2 تاراۋ الدىن الا ءبىر ميلليارد يۋان قارجى بوساتىپ، تاسقىن اپاتىندا اپاتقا ۇشىراعان بۇقارانى قۇتقارۋ سياقتى قىزمەتتەرگە ءتۇيىندى تۇردە قولداۋ كورسەتتى
2023.08.21 15:57 كەلۋ قاينارى : حالىق تورابى
ءتىلشىنىڭ قازىنا مينيسترلىگىنەن ۇعىسۋىنشا، 8 – ايدىڭ 19 – كۇنى قازىنا مينيسترلىگى شۇعىل جاعدايدى باسقارۋ مينيسترلىگىمەن بىرگە ورتالىقتىڭ تابيعي اپاتتان قۇتقارۋ قاراجاتىنان تاعى ءبىر ميلليارد يۋاندى الدىن الا بوساتىپ، بەيجيڭ، تيانجين، حىبەي جانە حيلۇڭجياڭ، جيلين قاتارلى اپات اۋىر بولعان رايونداردىڭ اپاتقا ۇشىراعان بۇقارانى قۇتقارۋ قاتارلى قىزمەتتەردى جاقسى ىستەۋىنە ءتۇيىندى تۇردە دەم بەرىپ، اپاتقا ۇشىراعان بۇقارانىڭ ۇيلەسىمدى ورنالاستىرىلۋىن كەپىلدەندىردى، اپات تۋىلعان رايوننىڭ قالىپتى ءوندىرىس، تۇرمىس ءتارتىبىن ەرتەرەك قالپىنا كەلتىرىپ، قىس تۇسەردەن بۇرىن ۇيىنە قايتۋىنا نەمەسە جاڭا ۇيگە كوشىپ كىرۋىنە كەپىلدىك ەتتى.
تاسقىن مەزگىلى كىرگەننەن بەرى، ورتالىق قازىنا تاسقىننان ساقتانۋ جانە اپاتتان قۇتقارۋ قارجىسىنان جيىنى توعىز ميلليارد 684 ميلليون يۋان ءتۇسىرىپ، اپات تۋىلعان رايونداعى شۇعىل جاعدايعا توتەپ بەرۋ، حاۋىپتەن اراشالاۋ، قۇتقارۋ، اپاتقا ۇشىراعان بۇقارانى قۇتقارۋ، اۋىل شارۋاشىلىق ءوندىرىسىن قالپىنا كەلتىرۋ، سۋ يگىلىگى قۇرىلعىلارىنىڭ سۋ اپاتى مەن اپات زيانىن قالپىنا كەلتىرۋ، سۋ بۇلدىرگەن تاس جولداردى تۇتاستىرۋ سياقتى قىزمەتتەردى پارمەندى قولدادى. قازىنا مينيسترلىگى ولكە دارەجەلى قازىنا تاراۋلارىنان ورتالىق قازىنانىڭ كومەك قارجىسىن دەر كەزىندە ءتۇسىرىپ، قارجىنى باقىلاۋ ـ باسقارۋدى شىنايى كۇشەيتىپ، قارجىنىڭ ونىمدىلىگىن تولىق ساۋلەلەندىرىپ، حالىق بۇقاراسىنىڭ ءومىرى مەن مال ـ مۇلكىنىڭ حاۋىپسىزدىگىن ءبىرىنشى ورىنعا قويىپ، تاسقىننان ساقتانۋ، اپاتتان قۇتقارۋ قىزمەتىن ويداعىداي ىستەۋگە قولداۋ كورسەتۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
