قول ۇستاسا وتىرىپ ازيا - ەۆروپا قۇرلىعىنىڭ كوركەم بولاشاعىنا قادام تاستايىق
− ءتوراعا شي جينپيڭ شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى ىلگەرىلەتتى
2023.07.04 16:51 كەلۋ قاينارى : حالىق تورابى
ءۇندىستان رەسپۋبليكاسىنىڭ زۇڭليى موديدىڭ ۇسىنىسىمەن مەملەكەت ءتوراعاسى شي جينپيڭ 7 - ايدىڭ 4 - كۇنى بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 23 - رەتكى ماجىلىسىنە قاتىناسادى ءارى ماڭىزدى ءسوز سويلەيدى.
شاڭحاي سەلبەستىك ۇيىمى − تۇڭعىش رەت جۇڭگو قالاسىنىڭ اتىمەن اتالعان ۇكىمەت ارالىق حالىقارالىق ۇيىم، سونداي - اق دۇنيە جۇزىندەگى حالىق سانى ەڭ كوپ، جەرى ەڭ كەڭ وڭىرلىك سەلبەستىك ۇيىمى. كوپ جىلدان بەرى ءتوراعا شي جينپيڭ شاڭحاي سەلبەستىك ۇيىمىنا ايرىقشا ءمان بەرىپ، ”شاڭحاي رۋحىن“ بەرىك ۇستانۋدى جانە اسقاقتاتۋدى باستان - اياق دارىپتەپ، شاڭحاي سەلبەستىك ۇيىمىنىڭ قيىندىقتى بىلەك بىرىكتىرە جەڭۋىنە زەيىن - زەردەنى، كۇش - قۋاتتى ۇيىستىرىپ، شاڭحاي سەلبەستىك ۇيىمىنىڭ دامۋىنا، زورايۋىنا جوبا جاساپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن ورناتۋدىڭ باعدارىن بەلگىلەدى.
”شاڭحاي رۋحىن“ اسقاقتاتىپ، شاڭحاي سەلبەستىك ۇيىمىنىڭ دامۋىنا نەگىز قالادى
”ءبىز ۇزدىكسىز ’شاڭحاي رۋحىنىڭ‘ جەتەكشىلىگىندە، قيىندىقتى بىلەك بىرىكتىرە جەڭىپ، شىن ىقىلاسپەن سەلبەسىپ، ءبىر نيەتپەن كۇش قوسىپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرىپ، جاڭاشا حالىقارالىق قارىم - قاتىناس ورناتۋدى ىلگەرىلەتىپ، باياندى بەيبىتشىلىك ورناعان، جالپى بەتتىك حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، كىرشىكسىز، كوركەم دۇنيە جۇزىنە قول ۇستاسا قادام تاستايمىز“.
5 جىلدىڭ الدىندا حۋاڭحاي تەڭىزىنىڭ جاعاسىندا ءتوراعا شي جينپيڭ شاڭحاي سەلبەستىك ۇيىمىنىڭ چيڭداۋ باسشىلار باس قوسۋىندا شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى العا قويىپ، ”ادامزاتتىڭ تاعدىرلاس ورتاق تۇلعاسىن ورناتۋ ورتاق ۇستانىمى“ چيڭداۋ جارناماسىنا ەنگىزىلىپ، شاڭحاي سەلبەستىك ۇيىمىنىڭ ماڭىزدى ساياسي ورتاق تانىمى مەن قۇلشىنىس نىساناسىنا اينالدى.
”بۇرىن ءبىز ’شاڭحاي رۋحىن‘ امالياتتا ايگىلەۋدە وراسان زور تابىسقا جەتتىك، بولاشاقتا ءبىز تاعى ’شاڭحاي رۋحىن‘ ۇستانا العا باسۋىمىز كەرەك“.
