭ بىلاي دەپ اتاپ كورسەتتى: 5 جىلدىڭ الدىندا، مەن ەسىك اشۋدى كەڭەيتىپ، جۇڭگونىڭ ءىرى بازارىن دۇنيە ءجۇزىنىڭ ۇلكەن ورايىنا اينالدىرۋ ءۇشىن، يمپورت كورمەسىن وتكىزۋدى جاريالاعان ەدىم. قازىر يمپورت كورمەسى جۇڭگونىڭ جاڭا دامۋ ارناسىن قالىپتاستىرۋداعى تەرەزەسىنە، جوعارى دەڭگەيدە ەسىك اشۋدى ىلگەرىلەتۋدىڭ تۇعىرىنا، بۇكىل الەم بىرگە يگىلىكتەنەتىن حالىقارالىق الەۋمەتتىك ونىمگە اينالىپ ۇلگەردى.
شي جينپيڭ بىلاي دەپ باسا دارىپتەدى: ەسىك اشۋ − ادامزات وركەنيەتىنىڭ العا باسۋىنداعى ماڭىزدى قوزعاۋشى كۇش، دۇنيە ءجۇزىنىڭ گۇلدەنۋىندە، دامۋىندا، ءسوزسىز، باسىپ وتەتىن جول. قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى ەكونوميكاسىنىڭ قالپىنا كەلۋ قوزعاۋشى كۇشى جەتكىلىكسىز بولىپ وتىر. ءبىز ەسىك اشۋ ارقىلى دامۋداعى قيىنشىلىقتى شەشىپ، ەسىك اشۋ ارقىلى سەلبەسۋ كۇشىن شوعىرلاندىرىپ، ەسىك اشۋ ارقىلى جاڭالىق اشۋ جاعدايىن ۇيىستىرىپ، ەسىك اشۋ ارقىلى بىرگە يگىلىكتەنۋ باقىتىن كوزدەپ، ەكونوميكانىڭ جاھاندانۋىنىڭ ۇزدىكسىز العا بەت الۋىن ىلگەرىلەتىپ، ءار ەلدىڭ دامۋ قوزعاۋشى قۋاتىن نىعايتىپ، دامۋ جەتىستىكتەرىنەن ءار ەل حالىقتارىن اناعۇرلىم كوپ، اناعۇرلىم ءادىل يگىلىكتەندىرۋىمىز كەرەك.
شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، ەكونوميكانىڭ جاھاندانۋى سىندى دۇرىس بەتالىستان جازباي، ەل ءىشى، حالىقارا سىندى ەكى بازاردىڭ، ەكى ءتۇرلى بايلىقتىڭ بىرلەسىپ ارەكەتتەنۋ اسەرىن كۇشەيتىپ، جۇڭگونىڭ تىڭ دامۋى ارقىلى دۇنيە جۇزىنە تىڭ ورايلاردى ۇزدىكسىز ازىرلەپ، اشىق دۇنيە ءجۇزى ەكونوميكاسىن قۇرۋدى ىلگەرىلەتەدى دەپ باسا دارىپتەلدى.
− جۇڭگو ءار ەلدىڭ، ءار جاقتىڭ جۇڭگونىڭ ءىرى بازار ورايىنان بىرگە يگىلىكتەنۋىن ىلگەرىلەتىپ، قۋاتتى ەل ءىشى بازارىن جەدەل قۇرىپ، زات ساۋداسىن ساپالىلاندىرىپ، دەڭگەيىن ءوسىرۋدى ىلگەرىلەتىپ، قىزمەت وتەۋ ساۋداسىنىڭ دامۋ مەحانيزمىندە جاڭالىق اشىپ، ساپالى ونىمدەر يمپورتىن كەڭەيتىپ، ”جىبەك جولى ەلەكتروندى ساۋداسى“ سەلبەستىگىن الدىمەن جۇرگىزەتىن اۋماقتى تۇلعالاپ، مەملەكەتتىڭ قىزمەت وتەۋ ساۋداسىن جاسامپازدىقپەن دامىتۋدان ۇلگى كورسەتۋ اۋماعىن قۇرىپ، ساۋدانى جاسامپازدىقپەن دامىتۋدى جەبەپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتەدى.
