مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى كەپىلدىك ازىرلەيىك
− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2023.03.21 16:50 كەلۋ قاينارى : حالىق تورابى
”مەملەكەتتى قۇدىرەتتەندىرۋ قۇرىلىسىن ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، پارتيا قۇرىلىسىن شىنايى كۇشەيتۋ كەرەك“. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ بۇكىل پارتيانىڭ، بۇكىل ەل حالقىنىڭ وزەكتى مىندەتىن كوزدە ۇستاي وتىرىپ، مىنانى دارىپتەدى: ”قاي - قاشان دا ۇلكەن پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، جۇرەكتىلىكپەن وزىنە - ءوزى توڭكەرىس جاساپ، پارتيانى جاپپاي قاتاڭ باسقارۋدى ءبىر ءسات تە توقتاتپاي، شىرىكتەسۋگە بۇلجىماي قارسى تۇرىپ، پارتيانىڭ ىنتىماعىن، بىرلىگىن باستان - اياق ساقتاپ، پارتيانىڭ قاسيەتىن ماڭگى ساقتاۋعا، ءتۇسىن ماڭگى وزگەرتپەۋگە، سيپاتىن ماڭگى ساقتاۋعا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە پارمەندى كەپىلدىك ازىرلەۋ كەرەك“.
مەملەكەتتى جونگە سالۋدا، ءسوز جوق، الدىمەن پارتيانى جونگە سالۋ كەرەك، پارتيا كوركەيگەندە عانا مەملەكەتتى قۇدىرەتتەندىرۋگە بولادى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانىڭ باسشىلىعىن جاپپاي كۇشەيتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى − ەڭ جوعارى ساياسي پرينسيپ دەگەندە تاباندى بولىپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، جاڭا داۋىردەگى پارتيا قۇرىلىسىنىڭ باس تالابىن العا قويىپ جانە تياناقتاندىرىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ قىزمەتتەرىنە ءبىر تۇتاس باسشىلىق ەتتى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى پارمەندى قامتاماسىز ەتىلىپ، پارتيانىڭ جالپى جاعدايدى مەڭگەرۋ، ءار جاقتى سايكەستىرۋ سىندى باسشىلىق ۇيىتقىلىق رولى تولىق ساۋلەلەندىرىلىپ، بۇكىل پارتيا يدەيادا اناعۇرلىم بىرلىككە كەلدى، ساياسيدا اناعۇرلىم ىنتىماقتاستى، ارەكەتتە اناعۇرلىم ءبىر اۋىزدىلىقتى ساقتادى. قاجىماي - تالماي قۇلشىنۋ ارقىلى پارتيا تىنىشتىق، بىلىقپالىق، كوركەيۋ، قۇلدىراۋ سىندى تاريح پەريودىنان قالاي اتتاپ ءوتۋدىڭ وزىنە - ءوزى توڭكەرىس جاساۋ سىندى ەكىنشى جاۋابىن تاۋىپ شىقتى، ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتى كورنەكتى كۇشەيىپ، پارتيا توڭكەرىستىك شىڭدالۋ بارىسىندا اناعۇرلىم پارمەندى، اناعۇرلىم ومىرشەڭدىككە تولى بولىپ، پارتيا مەن مەملەكەت ىستەرىندە تاريحي جەتىستىككە قول جەتكىزۋگە، تاريحي وزگەرىستىڭ جارىققا شىعۋىنا ءتۇبىرلى جەتەكشىلىك جانە پارمەندى قامتاماسىزدىق ازىرلەدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي بارىسقا اياق باسۋىن ىلگەرىلەتتى.