ءبىر جىلدىڭ الدىندا بايىرعى جىبەك جولىنداعى ماڭىزدى قالاشىق سامارحاندا ءتوراعا شي جينپيڭ شاڭحاي سەلبەستىك ۇيىمىنىڭ ساياسي سەنىمدىلىكتە، ءوزارا پايدا جەتكىزىپ سەلبەسۋدە، تەڭ مامىلە جاساۋدا، اشىق، سيىسىمدى بولۋدا، ادىلدىك پەن ادىلەتتىلىكتە تاباندى بولۋ كەرەك دەگەن تابىستى تاجىريبەلەرىن قورىتىندىلاپ، شاڭحاي سەلبەستىك ۇيىمىنىڭ كەلەسى قادامداعى دامۋىنا ايقىن باعدار كورسەتتى.
كۇردەلى دە تەرەڭ وزگەرىسكە تولى حالىقارالىق جاعداي جانە كەلەلى دۇنيە جۇزىلىك سىن - سايىس الدىندا ءتوراعا شي جينپيڭ ”جۇڭگو جوباسى“ ارقىلى ءوزارا سەنەتىن، ءوزارا پايدا جەتكىزەتىن، تەڭ ۇقىقتى، كەڭەسەتىن، الۋان ءتۇرلى وركەنيەتكە قۇرمەت ەتەتىن، بىرگە دامۋعا تالپىناتىن ”شاڭحاي رۋحىنىڭ“ داۋىرلىك ءمانىن ۇزدىكسىز بايىتتى جانە كەمەلدەندىردى.
جۇڭگو جاقتىڭ دامۋ كوزقاراسىن، حاۋىپسىزدىك كوزقاراسىن، سەلبەستىك كوزقاراسىن، وركەنيەت كوزقاراسىن، دۇنيە جۇزىلىك جونگە سالۋ كوزقاراسىن العا قويۋدان ”دەنساۋلىق ساقتاۋ، سالاماتتىق ورتاق تۇلعاسىن“، ”حاۋىپسىزدىك ورتاق تۇلعاسىن“، ”دامۋ ورتاق تۇلعاسىن“ قۇرۋعا، ونان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن العا قويۋدىڭ نەگىزگى ءمانىن بايانداۋعا دەيىن... ءتوراعا شي جينپيڭنىڭ دايەكتى باستاماسى ”شاڭحاي رۋحىنىڭ“ اياسىندا، ادامزاتتىڭ بىرگە دامۋىنىڭ ايبىندى جاعدايىندا شاڭحاي سەلبەستىك ۇيىمىنىڭ ورنىقتى، باياندى دامۋىن ىلگەرىلەتتى.
ازيا - ەۆروپا ۇلى قۇرلىعىنداعى ەلدەردىڭ بارىس - كەلىسى ۇزاق، دامۋ مىندەتى ۇقساس، تاعدىرى تىعىز بايلانىستى، ءار ەل شاڭحاي سەلبەستىك ۇيىمىنىڭ اناعۇرلىم تىعىز تاعدىرلاس ورتاق تۇلعاسىن قول ۇستاسا قۇرىپ، شاڭحاي سەلبەستىك ۇيىمىنىڭ دامۋىنا جالىندى قوزعاۋشى كۇش ۇستەدى.
«شاڭحاي سەلبەستىك ۇيىمىنىڭ ساۋدانى قولايلىلاندىرۋ كەلىسىمىنە» اقىلداسىپ قول قويۋدان «شاڭحاي سەلبەستىك ۇيىمىنا مۇشە ەلدەردىڭ ۇزاق ۋاقىتتىق تاتۋ كورشىلىك، دوستىق سەلبەستىك شارتىنىڭ» بولاشاق 5 جىلدىق اتقارۋ باعدارلاماسىن باستاما ەتىپ كوتەرگەنگە دەيىن، ونان مۇشە ەلدەر باسشىلارىنىڭ حالىقارالىق ەنەرگيا حاۋىپسىزدىگىن قورعاۋ، حالىقارالىق استىق حاۋىپسىزدىگىن قورعاۋ، كليمات وزگەرىسىنە توتەپ بەرۋ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋ سياقتى كوپ نەگىزدەنگەن كەلەلى مالىمدەمەلەردى جاريالاۋىن ىلگەرىلەتۋگە دەيىن... ءتوراعا شي جينپيڭ شاڭحاي سەلبەستىك ۇيىمىنىڭ ءار سالاداعى سەلبەستىگىنىڭ مازمۇنىن ۇزدىكسىز بايىتىپ، ءار جاقتى تىعىز سەلبەسىپ، سىن - سايىسقا توتەپ بەرىپ، قول ۇستاسا العا باسۋعا ىنتىماقتاستىردى.