− جۇڭگو ءار ەلدىڭ، ءار جاقتىڭ تۇزىمدىك ەسىك اشۋ ورايىنان بىرگە يگىلىكتەنۋىن ىلگەرىلەتىپ، ەرەجە، قاعيدا، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، جاڭا نۇسقاداعى «شەتەل ساۋداگەرلەرىن قارجى قوسۋعا شابىتتاندىراتىن كاسىپ سالاسى ءتىزىمىن» ويداعىداي اتقارىپ، مەملەكەتتىڭ قىزمەت وتەۋ كاسىپتەرىندە سىرتقا ەسىك اشۋدى كەڭەيتۋدەن كەشەندى ۇلگى كورسەتۋ اۋماعى قۇرىلىسىن تەرەڭدەتەدى؛ ەركىن ساۋدا سىناق رايونىنىڭ دەڭگەيىن جوعارىلاتۋ ستراتەگياسىن اتقارىپ، حاينان ەركىن ساۋدا پورتىن جەدەل قۇرىپ، رەفورمالاۋ، ەسىك اشۋ كەشەندى سىناق تۇعىرىنىڭ رولىن ويداعىداي ساۋلەلەندىرەدى.
− جۇڭگو ءار ەلدىڭ، ءار جاقتىڭ حالىقارالىق سەلبەستىكتى تەرەڭدەتۋ ورايىنان بىرگە يگىلىكتەنۋىن ىلگەرىلەتىپ، دۇنيە جۇزىلىك ساۋدا ۇيىمى رەفورماسى كەلىسسوزىنە جاپپاي، ىشكەرىلەي قاتىناسىپ، ساۋدا مەن قارجى قوسۋدىڭ ەركىندەسۋىن، قولايلىلاسۋىن ىلگەرىلەتىپ، حالىقارالىق ماكرولىق ەكونوميكا ساياساتىن سايكەستىرۋدى جەبەپ، الەمدىك دامۋدىڭ جاڭا قوزعاۋشى قۋاتىن بىرگە جەتىلدىرىپ، «جان - جاقتى جانە العا باسقان تىنىق مۇحيت اتتاعان سەرىكتەستىك قارىم - قاتىناس كەلىسىمىنە» جانە «سيفرلى ەكونوميكا سەرىكتەستىك قارىم - قاتىناس كەلىسىمىنە» كىرۋدى بەلسەندىلىكپەن ىلگەرىلەتىپ، الەمدى بەتكە العان جوعارى ولشەمدى ەركىن ساۋدا رايونى تورىن كەڭەيتىپ، قالىڭ وركەندەپ كەلە جاتقان ەلدەردىڭ جەدەل دامۋىن تاباندىلىقپەن قولداپ جانە وعان كومەكتەسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.
شي جينپيڭ سوڭىندا بىلاي دەپ باسا دارىپتەدى: جول تابانىمىزدىڭ استىندا، نۇرلى بولاشاق الدىمىزدا. جۇڭگو ءار ەلمەن بىرگە ناعىز كوپ جاقتىلىقتى امالياتتا ايگىلەپ، اناعۇرلىم كوپ ەسىك اشۋ ورتاق تانىمىن ۇيىستىرىپ، الەم ەكونوميكاسىنىڭ دامۋى ءدوپ كەلگەن قيىنشىلىقتار مەن سىن - سايىستاردى بىرگە جەڭىپ، ەسىك اشۋدىڭ الەمدىك دامۋعا جاڭا نۇرلى بولاشاق اكەلۋىنە مۇمكىندىك جاساۋدى قالايدى.
 |
11 - ايدىڭ 4 - كۇنى كەشتە، مەملەكەت ءتوراعاسى شي جينپيڭ بەينە ەكران تاسىلىندە، شاڭحايدا وتكىزىلگەن 5 - كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستى ءارى «اشىق، گۇلدەنگەن تاماشا بولاشاقتى بىرگە جاراتايىق» دەگەن تاقىرىپتا ارناۋ ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى گاۋ جيە تۇسىرگەن
|
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
