وقۋ – اعارتۋ مينيسترلىگى 2023 – جىلعى اسپيرانتتىق ەمتيحانعا قاتىستى قىزمەتتەرگە ورنالاستىرۋ جاسادى
ەمتيحان بەرەتىن ورىنىنان سىرت جەردە بوگەلىپ قالعان ەمتيحان بەرۋشىلەردىڭ سىرت جەردە ەمتيحان بەرۋ جونىندە ءوتىنىش تاپسىرۋىنا بولادى
2022.12.08 15:58 كەلۋ قاينارى : حالىق تورابى
حالىق تورابىنىڭ ءتىلشسى لي يحۋان 12 – ايدىڭ 7 – كۇنى بەيجيڭنەن حابارلايدى. ءتىلشىنىڭ وقۋ – اعارتۋ مينيسترلىگىنەن ۇعىسۋىنشا، مەملەكەتتىك 2023 – جىلعى اسپيرانتتىق ەمتيحان 2022 – جىلى 12 – ايدىڭ 24 – كۇنىنەن 26 – كۇنىنە دەيىن الىنادى. وقۋ – اعارتۋ مينيسترلىگى جەر – جەردەن ۇيىمدىق جاقتان جەتەكشىلىك ەتۋدى جانە شارت – جاعداي جاراتىپ قامتاماسىزداندىرۋدى، ەمتيحان بەرۋشىلەرگە قىزمەت وتەۋدى جاقسارتۋدى، ىندەتتەن ساقتانۋ – تىزگىندەۋ مەن ەمتيحان الۋدى ۇيىمداستىرۋ قىزمەتىن جوعارى ونىمدىلىكپەن ءبىرتۇتاس جوسپارلاپ، ويداعىداي ىستەۋدى، «ەمتيحاندى بەلگىلەنگەن ۋاقىتتا الۋ»، «ەمتيحان بەرۋگە تيىستىلەردىڭ بارلىعىنا ەمتيحان بەرەتىن وراي جاراتۋ»، «اسپيرانتتىق ەمتيحاندى تىنىش وتكىزۋ» قاتارلى قىزمەت نىسانالارىن ىسكە اسىرۋدى تالاپ ەتتى.
بىرىنشىدەن، ەمتيحاندى ۇيىمداستىرۋ شارت – جاعدايىنا كەپىلدىك ەتۋدى كۇشەيتۋ كەرەك. جەر – جەر ۇيىمدىق باسشىلىقتى كۇشەيتىپ، ءارقايسى تاراۋلارمەن سەلبەسە وتىرىپ، ەمتيحاندى ۇيىمداستىرۋداعى ءتۇرلى شارت - جاعدايدى قامتاماسىزداندىرۋى، ەمتيحان الاڭى، قىزمەتكەر، زاتتىق جاقتاعى جانە ەمتيحان بارىسىنداعى ىندەتتەن ساقتانۋ جاعىنداعى ءتۇرلى شارالاردى دەر كەزىندە تولىق تياناقتاندىرۋى، ەمتيحان الۋدىڭ ورنىقتى بولۋىنا كەپىلدىك ەتۋى كەرەك. جوعارى مەكتەپتەر نەگىزگى تۇلعالىق جاۋاپكەرشىلىكتى شىنايى تياناقتاندىرىپ، ەمتيحان الاڭىن ورنالاستىرۋ، قىزمەتكەرلەردى كۋرسكە قاتىناستىرۋ قاتارلى قىزمەتتەردى ويداعىداي ىستەۋى، مەكتەپتەگى وقۋ تاۋىساتىن جىلدىقتاعى ستۋدەنتتەردىڭ تۇرمىسىن ورنالاستىرۋدى جانە ولارعا قامتاماسىزداندىرۋ جاعىندا قىزمەت وتەۋدى كۇشەيتۋ كەرەك.
