مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ ءتوراعالار القاسى 1 - جيىنىن وتكىزدى
جاۋ لىجي قاتارلى 11 ادامدى ءتوراعالار القاسىنىڭ تۇراقتى ءتوراعالىعىنا سايلادى
2023.03.05 15:29 كەلۋ قاينارى : حالىق تورابى
«حالىق گازەتى»، 3 - ايدىڭ 4 - كۇنى، بەيجيڭ (ءتىلشى جاڭ تيانپەي). مەملەكەتتىك حالىق قۇرىلتايىنىڭ ۋاكىلى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى جاۋ لىجي 3 - ايدىڭ 4 – كۇنى وتكىزىلگەن مەملەكەتتىك 14 - كەزەكتى حالىق قۇرىلتايى 1 – ءماجىلىسى ءتوراعالار القاسىنىڭ 1 – جيىنىندا ءتوراعالار القاسىنىڭ تۇراقتى ءتوراعالىعىنا سايلاندى. وسى قاتاردا ءتوراعالار القاسىنىڭ تۇراقتى ءتوراعالىعىنا سايلانعانداردان تاعى لي گانجيە، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا بار.
مەملەكەتتىك 14 - كەزەكتى حالىق قۇرىلتايى 1 – ءماجىلىسىنىڭ دايىندىق جيىنىندا سايلانعان ءماجىلىس ءتوراعالار القاسى 3 - ايدىڭ 4 – كۇنى تۇستەن بۇرىن حالىق سارايىندا 1 – جيىنىن وتكىزدى. جيىنعا قاتىناسۋعا ءتيىستى ادام سانى 192، قاتىناسقانى 192، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
مەملەكەتتىك حالىق قۇرىلتايىنىڭ كەڭەستىك ىستەر ەرەجەسىنە ساي، جيىن الدىمەن مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ باستىعى لي جانشۋدىڭ باسقارۋىندا ءماجىلىس ءتوراعالار القاسىنىڭ تۇراقتى ءتوراعالارىن سايلادى.
ءتوراعالار القاسى تۇراقتى ءتوراعالارىنىڭ قىزمەت جاۋاپكەرلىگى: ءتوراعالار القاسى جيىنىن شاقىرۋ جانە باسقارۋ؛ ءتوراعلار القاسىنىڭ قاراپ شىعۋىنا ۇسىنىلاتىن ىستەر تۋراسىندا حاتشىلار باسقارماسىنىڭ جانە قاتىستى ارناۋلى كوميتەتتەردىڭ مالىمەتىن تىڭداۋ، ءتوراعالار القاسىنا ۇسىنىس بەرۋ؛ جيىننىڭ كۇن تارتىبىنە قاجەتتى رەتتەۋ جۇرگىزۋىنە بولادى؛ ۋاكىلدەر ۇيىرمەسى ۇيىرمە باستىقتارى جيىنىن اشىپ، ۇسىنىس جانە قاتىستى باياندامالارداعى كەلەلى ماسەلەلەر جونىنەن ۋاكىلدەر ۇيىرمەلەرىنىڭ قاراپ شىعۋ پىكىرىن ەستۋىنە، تالقى جۇرگىزىنە ءارى تالقى احۋالىن جانە پىكىرلەردى ءتوراعالار القاسىنا مالىمەت ەتۋىنە بولادى؛ كەلەلى ارناۋلى ماسەلەلەر جونىنەن ۋاكىلدەر ۇيىرمەسى كورسەتكەن قاتىستى ۋاكىلدەردى شاقىرىپ تالقى جۇرگىزۋىنە بولادى، جيىننىڭ تالقى احۋالىن جانە پىكىرلەردى ءتوراعالار القاسىنا مالىمەت ەتۋ كەرەك.
ءتوراعالار القاسىنىڭ تۇراقتى ءتوراعالارى سايلانعاننان كەيىن، لي جانشۋ ءتوراعالار القاسىنىڭ تۇراقتى ءتوراعالارىن ءتوراعالار مىنبەسىنە شىعىپ جيىندى باسقارۋعا ۇسىنىس ەتتى. ءتوراعالار القاسىنىڭ تۇراقتى ءتوراعالارى ءتوراعالار مىنبەسىنە شىقتى، لي جانشۋ ولارمەن ىقىلاسپەن قول الىسىپ، قۇرمەت بىلدىرگەن سوڭ جيىن زالىنان شىقتى. بۇكىل زالدان قىزۋ قول شاپالاق ءۇنى كوتەرىلدى.
وسىدان كەيىن ءتوراعالار القاسىنىڭ جيىنى جاۋ لىجيدىڭ باسقارۋىندا مەملەكەتتىك 14 - كەزەكتى حالىق قۇرىلتايى 1 - ءماجىلىسىنىڭ كۇن ءتارتىبىن داۋىسقا سالىپ ماقۇلدادى. ءماجىلىستىڭ كۇن تارتىبىنە ساي، وسى رەتكى ءماجىلىس 3 - ايدىڭ 5 - كۇنى تۇستەن بۇرىن اشىلىپ، 3 - ايدىڭ 13 - كۇنى تۇستەن بۇرىن جابىلادى، ءماجىلىس ۋاقىتى 8 جارىم كۇن بولادى.
