ساياسي كەڭەس مەملەكەتتىك 14 - كەزەكتى كوميتەتىنىڭ 1 - ءماجىلىسى اقپار جاريالاۋ ءماجىلىسىن وتكىزدى
جاڭا داۋىردەگى حالىق ساياسي كەڭەسى ىستەرىندە جاڭا بەينە، تىڭ تىنىس جارىققا شىقتى
2023.03.04 17:15 كەلۋ قاينارى : حالىق تورابى
«حالىق گازەتى»، 3 – ايدىڭ 3 – كۇنى، بەيجيڭ (تىلشىلەر جاۋ شياۋشي، گى مىڭچاۋ). ساياسي كەڭەس مەملەكەتتىك 14 - كەزەكتى كوميتەتىنىڭ 1 – ءماجىلىسى 3 - ايدىڭ 3 - كۇنى تۇستەن كەيىن حالىق سارايىنىڭ اقپار جاريالاۋ زالىندا اقپار جاريالاۋ ءماجىلىسىن وتكىزدى. ءماجىلىستىڭ اقپارات مالىمدەمەشىسى گو ۋەيمين جۇڭگولىق، شەتەلدىك اقپارات قۇرالدارىنا وسى رەتكى ماجىلىسكە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.
گو ۋەيمين بىلاي دەپ تانىستىردى: ساياسي كەڭەس مەملەكەتتىك 14 - كەزەكتى كوميتەتىنىڭ 1 – ءماجىلىسى 3 - ايدىڭ 4 - كۇنى تۇستەن كەيىن ساعات 3 تە حالىق سارايىندا اشىلادى، 3 - ايدىڭ 11 - كۇنى تۇستەن كەيىن جابىلادى، ءماجىلىس ۋاقىتى 7 جارىم كۇن. وسى رەتكى ءماجىلىس كەزىندە اشىلۋ جيىنى، جابىلۋ جيىنى، سونداي – اق 2 رەتكى ماجىلىستە سوزگە شىعۋ ورنالاستىرىلىپ، 8 رەتكى گرۋپپالار ءماجىلىسى اشىلادى. اشىلۋ جيىنىندا، جابىلۋ جيىنىندا شەتەلدەردىڭ جۇڭگودا تۇراتىن ەلشىلەرى سىرتتاي تىڭداۋعا ۇسىنىس ەتىلەدى.
ءماجىلىستىڭ باستى كۇن ءتارتىبى: مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتىنىڭ احۋالى جونىندەگى باياندامانى تىڭداۋ جانە قاراۋ؛ مەملەكەتتىك 14 - كەزەكتى حالىق قۇرىلتايىنىڭ 1 - ماجىلىسىنە سىرتتاي قاتىناسۋ، ۇكىمەت قىزمەتىنەن باياندامانى جانە باسقا دا قاتىستى باياندامالاردى تىڭداۋ جانە تالقىلاۋ؛ جۇڭگو حالىق ساياسي ءماسليحات كەڭەسى ۋستاۆىنىڭ وزگەرىس ەنگىزىلگەن جوباسى، مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ ساياسي قارارى سياقتى قاۋلىلار مەن باياندامالاردى قاراپ قابىلداۋ؛ ساياسي كەڭەس 14 - كەزەكتى مەملەكەتتىك كوميتەتىنىڭ ءتوراعاسىن، ءتوراعاسىنىڭ ورىنباسارلارىن، باس حاتشىسىن جانە تۇراقتى مۇشەلەرىن سايلاۋ.
وتكەن 5 جىلداعى قىزمەتتەرگە قايىرىلا قاراعاندا، گو ۋەيمين بىلاي دەپ تانىستىردى: مەملەكەتتىك 13 - كەزەكتى ساياسي كەڭەستىڭ 1 - ماجىلىسىنەن بەرى ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، حالىق ساياسي كەڭەسىنىڭ امالياتتا جاڭالىق اشۋىن، نازاريادا جاڭالىق اشۋىن، تۇزىمدە جاڭالىق اشۋىن تىڭعىلىقتى ىلگەرىلەتىپ، جاڭا داۋىردەگى حالىق ساياسي كەڭەسى ىستەرىندە جاڭا بەينە، تىڭ تىنىستى جارىققا شىعاردى. مەملەكەتتىك ساياسي كەڭەس حالىق ساياسي كەڭەسىنىڭ سيپاتى مەن ورنىن دۇرىس يگەرىپ، حالىق ساياسي كەڭەسى ىستەرىن دامىتۋدىڭ دۇرىس باعىتىن بەكەمدەدى؛ نازاردى وزەكتى مىندەتكە شوعىرلاندىرىپ، مەملەكەتتىڭ زور ىستەرىن كوكەيدە ساقتاپ، حالىق كوڭىل بولەتىن ىستەردى كەڭەسىپ، ۇكىمەت ىسىنە اقىل - كەڭەس بەردى؛ ورتاق تانىمدى كەڭىنەن ۇيىستىرىپ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن توپتادى؛ مۇشەلەردىڭ تۇلعالىق رولىن ساۋلەلەندىرىپ، مۇشەلەردىڭ جاۋاپكەرلىك ارقالاۋىن اناعۇرلىم كۇشەيتتى.
