جاۋ لىجي مەملەكەتتىك حالىق قۇرىلتايى تۇراقتى كوميتەتىنىڭ ماجىلىسىنە سىرتتاي قاتىناسقان ۋاكىلدەرمەن اڭگىمەلەسكەندە مىنانى دارىپتەدى
حالىق قۇرىلتايى ۋاكىلدەرىنىڭ زاڭ شىعارۋ قىزمەتىندەگى رولىن ساۋلەلەندىرىپ، زاڭ شىعارۋ ساپاسىن جوعارىلاتۋعا اقىل – پاراسات، كۇش – قۋات قوسۋ كەرەك
«حالىق گازەتى»، (2023 – جىلى 6 – ايدىڭ 30 – كۇنى، 1 – بەت)
2023.06.30 16:53 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 29 – كۇنى، بەيجيڭ (ءتىلشى شيۇڭ فىڭ). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 6 – ايدىڭ 28 – كۇنى 14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 3 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ ۋاكىلدەرىمەن اڭگىمەلەسىپ، پىكىر الماستىردى. ول بىلاي دەپ دارىپتەدى: حالىق قۇرىلتايى ۋاكىلدەرى شي جينپيڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ۇعىنىپ، پارتيا ورتالىق كوميتەتىنىڭ كەلەلى باعىتىن، شەشىم – ورنالاستىرۋىن جانە نەگىزگى زاڭ، زاڭ ءبىلىمىن ۇيرەنىپ، ۇعىنىپ، ساياسي تۇرعىسىن، كاسىپتىك ورەسىن جانە زاڭدىق جەتىلىمىن جوعارىلاتىپ، زاڭ شىعارۋ قىزمەتىندەگى رولىن تولىق ساۋلەلەندىرىپ، زاڭ شىعارۋ ساپاسىن جوعارىلاتۋعا، جاڭا داۋىردەگى زاڭ شىعارۋ قىزمەتىن ويداعىداي ىستەۋگە اقىل – پاراسات، كۇش – قۋات قوسۋى كەرەك.
اڭگىمە ماجىلىسىندە ۋاكىلدەر زاڭ شىعارۋ جوباسىن جاساۋدى، زاڭ جۇيەسىن كەمەلدەندىرۋدى توڭىرەكتەپ، قىزمەت مىندەتىن اتقارۋمەن جانە تەكسەرۋ – زەرتتەۋ احۋالىمەن ۇشتاستىرىپ پىكىر – ۇسىنىستارىن ورتاعا قويدى. جاۋ لىجي مۇقيات تىڭداپ، كوپشىلىكپەن پىكىر الماستىردى. ول بىلاي دەدى: زاڭ شىعارۋ جوباسىن جاساۋ جانە اتقارۋ − پارتيانىڭ زاڭ شىعارۋ قىزمەتىنە باسشىلىعىن كۇشەيتۋدىڭ بەينەلەنۋى، حالىق قۇرىلتايىنىڭ زاڭ شىعارۋ قىزمەتىندە جەتەكشىلىك رول اتقارۋىنىڭ تۇتقاسى، سونداي - اق حالىقتىڭ تىلەگىن قابىلداۋ، حالىقتىڭ اقىل - پاراساتىن شوعىرلاندىرۋ بارىسى. زاڭ شىعارۋ جوباسىن جاساۋدا، زاڭ شىعارۋ قىزمەتىن جاقسى ىستەۋدە بۇقارالىق لۋشياندى دايەكتىلەندىرىپ، حالىق قۇرىلتايى ۋاكىلدەرىنىڭ رولىن ويداعىداي ساۋلەلەندىرىپ، حالىقتىڭ ارمان - تىلەگىن اڭىس ەتىپ، زاڭ شىعارۋدا بۇقارامەن ەتەنە بولۋعا، حالىقتىڭ جاعدايىن تەكسەرۋگە، حالىقتىڭ اقىل - پاراساتىن ۇيىستىرۋعا، حالىق تۇرمىسىنا تيىمدىلىك جاساۋعا مۇمكىندىك جاساۋ كەرەك.
جاۋ لىجي بىلاي دەپ اتاپ كورسەتتى: ماڭىزدى زاڭ جوبالارىن مەملەكەتتىك حالىق قۇرىلتايىنىڭ قاراۋىنا ۇسىنۋدى ءبىر تۇتاس ورنالاستىرىپ، ۋاكىلدەردىڭ زاڭ جوباسىن قاراۋعا جانە داۋىسقا سالۋعا تىكەلەي قاتىناسۋىنا مۇمكىندىك جاراتۋ كەرەك. ماجىلىستەن بۇرىن ۋاكىلدەردى زاڭ جوباسىن زەرتتەپ تالقىلاۋعا الدىن الا ۇيىمداستىرىپ، ۋاكىلدەرگە زاڭ شىعارۋدىڭ استارى، قاراۋ جاعدايى جانە ءتۇيىندى ماسەلەلەر سياقتىلاردى حابارلاندىرىپ، ماجىلىستە قاراۋعا قاتىناسۋعا، داۋىسقا سالۋعا ويداعىداي دايىندالىپ، قاراۋ ساپاسىن جوعارىلاتىپ، زاڭ شىعارۋ مىندەتىن تابىسپەن ورىنداۋعا كەپىلدىك ەتۋ كەرەك.
