جۇڭگو ۇلگىسىندەگى وسىزامانداندىرۋ − پارتيانىڭ حالىققا باسشىلىق ەتىپ ۇزاق ۋاقىت ىزدەنىس جاساۋىنىڭ جانە امالياتتان وتكىزۋىنىڭ كەلەلى تابىسى
− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا سويلەگەن ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
«حالىق گازەتىنىڭ» شولۋشىسى
2023.02.09 16:33 كەلۋ قاينارى : حالىق تورابى
«جۇڭگو ۇلگىسىندەگى وسىزامانداندىرۋ نازارياسىن جيناقتاپ العا قويۋ جانە ىشكەرىلەي پايىمداۋ − پارتيا 20 - قۇرىلتايىنىڭ ماڭىزدى نازاريالىق جاسامپازدىعى، عىلمي سوتسياليزمنىڭ ەڭ جاڭا كەلەلى جەتىستىگى». ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايى سىندى ستراتەگيالىق تۇرعىدان جۇڭگو ۇلگىسىندەگى وسىزامانداندىرۋداعى ءبىرقىدىرۋ كەلەلى نازاريالىق جانە امالياتتىق ماسەلەنى ىشكەرىلەي پايىمدادى. باس شۋجي شي جينپيڭنىڭ ماڭىزدى ءسوزىنىڭ تۇرعىسى بيىك، كوز اياسى كەڭ، يدەياسى تەرەڭ، مازمۇنى باي، بۇل − جۇڭگو ۇلگىسىندەگى وسىزامانداندىرۋ نازارياسىنىڭ بارىنشا بايىتىلۋى جانە دامىتلۋى، اسا كۇشتى ساياسي، نازاريالىق، باعىتتامالىلىق، جەتەكشىلىك سيپاتقا يە، بۇكىل پارتيانىڭ جۇڭگو ۇلگىسىندەگى وسىزامانداندىرۋدى دۇرىس ءتۇسىنىپ، پارتيا 20 - قۇرىلتايىنىڭ رۋحىن جاپپاي ۇيرەنىپ، جان - جاقتى يگەرىپ، جاپپاي تياناقتاندىرىپ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن قۇلشىنا اشۋىندا توتەنشە كەلەلى ماڭىز الادى.
تاياۋ زاماننان كەيىن مەملەكەت قورلانىپ، حالىق كۇيزەلىپ، وركەنيەت زوبالاڭعا كىرىپتار بولىپ، جۇڭحۋا ۇلتى بۇرىن بولماعان ناۋبەتكە ۇشىرادى. ۇلتتى جويىلۋدان قۇتقارۋ ءۇشىن سانسىز ارداگەرلەر كەۋدە كەرىپ اتتان سالىپ، وتاندى قۇتقارۋدىڭ ءتۇرلى جوبالارىن ارت - ارتىنان ورتاعا قويدى، ءبىراق ءبارى دە جەڭىلىسپەن تىندى. جۇڭگونىڭ وسىزاماندانۋ جولىن قاراستىرۋدىڭ ماڭىزدى مىندەتى جۇڭگو كوممۋنيستىك پارتياسىنا تاريحي تۇردە جۇكتەلدى. 100 جىلدان بەرى پارتيامىزدىڭ جۇڭگو حالقىن ىنتىماقتاستىرىپ جانە باستاپ جۇرگىزگەن بارلىق كۇرەسى ەلىمىزدى وسىزاماندانعان قۇدىرەتتى ەل ەتىپ قۇرىپ شىعىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولىپ وتىر. جاڭا دەموكراتيالىق توڭكەرىس داۋىرىندە پارتيا حالىقتى ىنتىماقتاستىرىپ جانە باستاپ، قان كەشىپ شايقاس جاساپ، قاجىماس قايسارلىق كورسەتىپ، حالىق قوجا بولعان جۇڭحۋا حالىق رەسپۋبليكاسىن قۇرىپ، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىرىپ، وسىزامانداندىرۋدى جۇزەگە اسىرۋعا ءتۇبىرلى قوعامدىق شارت - جاعداي جاراتتى. جاڭا جۇڭگو قۇرىلعاننان كەيىن پارتيا حالىقتى ىنتىماقتاستىرىپ جانە باستاپ، سوتسياليستىك توڭكەرىس جۇرگىزىپ، سوتسياليستىك نەگىزگى ءتۇزىمدى ورناتىپ، دەربەس، ءبىرشاما كەمەلدى ونەركاسىپ جۇيەسى مەن حالىق شارۋاشىلىعى جۇيەسىن ورناتىپ، وسىزامانداندىرۋ قۇرىلىسىنا