شاڭحاي سەلبەستىك ۇيىمىنىڭ باس حاتشىسى جاڭ ميڭ ايتقانداي، شاڭحاي سەلبەستىك ۇيىمى تۇرلىشە رايوننان كەلگەن، تۇرلىشە وركەنيەت داستۇرىنە يە، تۇرلىشە دامۋ ۇلگىسىنە يە ەلدەردى ۇيىستىرادى، بۇل ”شاڭحاي رۋحىنىڭ“ ارقاسى. ”شاڭحاي رۋحى“ وسى ۇيىمنىڭ دامۋىنداعى تىرشىلىك قاينارىنا جانە سارقىلماس قوزعاۋشى كۇشكە اينالدى.
ناقتى سەلبەستىككە جەتەكشىلىك ەتىپ، دۇنيە ءجۇزىنىڭ بەيبىتشىلىگى مەن دامۋىنا قوزعاۋشى كۇش قوستى
كوپ جىلدان بەرى شاڭحاي سەلبەستىك ۇيىمى حاۋىپسىزدىك پەن ەكونوميكالىق سەلبەستىكتىڭ ”قوس تەگەرشىگىمەن ىلگەرىلەتۋدەن“ ”ءتورت جاقتاعى ورتاق تۇلعا“ كوپ ارنادا توعىسىپ بىرگە ىلگەرىلەۋگە ءوتىپ، نازاردى بەيبىتشىلىك پەن دامۋعا شوعىرلاندىرىپ، ءوزارا پايدا جەتكىزىپ، تەڭ يگىلىككە كەنەلۋ، بىرگە گۇلدەنۋ جولىمەن ءجۇردى.
حاۋىپسىزدىك سەلبەستىگى − شاڭحاي سەلبەستىك ۇيىمىنىڭ تابان تىرەر تياناعى. ”ءۇش ءتۇرلى كۇشكە“ سەلبەسە سوققى بەرۋدەن، ەسىرتكىنىڭ تارالۋىن بىرگە تەجەۋدەن لاڭكەستىككە قارسى بىرلەسكەن اسكەري مانەۆر وتكىزۋگە، ءار دارەجەلى كەڭەس مەحانيزمىن تۇراقتاندىرۋعا دەيىن، ونان ”شاڭحاي سەلبەستىك ۇيىمى - اۋعانستان بايلانىس گرۋپپاسى“، اۋعانستانعا كورشى ەلدەردىڭ سايكەسۋ، سەلبەستىك جاساۋ مەحانيزمى سياقتى تۇعىرلاردىڭ رولىن ساۋلەلەندىرىپ، اۋعانستان ماسەلەسىنىڭ شەشىلۋىن ىلگەرىلەتۋگە دەيىن، شاڭحاي سەلبەستىك ۇيىمىنىڭ حاۋىپسىزدىك قاتەرىن جويۋ قابىلەتى ۇزدىكسىز جوعارىلادى.
