شي جينپيڭ تۇڭعىش رەتكى مەملەكەتتىك ەكولوگيا كۇنى قارساڭىندا ماڭىزدى نۇسقاۋ بەرىپ مىنانى دارىپتەدى
تۇتاس قوعام جۇمىلىپ، تۇنىق سۋ، جاسىل تاۋ − باعالى بايلىق ۇستانىمىنىڭ بەلسەندى تاراتۋشىسى جانە ۇلگىلى امالياتتا ايگىلەۋشىسى بولۋ كەرەك
ديڭ شۋەشياڭ نەگىزگى مايدان قيمىلىنىڭ اشىلۋ سالتىنا قاتىناستى ءارى ءسوز سويلەدى
2023.08.16 16:21 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 15 – كۇنى، حاڭجوۋ. تۇڭعىش رەتكى مەملەكەتتىك ەكولوگيا كۇنى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، مىنالاردى دارىپتەدى: ەكولوگيالىق وركەنيەت قۇرىلىسى − جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار، پارتيانىڭ بورىشى مەن ماقساتىنا ساياتىن كەلەلى ساياسي ماسەلە، حالىقتىڭ ىرىس - قۇتىنا ساياتىن كەلەلى قوعامدىق ماسەلە. جاپپاي سوتسياليستىك وسىزاماندانعان مەملەكەت قۇرۋدىڭ تىڭ جورىعىندا ەكولوگيالىق وركەنيەت قۇرىلىسىن كۇشەيتۋدىڭ ستراتەگيالىق تۇراقتىلىعىن ساقتاپ، ساپالى دامۋ مەن جوعارى دەڭگەيدە قورعاۋدى تەڭ ىلگەرىلەتۋگە باسا ءمان بەرىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن جەتەكشى ەتىپ، ەنەرگيا جۇمسالىمىن ەكى جاقتان مەڭگەرۋدى بىرتىندەپ كومىر قىشقىل گازىن ىعىستىرۋدى ەكى جاقتان مەڭگەرۋگە قاراي ويىستىرىپ، ءوندىرىس ءتاسىلى مەن تۇرمىس ءتاسىلىنىڭ جاسىل، تومەن كومىرتەكتى بولۋعا قاراي بۇرىلىس جاساۋىن ۇزدىكسىز ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن وسىزاماندانۋدى جەدەل ىلگەرىلەتىپ، كورىكتى جۇڭگو قۇرىلىسىن جاپپاي ىلگەرىلەتۋ كەرەك.
شي جينپيڭ بۇكىل قوعامنىڭ جۇمىلىپ، تۇنىق سۋ، جاسىل تاۋ − باعالى بايلىق ۇستانىمىنىڭ بەلسەندى تاراتۋشىسى جانە ۇلگىلى امالياتتا ايگىلەۋشىسى بولىپ، ءوزى ونەگە كورسەتىپ، ۇزاق ۋاقىت ۇلەس قوسىپ، تازا، كورىكتى دۇنيە ءجۇزىن بىرگە قۇرۋعا اناعۇرلىم زور ۇلەس قوسۋىن ءۇمىت ەتتى.
