حان جىڭ 3 – كەزەكتى جۇڭگو – افريكا ەكونوميكا – ساۋدا كورمەسىنىڭ اشىلۋ سالتىنا قاتىناستى ءارى ءسوز سويلەدى
2023.06.30 16:55 كەلۋ قاينارى : حالىق تورابى
«حالىق گازەتى»، 6 – ايدىڭ 29 – كۇنى، چاڭشا (تىلشىلەر ۋ چيچياڭ، ياڭ شۇن، لو شانشان). مەملەكەت ءتوراعاسىنىڭ ورىنباسارى حان جىڭ 6 – ايدىڭ 29 – كۇنى حۋنان چاڭشادا 3 – كەزەكتى جۇڭگو – افريكا ەكونوميكا – ساۋدا كورمەسىنىڭ اشىلۋ سالتىنا قاتىناستى ءارى ءسوز سويلەدى. مالاۆيدىڭ زۇڭتۇڭى شاكۆيرا، تانزانيا زانزيبار زۇڭتۇڭى مۆيني، افريكا ۇلى قۇرلىق ەركىن ساۋدا رايونىنىڭ باس حاتشىسى مەني، سونداي – اق 68 مەملەكەت پەن رايوننان كەلگەن مىڭنان استام ءار سالا ۋاكىلى قاتىناستى.
حان جىڭ مىنانى ءبىلدىردى: جۇڭگو – افريكا ەكونوميكا – ساۋدا كورمەسىن بەلگىلەۋ − ءتوراعا شي جينپيڭ ءوزى بەكىتكەن، افريكاعا قاراتىلعان كەلەلى سەلبەستىك شاراسى. 2013 – جىلى 3 – ايدا ءتوراعا شي جينپيڭ افريكاعا ساپارلاي بارعاندا افريكاعا قاراتىلعان شىنايى، ادال بولۋ ۇستانىمى مەن دۇرىس ادىلەتتىلىك - مۇددە كوزقاراسىن تۇڭعىش رەت ورتاعا قويدى. 10 جىلدان بەرى حالىقارالىق جاعداي قالاي وزگەرسە دە، جۇڭگو مەن افريكا باستان ـ اياق ادال دوس بولىپ، ىنتىماقتاسا سەلبەستىك جاساپ، جوعارى جىكتەگىلەردىڭ بارىس ـ كەلىسىن اناعۇرلىم جيىلەتىپ، سەلبەستىك كولەمىن ۇزدىكسىز كەڭەيتىپ، سەلبەستىك سالاسىن ۇزدىكسىز ۇلعايتىپ، قۋانىش ـ جۇبانىشى ورتاق تاعدىرلاس ورتاق تۇلعا جانە سەلبەسىپ تەڭ يگىلىككە كەنەلەتىن مۇددە ورتاق تۇلعاسىن قۇرىپ، سۇبەلى تابىستارعا قول جەتكىزىپ، جۇڭگو مەن افريكاداعى قالىڭ حالىققا باقىت جاراتتى.
حان جىڭ بىلاي دەپ اتاپ كورسەتتى: بۇگىنگى دۇنيە جۇزىندە كوپتەگەن سىن ـ سايىس پەن داعدارىس ارالاسىپ، قاباتتاسىپ، دامۋ جىلعاسى ۇزدىكسىز ۇلعايدى. جۇڭگو جاق جۇڭگو ۇلگىسىندەگى وسىزامانداندىرۋ جانە جۇڭگونىڭ ساپالى دامۋى ارقىلى افريكا جاققا جاڭا وراي ازىرلەپ، جۇڭگو مەن افريكانىڭ ناقتى سەلبەستىگىنىڭ تەرەڭدەۋىن، ناقتىلانۋىن ىلگەرىلەتۋدى قالايدى. جۇڭگو جاق افريكانىڭ دەربەس، ءوز ـ وزىنە قوجايىن بولۋ سىندى دامۋ جولىمەن ءجۇرۋىن باتىل قولدايدى، جۇڭگو مەن افريكانىڭ ”ءبىر بەلدەۋ، ءبىر جولدى“ بىرگە قۇرۋ سەلبەستىگىن ىشكەرىلەي ىلگەرىلەتىپ، افريكا ەلدەرىمەن ستراتەگيالىق ۇشتاسۋدى ۇزدىكسىز تەرەڭدەتىپ، كاسىپ تىزبەگى، قامداۋ تىزبەگى سەلبەستىگىن كۇشەيتىپ، بايلانىس جاساۋ دەڭگەيىن كۇش سالا جوعارىلاتىپ، نازاردى باياندى دامۋعا بىرگە شوعىرلاندىرىپ، اشىق دامۋدى تاباندىلىقپەن ىلگەرىلەتىپ، جۇڭگو مەن افريكانىڭ اناعۇرلىم تىعىز تاعدىرلاس ورتاق تۇلعاسىن قۇرۋدى ىلگەرىلەتەدى.
حان جىڭ مىنانى ءبىلدىردى: جۇڭگو مەن افريكانىڭ سەلبەستىگى ۇزدىكسىز كوپ جاقتى، كوپ ساتىلى، ساپالى دامۋعا قاراي بەت الىپ، وڭتۇستىك پەن وڭتۇستىكتىڭ سەلبەستىگىندە جانە حالىقارانىڭ افريكامەن سەلبەستىگىندە ماڭىزدى جەتەكشىلىك رول اتقارىپ، جاڭاشا حالىقارالىق قارىم – قاتىناس قۇرۋدا ۇلگى ورناتتى. وسى كەزەكتى كورمە ”دامۋدى بىرگە قاراستىرىپ، بولاشاقتان بىرگە يگىلىكتەنۋدى“ باس تاقىرىپ ەتتى، الداعى جەردە جۇڭگو، افريكا ەكى جاقتىڭ ۇشتاسۋ، اۋىس – كۇيىس جاساۋىنىڭ، سەلبەستىكتى كەڭەسۋىنىڭ تاماشا تۇعىرىنا اينالادى. جۇڭگونىڭ، افريكانىڭ ءار سالاسىنداعىلاردىڭ كورمە قيمىلىنا بەلسەنە قاتىناسىپ، جۇڭگو مەن افريكانىڭ ەكونوميكا – ساۋدا سەلبەستىگىنىڭ ساپالى دامۋىنىڭ جاڭا داستانىن بىرگە جازىپ، جاڭا داۋىردەگى گۇلدەنىپ – كوركەيۋدەن، جاڭا بولاشاقتان بىرگە يگىلىكتەنۋىن قارسى الامىز.
اشىلۋ سالتىنىڭ الدىندا حان جىڭ كورمە سارايىن ارالاپ كورىپ، جاعداي جونىندەگى مالىمەتتى تىڭداپ، كورمەگە قاتىناسقان قۇرىلىمداردىڭ جاۋاپتىلارىمەن پىكىر الماستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