ءوزارا ءتيىمدى ناقتى سەلبەستىك شاڭحاي سەلبەستىك ۇيىمىنىڭ دامۋىنا ورنىقتى قوزعاۋشى كۇش ازىرلەدى. 2013 - جىلى ءتوراعا شي جينپيڭ قازاقستاندا ساپاردا بولعان كەزدە ”جىبەك جولى ەكونوميكالىق بەلدەۋىن“ بىرگە قۇرۋ باستاماسىن العا قويدى. 10 جىلدان بەرى شاڭحاي سەلبەستىك ۇيىمى ”ءبىر بەلدەۋ، ءبىر جولدى“ بىرگە قۇرۋدىڭ ماڭىزدى تۇعىرىنا اينالدى، وڭىردەگى ەلدەردى قامتىعان نىسان سەلبەستىگىنەن دامۋ ستراتەگياسىنىڭ ۇشتاسۋىنا قادام تاستادى، ەكى جاقتى سەلبەستىكتەن كوپ جاقتى سەلبەستىككە دەيىن كەڭەيىپ، وڭىرلىك ەكونوميكانىڭ ومىرشەڭدىك كۇشى تاسقىنداپ، وڭىردەگى ەلدەردىڭ سايكەستى دامۋ بولاشاعى نۇرلى بولدى.
بىلتىر 9 - ايدا شاڭحاي سەلبەستىك ۇيىمى سامارحان باسشىلار ءماجىلىسى كەزىندە ءتوراعا شي جينپيڭ پاكيستاننىڭ زۇڭليى شابحازبەن جۇڭگو - پاكيستان ەكونوميكالىق ءدالىزى قۇرىلىسىنا جاڭا قوزعاۋشى كۇش ۇستەۋدى تىلگە تيەك ەتتى، رەسەيدىڭ زۇڭتۇڭى پۋتينمەن، موڭعۇليانىڭ زۇڭتۇڭى حورەلسۋحپەن كەزدەسىپ، جۇڭگو - موڭعۇليا - رەسەي ەكونوميكالىق ءدالىزى قۇرىلىسى جونىندە ىزدەنىس جاسادى، وزبەكستاننىڭ زۇڭتۇڭى ميرزيويەۆپەن بىرگە ەۆروپا - ازيا ۇلى قۇرلىق تاسىمال ۇلكەن ارناسى قۇرىلىسىن كەمەلدەندىرۋدى جوسپارلادى... ءار ەل باسشىلارىنىڭ جوعارى دەڭگەيدە جوبالاۋى مەن ستراتەگيالىق جەتەكشىلىگىندە، ”ءبىر بەلدەۋ، ءبىر جول“ باستاماسى شاڭحاي سەلبەستىك ۇيىمىنىڭ دامۋ ۇستانىمىمەن تەرەڭ توعىسىپ، ءار ەلدىڭ ستراتەگيالارىن ءتۇيىلىستىرۋ ۇزدىكسىز ىلگەرىلەپ، ازيا - ەۆروپا قۇرلىعىن ۇلاستىرۋ - تۇتاستىرۋ قۇرىلىسىندا كورنەكتى ناتيجەگە قول جەتتى.
جۇڭگو - قىرعىزستان - وزبەكستان تەمىر جول قۇرىلىسى جەدەل ىلگەرىلەتىلىپ، جۇڭگو - ورتا ازيا تابيعي گاز قۇبىرى مەن جۇڭگو - قازاقستان، جۇڭگو - رەسەي مۇناي قۇبىرى سالىنىپ ىسكە قوسىلدى، جۇڭگو - ەۆروپا كەزەكشى پويەزدەرى ۇدايىلانىپ، جوعارى ءونىمدى قاتىنادى، شاڭحاي سەلبەستىك ۇيىمى وڭىرىندە تاس جول، مۇناي - گاز قۇبىرى جەلىسى جانە تەمىر جولدى قامتىعان امبەباپ نەگىزدىك قۇرىلعى تورابى العاشقى ادىمدا قالىپتاستى، مۇشە ەلدەر اراسىنداعى دانەكەر اناعۇرلىم تىعىز بولدى. بىرنەشە كۇننىڭ الدىندا تۇڭعىش جۇڭگو - ەۆروپا كەزەكشى پويەزى ”شاڭحاي سەلبەستىگى جەدەل جەلىسى“ تاۋار اۆتوكولىگىن تۇتاستاي وتكىزۋ ارناۋلى پويەزى شاڭحاي سەلبەستىك ۇلگى رايونى كوپ فورمالى ۇلاسپالى تاسىمال ورتالىعىنان جولعا شىقتى، نىسانالى جەرى وزبەكستاننىڭ استاناسى تاشكەنت، وسىلايشا ازيا - ەۆروپا قۇرلىعىندا ارلى - بەرلى قايشالىسىپ جۇرگەن ”بولات - تەمىر كەرۋەنىنە“ جاڭا مۇشە قوسىلدى.