ءتۇبىرلى ساياسي العى شارت جانە باعالى تاجىريبە، نازاريالىق دايىندىق، زاتتىق نەگىز قالادى. رەفورما جاساپ، ەسىك اشۋ جانە سوتسياليستىك قۇرىلىستىڭ جاڭا داۋىرىندە پارتيامىز پارتيا مەن مەملەكەتتىڭ قىزمەت وزەگىن ەكونوميكالىق قۇرىلىسقا قاراتۋ، رەفورما جاساپ، ەسىك اشۋ سىندى تاريحي شەشىمىن جاساپ، اماليات نەگىزىندە نازاريادا جاڭالىق جاراتۋ، تۇزىمدە جاڭالىق جاراتۋ، مادەنيەتتە جاڭالىق جاراتۋ جانە باسقا جاقتاردا جاڭالىق جاراتۋدى زور كۇشپەن ىلگەرىلەتىپ، سوتسياليستىك بازار شارۋاشىلىعى ءتۇزىلىسىن جۇرگىزىپ، جۇڭگو ۇلگىسىندەگى وسىزامانداندىرۋعا تىڭ ومىرشەڭدىك كۇشكە يە ءتۇزىلىس كەپىلدىگىن جانە تەز قارقىنمەن دامۋدىڭ زاتتىق شارت - جاعدايىن ازىرلەدى.
پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، ۇدەرە العا تارتىپ، جاڭا جۇڭگو قۇرىلعاننان، اسىرەسە، رەفورما جاساپ، ەسىك اشقاننان بەرگى ۇزاق ۋاقىتتىق ىزدەنىس پەن اماليات نەگىزىندە ۇزدىكسىز العا باسىپ، نازاريا مەن اماليات جاعىنداعى جاڭالىق اشۋدى، قامال الۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. تانىم جاعىندا ۇزدىكسىز تەرەڭدەتىپ، جاڭا داۋىردەگى جۇڭگوشا سوتسياليزم يدەياسىن ورناتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا شارىقتاۋىن جۇزەگە اسىرىپ، جۇڭگو ۇلگىسىندەگى وسىزامانداندىرۋعا ءتۇبىرلى تياناق ازىرلەدىك؛ جۇڭگو ۇلگىسىندەگى وسىزامانداندىرۋدىڭ مازمۇنى مەن ءمانى جونىندەگى تانىمدى ونان ارى تەرەڭدەتىپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيپتەرىن جيناقتاپ قالىپتاستىرىپ، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسىن العاشقى ادىمدا ورناتىپ، جۇڭگو ۇلگىسىندەگى وسىزامانداندىرۋدىڭ اناعۇرلىم ايقىن، اناعۇرلىم عىلمي، اناعۇرلىم كورنەكى ءارى ۇتىمدى بولۋىنا مۇمكىندىك جاسادىق. ستراتەگيالىق جاقتان ۇزدىكسىز كەمەلدەندىرىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ ستراتەگياسى، مەملەكەتتى دارىندىلارمەن قۇدىرەتتەندىرۋ ستراتەگياسى، اۋىل - قىستاقتى گۇلدەندىرۋ ستراتەگياسى سياقتى ءبىرقىدىرۋ كەلەلى ستراتەگيانى ىشكەرىلەي اتقارىپ، جۇڭگو ۇلگىسىندەگى وسىزامانداندىرۋعا بەرىك ستراتەگيالىق تىرەك ازىرلەدىك. اماليات بارىسىندا ۇزدىكسىز بايىتىپ، ءبىرقىدىرۋ وزگەرىس سيپاتتى امالياتتى ىلگەرىلەتىپ، ءبىرقىدىرۋ قامال الۋ سيپاتتى ىلگەرىلەۋشىلىكتى جۇزەگە اسىرىپ، ءبىرقىدىرۋ بوگەنايلىق جەتىستىككە قول جەتكىزىپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزۋدى، تاريحي وزگەرىستەردىڭ جارىققا شىعۋىن، اسىرەسە، مۇلدەم كەدەيلىك ماسەلەسىن جويىپ، جاپپاي دوڭگەلەك داۋلەتتى قوعام ورناتۋدى ىلگەرىلەتىپ، جۇڭگو ۇلگىسىندەگى وسىزامانداندىرۋعا اناعۇرلىم كەمەلدى تۇزىمدىك كەپىل، اناعۇرلىم بەرىك زاتتىق نەگىز، اناعۇرلىم ىرىقتى رۋحاني كۇش - قۋات ازىرلەدىك.
