بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەملەكەتتىك 14 - كەزەكتى حالىق قۇرىلتايىنىڭ 1 - ءماجىلىسى دايىندىق جيىنىن وتكىزدى

ءماجىلىستىڭ ءتوراعالار القاسىن جانە باس حاتشىسىن سايلادى، ءماجىلىستىڭ كەڭەستىك ءتارتىبىن داۋىسقا سالىپ ماقۇلدادى، ءماجىلىستى لي جانشۋ باسقاردى

2023.03.05 15:28     كەلۋ قاينارى : حالىق تورابى

  شينحۋا اگەنتتىگى، 3 - ايدىڭ 4 - كۇنى، بەيجيڭ. مەملەكەتتىك 14 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 4 - كۇنى تۇستەن بۇرىن بەيجيڭدەگى حالىق سارايىندا دايىندىق جيىنىن وتكىزدى. مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ باستىعى لي جانشۋ ءماجىلىستى باسقاردى. جيىن مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسىن جانە باس حاتشىسىن سايلادى، مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ كەڭەستىك ءتارتىبىن داۋىسقا سالىپ ماقۇلدادى.

  مەملەكەتتىك 14 - كەزەكتى حالىق قۇرىلتايىنىڭ قازىرگى ۋاكىلى 2977 ادام. 3 - ايدىڭ 3 - كۇنىنە دەيىن ءماجىلىستىڭ حاتشىلار باسقارماسىنا كەلىپ تىزىمدەلگەن ۋاكىل 2962 ادام. 3 - ايدىڭ 4 - كۇنگى دايىندىق جيىنىنا 2951 ۋاكىل قاتىناستى، 26 ۋاكىل قاتىناسا المادى، قاتىناسقان ۋاكىل سانى زاڭدا بەلگىلەنگەن ادام سانىنا ۇيلەسەدى.

  لي جانشۋ: مەملەكەتتىك 14 - كەزەكتى حالىق قۇرىلتايىنىڭ 1 - ءماجىلىسى 2023 - جىلى 3 - ايدىڭ 5 - كۇنى اشىلادى، ءماجىلىستىڭ ءتۇرلى دايىندىق قىزمەتتەرى تولىق ءبىتتى، — دەپ جاريالادى.

  لي جانشۋ مىنالاردى اتاپ كورسەتتى: مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ جەتەكشى يدەياسى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءبىرىنشى، ەكىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، جالپى بارىستىق حالىق دەموكراتياسىن دامىتىپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرلىگىن مۇقيات اتقارىپ، ءماجىلىستىڭ ءتۇرلى مىندەتتەرىن تابىسپەن ورىنداپ، ءماجىلىستى دەموكراتيالى، ىنتىماقتى، شىندىققا جۇگىنگەن، ەكپىندەي ىلگەرىلەگەن ءماجىلىس ەتىپ اشىپ، بۇكىل ەلدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاستىرىپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋ.

  مەملەكەتتىك حالىق قۇرىلتايىنىڭ ۇيىمدىق زاڭى مەن مەملەكەتتىك حالىق قۇرىلتايىنىڭ كەڭەستىك ىستەر ەرەجەسىندە بىلاي دەپ بەلگىلەنگەن: ءتوراعالار القاسى مەملەكەتتىك حالىق قۇرىلتايىنىڭ ءماجىلىسىن باسقارادى.

  دايىندىق جيىنىندا سايلانعان ءماجىلىس ءتوراعالار القاسى ءار جاقتاعى ۋاكىل قايراتكەرلەردەن جالپى 192 ادامدى قامتىدى، مۇنىڭ ىشىندە پارتيا مەن مەملەكەت باسشىلارى، ورتالىق اسكەري ىستەر كوميتەتىنىڭ مۇشەلەرى، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، ورتالىق پەن مەملەكەت ورگاندارىنىڭ قاتىستى ورىندارىنداعى باسشى كادرلار، حالىقتىق ۇيىمداردىڭ جاۋاپتىلارى، ولكەلەردىڭ، اۆتونوميالى رايونداردىڭ، توتە قاراستى قالالاردىڭ، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ، ازاتتىق ارميانىڭ جانە قارۋلى ساقشى ءبولىمىنىڭ ۋاكىلدەر ۇيىرمەلەرىنىڭ جاۋاپتىلارى قاتارلىلار، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ، كاسىپورىن، عىلىم - تەحنيكا، قوعامدىق عىلىم، وقۋ - اعارتۋ، ادەبيەت - كوركەمونەر، دەنساۋلىق ساقتاۋ، دەنەتاربيە، مۇھاجىرلار سالاسىنىڭ، ءدىن سالاسىنىڭ ۋاكىلدەرى، سونداي - اق جۇمىسشى، شارۋا، ازاتتىق ارميا، قارۋلى ساقشى سياقتى نەگىزگى ساتىنىڭ ۋاكىلدەرى، حالىق سانى ءبىر ميلليوننان اساتىن از ۇلتتاردىڭ ۋاكىلدەرى قاتارلىلار بار. لي حۇڭجۇڭ ءماجىلىستىڭ باس حاتشىلىعىنا سايلاندى.

  دايىندىق جيىنىندا مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ 9 كەڭەستىك ءتارتىبى ماقۇلداندى.

  مەملەكەتتىك حالىق قۇرىلتايىنىڭ كەڭەستىك ىستەر ەرەجەسىنە ساي، ءار كەزەكتى مەملەكەتتىك حالىق قۇرىلتايى 1 - ءماجىلىسىنىڭ دايىندىق جيىنىن الدىڭعى كەزەكتى مەملەكەتتىك حالىق قۇرىلتايىنىڭ تۇراقتى كوميتەتى باسقارادى. مەملەكەتتىك 13 - كەزەكتى حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ جيىنعا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

2 - ايدىڭ 22 - كۇنى حيلۇڭجياڭ ولكەسى تۇڭجياڭ قالاسىنىڭ بەيزاتتىق مادەنيەت مۇرالارى كورمە سارايىندا ليۋ لەي (وڭنان 3 -) كۋرسانتتارمەن بىرگە «ۋسسۋريداعى قايىقشىلار ءانىن» شىرقاۋدا. سۋرەتتى شينحۋا اگەنتتىگىنىڭ ءتىلشىسى ۋاڭ جيانۋەي تۇسىرگەن


سۋرەتتە: شاندۇڭ ولكەسى تاي - ان شينتاي قالاسى جيلي يۋانچىڭ - بىنتۋ جاڭا ەنەرگيالى ساۋدا اۆتوموبيلىن ءوندىرۋ سەحى. سۋرەتتى شينحۋا اگەنتتىگىنىڭ ءتىلشىسى سۇن شياۋحۇي تۇسىرگەن


2022 - جىلى 4 - ايدىڭ 29 - كۇنى يۇنناننىڭ يۇيشي دەگەن جەرىندە «داۋال سۋرەتشىلەرى» ۇسىنىس بويىنشا جاڭارتۋ جۇرگىزىلگەن قالا - قالاشىقتاعى كونە شاعىن اۋماقتاردىڭ داۋال قابىرعاسىنا سۋرەت سالۋدا. سۋرەتتى شينحۋا اگەنتتىگىنىڭ ءتىلشىسى حۋ چاۋ تۇسىرگەن