كوپ جاقتىلىقتى امالياتتا ايگىلەپ، جاڭاشا حالىقارالىق قاتىناستىڭ ۇلگىسىن ورناتتى
يراننىڭ شاڭحاي سەلبەستىك ۇيىمىنا كىرۋ بورىشى جونىندەگى ەسكەرتپە حاتقا قول قويىلدى؛ بەلورۋسسيانى مۇشە ەتىپ قابىلداۋ ءتارتىبى ىسكە قوسىلدى؛ ەگيپەتتىڭ، ساۋد ارابياسىنىڭ، كاتاردىڭ مۇشەلىككە قابىلدانۋى بەكىتىلدى، باحرەين، مالديۆ، اراب بىرىككەن امىرلىگى، كۆەيت، بيرمالاردىڭ جاڭا ديالوگ سەرىكتەرى بولۋى ماقۇلداندى... بىلتىر 9 - ايدا وتكىزىلگەن شاڭحاي سەلبەستىك ۇيىمى سامارحان باسشىلار ءماجىلىسى كەزىندە شاڭحاي سەلبەستىك ۇيىمى جاڭا كەزەكتى ەڭ زور كولەمدەگى كەڭەيتىلگەن مۇشەلەردى قارسى الىپ، ”شاڭحاي رۋحىنىڭ“ ومىرشەڭدىك كۇشىن، ۇيىستىرۋ كۇشىن جانە باۋراۋ كۇشىن تاعى ءبىر رەت ايگىلەدى. بۇل رەتكى مۇشە كەڭەيتۋ شاڭحاي سەلبەستىك ۇيىمىنىڭ توماعا – تۇيىق، وزگەلەردى شەتكە قاعاتىن ”شاعىن شەڭبەر“ ەمەس، قايتا اشىق، سيىسىمدى ”ۇلى شاڭىراق“ ەكەنىن تاعى ءبىر رەت دالەلدەدى.
”اناعۇرلىم كوپ ەلدىڭ ’شاڭحاي سەلبەستىك ۇلكەن شاڭىراعىنا‘ كىرۋدى ءوتىنىش ەتۋى شاڭحاي سەلبەستىك ۇيىمى ۇستانىمىنىڭ جۇرت جۇرەگىنە تەرەڭ ۇيالاپ، دامۋ بولاشاعىنىڭ كەڭ كولەمدە جاقسى بولىپ وتىرعانىن تولىق ايگىلەدى“. ءتوراعا شي جينپيڭ شاڭحاي سەلبەستىك ۇيىمىنىڭ مۇشە كوبەيتۋىنىڭ كەلەلى ءمانىن وسىلاي پايىمدادى.
ءتىل جىلى، مادەنيەت جىلى، ساياحات جىلى، جاستار مەرەكەسى سياقتى قيمىلدار ىركەس - تىركەس وتكىزىلدى، ورتا ازيا وڭىرىندەگى تۇڭعىش لۋبان شەبەرحاناسى تاجىكستانعا كاسىپتىك دارىندىلاردى ۇزدىكسىز جەتكىزىپ بەردى، شاڭحاي سەلبەستىك ۇيىمىنىڭ گۋمانيتارلىق سەلبەستىك اعاشى قاۋلاپ ءوستى. ”مىسىق ايۋ قانىن“ اتاعان رۋسىلان، ”مەن شەتەلدىكپىن، ءبىراق بوتەن ەمەسپىن“ دەپ سانسىز جۇڭگولىقتى اسەرلەندىرگەن ما ۋىنشۋان، 20 نەشە جىلدى ءبىر كۇندەي وتكىزىپ، جۇڭگودا شيپاگەرلىك ىستەپ جاتقان قازاقستاننىڭ كوز شيپاگەرى قابىلبەكوۆ... بۇل اڭگىمەلەر شاڭحاي سەلبەستىك ۇيىمىنىڭ ءبىرىن - ءبىرى بىلەتىن، ءبىرىن - ءبىرى سۇيەتىن، ءوزارا ۇلگى الاتىن مەيىرلى ۇلكەن شاڭىراق ەكەنىن دالەلدەدى.