باس شۋجي شي جينپيڭ بىلاي دەپ اتاپ كورسەتتى: «جۇڭگو ۇلگىسىندەگى وسىزامانداندىرۋ − پارتيامىزدىڭ بۇكىل ەلدەگى ءار ۇلت حالقىنا باسشىلىق ەتىپ ۇزاق ۋاقىت ىزدەنىس جاساپ جانە اماليات بارىسىندا جاپا - ماشاقاتتى باستان كەشىرىپ، وراسان زور بوداۋ بەرىپ قول جەتكىزگەن كەلەلى تابىسى، ءبىز، ءسوز جوق، بارىنشا قاستەرلەپ، باستان - اياق تاباندى بولىپ، ۇزدىكسىز كەڭەيتۋىمىز جانە تەرەڭدەتۋىمىز كەرەك». جاڭا داۋىرگە قادام تاستاعاندا، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ اۋىرلىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى، شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى ورنى تۇراقتاندىرىلىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنى تۇراقتاندىرىلعاندىقتان عانا پارتيا پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ىقپال جاسايتىن كورنەكتى قايشىلىقتار مەن ماسەلەلەردى پارمەندى شەشىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى بۇرۋعا بولمايتىن تاريحي بارىسقا وتۋىنە تۇبىرىنەن كەپىلدىك ەتىپ، جۇڭگو ۇلگىسىندەگى وسىزامانداندىرۋدى ءساتتى ىلگەرىلەتتى جانە كەڭەيتتى. اماليات «ەكىنى تۇراقتاندىرۋدىڭ» بارلىق قيىنشىلىقتار مەن كەدەرگىلەردى جەڭۋدىڭ، بارلىق تۇراقسىزدىققا توتەپ بەرۋدىڭ ەڭ ۇلكەن تۇراقتىلىعى، ەڭ ۇلكەن ارىنى، ەڭ ۇلكەن كەپىلى ەكەنىن، جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى مانگە يە ەكەنىن تولىق دالەلدەدى. جاڭا جورىقتا «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاپ، جولدى وزگەرتپەۋدە، مۇراتتان اينىماۋدا تاباندى بولىپ، مەملەكەت پەن ۇلتتىڭ دامۋىن ءوز كۇشىمىزدىڭ تياناعىنا قويۋدا، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋدە تاباندى بولىپ، جۇڭگو ۇلگىسىندەگى وسىزامانداندىرۋدىڭ داڭعىل جولىن بويلاپ ارشىندى قاداممەن العا ىلگەرىلەگەندە ەلىمىزدى، ءسوز جوق، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋعا بولادى.
