شي جينپيڭ 3 - كەزەكتى وركەنيەتتەر اۋىس - كۇيىسى، ءوزارا ۇلگى الۋى سۇقپات ماجىلىسىنە جانە تۇڭعىش كەزەكتى دۇنيە جۇزىلىك جۇڭگو تانۋ ماماندارى جينالىسىنا قۇتتىقتاۋ حاتىن جولدادى
2023.07.04 16:49 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 3 - كۇنى، بەيجيڭ. 7 - ايدىڭ 3 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 3 - كەزەكتى وركەنيەتتەر اۋىس - كۇيىسى، ءوزارا ۇلگى الۋى سۇقپات ماجىلىسىنە جانە تۇڭعىش كەزەكتى دۇنيە جۇزىلىك جۇڭگو تانۋ ماماندارى جينالىسىنا قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: ادامزات تاريحىنىڭ ۇزاق ۇردىسىندە دۇنيە جۇزىندەگى ۇلتتار وزىندىك ەرەكشەلىككە جانە بەلگىگە يە وركەنيەت جاراتتى. تۇرلىشە وركەنيەتتەر ارا تەڭ تۇرعىدا اۋىس - كۇيىس جاساۋ، ءوزارا ۇيرەنۋ، ءوزارا ۇلگى الۋ ادامزاتتىڭ داۋىرلىك قيىن ماسەلەلەردى شەشىپ، بىرگە دامۋدى جۇزەگە اسىرۋىنا قۇدىرەتتى رۋحاني جەتەكشىلىك ازىرلەيدى.
شي جينپيڭ بىلاي دەپ دارىپتەدى: جۇڭگو جاق ءار جاقپەن بىرگە بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ساۋلەلەندىرىپ، دۇنيە جۇزىلىك وركەنيەت باستاماسىن تياناقتاندىرىپ، وركەنيەت اۋىس - كۇيىسى ارقىلى وركەنيەت كىربەڭدىگىنەن، وركەنيەتتىڭ ءوزارا ۇلگى الۋى ارقىلى وركەنيەت قاقتىعىسىنان، وركەنيەتتىڭ سيىسىمدىلىعى ارقىلى وركەنيەتتىڭ باسىمدىعىنان اسىپ ءتۇسىپ، ادامزات وركەنيەتىنىڭ العا باسۋىن قول ۇستاسا جەبەۋدى قالايدى. ءار ەلدىڭ جۇڭگو تانۋ ماماندارىنىڭ جۇڭگو مەن شەتەل وركەنيەتىن توعىستىراتىن ەلشى رەتىندە جۇڭگو مەن شەتەل مادەنيەتىن توعىستىرۋ، دوستىقتى، سەلبەستىكتى كۇشەيتۋ جولىندا اناعۇرلىم بەلسەندى قۇلشىنىستار جاساۋىن ءۇمىت ەتەمىن.
3 - كەزەكتى وركەنيەتتەر اۋىس - كۇيىسى، ءوزارا ۇلگى الۋى سۇقپات ءماجىلىسىن جانە تۇڭعىش كەزەكتى دۇنيە جۇزىلىك جۇڭگو تانۋ ماماندارى جينالىسىن جۇڭگو حالىقارالىق اۋىس - كۇيىس قوعامى باسقارىپ وتكىزدى، 7 - ايدىڭ 3 - كۇنى بەيجيڭدە اشىلدى، نەگىزگى تاقىرىبى: ”دۇنيە جۇزىلىك وركەنيەت باستاماسىن تياناقتاندىرىپ، وسىزاماندانۋدىڭ جاڭا كارتيناسىن قول ۇستاسا سالۋ“ بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
