ەل ىشىندە ماي باعاسىن رەتتەۋ تەرەزەسى 11 - ايدىڭ 21 - كۇنى اشىلادى
جىل باسىنان بەرى ەسەپتەگەندە، «سەگىزىنشى رەت تومەندەۋى» مۇمكىن
2022.11.21 14:40 كەلۋ قاينارى : حالىق تورابى
ماتەريالدىق سۋرەت: ماي قۇيۋ پۋنكتى. جۇڭگو اقپارات تورابى قازىنا - ەكونوميكا ارناسى گى چىڭ فوتوسى
جۇڭگو اقپارات تورابى قازىنا - ەكونوميكا ارناسى 11 - ايدىڭ 21 - كۇنى حابارلايدى (گى چىڭ) 11 - ايدىڭ 21 - كۇنى ساعات 24 تە، جاڭا كەزەكتى وڭدەلگەن مۇناي ماعاسىن رەتتەۋ تەرەزەسى اشىلادى. وڭدەلگەن مۇناي باعاسى «ەكى رەت جالعاستى وسكەن سوڭ»، جىل باسىنان بەرى «سەگىزىنشى رەت» تومەندەۋى مۇمكىن.
«وسى رەتكى باعا ەسەپتەۋ اينالىمى باستالعاننان بەرى، حالىقارادا ماي باعاسىندا زور مولشەردە تولقۋ تۋىلدى، ورتاشا باعا مولشەرى الدىڭعى اينالىمداعىمەن سالىستىرعاندا قايتادان تومەندەدى. شيكىزاتتىق مۇناي باعاسىنىڭ ىقپالىنا ۇشىراعاندىقتان، وسى اينالىمداعى وزگەرىس مولشەرى وڭ باعىتتان تەرىس باعىتقا قاراي ىشكەرىلەي جىلجىدى». جينليانچۋاڭ سەرىكتەستىگىنىڭ وڭدەلگەن مۇناي باعاسىنا تالداۋ جاساۋشىسى ۋاڭ شاننىڭ ايتۋىنشا، ا ق ش دوللارى كورسەتكىشىنىڭ ءبىر مەزەت تومەندەۋى، سونداي - اق، گەوساياسي جاعدايدىڭ ۋشىعۋى سەبەبىنەن مۇناي باعاسىندا ازداپ جوعارىلاۋ بولعانىمەن، ا ق ش فەدەراتسيالىق اقشا قورى جۇيەسىنىڭ ءوسىم ۇستەمەلەۋى، دۇنيە ءجۇزى ەكونوميكاسىنىڭ قۇلدىراۋى، مۇناي باعاسىنىڭ قىمبات بولۋى، سونداي - اق، ىندەت قاتارلى سەبەپتەردىڭ بارلىعى دا مۇناي ونىمدەرىن تۇتىنۋعا اۋىر قىسىم ءتۇسىردى.
قۇرىلىمداردىڭ ەسەپتەۋىنشە، 11 - ايدىڭ 18 - كۇنى وسى رەتكى وڭدەلگەن مۇناي باعاسىن رەتتەۋ اينالىمىنىڭ توعىزىنشى قىزمەت كۇنىنە دەيىن، سالىستىرۋعا بولاتىن شيكىزاتتىق مۇناي ونىمدەرىنىڭ ورتاشا باعاسى ءار باررەلىنە 90.40 ا ق ش دوللارى بولىپ، وزگەرىس مولشەرى %1.85- بولعان، مەجەمەن ەل ىشىندەگى بەنزين مەن ديزەلدىڭ باعاسىنىڭ تومەندەۋ مولشەرى ءار تونناسىنا 130 - 140 يۋان بولادى، بەنزين مەن ديزەلدىڭ ءار ليترىنە شاققاندا 0.1 يۋان جانە 0.12 يۋان تومەندەتىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