پارتيانىڭ 20 - قۇرىلتايى جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە ءسوز جوق، مىقتى يگەرۋگە ءتيىستى كەلەلى پرينسيپتەرىن تەرەڭ پايىمداپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسىن جاساپ، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرىن دامىتۋدىڭ نىسانا - مىندەتتەرىن ايقىنداپ، ەكپىندەي ىلگەرىلەۋدىڭ جاڭا جورىعىنىڭ داۋىرلىك دابىلىن قاقتى. باس شۋجي شي جينپيڭ وسى رەتكى زەرتتەۋ - تالقى كۋرسىنىڭ ساباق باستاۋ سالتىندا سويلەگەن ماڭىزدى سوزىندە: «پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاعى مەن تاعدىرىنا، ەڭ سوڭىندا ءساتتى - ءساتسىز بولۋىنا تىكەلەي قاتىستى»، «جۇڭگو ۇلگىسىندەگى وسىزامانداندىرۋدا ءار ەلدىڭ وسىزاماندانۋىنىڭ ورتاق ەرەكشەلىگى بولۋمەن بىرگە، ءوز مەملەكەت جاعدايىمىزدى نەگىز ەتكەن ايقىن ەرەكشەلىگى دە بار»، «جۇڭگو ۇلگىسىندەگى وسىزامانداندىرۋ قالىڭ وركەندەپ كەلە جاتقان ەلدەردىڭ وسىزاماندانۋعا قادام تاستاۋىنا ۇلگى بولىپ، وعان شىت جاڭا تالعام ازىرلەدى» دەپ اتاپ كورسەتتى، «جۇڭگو ۇلگىسىندەگى وسىزامانداندىرۋدى ىلگەرىلەتۋ − جۇيەلى ينجەنەريا، ءبىر تۇتاس جوسپارلاپ، تەڭ ءمان بەرىپ، جۇيەلى جوبالاپ، جالپى تۇلعالىق جاقتان ىلگەرىلەتۋ كەرەك» دەگەندى دارىپتەدى، «ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋدا تاباندى بولىپ، امانشىلىقتا جامانشىلىقتىڭ بولارىن ويلاپ، كۇن ىلگەرى قامدانىپ، باتىلدىقپەن كۇرەس جۇرگىزۋ، شەبەرلىكپەن كۇرەس جۇرگىزۋ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا جاڭا ءورىس اشۋدى» تالاپ ەتتى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن، پارتيا ورتالىق كوميتەتىنىڭ شەشىم، ورنالاستىرۋلارىمەن بىرلىككە كەلتىرىپ، ءوز رايونىمىزدىڭ، ءوز تاراۋىمىزدىڭ، ءوز ورنىمىزدىڭ ءتۇرلى قىزمەتتەرىن تىڭعىلىقتى ويداعىداي يگەرىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، پارتيا 20 - قۇرىلتايىندا العا قويىلعان نىسانا - مىندەتتەردى تاباندىلىقپەن ناقتاپ تياناقتاندىرۋىمىز كەرەك.
جۇڭگو ۇلگىسىندەگى وسىزامانداندىرۋ − پارتيامىزدىڭ حالىققا باسشىلىق ەتىپ ۇزاق ۋاقىت ىزدەنىس جاساۋىنىڭ جانە امالياتتان وتكىزۋىنىڭ كەلەلى تابىسى، ۇلى دا جاپالى ءىس. جاپا - ماشاقاتقا تولى بولعاندىقتان عانا ۇلى بولىپ وتىر، جاپا - ماشاقاتقا تولى بولعاندىقتان عانا داڭققا يە بولىپ وتىر. قازىر بۇكىل پارتيا، بۇكىل ەلدەگى ءار ۇلت حالقى اسقاق جىگەرمەن جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جۇڭگو ۇلگىسىندەگى وسىزامانداندىرۋ سىندى قۇدىرەتتى ەل قۇرىپ، ۇلتتى گۇلدەندىرۋدىڭ بىردەن - ءبىر دۇرىس جولمەن بۇلجىماي ءجۇرىپ، سەنىمدى بەكەمدەپ، ىنتىماقتاسا كۇرەس جۇرگىزىپ، شىندىققا جۇگىنىپ، ناقتى ءىس ىستەپ، قايسارلىقپەن كۇرەس جۇرگىزىپ، جاڭا داۋىردەگى جۇڭگوشا سوتسياليزمنىڭ تىڭ داستانىن ۇزدىكسىز جازىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قۇلشىنا قول جەتكىزەيىك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
