«پاراۆوز» بولىپ، اۋىل - قىستاقتى گۇلدەندىرۋدىڭ «ۇدەۋىن» بايقاتتى! (10 جىلدىق ەكى ءماجىلىس • مەيىر - شاپاعات ەستەلىگى)
شينحۋا اگەنتتىگىنىڭ تىلشىلەرى رىن چينچين، يۋان مين، جاۋ شياۋيۇي
2023.02.28 16:02 كەلۋ قاينارى : حالىق تورابى
«بىزدەگى ‹ساۋشيان ءدامىن› توراپتاستاردىڭ تۇسىنە الاتىن - المايتىنىن بىلمەيمىز».
«الاڭسىز بولىڭىز، بۇل قىستاعىمىزدىڭ جەرگىلىكتى ەرەكشە ونىمدەرىن شىنايى كورسەتىپ بەرە الادى!»
اپپارات كوزى الدىندا ورتا جاستاعى ۋاڭ يىنشياڭ مەن 20 جاستارداعى تۇعىر جۇرگىزۋشىسى ازىلدەسىپ وتىر.
بىرنەشە مينۋت ىشىندە شاندۇڭنىڭ باتىس وڭتۇستىگىندەگى وسى قىستاقتىڭ تىكە تاراتۋ بولمەسىنىڭ اعىم مولشەرى ءۇرتىس جوعارىلادى.
ورگانيكالىق تۇرمىستى باستان كەشىرۋ سارايى، ەكولوگيالىق مال فەرماسى، سەيىل - سەرۋەن اۋىل شارۋاشىلىعى... نەبارى جارتى كۇندە ۋاڭ يىنشياڭ ءتىلشىنى 4 - 5 ايالداماعا ەرتىپ باردى.
«بيىل 63 جاسقا كەلىپسىز، ءالى دە جىگەرىڭىز تاسقىنداپ تۇر ەكەن!» دەدى ءتىلشى تەبىرەنە.
«باس شۋجيدىڭ بىزگە بەرگەن قايراتى ەمەس پە! باس شۋجي ماعان: ‹تەاتر جاقسى بولۋ ءۇشىن ورىنداۋشى مىقتى بولۋى كەرەك› دەدى. سىزشە، تەاتر قويۋشىلار رۋحسىز بولسا، اۋىل – قىستاقتى گۇلدەندىرۋدىڭ ۇلكەن ساحناسى قانداي كۇيگە تۇسپەك؟» ۋليدۇڭ قىستاعى پارتيا ياچەيكاسىنىڭ وسى شۋجيى بىردەم جايلانىپ وتىرىپ، سۋ ءىشىپ، سول رەتكى ەستەن كەتپەس پىكىرلەسۋدى ەسكە الدى.
2018 - جىلى 3 - ايدىڭ 8 - كۇنى تۇستەن بۇرىن باس شۋجي شي جينپيڭ مەملەكەتتىك حالىق قۇرىلتايىندا شاندۇڭ ۋاكىلدەر ۇيىرمەسىنىڭ باياندامانى قاراۋىنا قاتىناستى. ۋاڭ يىنشياڭ ناق مايداندا ءسوز سويلەدى.
جايشىلىقتا كوڭىلى تولقىپ تۇراتىن ول ءتۇن بويى اۋناقشىپ شىقتى، «سونشاما كوپ ءسوزىمىز بار، باس شۋجيگە نەدەن باستاپ ايتسام ءجون بولار ەكەن؟ ءومىرىمنىڭ جارتىسىنان كوبىن قىستاق پارتيا ياچەيكاسىنىڭ شۋجيى بولىپ مىندەت ارقالاۋعا ارناعان مەن قىزمەت جونىندەگى اسەرىمدى ايتۋعا تياناقتادىم».
باس شۋجيمەن شىن مانىندە بەتپە - بەت كەلگەن سول ساتتە ول ونشالىقتى ابىرجىپ كەتپەدى. «باس شۋجي تاياۋ ارلىقتا وتىر، ءتۇسى جىلى ەكەن، سونشالىقتى جاقىن سەزىندىم، بەينە ءوز ۇيىمدەگىلەردەي كورىندى».