مەملەكەتتىك حالىق قۇرىلتايىنىڭ كەڭەستىك ىستەر ەرەجەسىنە ساي، ءتوراعالار القاسىنىڭ 1 - جيىنى سايلاعان ءتوراعالار القاسىنىڭ مۇشەلەرىنىڭ اراسىنان ءبىرقانشا ادام ءار جولعى ءماجىلىس جالپى جيىنىنىڭ اتقارۋشى ءتوراعالىعى مىندەتىن ۇستىنە الادى. جيىن داۋىسقا سالۋ ارقىلى ءماجىلىستىڭ جالپى جيىندارىنىڭ اتقارۋشى ءتوراعالارىن سايلادى.
جيىن داۋىسقا سالۋ ارقىلى ليۋ جۇنچىن، مىڭ شياڭفىڭ، جياڭ شينجى، ليۋ جيانبو، ۋاڭ چاۋدى ءماجىلىس باس حاتشىسىنىڭ ورىنباسارلىعىنا تاعايىنداۋدى ۇيعاردى. جيىن ۋاڭ چاۋدى ءماجىلىستىڭ قوسىمشا مالىمدەمەشىسى ەتىپ تاعايىنداۋدى بەلگىلەدى.
جيىن داۋىسقا سالۋ ارقىلى ءماجىلىستىڭ مەملەكەتتىك 14 - كەزەكتى حالىق قۇرىلتايىنىڭ ارناۋلى كوميتەتتەرىن قۇرۋ جونىندەگى قارار جوباسىن، ءماجىلىستىڭ مەملەكەتتىك 14 - كەزەكتى حالىق قۇرىلتايىنىڭ ارناۋلى كوميتەتتەرىنىڭ مەڭگەرۋشى مۇشەسىن، مەڭگەرۋشى مۇشەسىنىڭ ورىنباسارلارىن، كانديدات مۇشەلەرىن داۋىسقا سالۋ ءادىسى جوباسىن ءارقايسى ۋاكىلدەر ۇيىرمەسىنىڭ قاراۋىنا ۇسىنعاننان كەيىن، ءماجىلىس جالپى جيىنىنىڭ داۋىسقا سالۋىنا ۇسىنۋدى ۇيعاردى.
مەملەكەتتىك حالىق قۇرىلتايىنىڭ كەڭەستىك ىستەر ەرەجەسىندەگى بەلگىلەمەگە ساي، مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ءماجىلىس كەزىندە زاڭ شىعارۋ زاڭىنا وزگەرىس ەنگىزۋ جوباسىن قاراۋىنا تۋرا كەلەدى، مەملەكەتتىك حالىق قۇرىلتايى قازىنا - ەكونوميكا كوميتەتىنىڭ ءماجىلىس كەزىندە حالىق شارۋاشىلىعى مەن قوعامدىق دامۋ جوسپارىن، ورتالىق پەن جەرگىلىكتى ورىننىڭ مەجە ەسەبىن تەكسەرۋىنە تۋرا كەلەدى، سوندىقتان 3 - ايدىڭ 5 - كۇنى تۇستەن بۇرىنعى ءبىرىنشى جالپى ماجىلىستە سايلانىپ شىعۋى كەرەك. جيىن مەملەكەتتىك 14 - كەزەكتى حالىق قۇرىلتايى نەگىزگى زاڭ جانە زاڭدار كوميتەتىنىڭ، قازىنا - ەكونوميكا كوميتەتىنىڭ مەڭگەرۋشى مۇشەلەرىنىڭ، مەڭگەرۋشى مۇشەسىنىڭ ورىنباسارلارىنىڭ، ۇسىنىستىق كانديدات مۇشەلەرىنىڭ ەسىمدىگىن قارادى. جيىن داۋىسقا سالۋ ارقىلى قاتىستى كانديداتتاردى ۋاكىلدەر ۇيىرمەلەرىنىڭ اقىلداسۋىنا ۇسىنعاننان كەيىن، ءماجىلىس جالپى جيىنىنىڭ داۋىسقا سالۋىنا ۇسىنۋدى ۇيعاردى.
جيىن داۋىسقا سالۋ ارقىلى ءماجىلىس كەزىندە ۋاكىلدەردىڭ كەڭەس - جوبا قويۋ ۋاقىتى 3 - ايدىڭ 7 - كۇنى ساعات 12گە دەيىن بولاتىنىن ۇيعاردى. جيىن كەزىندە ءماجىلىس حاتشىلار باسقارماسى ۋاكىلدەر ۇيىرمەسى مەن ۋاكىلدەر جيىن كەزىندە العا قويعان كەڭەس جوبالارىن زەرتتەپ، ءبىر جاقتى ەتۋ پىكىرىن العا قويىپ، ءتوراعالار القاسىنىڭ ۇيعارىم جاساۋىنا مالىمدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