ەڭ العاشقى 6 مۇشە ەلدەن بۇگىنگى تاڭدا 26 مەملەكەتتى قامتىعان شاڭحاي سەلبەستىك ۇيىمى دامىپ جاڭاشا حالىقارالىق ۇيىمعا اينالىپ، يدەولوگيا، قوعامدىق ءتۇزىم، دامۋ جولى پارقىنان اسىپ، تەڭ مامىلە جاساۋدان جازباي، كوپ جاقتىلىقتى دارىپتەپ، جاڭاشا حالىقارالىق قاتىناستىڭ ۇلگىسىن ورناتىپ، قىم - قۋىت كۇردەلى حالىقارالىق جاعدايعا ورنىقتىلىق ۇستەپ، دۇنيە ءجۇزىنىڭ بەيبىتشىلىگى مەن حاۋىپسىزدىگىن قورعاۋعا ماڭىزدى كۇش قوستى. ادامزاتتىڭ تاعدىرلاس ورتاق تۇلعاسىن قۇرۋعا تاسقىنداعان قوزعاۋشى كۇش ۇستەدى.
جاڭا تيپتى ايدارشا ۆيرۋس وكپە قابىنۋ ىندەتى سىندى بۇكىل دۇنيە ءجۇزىن شارپىعان الەۋمەتتىك سالاماتتىق داعدارىسى الدىندا جۇڭگو ءىس جۇزىندىك ارەكەتى ارقىلى ”تىنىستاس، تاعدىرلاس“ ”شاڭحاي سەلبەستىك كۇشىن“ ۇيىستىردى. جۇڭگو جاقتىڭ جەبەۋىندە ءار ەل ءىرى ساندى مالىمەت، جاساندى زەردە، جاسىل نەگىزگى قۇرىلىس، كليمات وزگەرىسىنە توتەپ بەرۋ، حالىقارالىق ەنەرگيا مەن استىق حاۋىپسىزدىگىن قورعاۋ سياقتى سالالارداعى سەلبەستىكتى كۇشەيتۋ جونىندە ءبىرقىدىرۋ جاڭا ورتاق تانىمعا كەلدى. داعدارىس پەن سىن - سايىس الدىندا جۇڭگو شاڭحاي سەلبەستىك ۇيىمىنىڭ ادامزاتتىڭ تاعدىرلاس ورتاق تۇلعاسىن قۇرۋدا ۇزدىكسىز اناعۇرلىم كوپ امالياتتىق ىزدەنىس جاساۋىن ىلگەرىلەتتى.
زامانا اۋقىمىمەن ۇندەسىپ، ءداۋىردىڭ تالابىنا ۇيلەسەتىن تۇجىرىم جانە تالعام جاساۋ كەرەك. جۇڭگو باسقا مۇشە ەلدەرمەن بىرگە دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن جانە دۇنيە جۇزىلىك وركەنيەت باستاماسىن بەلسەنە تياناقتاندىرىپ، وڭىردەگى ەلدەردىڭ دامۋىنا، گۇلدەنۋىنە دەم بەرىپ، شاڭحاي سەلبەستىك ۇيىمىنىڭ اناعۇرلىم تىعىز تاعدىرلاس ورتاق تۇلعاسىن قۇرۋدى ىلگەرىلەتىپ، ازيا - ەۆروپا قۇرلىعىنىڭ كوركەم بولاشاعىن قول ۇستاسا اشۋدى قالايدى.
(شينحۋا اگەنتتىگى، 7 – ايدىڭ 3 – كۇنى، بەيجيڭ. تىلشىلەر جاۋ يان، حى مىڭشۋ، جۋ رۇيچيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