ەكىنشىدەن، ەمتيحان بەرۋشىلەردىڭ سىرت جەردە ەمتيحان بەرۋىنە قاتىستى قىزمەتتەردى ويداعىداي ىستەۋ كەرەك. جەر – جەردىڭ ءىس جۇزىندىك جاعدايى مەن ەمتيحان بەرۋشىلەر كوڭىل ءبولىپ وتىرعان ماسەلەلەردى ويلاستىرا وتىرىپ، ءىشىنارا ەمتيحان بەرۋشىلەردىڭ ەمتيحان بەرەتىن جەرگە بارۋداعى قيىنشىلىعىن شەشۋ ءۇشىن، قازىر ءالى دە ەمتيحان بەرەتىن ورنىنان سىرت ولكەدە بوگەلىپ قالعان ءارى ەمتيحان بەرەتىن ورنىنا قايتۋى شىنىمەن دە قيىن بولعان ەمتيحان بەرۋشىلەردىڭ 12 – ايدىڭ 8 – كۇنى تۇستەن بۇرىن ساعات 8 دەن 12 – ايدىڭ 10 – كۇنى تۇستەن بۇرىن ساعات 8 گە دەيىن، «جۇڭگو اسپيرانتتىق ەمتيحان ينفورماتسياسى تورابىنا» شىعىپ، سىرت جەردە ەمتيحان بەرۋ ينفورماتسياسىن تولتىرۋىنا ءارى ءوتىنىش تاپسىرۋىنا بولادى. اسىلگى ەمتيحان بەرەتىن ورنى تۇرعان ولكە دارەجەلى وقۋ – اعارتۋ تاراۋىنىڭ ەمتيحان ارقىلى وقۋشى قابىلداۋعا جاۋاپتى قۇرىلىمى قاتىستى ولكەلەردى سايكەستىرىپ، ءوتىنىشتى ماقۇلداۋدان وتكىزگەن سوڭ، سىرت جەردە ەمتيحان بەرۋ ءىسىن ءبىرتۇتاس جوسپارلاپ ورنالاستىرادى.
ەمتيحان بەرۋشىلەر سىرت جەردە ەمتيحان بەرۋگە قويىلاتىن ناقتى تالاپتار مەن ادىستەر جونىندە اسىلگى ەمتيحانعا تىزىمدەلگەن جەردەگى ولكە دارەجەلى وقۋ- اعارتۋ تاراۋلارىنىڭ ەمتيحان ارقىلى وقۋشى قابىلداۋعا جاۋاپتى قۇرىلىمدارىنان كەڭەس سۇراۋىنا بولادى. ولكە كولەمىندە سىرت جەردە ەمتيحان بەرۋ ءىسىن ءارقايسى ولكە دارەجەلى وقۋ – اعارتۋ تاراۋلارىنىڭ ەمتيحان ارقىلى وقۋشى قابىلداۋعا جاۋاپتى قۇرىلىمدارى ءىس جۇزىندىك جاعدايعا قاراي ورنالاستىرادى.
ۇشىنشىدەن، ەمتيحانعا قاتىستى قىزمەت وتەۋ قىزمەتتەرىن جاقسارتۋ. وقۋ – اعارتۋ مينيسترلىگى جەر – جەردەن قاتىستى تاراۋلارمەن بەلسەندى سايكەسىپ، ەمتيحان بەرۋشىلەردىڭ ءجۇرىس – تۇرىس، تاماقتانۋ جانە جاتىن ورىن، تازالىق، ورتا قاتارلى جاقتارداعى زارۋلىكتەرىنە قاتىستى قىزمەت وتەۋدى ىشكەرىلەي جاقسارتۋدى تالاپ ەتتى. ساياساتتى ۇگىتتەۋدى كەڭىنەن ورىستەتىپ، ەمتيحاندى ۇيىمداستىرۋ، ىندەتتەن ساقتانۋ تالابى قاتارلى ينفورماتسيالاردى دەر كەزىندە، دۇرىس جاريالاۋ كەرەك. ەمتيحان بەرۋشىلەردىڭ جاعدايى مەن كوڭىل – كۇيىنە، دەنساۋلىعىنا ءجىتى نازار اۋدارىپ، ادامگەرشىلىك تۇرعىسىنان كوڭىل ءبولۋدى كۇشەيتىپ، قيىنشىلىعى بار ەمتيحان بەرۋشىلەردى سۇيەمەلدەۋ قىزمەتىن شىنايى، ويداعىداي ىستەۋ كەرەك. ەمتيحان بەرۋشىلەردىڭ كەڭەس سۇراۋىنا ارنالعان ارنانى ىركىلىسسىزدەندىرىپ، جەدەل ارەكەتتەنۋ مەحانيزمىن كەمەلدەندىرىپ، ەمتيحان بەرۋشىلەر كوڭىل بولەتىن ماسەلەلەرگە دەر كەزىندە جاۋاپ قايتارۋ ءارى ۇيلەسىمدى ءبىر جاقتى ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