بىرىنشىدەن كەدەي، ەكىنشىدەن اق كەدەي قىستاقتان شارۋاشىلىعى شالقىعان باي قىستاق بولعانعا دەيىن ۋليدۇڭ قىستاعى قانداي قاجىرلىلىق تانىتتى؟ جىلۋ اتاپ، جيعان - تەرگەندى بەرىپ، قىستاق تۇرعىندارىن جەردى اينالىمعا سالۋعا باستاپ، مال شارۋاشىلىعىن، كوكونىس، گۇل - ءشوپ كاسىبىن دامىتتىق… ول اسەرلەنە سويلەۋدە، باس شۋجي مۇقيات تىڭداۋدا.
«پارتيا مۇشەلەرى باستاماشىلدىقپەن ۇلەس قوسۋى، ياچەيكا شۋجيلەرى اتويلاپ الدا ءجۇرۋى كەرەك. قىستاق دارەجەلى ۇيىمداردىڭ قۇرىلىسى جاقسى بولىپ، قىستاق كادرلارى جاقسى جەتەكشىلىك ەتكەندە عانا، كوپشىلىك ءبىر نيەتپەن سەلبەسىپ دامۋعا تالپىناتىن بولادى» دەدى ۋاڭ يىنشياڭ كوتەرىڭكى داۋىسپەن.
ونىڭ ءسوزىن تىڭداعان سوڭ باس شۋجي شي جينپيڭ تەرەڭ اسەرمەن بىلاي دەدى: «بولاشاقتا قالا - قالاشىقتانۋ شاماسى %70 كە جەتكەن كۇننىڭ وزىندە دە، بۇكىل ەلدە 400 ميلليوننان استام ادام ءالى دە اۋىل - قىستاقتا تۇرمىس كەشىرەدى... تەاتر جاقسى بولۋ ءۇشىن ورىنداۋشى مىقتى بولۋى كەرەك، ادام كەتسە، قىستاق بوس قالسا، جەر بوس قالسا، اۋىل - قىستاقتى گۇلدەندىرۋ بوس سوزگە اينالادى».
«باس شۋجيدىڭ الاڭداپ وتىرعانى ءدال ءبىزدىڭ اۋىل - قىستاق ءدوپ كەلگەن ەڭ ۇلكەن ماسەلە ەدى». ۋاڭ يىنشياڭ ءوزىنىڭ شىن جۇرەكتەن باس شۋجيگە العىس بىلدىرگەنىن ايتتى، «ول اۋىل - قىستاقتىڭ جاعدايىن شىن نيەتىمەن ۇعىسىپ، شارۋالاردىڭ تۇرمىسىن كوڭىل تورىنە قويىپ وتىردى، اۋىلداستاردىڭ بولاشاعىن شىنايى جوسپارلادى!»
پويەزدىڭ تەز ءجۇرۋى پاراۆوزعا بايلانىستى. باس شۋجي تاعى دا: «ءبىرىنشى شۋجي، ستۋدەنت قىستاق كادرى، اۋىل - قىستاق قىزمەت اترەتى سياقتى فورمالار ارقىلى نەگىزگى ساتى پارتيا ۇيىمدارىن بەكەمدەۋ كەرەك»، «سان مىڭداعان پارمەندى اۋىل - قىستاق نەگىزگى ساتى پارتيا ۇيىمدارىن قۇرىپ، سان مىڭداعان ۇزدىك اۋىل - قىستاق نەگىزگى ساتى پارتيا ۇيىمدارىنىڭ شۋجيلەرىن باۋلىپ جەتىلدىرۋ كەرەك» دەپ قاداعالاي تاپسىردى.
اۋىل - قىستاقتى كاسىپ سالاسى، دارىندىلار، مادەنيەت، ەكولوگيا، ۇيىم سىندى «بەس جاقتان گۇلدەندىرۋدى» ىلگەرىلەتىپ، «وزىندىك ەرەكشەلىككە يە وسى زامانعى گۇلدەنىپ – كوركەيگەن اۋىل - قىستاقتى كەستەلەۋ كەرەك» − وسى رەتكى تالقىدا باس شۋجي شي جينپيڭ اۋىل - قىستاقتى گۇلدەندىرۋدىڭ جول كارتاسىن ايقىن كەسكىندەدى.