جۇڭگو كوممۋنيستىك پارتياسى − ەڭ جوعارى ساياسي باسشىلىق كۇش، جۇڭگو كوممۋنيستىك پارتياسىنىڭ باسشىلىعى − پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىمەن، تاعدىرىمەن بايلانىستى. پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ ماندىك تالابى ايقىن ورتاعا قويىلدى، مۇنداعى ەڭ ماڭىزدىسى − ”جۇڭگو كوممۋنيستىك پارتياسىنىڭ باسشىلىعىندا تاباندى بولۋ“؛ جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، مىقتاپ يگەرۋگە ءتيىستى كەلەلى پرينسيپتەردى ايقىن العا قويدى، مۇنىڭ ءبىرىنشىسى، ”پارتيانىڭ جاپپاي باسشىلىعىندا تاباندى بولۋ جانە ونى كۇشەيتۋ“. مىنانى ىشكەرىلەي تانۋىمىز كەرەك: پارتيامىز 96 ميلليوننان استام مۇشەسى، 4 ميلليون 900 مىڭنان استام نەگىزگى ساتى پارتيا ۇيىمى بار ۇلكەن پارتيا، ميلليارد حالىقتى ىنتىماقتاستىرىپ جانە باستاپ، سوتسياليستىك وسىزاماندانعان مەملەكەتتى جاپپاي قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سىندى تاريحي اۋىر مىندەتتى ارقالاپ وتىر. ءبىز سياقتى ۇلكەن پارتيانى، ۇلكەن ەلدى جونگە سالۋدا، ەگەر پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعى بولماسا، بۇكىل پارتيا، بۇكىل ەل يدەيانى، اياق الىستى بىرلىككە كەلتىرمەسە، ەشقانداي ءىستى ىستەۋگە بولمايدى. جاڭا جورىقتا پارتيانىڭ جاپپاي باسشىلىعىندا بۇلجىماي تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرىپ، پارتيانى باستان - اياق قيىن - قىستاۋ كەزدەردە بۇكىل حالىقتىڭ ەڭ سەنىمدى تىرەگىنە اينالدىرساق بولعانى، ءسوز جوق، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتە الامىز، ىنتىماقتاسا كۇرەس جاسايتىن قۇدىرەتتى ساياسي ۇيىسقىشتىققا، دامۋ سەنىمىنە شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى كۇشىن ۇيىستىرا الامىز.تەمىر سوقساڭ قۇرىش بول. پارتيا 20 - قۇرىلتايىنىڭ بايانداماسىندا ”جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا“ دەپ العا قويىلىپ، پارتيانى جاپپاي قاتاڭ جونگە سالۋدان اۋىتقىماي، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋ جونىندە كەلەلى ورنالاستىرۋ جاسالدى. دۇنيە جۇزىندەگى ەڭ ۇلكەن ماركسيزمدىك بيلىككتى پارتيا رەتىندە، پارتيامىز باستان - اياق حالىقتىڭ قولداۋىنا يە بولىپ، ۇزاق ۋاقىت بيلىك جۇرگىزۋ ورنىن بەكەمدەۋ ءۇشىن، ءسوز جوق، ۇلكەن پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى قاي - قاشان دا ساقتاۋى كەرەك. پارتيا 18 - قۇرىلتايىنان بەرى پارتيانى جاپپاي قاتاڭ جونگە سالۋ ارقىلى پارتيا ىشىندەگى كوپتەگەن كورنەكتى ماسەلە شەشىلدى، الايدا پارتيا ءدوپ كەلگەن ”ءتورت ۇلكەن سىناق“، ”ءتورت ءتۇرلى قاتەر“ ۇزاق ۋاقىت ءومىر سۇرەدى. پارتيانى جاپپاي قاتاڭ جونگە سالۋ ماڭگى جالعاسادى، پارتيانىڭ وزىندىك توڭكەرىسى ماڭگى جالعاسادى. پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ساياتىن تۇرعىدان، پارتيانى جاپپاي قاتاڭ جونگە سالۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتىپ، ماسەلەنى نىشان ەتۋدەن باستان - اياق جازباي، ستراتەگيالىق تۇراقتىلىقتى ساقتاپ، وزىنە تۇبەگەيلى توڭكەرىس جاساۋ رۋحىن ساۋلەلەندىرىپ، ماڭگى اتوي سالۋ دابىلىن قاعىپ، قاتاڭ نەگىزگى اۋەندە، قاتاڭ شارادا، قاتاڭ اۋاندا ۇزاق ۋاقىت تاباندى بولىپ، پارتيانىڭ ۇلى وزىندىك توڭكەرىسىن سوڭىنا دەيىن جۇرگىزگەندە عانا قۇدىرەتتى ەل قۇرۋعا، ۇلتتىڭ گۇلدەنۋىنە، ءسوز جوق، پارمەندى كەپىلدىك ازىرلەۋگە بولادى.
مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى نىساناسى ادامدى جەلپىندىرەدى، العا باسۋعا جەبەيدى. جاڭا نىسانانى بەتكە الىپ، قايراتتانا العا ۇمتىلىپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاپپاي باسشىلىعىندا بۇلجىماي تاباندى بولىپ جانە ونى كۇشەيتىپ، ەمتيحان تاپسىرۋدىڭ سەرگەكتىگى مەن بايسالدىلىعىن ماڭگى ساقتاپ، پارتيانى جاپپاي قاتاڭ جونگە سالۋدى ۇزدىكسىز ىلگەرىلەتىپ، پارتيانىڭ وزىندىك توڭكەرىسى ارقىلى قوعامدىق توڭكەرىسكە جەتەكشىلىك ەتىپ، العا باسۋ جولىنداعى ءتۇرلى قيىنشىلىقتار مەن سىن - سايىستى كۇش سالا جەڭىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسى ءۇشىن ۇزدىكسىز كۇش قوسىپ، داڭق اپەرەيىك!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