تانىستىرۋعا قاراعاندا، مەملەكەتتىك ساياسي كەڭەس ساپالى دامۋدى ىلگەرىلەتۋ، «14 – بەسجىلدىق» جوبانى جاساۋ جانە اتقارۋ جونىندە كەڭەس بەرىپ، ۇسىنىس قويىپ، باقىلاۋ ورىستەتكەن، ارناۋلى تاقىرىپتا ۇكىمەت ىسىنە كەڭەس بەرۋ سيپاتتى تۇراقتى كوميتەت ءماجىلىسى، ارناۋلى تاقىرىپتاعى كەڭەس ءماجىلىسى، قوس اپتالىق كەڭەس اڭگىمە ءماجىلىسى سياقتىلاردى 100 رەتتەن استام وتكىزگەن. 5 جىلدان بەرى جالپى 29 مىڭنان استام ۇسىنىس جوبا تاپسىرىپ العان، ءتۇرلى قوعام جاعدايى، حالىق رايى ينفورماتسيالارىنان 9 مىڭنان استامىن قۇراستىرىپ جولداعان.
ساياسي كەڭەس مەملەكەتتىك 14 - كەزەكتى كوميتەتىنىڭ مۇشەلەرى مىندەتىن اتقارۋ الدىندا تۇر، گو ۋەيمين مىنانى ءىبلدىردى: ساياسي كەڭەس مەملەكەتتىك 14 - كەزەكتى كوميتەتىنىڭ مۇشەلەرى قازىر 2 مىڭ 169 ادام، 34 سالادان كەلگەن. مۇنىڭ ىشىندە ج ك پ – نىڭ مۇشەسى ەمەس مۇشەلەر %60.8 تى ۇستايدى. 56 ۇلتتىڭ بارىندە مۇشە بار. مۇشەلەردىڭ ەسىمدىگى جاڭا داۋىردەگى مەملەكەتتىك ساياسي كەڭەستىڭ ەڭ كەڭ كولەمدى وتانشىلدىق بىرلىكساپ ۇيىمى جانە كەڭەس دەموكراتياسىنىڭ ماڭىزدى ارناسى بولۋ تالابىنا ۇيلەسەدى، مىناداي ەرەكشەلىكتەرگە يە: ءبىرىنشى، ۋاكىلدىك سيپاتى كەڭ، ەكىنشى، قۇرىلىمى اناعۇرلىم ساپالىلاندى، ءۇشىنشى، جاڭادان مىندەت وتەۋ جانە ءۇرتىس مىندەت وتەۋ سالىستىرماسى ءبىرشاما ۇيلەسىمدى، ءتورتىنشى، مۇشەلەردىڭ ساپاسى ءبىرشاما جوعارى.
«جۇڭگو ەكونوميكاسى تەبىندى تۇردە قالپىنا كەلە مە، جوق پا» دەگەن ماسەلەگە جاۋاپ بەرگەندە، گو ۋەيمين بىلاي دەدى: مۇشەلەر جاپپاي بىلاي دەپ قارايدى: قازىر ەلىمىزدىڭ دامۋى ءدوپ كەلىپ وتىرعان جاعداي ءالى دە كۇردەلى، قاتاڭ، ەكونوميكانى قالپىنا كەلتىرۋدىڭ نەگىزى ءالى بەرىك ەمەس. سونىمەن بىرگە، ەلىمىز بازار كولەمى، كاسىپ جۇيەسى، ادام كۇشى بايلىعى سياقتى جاقتاردا مىعىم نەگىزگە يە، ەكونوميكاسى كۇشتى، كومەسكى كۇشى زور، ومىرشەڭدىك كۇشى جەتكىلىكتى. 2023 - جىلى ەكونوميكالىق قىزمەتتى ويداعىداي ىستەۋ سەنىمىن بەكەمدەپ، ورنىقتى ارتتىرۋدى ماڭداي الدى ورىنعا قويىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