«قىستاعىمىزدىڭ پارتيا ياچەيكاسى باس شۋجيدىڭ تاپسىرماسىن ەستە بەرىك ساقتاپ، كۇش ۇستىنە كۇش قوسىپ، جۇمىستى تىڭعىلىقتى ورىنداپ، كوپشىلىكتى جاقسى تۇرمىسقا جەتەكتەيدى!»
بەيجيڭنەن قىستاققا قايتىپ كەلە سالىپ ۋاڭ يىنشياڭ باس شۋجيدىڭ ءسوزىن اۋىلداستارعا قاز - قالپىندا ايتىپ بەردى. كوپشىلىك باس شۋجيدىڭ تالابىن شىنايى تياناقتاندىرۋعا بەل بايلادى.
ۋليدۇننىڭ «وسى زامانعى گۇلدەنىپ – كوركەيگەن قىستاق» كارتيناسىن قالاي سالۋ كەرەك؟ ۋاڭ يىنشياڭ قىستاق پارتيا ياچەيكاسىن باستاپ تەكسەرۋ - زەرتتەۋ جۇرگىزىپ، 2019 - جىلدان 2035 - جىلعا دەيىنگى دامۋ جوباسىن جاسادى.
دامۋدا نازاردى كاسىپ سالاسىن گۇلدەندىرۋگە جانە زەردەلى اۋىل شارۋاشىلىعىن دامىتۋعا اۋدارىپ، اۋىل شارۋاشىلىق ونىمدەرىنىڭ كاسىپ تىزبەگىن ۇزارتىپ، شارۋالاردىڭ كىرىسىن ارتتىردى. قازىر ءوندىرىس باقشا رايونى، تۇرمىس الەۋمەتتىك اۋماعى، ەكولوگيالىق كورىنىس ءوڭىرى ءوزارا توعىسقان باۋ - باقشا جالپىلىق تۇلعاسى جوبادان رەالدىققا اينالۋدا.
كوپشىلىكتى باستاپ دۇرىس جولمەن جۇرگەن سوڭ پارتيا ياچەيكاسى تابيعي تۇردە حالىقتىڭ قالاۋىنان شىقتى. تاياۋداعى ەكى جىلدا ۋليدۇڭ قىستاعى پارتيا ياچەيكاسى جاڭادان 6 پارتيا مۇشەسىن قابىلدادى، قىستاق كاسىپورىندارى جاڭادان 10 پارتيا مۇشەسىن قابىلدادى، مۇنىڭ ىشىندە 8 ادام 35 جاستان تومەنگى ستۋدەنتتەر.
«باس شۋجي ‹اۋىل - قىستاقتى گۇلدەندىرۋدىڭ قۋاتتى دارىندىلار قوسىنىن قۇرۋدى› العا قويدى، قىستاعىمىزدا قوسىن بار بولدى!» دەدى ۋاڭ يىنشياڭ تەبىرەنە.
«اۋىل - قىستاقتى گۇلدەندىرۋدىڭ تەتىگى پارتيادا»، «اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ كەرەك»... بىرنەشە كۇننەن بەرى ۋاڭ يىنشياڭ قىستاق پارتيا ياچەيكاسىن باستاپ، ورتالىقتىڭ 1 - ءنومىرلى قۇجاتىنىڭ رۋحىن توپتىق ۇيرەنىپ، ۋليدۇڭ قىستاعىنىڭ تىڭ دامۋىن تالقىلادى. ول قىستاقتى ارالاپ وتباسىلاردان جاعداي ۇعىسىپ، كوپشىلىكپەن اڭگىمەلەسىپ، بيىلعى ماجىلىسكە جەتكىزەتىن ۇسىنىسىن ازىرلەۋدە، وسىلايشا قىستاقتىڭ جاڭا اڭگىمەلەرىن ءتىپتى دە كوپ اداممەن بولىسپەك.
«اۋقاتتانا الۋ - الماۋدا ياچەيكانىڭ كۇشتى - السىزدىگىنە قاراۋ كەرەك. ‹پاراۆوز› بولىپ، اۋىل - قىستاقتى گۇلدەندىرۋدىڭ ‹ۇدەۋىن›بايقاتامىز!» ۋاڭ يىنشياڭ بۇعان كامىل سەندى.
(شينحۋا اگەنتتىگى، 2 - ايدىڭ 27 – كۇنى، جينان)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