جاۋ لىجي بىلاي دەپ اتاپ كورسەتتى: ۋاكىلدەردىڭ كەڭەس جوبالارىن قاراۋىن، ۋاكىلدەردىڭ ۇسىنىستارىن ءبىر جاقتى ەتۋدى زاڭ شىعارۋ قىزمەتىمەن تىعىز ۇشتاستىرۋ كەرەك. 14 ـ كەزەكتى مەملەكەتتىك حالىق قۇرىلتايىنىڭ 1 ـ ءماجىلىسى كەزىندە ۋاكىلدەر ۇسىنعان 271 كەڭەستىڭ ىشىندە 268 كەڭەس زاڭ شىعارۋ، زاڭعا وزگەرىس ەنگىزۋ جونىندە بولدى؛ ۋاكىلدەردىڭ ۇسىنىسى دا زاڭ شىعارۋ قىزمەتىنە سايدى. ۋاكىلدەردىڭ كەڭەس جوبالارى مەن ۇسىنىستارىنىڭ مازمۇنىن مۇقيات زەرتتەپ جانە قابىلداپ، ۋاكىلدەردىڭ الىمدى اقىل - كەڭەسىن زاڭ شىعارۋ جوباسىن جاساۋدا جانە زاڭ جوباسىنا وزگەرىس ەنگىزۋدە ايگىلەۋ كەرەك. ۋاكىلدەردىڭ تۇراقتى كوميتەتتىڭ زاڭ شىعارۋ قىزمەتىنە قاتىناسۋىنىڭ كەڭدىگى مەن تەرەڭدىگىن ارتتىرىپ، زاڭ شىعارۋ تەكسەرۋ - زەرتتەۋى، العاشقى نۇسقانى دايىنداۋ، دالەلدەۋ، قاراۋ، باعالاۋ سياقتى بۋىندارداعى قىزمەتتەردە ۋاكىلدەردى، اسىرەسە، نەگىزگى ساتى ۋاكىلدەرىن قاتىناسۋعا ىرىقتىلىقپەن ۇسىنىس ەتىپ، ۋاكىلدەردىڭ پىكىرىن كوپ ارنامەن تىڭداۋ كەرەك. ۋاكىلدەردىڭ تۇراقتى كوميتەتتىڭ زاڭ شىعارۋ قىزمەتىنىڭ جالپى بارىسىنا ات سالىسۋى ارقىلى عىلمي جولمەن زاڭ شىعارۋ، دەموكراتيالىق جولمەن زاڭ شىعارۋ، زاڭ بويىنشا زاڭ شىعارۋ ورەسىن جوعارىلاتىپ، جاسالعان جانە وزگەرىس ەنگىزىلگەن زاڭداردىڭ ءىس جۇزىندىككە ۇيلەسۋىنە، حالىق تىلەگىن ايگىلەۋىنە، ءونىمدى بولۋىنا كەپىلدىك ەتۋ كەرەك.
جاۋ لىجي بىلاي دەپ دارىپتەدى: حالىق قۇرىلتايى ۋاكىلدەرى نەگىزگى ساتىنىڭ ءبىرىنشى شەبىن تياناق ەتىپ، ىشكەرىلەي تەكسەرۋ ـ زەرتتەۋ جۇرگىزىپ، امالياتتىق تالاپتى، بۇقارانىڭ ءۇمىتىن قاتىستى كەڭەس جوبالارىندا، ۇسىنىستاردا جانە قاراۋ لەبىزىندە اڭىس ەتۋى كەرەك. زاڭ شىعارۋ قىزمەتىنىڭ مەحانيزمى مەن تارتىبىنە قانىق بولىپ، ءوزىنىڭ كاسىپتىك ەرەكشەلىگىن ساۋلەلەندىرىپ، سىندارلى پىكىرلەردى كوبىرەك ورتاعا قويىپ، زاڭ شىعارۋ قىزمەتىنە قاتىناسۋداعى ءتول كەشىرمەلەرىمەن ۇشتاستىرىپ، زاڭدى ۇگىتتەۋ، جالپىلاستىرۋ قىزمەتىن ويداعىداي ىستەۋگە سايكەسىپ، نەگىزگى زاڭ مەن زاڭداردىڭ جۇرت جۇرەگىنە تەرەڭ ۇيالاۋىن، حالىق بۇقاراسىنا جەتكىزىلۋىن ىلگەرىلەتۋى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ءماجىلىسىن باسقاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