تۇڭعىش رەتكى مەملەكەتتىك ەكولوگيا كۇنىنىڭ نەگىزگى مايدان قيمىلى 8 - ايدىڭ 15 - كۇنى جىجياڭ ولكەسىنىڭ حۋجوۋ قالاسىندا وتكىزىلدى.ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ قيمىلدىڭ اشىلۋ سالتىنا قاتىناسىپ، شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى. ديڭ شۋەشياڭ مىنالاردى ءبىلدىردى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار ەتىپ، ءبىرقىدىرۋ جاسامپاز قىزمەتتەردى ورىستەتتى، بەكىمىنىڭ زور، سەرپىنىنىڭ كۇشتى، ناتيجەسىنىڭ زور بولۋى بۇرىن بولماعان دەڭگەيگە جەتىپ، ەكولوگيالىق وركەنيەت قۇرىلىسىنداعى تابىس كۇللى دۇنيە ءجۇزىن جالت قاراتىپ، جاڭا داۋىردەگى پارتيا مەن مەملەكەت ىستەرىندە تاريحي تابىسقا قول جەتكىزۋدىڭ، تاريحي وزگەرىس تۋىلۋىنىڭ كورنەكتى بەلگىسىنە اينالدى. جاڭا ءداۋىر، جاڭا جورىقتا شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، كورىكتى جۇڭگو قۇرۋدى قۇدىرەتتى ەل قۇرۋدىڭ، ۇلتتى گۇلدەندىرۋدىڭ كورنەكتى ورنىنا قويىپ، ساپالى ەكولوگيالىق ورتا ارقىلى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جەدەل ىلگەرىلەتۋ كەرەك. لاستانۋدان ساقتانۋ جانە ونى جونگە سالۋدان قامال الۋ شايقاسىن تاباندىلىقپەن ويداعىداي جۇرگىزىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ىشكەرىلەي ويداعىداي جۇرگىزىپ، ەكولوگيالىق ورتانىڭ ساپاسىن ۇزدىكسىز جاقسارتۋ؛ جاسىل، تومەن كومىرتەكتى دامۋدى ەكولوگيالىق ورتا ماسەلەسىن شەشۋدىڭ تۇبىرىنەن وڭاۋ شاراسى ەتۋدە تاباندى بولىپ، بايلىقتى ۇنەمدەيتىن جانە قورشاعان ورتانى قورعايتىن كەڭىستىك جۇيەسىن، كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن جەدەل قالىپتاستىرۋ؛ تاۋ، سۋ، ورمان، اتىز، كول، جايىلىم، ءشولدى ءبىر تۇلعالاندىرىپ قورعاۋدا جانە جۇيەلى جونگە سالۋدا تاباندى بولىپ، ەكولوگيالىق جۇيەنىڭ كوپ تۇرلىلىگىن، ورنىقتىلىعىن، باياندىلىعىن كۇش سالا جوعارىلاتۋ؛ كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتىپ، دامۋ بارىسىندا كومىر قىشقىل گازىن ازايتۋدى، كومىر قىشقىل گازىن ازايتۋ بارىسىندا اناعۇرلىم ساپالى دامۋدى جۇزەگە اسىرۋ؛ەكولوگيالىق ورتانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، كورىكتى جۇڭگو قۇرىلىسىن قامتاماسىز ەتۋ جۇيەسىن اقاۋسىزداندىرۋ كەرەك. مەملەكەتتىك ەكولوگيا كۇنىنىڭ نەگىزگى مايدان قيمىلىن وراي ەتىپ، شي جينپيڭ ەكولوگيالىق وركەنيەت يدەياسىنىڭ بۇقارالانۋىن ونان ارى تەرەڭدەتىپ، تۇتاس قوعامنىڭ ەكولوگيالىق وركەنيەت تانىمىن جوعارىلاتىپ، جالپى حالىقتىڭ ەكولوگيالىق ورتانى قورعاۋ يدەيا سانالىلىعى مەن ارەكەت سانالىلىعىن كۇشەيتىپ، بارلىق ادام، بارلىق ىستە، قاي ـ قاشان دا، بارلىق جەردە ەكولوگيالىق وركەنيەتتى قاستەرلەيتىن تاماشا قوعامدىق اۋقىم قالىپتاستىرۋدى ىلگەرىلەتۋ كەرەك.
2023 – جىلى 6 - ايدىڭ 28 – كۇنى 14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 3 – ءماجىلىسى 8 - ايدىڭ 15 - كۇنىن مەملەكەتتىك ەكولوگيا كۇنى ەتىپ بەلگىلەۋدى ۇيعاردى. تۇڭعىش رەتكى مەملەكەتتىك ەكولوگيا كۇنىنىڭ نەگىزگى مايدان قيمىلىن مەملەكەتتىك دامۋ جانە رەفورما كوميتەتى ورتالىق ۇگىت ءبولىمى، جاراتىلىستىق بايلىق مينيسترلىگى، ەكولوگيالىق ورتا مينيسترلىگى سياقتى تاراۋلارمەن جانە جىجياڭ ولكەلىك حالىق ۇكىمەتىمەن بىرلەسىپ وتكىزدى، نەگىزگى تاقىرىبى: ”تۇنىق سۋ، جاسىل تاۋ − باعالى بايلىق“ بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
